Fıٜ̃lıٜ́pıٜ̃ lé ꞌbá 4:20 - Tã-drı̣̃ Lẽlẽ Óꞌdí Óvârí Kâ

²⁰ ꞌDõvó mã rî Ôvârí ãmâ átá rî lûyı̣́lı̣́ ꞌbũû ꞌálâ ãmbá zãâ gbạ́dú ạ̃dũkũ ãkó.

Fıٜ̃lıٜ́pıٜ̃ lé ꞌbá 4:20 Cross References

Mãtáyõ 28:20

Gõꞌdá nĩ îmbâ gólĩyî kpá tã ndrĩ má drí âꞌdálé ãnî drí rî ꞌbá yî ꞌẽlé. Má âꞌdô rĩꞌá ãní bê kậyı̣̂ vósĩ cé, cãlé bũúũ kậyı̣̂ ạ̃dũkũ ãngó nõ kâ rî tú.” Ĩꞌdî ꞌdĩ.

Mãtáyõ 6:9

Gõꞌdá õzõ nĩ õtírĩ rĩî rãtáã ꞌẽlé rî, nĩ ꞌê rãtáã õzõ nõô rî tí. ‘Ãmâ átá ûrú ꞌálâ rî, ánî rú ãꞌdô ı̣̂njı̣̃lı̣́ ı̣̂njı̣̃.

Rómã lé ꞌbá 11:36

Nĩ ndrê drẽ, Ôvârí rî nyãányâ lôꞌbã ngá-tı̣̂ ndrĩ ãngó nõ drı̣̃ı̣̂ rî ꞌbá yî nĩ. Gõꞌdá ngá rî ꞌdĩ ꞌbá yî ndrĩ rî âꞌdólé ꞌdĩ gólâ sĩ, gõꞌdá kpá âꞌdólé gólâ drí, gólâkâ ró. Ĩtí rî, mã lûyı̣̂ Ôvârí rî rú zãâ gbạ́dú ạ̃dũkũ ãkó tãlâ tã rî ꞌdĩ ꞌbá yî tãsĩ. Ãâꞌdô ĩtí.

Rómã lé ꞌbá 16:27

Ôvârí ĩꞌdî rĩꞌá gólâ tã nı̣̃nı̣̃ bê ndrĩ rî. ꞌDõvó ĩtí rî, mã lûyı̣̂ gólâ zãâ ạ̃dũkũ ãkó Yésũ Krístõ sĩ. Ãâꞌdô ĩtí.

Ẽfésõ lé ꞌbá 3:21

Ĩtí rî, nĩ ꞌdê ãmâ ndrĩ tíbê âꞌdó ꞌbá kạ̃nı̣́sạ̃ Ôvârí kâ ró rî ꞌbá yî, ũlûyı̣̂ Ôvârí zãâ gbạ́dú ạ̃dũkũ ãkó, tãlâ Yésũ Krístõ rî tãsĩ.

Fıٜ̃lıٜ́pıٜ̃ lé ꞌbá 1:11

õzõ nĩ õrî zãâ tã tãndí mbı̣̂ rî ꞌbá yî ꞌẽlé mbârâkã Yésũ Krístõ kâ rî sĩ rî. Gõꞌdá ĩtí rî, õjílã ndrĩ âꞌdô Ôvârí rî ı̣̂njı̣̃ꞌá gõꞌdá lûyı̣́zó lâ.

Fıٜ̃lıٜ́pıٜ̃ lé ꞌbá 4:23

ꞌDõvó ĩtí rî, Kúmú ãmákâ Yésũ Krístõ ãâꞌdô ãní bê, tã lânjã íyíkâ fẽlé ãnî drí. Ĩꞌdî ꞌdĩ.

1 Tĩmátĩyã 1:17

Mã ı̣̂njı̣̃ Kúmú Yésũ zãâ gbạ́dú ạ̃dũkũ ãkó. Mã lûyı̣̂ gólâ rî rú zãâ gbạ́dú ạ̃dũkũ ãkó. Kũmũ gólâkâ âꞌdô âꞌdóꞌá zãâ gbạ́dú ạ̃dũkũ ãkó. Õdrã fú gólâ kô ãlôwálâ. Gõꞌdá íîcá kô gólâ rî ndrẽlé lı̣̃fı̣́ sĩ. Gólâ cé ĩꞌdî Ôvârí pạ̃tı̣́-pạ̃tı̣̃ ꞌî. Ãâꞌdô ĩtí.

Yúdıٜ̃ 1:25

Ôvârí, mã lûyı̣̂ nî Ôvârí pạ̃tı̣́ı̣̃ ró tíbê ãmâ pã ꞌbá ró Kúmú ãmákâ Yésũ Krístõ sĩ rî. Mã ı̣̂njı̣̃ nî, tãlâ nî ĩꞌdî õjílã ndrĩ ãngó ꞌá nõ kúmú lâ yî ĩꞌdî. Nî ĩꞌdî rĩꞌá mbârâkã ạ́ngı̣́ bê kárá zãâ gbạ́dú ạ̃dũkũ ãkó. Ãâꞌdô ĩtí.

Tã Âꞌdâ 1:6

Ní njĩ ãmâ trá âꞌdólé ꞌbãlé kúmú yî ró, gõꞌdá kpá ní ꞌbã ãmâ trá âꞌdólé ãnyî ánî átá Ôvârí bê kárá ũrı̣̃ ãkó drı̣̃-ꞌbá ró. Bê trá ĩtí rî, ꞌdõvó õjílã ı̣̃ı̣̂njı̣̃ nî gõꞌdá õlûyı̣̂ ĩyî kpá nî kúmú ĩyíkâ ró zãâ gbạ́dú zãâ. Ãâꞌdô ĩtí.

Tã Âꞌdâ 11:13

Gõꞌdá ꞌwãâ kôrô ı̣̃nyạ́kú drí ngãzó rû îyálé gbı̣̃ gbı̣̃ gbı̣̃ rõô lâ ró. Ĩtí rî, ãlô mûdrı̣́ ꞌásĩ jó jạ̃rı̣́bạ̃ ꞌdî kâ kâ ũrûkậ lâ drí lôꞌdézó gõꞌdá õjílã ûfúlı̣́ zãlô kútũ njı̣̂-drı̣̃-lâ-ngâ-rı̣̃ (7,000). Gõꞌdá ũrı̣̃ drí gãzó õjílã ạ̃mbúkũ lâkí ꞌbá lédrẽ-lédrẽ ró rî ꞌbá yî rú, gõꞌdá gólĩyî drí ꞌdẽzó rĩꞌá Ôvârí rî ı̣̂njı̣̃lı̣́ ũrı̣̃ drí. Gólĩyî kĩ, “Ôvârí gólâ ꞌbũû ꞌálâ rî ĩꞌdî rĩꞌá ãmbá kôrô.”

Tã Âꞌdâ 14:7

Gólâ îyâ tã âtî-âtî rî ꞌdĩ trá ngbạ́lạ́-ngbạ́lạ́ kĩ nĩ rî, “Ãnî õjílã, nĩ rô Ôvârí! Nĩ ı̣̂njı̣̃ gõꞌdá nĩ lûyı̣̂ ró ãmbã gólâkâ rî, tãlâ ı̣̃tú lâ ậwû trá ãndrõ gólâ drí tã õjílã kâ kĩzó. Ĩtí rî ꞌdõvó, nĩ tı̣̃ ꞌãꞌî vũdrı̣́ gólâ drí, gólâ ꞌbũû ꞌbã ꞌbá nĩ ãngó drı̣̃ bê gõꞌdá ngá ndrĩ kậkậrậ ãkí ãkó ꞌálâ rî ꞌbá yí bê rî drí.”

Tã Âꞌdâ 5:12

Má ârî mãlãyíkã trá lôngó ngõꞌá ĩyî ngbạ́lạ́-ngbạ́lạ́ ró kĩ, “Nî, Kạ́bı̣̃lı̣́kı̣̃ drı̣̃ tĩtĩ kâ ró rî gólâ gólĩyî drí fũlı̣́ trá rî, mã lûyı̣̂ nî, tãlâ nî ĩꞌdî rĩꞌá mbârâkã ạ́ngı̣́ bê. Mã ı̣̂njı̣̃ nî, tãlâ nî ĩꞌdî ngá ndrĩ ãngó ꞌá nõ lı̣́pı̣̂ lâ ꞌî. Mã lûyı̣̂ nî, tãlâ nî ĩꞌdî rĩꞌá tã nı̣̃nı̣̃ lı̣́pı̣̂ ꞌî.”

Tã Âꞌdâ 7:12

Gõꞌdá gólĩyî kĩ nĩ rî, “Ãwô-ꞌdĩ, ãwô-ꞌdĩ. Rĩꞌá Ôvârí ãmákâ rî ĩꞌdî, îcâ trá õjílã ndrĩ drí ánî lûyı̣́lı̣́, ãwô-ĩtí ꞌẽzó ní drí gõꞌdá kpá ánî ı̣̂njı̣̃lı̣́. Nî ĩꞌdî mbârâkã ndrĩ lı̣́pı̣̂ ꞌî, gõꞌdá kpá tã nı̣̃nı̣̃ lı̣́pı̣̂ ꞌî, gõꞌdá kũmũ bê zãâ gbạ́dú. Ãâꞌdô ĩtí.”