FÌLÌPYƐŊ 2:11 - Bafia Nouveau Testament

¹¹ ɓɛ̀sɛ̀ɛ̀ ɓɛ̀cèm ɓɛ ki làmɓɛ̀n ɓi myɔm maa lɛ Yeesus Kiris à rì Kan ɓi rìkem ɗi Bɛ̀ll Seŋì.

FÌLÌPYƐŊ 2:11 Cross References

MATYOO 10:32

Fɔlɔɔ nnɛ ŋwaànɛ à gherɛɛ mɛ̀ ɓi gwìy ì ɓum, mɛ̀ ngherɛɛ gɛ girig nyi ɓi mis mɛ Tààta wɛ̀m ànɛ à rì aɗyòò.

LUKAS 2:11

Ɓɔlɛ ànɛ̀n à rì lɛ: ǹghɛɓsì ɓum à yalɛɛ gɛɛ̀nɛ ɓìsu wìn, ɓi bàn ì Davit, nnyɛɛ ri Kiris Kan.

ZYAŊ 12:42

Nsoò fɔlɔɔ mɛ̀fòm mɛ Ɓɛ̀yudɛ̀n mɛdɛŋ lɛɛ̀gwey mɛ gherɛ̀ngà nyi, kìɓan kifog, ɓɛ resìghà ɓi kiɓan kiǹ lɛ tɛntɛ̀ɛ̀n ɓi mis mɛ ɓum, lɛ Ɓɛ̀fàrìzyɛŋ ɓɛ ɓiì ki nàɓi ɓɔ ɓi naà-bɔ̀ŋzɛ̀n.

ZYAŊ 13:13

Ɓì ti ɓì regì mɛ̀ lɛ ǹɗèsàg, ɓì regì tì mɛ̀ lɛ Kan, ɓì ki ti ɓì kpaaghì miì lɛ ǹɗì ǹɗèsàg, mɛ̀ tì Kan.

ZYAŊ 13:14

Nni i màànɛ ǹɗì Kan, mɛ̀ ǹɗèsàg ǹsòo mìni mɛ̀kòò, mìni girig, ɓì ghɛ̀ɛ̀sɛɛ kì sòòraagh mɛkòò mìni rì mìni.

ZYAŊ 14:13

Fɔɔnnɛ com kìcèm ki ɓì rì ɓiì tɔɔ̀gh rì ɗii ɗyɛ̀m, ǹɗì mìni kɔ ɓiì kìi, lɛ Tààta a teɗ rìkem ɓi Man.

ZYAŊ 14:23

Yeesus à ɓàg nyi lɛ: I mum à keesii mɛ̀, à ɓiì ɓèŋi jɛ̀ɛ̀ yɛ̀m, Seŋi wɛ̀m à rì nyi ɓiì keesi; tì ɓiì yùu a lɔ̀ŋkii, tì pègsɛ̀n ìkɔ̀ɔ̀ wis a lɔ̀ŋkii.

ZYAŊ 17:1

Yɛ̀ɛ Yeesus à kpaaghà ɓìɓan ɓiǹ, nni à ɓegsìghà mis aɗyoo, à kpaa lɛ: Tààta, cààmɛ̀n ki mɛ kpaŋ, kemzi Man wɔɔ̀, di Man wɔɔ̀ a kemzi girig wɔ̀.

ZYAŊ 20:28

Tomas à ɓàg nyi lɛ: Kan wɛ̀m, rì Bɛ̀ll wɛ̀m!

ZYAŊ 5:23

lɛ di ɓum ɓɛ̀cèm ɓɛɛ nyaàsi Man lɔŋ yɛ̀ɛ ɓɛɛ̀ nyaanyaàsì Seŋi. I mum à nyaasii ɓi Man, di à nyaasii ɓi Seŋi ànɛ à romgày nyi.

ZYAŊ 9:22

Ɓɛ̀yalì ɓii ɓɛ kpaaghà fɔlɔɔ ɓisuulɛ, ɓɛ rirìsìghà Ɓɛ̀yudɛ̀n; rì tì lɛ Ɓɛ̀yudɛ̀n ɓɛ ɓaghà di ɓɛ mɛ wooghrɛn jɛ̀ɛ̀ lɛ, ŋwaànɛ à gherɛɛ lɛ Yeesus à rì Kiris, ɓɛ ren nyi ɗii ɓi naà-bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

MƐ̀KÌKÌÌ MƐ ƁƐKƐ̀NÌ-FÌTOM 2:36

Ɓum ɓɛ̀cèm ɓɛ a Isirayɛl ɓɛ ghɛɛ̀sɛɛ kì yiì syeesyee à rìyi lɛ, Bɛ̀ll àa ǹkìi lɛ, Yeesus ànɛ ɓìi nkpani ɓi kɔrɔs aɗyoo a ɓa lɛ nyi Kan wis, nyi Kiris.

RÒMƐŊ 14:11

Lɛ ki ri kìkànɛn lɛ: Kan a kpaaghi lɛ: Ǹɗì cem, ɓum ɓɛ̀cèm ɓɛ ri mɛ̀ ɓiì ɓaàgh mɛ̀ɗu asu, mum bimiɗ à làmɓɛ̀n jɛ̀ɛ̀ aɗyoo lɛ, Bɛ̀ll a teɗ rìkem.

RÒMƐŊ 14:9

Lɛ Kiris à wughà, à ki ghemɓɛn lɛ di a ɓa Kan ànɛ à làmii lɛ rì ɓìloŋ rì ɓum ɓɛ cem.

RÒMƐŊ 15:9

Ɓi san ànɛ a ɓumɓɛ ɓɛ yin Ɓɛ̀yudɛ̀n, ɓɔɔ̀ keekemzì Bɛ̀ll ɓisuu nɗem wu nyìinyìg wu à rì rì wɔ lɔŋ yɛ̀ɛ ki ri kìkànɛn lɛ: Ɓisuu kiɓan kiǹ nnɛ ǹɗi wɔ̀ ɓiì kemzii ɓi nyìinyìm à ɓìlɔ̀ŋ ɓi zɛy ǹki ghàɓ tyem ti tyɛɛ fa wɔ̀ rìkem.

1 KƆ̀RƐ̀ŊTYƐŊ 12:3

Kìɓan kiǹ kɛɛ̀ki ǹkpaa mìni lɛ, mum à yin lɛ à kpaà lɛ: Yeesus a teɗ ǹcɛ̀m di ki ri lɛ a tòtog ri ìtèɗ wu Nghay à Bɛ̀ll, mum à ki yin lɛ à kpaa lɛ: Yeesus à rì Kan, di ki yin lɛ Kìtɛntɛ̀ɛ̀n ki Nghay kɛɛ tinii nyi lɛ a kpaà fɔlɔɔ.

1 KƆ̀RƐ̀ŊTYƐŊ 15:47

Mum à ǹtonto à kìlɛ̀ngà rì zi, fɔɔnnɛ à rì miì ŋwaànɛ ɓi ziinɛ; ŋwaà kìɓɛ̀rɛn nyii rii aɗyoo.

1 KƆ̀RƐ̀ŊTYƐŊ 8:6

nsoò fɔlɔɔ, ɓi ɓɛg ànɛ a lɔ̀ŋkis, Bɛ̀ll à rì lɔŋ bog, nnyɛɛ ri Seŋi ànɛ à kìghà ɓyom ɓìcèm, ɓisu wii nnɛ ɓìsiì ghɛghɛ̀ɓ. Fɔɔnnɛ Kan à rì girig bog lɛ Yeesus Kiris, ànɛ à ti à kìlàg lɛ ɓyom ɓìcèm ɓyɛɛ ɓa, ɓìsii ki ghɛghɛɓ lɛ nyi.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 ZYAŊ 4:15

Ŋwaànɛ à gherɛɛ lɛ Yeesus à rì Man à Bɛ̀ll, di Bɛ̀ll à rì rì nyi, nyi ɓa girig ɓɛɛ̀ Bɛ̀ll.

1 ZYAŊ 4:2

Bee inɛ ɓì rì lɛ ɓì rèmì Nghay wu wu riì yɛ̀ɛ Bɛ̀ll yɛɛ̀nɛ lɛ: Nghay wùcèm wu wɛɛ̀ kpaakpaa lɛ: Yeesus Kiris à yalɛ̀ngà mum wu riì yɛ̀ɛ Bɛ̀ll;

2 ZYAŊ 1:7

Lɛ ɓɛ̀yègsì-ɓum ɓɛ mɛ sààtɛn ɓi ziinɛ lɛɛ̀gwey; ɓɛ gherɛɛ ɓi lɛ, Yeesus Kiris à yalɛ̀ngà lɔŋ mum. Rìkuu ɗi mum ɗìn ɗi ri ǹ-yègsì-ɓum ɗi ki ɓa ŋwaànɛ a ɗùùɗuu ri Kiris.

ÀPÒKÀLIƁSƐ̀ 3:5

Fɔlɔɔ nnɛ ŋwaànɛ à ɓiì yagsaagh yɛɛ ri ɓiì waatɛɛ ɓilàà ɓi puɓ; màa tììsi ɓi ɗii ɗii ɓi kaàtà à cɛɓ. Ǹɗì lɔŋ ɓiì gherɛɛ lɛ à rì mum wɛm̀ ɓi mis mɛ Seŋi wɛ̀m rì mɛ ɓum ɓɛ titom.