FÌLÌPYƐŊ 1:7 - Bafia Nouveau Testament

⁷ Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

FÌLÌPYƐŊ 1:7 Cross References

MƐ̀KÌKÌÌ MƐ ƁƐKƐ̀NÌ-FÌTOM 20:23

Kìɓan kifog, ǹ-yii lɛ ɓi bàn bimiɗ ìnɛ ǹkpaŋi wɔɔ, Kìtɛntɛ̀ɛ̀n ki Nghay ki ti ki resàg mɛ̀ lɛ, rì naà-zày, rì ǹkulɛ̀n ɓyɛɛ̀ ɓoŋɓoŋ mɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 21:33

Fɔɔnnɛ ǹkɔ̀mɛ̀n ɓɛ̀sujàà àgwey à tyòŋdɛ̀ngày à ɓan Pol, ɓɛ kaŋ̀ nyi bɛn ɗi mɛ̀sɛ̀ŋi, à tɔg min ɓum lɛ, ŋwaàbe yɛɛ rì lɛ, cɛ kɛɛ̀ ki à kìi?

1 KƆ̀RƐ̀ŊTYƐŊ 13:7

Ǹkɔ̀nɛ̀n a cenag ɓìɓan ɓìcèm, à gheràg ɓìɓan ɓìcèm, à ɗyàɓàg ɓìɓan ɓìcèm, à ki nìɗki nɗem rì ɓìɓan ɓìcèm.

1 KƆ̀RƐ̀ŊTYƐŊ 9:23

Nkìki ɓìɓan ɓiǹ ɓìcèm ɓisuu Syeesyee à Ɓɔlɛ, lɛ di mɓa miì rì gàɓ.

2 KƆ̀RƐ̀ŊTYƐŊ 3:2

Mìni yɛɛ ri kaàtà wìs anɛ à rì ǹkànɛn ɓi mɛ̀rem mis, innɛ ɓum ɓɛ̀cèm ɓɛ ri lɛ ɓɛ yi, ɓɛ ki ɓày.

2 KƆ̀RƐ̀ŊTYƐŊ 7:3

Ǹ-yin ɓiì kpaakpaa kiɓan kiǹ lɛ nfa mìni bɛ̀lɛn. Lɛ yɛ̀ɛ màa kpaa mini, ɓì rì lɔŋ ɓisi ɓi nɗem nsoò ɓi cɛɓ, nsoò ɓi rìwu.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

EFÈZYƐŊ 3:1

Kìɓan kiǹ kɛɛ̀ki mɛ̀ Pol ànɛ ǹɗì kìmbùŋ ki Yeesus Kiris ɓisuu win mìni ɓɛ ɓì yin Ɓɛ̀yudɛ̀n mɓɔ̀ɔɓɔŋzì Bɛ̀ll.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

EFÈZYƐŊ 6:20

Syeesyee à Ɓɔlɛ ànɛ̀n innɛ mɛ̀ ǹɗì ɓi fìtom fi miì, ǹki ɓa ɓi naà-zày lɛ nyi; nni ɓɔ̀ŋzaaghna lɛ nkakali Ɓɔlɛ ànɛ̀n lɛ cààcàà yɛ̀ɛ ǹghɛ̀ɛ̀sɛɛ kì kpaakpaa.

FÌLÌPYƐŊ 1:12

Ɓɔɔsoŋ̀, ki kɔni mɛ̀ lɛ di ɓyàa yii lɛ, kìɓan ki ki nkìi mɛ̀, ki nghɛɓsii kɔm̀ lɛ Syeesyee à Ɓɔlɛ a kɛɛ̀di beèbɛ̀y.

FÌLÌPYƐŊ 1:13

Lɛ ɓɛ̀sujàà ɓɛ̀cèm ɓɛ ɓi gari ì rìfòm, rì jàŋ yimbog yìcèm ɓɛ yii lɛ tɛntɛ̀ɛ̀n lɛ ǹɗì ɓi naà-zày lɛ ǹɗì nkìì-kìsay a Kiris.

FÌLÌPYƐŊ 1:14

Ntyweeyi wu mɛ yùti ɓɛgeni ɓɛ̀m lɛɛ̀gwey ɓi Kan, lɛ naà-zày ìnɛ ǹkɛ̀ngà; fɔɔnnɛ ɓɛ ti rì kìghɛɛsii ki ki cee lɛ ɓɛɛ ghaàghàgsì jɛ̀ɛ̀ ì Bɛ̀ll kɛ̀ɛ̀ ìris.

FÌLÌPYƐŊ 1:5

ɓisuu gàɓ ìnɛ ɓì mɛ teɗ ɓi rìsààtì ɗi Syeesyee à Ɓɔlɛ, à tumɛ̀n ŋwos a ǹtonto, à kpaŋ ɓigomìnɛ.

FÌLÌPYƐŊ 2:22

Ɓì yii lɛ Timote à mɛ fa ɓirèmzɛnà ɓi ɓi resii lɛ à rì mum à ǹtyweeyi; ɓì yi girig lèg ànɛ à falɛ̀ngà ɓi kìsay ki Syeesyee à Ɓɔlɛ ǹɗaŋ ri mɛ̀ lɔŋ yɛ̀ɛ man ànɛ à rì seŋi a mɛ̀kòò.

FÌLÌPYƐŊ 4:14

Nsoò fɔlɔɔ ɓìi nkonaagh kìkìi yɛ̀ɛ ɓìi nteri gàɓ ɓi ntɔɓ wɛ̀m.

FÌLÌPYƐŊ 4:15

Mìni ɓɛ̀Fìlìpyɛŋ! mìniì ɓɔmiɗ ɓì yii lɛ, ɓi rìtumɛ̀n ɗi rikakàlì ɗi Syeesyee à Ɓɔlɛ yɛ̀ɛ m̀pɛ̀sɛ̀ngà a Masedwan Kìseŋì kidɛŋ, ki ghɛɓsìghà ɓi mɛ i ki cee ɓi lɛ kiŋkìn, lɔŋ mìni cɛ̀ncin yɛɛ tekà gàɓ, lɛ rì ɓi rìfɔ̀n rì ɓi rìɗimzì ɗyɛm̀.

FÌLÌPYƐŊ 4:3

Ɓi ɓɛg ànɛ a lɔ̀ŋkɔɔ, wɔ̀ reŋkàŋ wɛ̀m à kìsay ànɛ ǹɗì rì ǹtyweeyi ri nyi, ǹtɔɔgh wɔ̀ lɛ, u ghɛɓsi ɓɔ; lɛ ɓɛ̀yiɓ ɓɛǹ ɓɛ ɗuùghà ǹɗaŋ ri mɛ̀ ɓi rìsààtì ɗi Syeesyee à Ɓɔlɛ lɔŋ yɛ̀ɛ Kilemaŋ rì ɓum ɓɛm̀bog ɓɛ tì salà rì ɓɔ ǹɗaŋ ɓɛɛ̀ɓɛ mii maa mɛ ri mɛ̀kànɛn ɓi kaàtà à cɛɓ.

KÒLÒSYƐŊ 4:18

Mɛ̀ɛmiɗ Pol yɛɛ kaniì mìni ɓìtɔkì rì càg kɛm̀, kɛ̀ ɓi ɗimzɛn lɛ ǹɗì ɓi naà-zày. Geesɛ̀n ì Bɛ̀ll yɛ̀ɛ ɓa rì mìni!

KÒLÒSYƐŊ 4:3

Ɓì ɓɔ̀ŋzàg girig Bɛ̀ll ɓisu wis lɛ a nɛm̀ ɓìsi bee inɛ ti lamɓɛn jɛ̀ɛ̀ yìì, di fɔɔnnɛ mɛ̀ɛ nghagsi ɓum dwìɗ inɛ ì seesee Kiris, lɛ kiɓan kiǹ kɛɛ̀ki ǹɗì miì nkàgakɛn bɛn.

TÈSÀLÒNÌSYƐŊ 5:5

Mìniìcèm ɓì rì ɓɔn ɓɛ ɓi kìtɛɛtɛn, ɓì ɓa ti ɓɔn ɓɛ ɓi cààmɛ̀n à ŋwos; ɓìsiì yin ɓɔn ɓɛ ɓi cààmɛ̀n à ìru, nsoò lɛ ɓɛ ɓi birìm.

2 TIMOTE 1:8

Fɔɔnnɛ kɔ̀ɔ wog ntoòrìɗ lɛ u tɛɛ̀zi kìɓan ki Kan wìs, nsoò lɛ ki màànɛ ǹɗì kìmbùŋ ɓisu wii. Kìɓan kifog ɓi-tèɗ wu Bɛ̀ll, wogha rìkɛŋ ɓisuu Syeesyee à Ɓɔlɛ ǹɗaŋ ri mɛ̀,

2 TIMOTE 2:9

Syeesyee à Ɓɔlɛ ànɛ̀n nnɛ nwowog mɛtɔɓ miì à kpaŋ ɓi lèg ànɛ lɛ ɓɛɛ kaŋ̀ mɛ̀ bɛn lɔŋ yɛ̀ɛ ǹwolì-ɓum, kìɓan kifog jɛ̀ɛ̀ ì Bɛ̀ll yɔ̀ɔ̀ yin nkàŋɛn bɛn.

FILEMƆŊ 1:13

Mɛ̀ m̀mɛɛ̀ ɓa ri zày ìnɛ lɛ nɗɔɓ fɛ rì nyi, lɛ a ghɛɛ̀ghɛ̀ɓsì mɛ̀ ɓi sìg wɔ̀ɔ̀ cààmɛ̀n ki ǹkaka rì bɛn ɓisuu Syeesyee à Ɓɔlɛ.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

1 PYƐƐRI 5:1

Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

2 PYƐƐRI 1:13

Mɛ̀ɛ ǹghɛɛ lɛ ki ri lɛ syeesyee lɛ cààmɛ̀n kìcèm ki ǹkaka ɓi ziinɛ, nki lɛ ǹɗem win wɛ̀ kɛɛ̀ wu ɓi rìyitì ɗi ǹɗì mìni ɓiì yiiyitàg ɓìɓan ɓiǹ,

1 ZYAŊ 3:14

Ɓìsii yii lɛ tì mɛ pɛ̀sɛn ɓi rìwu, tì ɗiŋì ɓi cɛɓ; tì yii fɔlɔɔ lɛ tì keesii ɓɛ̀geni ɓis; ŋwaànɛ à yin ɗi ǹkɔ̀nɛ̀n, à kaka ɓi rìwu ɓi ɗùm.