FÌLÌPYƐŊ 2:25 - Bafia Nouveau Testament

²⁵ Mɛ̀ɛ nghɛɛ kìrɔɔ lɛ mpɛɛziì mìni kì romìì Epafirodit à geni wɛ̀m ànɛ ti kiki kisay ri nyi, tì ɗùùɗùù ǹɗaŋ ri nyi; rì nyi innɛ ɓìi nɗomiì mɛ̀ nghɛɓsɛn ɓisuu ɓyom ɓi ɓi nkaakààrɛ̀n mɛ̀.

FÌLÌPYƐŊ 2:25 Cross References

ZYAŊ 13:16

Ǹkpaa mìni kɔɔ̀kɔɔ̀ à rìkpaa lɛ: ǹkìì-kìsay adɛŋ à cee ɓi masà wìì; ǹkɛ̀nì-fìtom kɛ̀ɛ ki cee ŋwaànɛ à romi nyi.

ZYAŊ 17:18

Fɛlɛ yɛ̀ɛ ù romgày mɛ̀ ɓi ziinɛ, mɛ̀ girig mɛ̀ɛ nɗomi ɓɔ ɓi ziinɛ.

RÒMƐŊ 16:3

Ɓì tɔkì mɛ̀ Piriska ɓɛɛ̀ Akilas ɓɛ ɓɛ ri ɓɛ̀reŋkàŋ ɓɛm ɓɛ ɓi kìsay ki Yeesus Kiris.

RÒMƐŊ 16:9

Ɓì tɔkì mɛ̀ Uriɓɛŋ reŋkaŋ̀ wìs anɛ ɓi kìsay ki Kiris, rì Sitakis à mum wɛm̀ à ǹɗem.

1 KƆ̀RƐ̀ŊTYƐŊ 3:9

Lɛ ɓìsiì kìki kisay ki Bɛ̀ll ǹɗaŋ, mìni yɛɛ ri dɛm i Bɛ̀ll, ɓì ki ɓa mɛɛ mɛ Bɛ̀ll a toŋtòŋ.

2 KƆ̀RƐ̀ŊTYƐŊ 2:13

Ǹɗem wɛ̀m wu ɓaghà ɓi ɓi ɗùm lɛ fyòoog lɛ ǹtanɛ̀ngà ɓi Tit à maaseŋi wɛ̀m wɔɔ. Fɔlɔɔ nnɛ ǹghesɛ̀ngà ɓumɓɛ a Tirowas ǹkɛ̀n a Masedwan.

FÌLÌPYƐŊ 2:26

Àa ǹɗì rì coo zày ìnɛ lɛ di àa ghɛɛ̀daagh mìni ɓɛ̀sɛ̀ɛ̀ ɓɛ̀cèm, wɔ̀lɛ kìɓan ki ki ǹ-yeesii nyi lɛɛ̀gweey, ki ǹɗì kiɓan ki ɓɔlɛ à fìroɓ fii anɛ ɓìi nteri foo.

FÌLÌPYƐŊ 4:18

Mɛ̀ɛ nghɛɛ ɓyom ɓìcèm ɓi ɓìi nɗomiì, fɔɔnnɛ ǹɗì rì ɓyom lɛɛ̀gwey ɓigominɛ ɓi cee gàɓ ìnɛ ì ghɛ̀ɛ̀sɛɛ rì mɛ̀ yɛ̀ɛ m̀mɛ teɗ ɓyom ɓi ɓìi nɗomiì mɛ̀ rì Epafirodit; ɓyom ɓiǹ ɓi ri yɛ̀ɛ tìrààre ti ti rɔɔtɛɛ mɛ̀rùù nsoò lɛ kìtuwe ki ɓɛ funɛɛ ɓisuu Bɛ̀ll, Bɛ̀ll à ghàɓ kɔ ki ki rɔɔ nyi.

FÌLÌPYƐŊ 4:3

Ɓi ɓɛg ànɛ a lɔ̀ŋkɔɔ, wɔ̀ reŋkàŋ wɛ̀m à kìsay ànɛ ǹɗì rì ǹtyweeyi ri nyi, ǹtɔɔgh wɔ̀ lɛ, u ghɛɓsi ɓɔ; lɛ ɓɛ̀yiɓ ɓɛǹ ɓɛ ɗuùghà ǹɗaŋ ri mɛ̀ ɓi rìsààtì ɗi Syeesyee à Ɓɔlɛ lɔŋ yɛ̀ɛ Kilemaŋ rì ɓum ɓɛm̀bog ɓɛ tì salà rì ɓɔ ǹɗaŋ ɓɛɛ̀ɓɛ mii maa mɛ ri mɛ̀kànɛn ɓi kaàtà à cɛɓ.

KÒLÒSYƐŊ 1:7

lɔŋ yɛ̀ɛ Epafiras ànɛ à rì reŋkàŋ wìs a nɗem ànɛ ti kìki kisay ri nyi à rèsìghà mìni; à rì ǹkìì-kìsay a Kiris à ntyweeyi ɓisu wìn.

KÒLÒSYƐŊ 4:11

Yeesus ànɛ ɓɛɛ̀ regi lɛ Yustus, à tògsii yì girig mìni; lɔŋ kìraa ki ɓum kìn kɔ rì kɔ, kɛɛ ri Ɓɛ̀yudɛ̀n ɓɛ ɓɛɛ̀ sasay nɗaŋ ri mɛ̀ ɓisuu kilɔ̀ŋ ki Bɛ̀ll, ɓɛ ki rì ɓumɓɛ ɓɛ fatìghà mɛ̀ ìtèɗ ɓi nɗem.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;

FILEMƆŊ 1:24

à tɔkii yì wɔ̀, Marikus rì Aristarikɛ rì Demas, rì Lukas ɓɛ ɓɛ ri ɓɛ̀reŋkàŋ ɓɛm ɓɛ kisay ɓɛ togsaagh yì girig wɔ̀.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.