FÌLÌPYƐŊ 1:12 - Bafia Nouveau Testament

¹² Ɓɔɔsoŋ̀, ki kɔni mɛ̀ lɛ di ɓyàa yii lɛ, kìɓan ki ki nkìi mɛ̀, ki nghɛɓsii kɔm̀ lɛ Syeesyee à Ɓɔlɛ a kɛɛ̀di beèbɛ̀y.

FÌLÌPYƐŊ 1:12 Cross References

LUKAS 21:13

Fɔlɔɔ a rì mìni ɓiì kìi lɛ, ɓi lom̀ kìtɛɛtɛn ɓi kìɓan kɛm̀.

MƐ̀KÌKÌÌ MƐ ƁƐKƐ̀NÌ-FÌTOM 8:4

Ɓɛ̀gherɛ̀n ɓɛ ɓɛ Saàtɛ̀ngà ɓɛǹ, ɓɛ Kɛɛ̀kɛ̀ɛ̀ghà jàŋ lɛ jàŋ di ɓɛɛ̀ ghaaghagsì ɓum Syeesyee à Ɓɔlɛ.

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

RÒMƐŊ 8:37

Wɔ̀lɛ, tì ti tì yakì ɓìɓan ɓiǹ ɓìcèm kɛ̀ɛ̀ vèg, rì ǹghɛɓsɛn wu roànɛ à keesìghà ɓìsi.

FÌLÌPYƐŊ 1:5

ɓisuu gàɓ ìnɛ ɓì mɛ teɗ ɓi rìsààtì ɗi Syeesyee à Ɓɔlɛ, à tumɛ̀n ŋwos a ǹtonto, à kpaŋ ɓigomìnɛ.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

FÌLÌPYƐŊ 2:22

Ɓì yii lɛ Timote à mɛ fa ɓirèmzɛnà ɓi ɓi resii lɛ à rì mum à ǹtyweeyi; ɓì yi girig lèg ànɛ à falɛ̀ngà ɓi kìsay ki Syeesyee à Ɓɔlɛ ǹɗaŋ ri mɛ̀ lɔŋ yɛ̀ɛ man ànɛ à rì seŋi a mɛ̀kòò.

FÌLÌPYƐŊ 4:15

Mìni ɓɛ̀Fìlìpyɛŋ! mìniì ɓɔmiɗ ɓì yii lɛ, ɓi rìtumɛ̀n ɗi rikakàlì ɗi Syeesyee à Ɓɔlɛ yɛ̀ɛ m̀pɛ̀sɛ̀ngà a Masedwan Kìseŋì kidɛŋ, ki ghɛɓsìghà ɓi mɛ i ki cee ɓi lɛ kiŋkìn, lɔŋ mìni cɛ̀ncin yɛɛ tekà gàɓ, lɛ rì ɓi rìfɔ̀n rì ɓi rìɗimzì ɗyɛm̀.

FÌLÌPYƐŊ 4:3

Ɓi ɓɛg ànɛ a lɔ̀ŋkɔɔ, wɔ̀ reŋkàŋ wɛ̀m à kìsay ànɛ ǹɗì rì ǹtyweeyi ri nyi, ǹtɔɔgh wɔ̀ lɛ, u ghɛɓsi ɓɔ; lɛ ɓɛ̀yiɓ ɓɛǹ ɓɛ ɗuùghà ǹɗaŋ ri mɛ̀ ɓi rìsààtì ɗi Syeesyee à Ɓɔlɛ lɔŋ yɛ̀ɛ Kilemaŋ rì ɓum ɓɛm̀bog ɓɛ tì salà rì ɓɔ ǹɗaŋ ɓɛɛ̀ɓɛ mii maa mɛ ri mɛ̀kànɛn ɓi kaàtà à cɛɓ.

TIMOTE 2:8

Rìkɔ̀n ɗyɛm̀ ɗi ri min lɛ ɓɛ̀baŋì ɓɛɛ ɓɔɔɓɔ̀ŋzàg jàŋ bimiɗ, ɓɛ pɛpɛ̀sì ɓyàg ɓi ɓi ri ɓì tɛnɛn aɗyoo, kɛ̀ɛ̀ bim nsoò paàzì.

2 TIMOTE 2:9

Syeesyee à Ɓɔlɛ ànɛ̀n nnɛ nwowog mɛtɔɓ miì à kpaŋ ɓi lèg ànɛ lɛ ɓɛɛ kaŋ̀ mɛ̀ bɛn lɔŋ yɛ̀ɛ ǹwolì-ɓum, kìɓan kifog jɛ̀ɛ̀ ì Bɛ̀ll yɔ̀ɔ̀ yin nkàŋɛn bɛn.

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.