FÌLÌPYƐŊ 2:16 - Bafia Nouveau Testament

¹⁶ ɓì rèrèsì ɓɔ ɓɔlɛ à cɛɓ; kìɓan kiǹ ki ri mɛ̀ ɓiì ɓaà kìɓan ki nkeŋkem miì ɓi ŋwos a Kiris, ki ki rèsi lɛ ǹkpuùkpùtɛ̀ngà ɓi, kɛ̀ɛ nki ɗiɗig mɛtɔɓ zɛy.

FÌLÌPYƐŊ 2:16 Cross References

MATYOO 10:27

Nni com ki mɛ̀ ǹkɔ̀ŋdɛɛ mìni ɓi birìm, kaliina kɔ rì ŋ̀wos, ki ǹŋwɔ̀ŋii mìni ɓi-reè, làmɓɛɛna kɔ ɓi bwèy aɗyòò.

LUKAS 12:8

Ǹkalii mìni lɛ, ŋwaànɛ à rì mɛ̀ ɓiì gherɛɛ ɓi mis mɛ ɓum, Man à mum à gherɛɛ gɛ girig nyi ɓi mis mɛ ɓum ɓɛ titom ɓɛ Bɛ̀ll.

ZYAŊ 6:63

Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 13:26

Ɓɔɔsoŋ̀! Mìni dòò yi Abiraham rì mìni ɓum ɓɛ zɛy ɓɛ ɓì ti ɓì risàg Bɛ̀ll, ɓɔlɛ à cɛɓ ànɛ, à rì ɓisu wis ɓɛsɛ̀ɛ̀ ɓɛ̀cèm.

1 KƆ̀RƐ̀ŊTYƐŊ 1:8

Nyi yɛɛ ri mìni ɓiì sììraagh à kpaŋ a rìsugtɛ̀n lɛ ɓi ɓa kɛ̀ɛ̀ kìɓan ki ɓɛ ri lɛ ɓɛ ɓɛy mìni miì, ɓi ŋwos a Yeesus Kiris à Kan wìs.

1 KƆ̀RƐ̀ŊTYƐŊ 9:26

Kìɓan kiǹ kɛɛ̀ki nghɛghɛŋi mɛ̀ree, kɛ̀ɛ nki ghɛghɛŋi lɛ duri yàa tani, ǹki ɓooghɓoòghrɛ̀n ɓìkam, nni ǹki yin ɓyɔ ɓiì fɛfɛɓi nfɛfɛɓɛn lɛ duri yàa tani.

2 KƆ̀RƐ̀ŊTYƐŊ 1:14

yɛ̀ɛ ɓi mɛ yi gàɓ lɛ, ɓìsi yɛɛ ri ɓa rikem ɗin, mìnii ɓa rìkem ɗis ŋwos a Kan Yeesus.

GÀLAT 2:2

Ǹkɛ̀ngà rìkɛ̀ɛ̀ ɗiǹ lɛ Bɛ̀ll yɛɛ resìghà mɛ̀ lɛ nkɛǹ. Nni ǹɗèsìghà ɓɔ Syeesyee à Ɓɔlɛ ànɛ mɛ̀ ǹkakàlìghà ɓumɓɛ ɓɛ yin Ɓɛ̀yudɛ̀n; ǹɗèsìghà ɓɔlɛ ànɛ̀n a dwìɗ a ɓumɓɛ ɓɛ ɓiisɛɛ kì ɓaà gìn yi ɓum ɓi nɗaŋ waa, lɛ ǹkɔ̀ngà ɓi lɛ kìsay kɛm̀ ki m̀ɓaghà di m̀mɛ kì, rì ki nkìkì ɓyɛɛ wu zɛy.

GÀLAT 4:11

Mɛ̀ ǹɗì rì mɛ̀riighrikì lɛ kìsay ki ǹwughà ǹtɔɓ ǹkì a lɔ̀ŋkin, kɛ̀ kɛɛ ɓa lɛ ki wu zɛ̀y.

FÌLÌPYƐŊ 1:10

fɔlɔɔ nnɛ ɓi ɓiì yiì rìghasì ɗi ɓiɓan ɓi ɓi ri rì gɛɓsɛ̀n, ɓì ki ɓa mɛrem lɛ sɛɛghi sɛɛghi, kɛ̀ɛ̀ kìɓan ki ɓɛ ri lɛ ɓɛ ɓɛy mìni miì ŋwos a Kiris;

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

TÈSÀLÒNÌSYƐŊ 2:19

Ghɛn yɛɛrì min ɓiì ɓaà dyàɓɛn yìs, rì kìnyàà kis nsoò lɛ tàm wìs a rìkem ɓi mis mɛ Kan wìs Yeesus, ŋwosi risugtìì ɗii? Àa lɔŋ mìni yɛɛ rì ɓa wa?

TÈSÀLÒNÌSYƐŊ 3:5

Fɔlɔɔ nnɛ yɛ̀ɛ m̀ɓatìghà ɓi lɛ m̀ɓoŋɓòŋ tì nni ǹɗomgày Timote lɛ a yu kìwoògh lannɛ rìgherɛ̀n ɗin ɗyɛɛ̀ kɛ̀ɛ̀kɛ̀ɛ̀, lɛ ǹɗirìsìghà lɛ kɛ̀ kɛ̀ɛ ɓa lɛ ǹfèèghrɛ̀n-ɓum à fèèghrɛ̀ngà mìni lɛ kìsay kis kɛɛ wu zɛy.

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.

1 PYƐƐRI 1:23

Mìni ɓɛ ɓì tekà ɓi cɛɓ ki nyɔn ɓi boo ìnɛ ì rì lɛ ì ɓwɛ̀y, kìɓan kifog ìnɛ ì yin lɛ i ɓwɛ̀y ɓì tekà lɔŋ kɔ rì jɛ̀ɛ̀ ì Bɛ̀ll ìnɛ ì rì cencem, ì ɓa tì fìɗyàɓ fikɔ̀ɔ̀;

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.

ÀPÒKÀLIƁSƐ̀ 22:17

Ǹghay rì gurà ɓyɛɛ̀ kpaakpaa lɛ: Yuiy. Ŋwaànɛ à woogh kìɓan kiǹ à kpaa girig lɛ yuiy. Ŋwaànɛ a wowog kinɔli, à ghɛ̀ɛ̀sɛɛ kì yùu, ŋwaànɛ à kɔ̀ni, à teɗ mɛ̀nig mɛ cɛɓ zɛy, kɛ̀ɛ kòòsɛn.