FÌLÌPYƐŊ 1:27 - Bafia Nouveau Testament

²⁷ Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

FÌLÌPYƐŊ 1:27 Cross References

MATYOO 12:25

Yɛ̀ɛ Yeesus à yìghà lɛ fɔlɔɔ nnɛ ɓɛɛ̀ fèfèg, nni à kpaaghà ɓɔ lɛ: Kìlɔ̀ŋ kìcèm ki ɓumɓɛ miì ɓɛ ramzɛɛ wɛ̀y ɓɔ rì ɓɔ, ki ti ki lekì; bàn bimiɗ nsoò lɛ naa ì ɓum ìnɛ ɓumɓɛ miì ɓɛ ramzɛɛ wɛ̀y ɓɔ rì ɓɔ, ì yin lɛ ì kɛ̀n asu ì ghɛghɛ̀ɓ.

MƐ̀KÌKÌÌ MƐ ƁƐKƐ̀NÌ-FÌTOM 2:46

Cààmɛ̀n kìcèm ɓɛ ǹti ɓɛ taŋzàg ɓi naà-Bɛ̀ll ŋwos bimiɗ, ɓɛ ɗiɗì ɓìɗilàg ɓyaa ǹɗaŋ ɓi naa yaa ɓɛ ɗiɗì ɓyɔ rì kìnyàà, rì ǹɗem wu risɛɛ̀dɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 24:24

Yɛ̀ɛ̀ ɓɔɔ mɛru ɓɛ ghaghìghà, Felis à yùy ɓɛɛ̀ giy anɛ lɛ Durusil, ànɛ à ɓaghà gɔ̀n ì Ɓɛ̀yudɛ̀n, nni à kpaaghà lɛ ɓɛɛ regiì nyi Pol. Nni Pol à kpaaghà nyi kìɓan ki ki seesee ǹtyweeyi wu ɓi Kiris Yeesus.

MƐ̀KÌKÌÌ MƐ ƁƐKƐ̀NÌ-FÌTOM 4:32

Ǹɗaŋ wu ɓɛgherɛ̀n wu ɓaghà ǹɗem wùfog, ɓɛ̀fèg ɓɛ̀fog, kɛ̀ɛ̀ ŋwaàdɛŋ ànɛ ɓi ɓɔ ànɛ à ɓaghà lɛ à kalì lɛ ɓyom ɓi à rì ɗì ɓyɔ ɓi ri ɓiŋkii cɛ̀ncii, wɔ̀lɛ ɓyom ɓyaa ɓi ɓaghà ɓisu waa ɓɛsɛ̀ɛ̀ ɓɛ̀cèm.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 1:9

Bɛ̀ll ànɛ nkìki kisay ɓi nghay wɛ̀m ɓi rìghaàghàgsì ɗi Syeesyee à Ɓɔlɛ à Man wiì, à rì mɛ̀ wusìnɛ̀ɗ lɛ ǹti mɓùgì mìni ɓyààmɛ̀n ɓìcèm,

RÒMƐŊ 10:8

Nni ki ri min ki kaliyɛn lɛ cɛ? Jɛ̀ɛ̀ ì rì wɔ̀ jàŋbog, yɔ̀ wɔ̀ ɓi ŋwɔm, ì ki ɓa ti wɔ ɓi nɗem, jɛ̀ɛ̀ ìnɛn ì rì jɛ̀ɛ̀ ì rìgherɛ̀n ɗi ɓìsiì làalam̀ɓɛ̀n.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 15:29

Ǹ-yii lɛ, yɛ̀ɛ ǹɗi yù a lɔ̀ŋkin, ǹɗi yuiy rì ɓɛ̀mààgh ɓɛ̀cèm ɓɛ yɛ̀ɛ Kiris.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

1 KƆ̀RƐ̀ŊTYƐŊ 15:58

Fɔlɔɔ nnɛ mìni ɓɔɔseŋi ɓɛ̀m ɓɛ nɗem, sììrɛɛna kɛ̀ ɓi kpig, ɓì tɔɔtɔ̀ɔ̀ ntɔɔtɔyɛn ɓi kìsay ki Kan, ɓì ki yi lɛ, kìsay ki ɓi kìki nyi kaa wu ɓi zɛy.

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

2 KƆ̀RƐ̀ŊTYƐŊ 9:13

Ɓisuulɛ gɛɓsɛ̀n ìnɛ kìsay kiǹ ki ri rì yɔ̀, ɓum lɛɛ̀gwey ɓɛ ri fa Bɛ̀ll rìkem, ɓi mɛ̀wog mɛ ɓì rì rì mɔ ɓi Syeesyee à Ɓɔlɛ à Kiris ànɛ ɓi làalamɓɛ̀n, rì ɓi rìɓòò ɗin ɗi ɗyɛɛ̀ kìki lɛ, ɓi ɓutɛn rì ɓɔ, ɓì ki ɓùtɛn ɗi ɓum ɓɛ̀cèm.

GÀLAT 1:7

Ɓi saaɗ Syeesyee à Ɓɔlɛ àdɛŋ à yiìdi wɔɔ, kìɓan kifog ɓum ɓɛdɛŋ ɓɛɛ̀ ɓùuɓuùsì mìni, ɓɛ kaakàà lɛ ɓɛɛ ruùsi Syeesyee à Ɓɔlɛ à Kiris.

EFÈZYƐŊ 1:13

Ɓi Kiris, mìni girig ɓì kìghà lɛ, yɛ̀ɛ ɓì wokà jɛ̀ɛ̀ ìnɛ ì rì saaɗ, yɛ̀ɛ ri Syeesyee à Ɓɔlɛ ànɛ à ɓaghày rì gòri yìn, nni ɓì gherɛ̀ngà Kiris, Bɛ̀ll à foŋ min kirèmzɛnà kii ɓi mìni, yɛ̀ɛ à faghà mìni Kìtɛntɛ̀ɛ̀n ki Nghay ki à kàkà.

EFÈZYƐŊ 1:15

Kìɓan kiǹ kɛɛ̀ki, yɛ̀ɛ mɛ̀ɛ nwoogh girig di ɓɛɛ̀ sɛsɛg lèg ànɛ ɓì gherɛɛ Kan Yeesus, rì nkɔ̀nɛ̀n ànɛ ɓì rì rì nyi ɓi san à ɓɛ̀gherɛ̀n ɓɛ̀cèm,

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

FÌLÌPYƐŊ 1:5

ɓisuu gàɓ ìnɛ ɓì mɛ teɗ ɓi rìsààtì ɗi Syeesyee à Ɓɔlɛ, à tumɛ̀n ŋwos a ǹtonto, à kpaŋ ɓigomìnɛ.

FÌLÌPYƐŊ 2:12

Fɔlɔɔ nnɛ, mìni ɓum ɓɛm ɓɛ nɗem ɓɛ ɓyàa kìkì mɛ̀ mɛ̀wog, mɛ̀wog min mɛ̀ kɛɛ̀ sugtɛn lɔŋ lɛ cààmɛ̀n ki ǹɗì mìni jàŋbog, wɔ̀lɛ mɛ ghɛɛ̀sɛɛ kì ghɛnɛɛ ti à cee fɔlɔɔ, cààmɛ̀n ki ǹɗì mìni ki fìràɓ. Salina ɓisuu gòri yìn, rì coo bɔgsɛ̀n lɛɛ̀gwey.

FÌLÌPYƐŊ 2:24

Fɔɔnnɛ ǹɗì rì ǹtyweeyi ri Kan lɛ cààmɛ̀n lesàg mɛ̀ɛmiɗ. Nkpaŋ lɔŋ foo.

FÌLÌPYƐŊ 3:18

Maà kakàlì mìni lɛ kìgwey ki ɓum ki ri wɔɔ ki ɓìsyɔ̀ɔ̀ ɓyaa ɓyɛɛ̀ rèrèsi lɛ ɓɛri ɓumɓɛ ɓɛ ɓeèzɛɛ kɔrɔs à Kiris, m̀ɓììtii mìni kìkalii ɓiɓan ɓiǹ ɓigomìnɛ rì mìsì ɓi mɛ̀tam.

FÌLÌPYƐŊ 3:20

Ɓi san ànɛ a lɔ̀ŋkis, kìlɔ̀ŋ kis kɔɔ ri aɗyòò; wɔɔnnɛ Kan wìs Yeesus Kiris à ǹghɛɓsì wìs ànɛ ti ɓoŋɓòŋ à rì ɓiì ɓaà yì.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

KÒLÒSYƐŊ 1:4

Lɛ tìi nwoogh di ɓɛɛ kpaakpaa lɛ, mìnii ri rì ǹtyweeyi ɓi Yeesus Kiris lɛɛ̀gwey, mìnii ki ɓa ri geesɛ̀n ɓi san ànɛ a ɓɛ̀gherɛ̀n ɓɛ̀cèm,

TÈSÀLÒNÌSYƐŊ 3:6

Wɔ̀lɛ ɓigomìnɛ nnɛ Timote à sughiì rìkɛ̀ɛ̀ ɗi àa nɗìì a lɔ̀ŋkin; à sughiì ɓìsi rì ɓɛ̀ɓɔlɛ ɓɛsyeesyee ɓɛ ɓɛ komi lɛ rì rìgherɛ̀n ɗin, rì ǹkɔ̀nɛ̀n ànɛ ɓì rì rì nyi. À kpaa ɓìsi yɛ̀ɛ mìniì ka yiiyitàg lɔŋ ɓisi rì nkɔ̀nɛ̀n cààmɛ̀n kìcèm, ɓì ki ɓa ri zày ìnɛ lɛ ɓi ghɛǹ ɓìsi, yɛ̀ɛ ɓìsi girig tì rì rì zày ìnɛ lɛ ti ghɛnɛn.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TIMOTE 1:11

Ɓìɓan ɓiǹ ɓyɛɛ̀ɓi Syeesyee à Ɓɔlɛ à ǹkeŋkèmì à Bɛ̀ll ànɛ à rì ǹtin wu ɓɛmààgh a rèrèsì. Syeesyee à Ɓɔlɛ ànɛ̀n nnɛ ɓɛ reɓsɛ̀ngà rì mɛ̀.

TIMOTE 1:19

ù ɓèŋ rìgherɛ̀n rì syeesyee à ǹɗem. Syeesyee à ǹɗem ànɛ̀n, ɓum ɓɛdɛŋ ɓɛ mɛ naŋ nyi, rìgherɛ̀n ɗyaa ɗi ɓɛǹ mɛ̀nig yɛ̀ɛ ɓumɓɛ rìɓày à teri.

2 TIMOTE 4:7

M̀mɛ ɗùù syeesyee à wɛ̀y, m̀mɛ lègsi kighɛŋii mɛ̀ree, ǹki ɓèŋ righerɛ̀n.

Kaàtà ànɛ Pol à kàngà TIT 2:10

ɓɛ̀ kɛɛ̀ fyaasi com, wɔ̀lɛ ɓɛ ghɛɛ̀sɛɛ kì rèsii ɓyààmɛ̀n ɓìcèm lɛ ɓɛ ri ɓumɓɛ ɓɛ ghɛɛ̀sɛɛ kì tyweeyii lɛ kɔɔ̀kɔɔ̀, fɔlɔɔ nnɛ ɓi ɓìɓan ɓìcèm ɓɛ ɓiì kìi lɛ ɓum ɓɛɛ nyaàsi dɔgtɛ̀n ì Bɛ̀ll ànɛ à rì ǹghɛɓsì wìs.

FILEMƆŊ 1:5

lɛ ǹti ǹwowòg di ɓɛɛ̀ kpaakpaa nkɔ̀nɛ̀n, rì ntyweeyi, ɓi u rèresi ɓi san ànɛ yɛ̀ɛ Kan Yeesus rì ɓisuu ɓɛgherɛ̀n ɓɛ̀cèm.

ZYAG 3:18

Ɓumɓɛ ɓɛɛ̀ kìki kisay ki lɛ fyòoog a ɓa jàŋ bimiɗ, ɓɛ ti ɓɛ miskì boo ì saaɗ ɓi fyòoog ɓi ɗùm.

2 PYƐƐRI 3:11

Nni yɛ̀ɛ ɓyom ɓìcèm ɓi ghɛɛ̀sɛɛ kì ɗyaŋì fɔlɔɔ, ki ghɛɛ̀sɛɛ lɛ cɛɓ kin, ɗì rìfalɛ̀n ɗin ɗi ɓi rìgherɛ̀n ɓyɛɛ ɓa ɓìtɛnɛn lɛ kɔɔ̀kɔɔ̀.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.