Joel 2:30 - Bible azumeina

³⁰ An mba ni lahle suma atchapma kur akulod’a, kä yam andagad’a mi, nala, buzuna, akud’a kandos ma tchola gozongâ.

Joel 2:30 Cross References

Wana ni Zla d’a Djivi d’a Luc mi b’irita 21:11

andagad’a mba d’i yir ngola, baktarad’a ki tugud’ei d’a tcho d’a tchi matna a mba nde ata yina teteng, ahle suma mandarâ ngola ki simat ta nglod’a a mba tcholï akulo mi.

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.

Suma ka sariyad’a 20:40

Wani ata yi máma andosâ mi tin d’ugula akulo gongzong. Suma hi Benjamin-na a gol irazi blogoziya. Gol wani, yam azì ma ngolâ vakud’a pepet, nga d’i i irat akulo hur alona.

Vama ndum mbeina 18:9

Amulei suma yam andagad’a suma a le mizeuna ki sed’et kur djivi matina, a mba tchiya, a mba yor tazi kad’u, ata yima azi mba we andosâ haku d’a nga d’i ngalatina.

Ad’u Tinda 19:28

mi gol iram abo ma Sodom ki ma Gomor-râ ki ful mata pet, mi we andosâ nga mi d’us yam andagad’a d’igi andosâ halamba ngolina na.

Vama ndum mbeina 18:18

ata yima azi we andosâ kaku d’a nga d’i ngalambina, a er tchina ki delezi akulo ala: Azì ma ngol ma d’igi azì máma na na, mi nga ni lara ge?

Sawal la kal teglesa 3:6

Ti dala: Ni nge mi djï hur fulâ d’igi andos ma pat akulona na, d’igi hisâ hi mirâ ki mbul ma his ma afufuî ma lara ge ma hi suma mbut abozina na ge?

Suma ka sariyad’a 20:38

D’igi a he vuna aduk tazi azi Israel-lâ na, yam vama taka, Israel suma ngei kä na a do azì ma ngolâ akud’a.

Josue 8:20

Suma Aï-na a mbut irazi blogoziya, a we aziyazi ma ngolâ nga mi d’us andosâ dudurup, mi i akulo hur alona. A fe nga yima azi ring kuana d’i. Israel suma a ring irazi abagei hur fulîna, a mbut irazi á dur suma a nga digizina.

Vama ndum mbeina 8:7

Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.

Jeremi 4:28

Kayam ndata, ambasa ti nga kur yor tad’a, akulod’a ti mbut nduvunda mi, kayam an dala: An nga hurun yam zla ndata da’, an nga ni djok vunan ndi, an nga ni hulong bugol luo mi.

Zakari 14:6

Kur bur máma yina mba mi b’o d’i, ab’lenga mba d’i le ki glasâ d’uo mi.