Fıٜ̃lıٜ́pıٜ̃ lé ꞌbá 4:14 - Tã-drı̣̃ Lẽlẽ Óꞌdí Óvârí Kâ

¹⁴ Íyíkâ rĩꞌá tã tãndí ꞌî rõô ãnî drí ámâ pãzó kậyı̣̂ lâŋõ drí ámâ ûsúzó rõô rî sĩ.

Fıٜ̃lıٜ́pıٜ̃ lé ꞌbá 4:14 Cross References

Mãtáyõ 25:21

“Gõꞌdá kúmú drí rû ı̣̂ꞌbũ ꞌbá ꞌdĩ lûyı̣́zó kĩ nĩ rî, ‘Ní rĩꞌá rû ı̣̂ꞌbũ ꞌbá ámákâ tãndí ró má drí lı̣̃fı̣́ ꞌbãzó drı̣̃ lâ ꞌá rî ĩꞌdî. Tãlâ ní ndrê ậdı̣̂ fínyáwá má drí fẽlé ní drí rî vó lâ trá tãndí ró, má âꞌdô ánî ꞌbãꞌá ngá ámákâ ãmbá rî ꞌbá yî vó lâ ndrẽlé. Ní ânĩ, mã ꞌê ró ãyĩkõ ní bê.’

Rómã lé ꞌbá 15:27

Gólĩyî nyãányâ pạ̃tı̣́ı̣̃ lẽ ĩyî ãzí-ãzí gólĩyî tã lẽ ꞌbá ró ĩtí ꞌdĩ ꞌbá yî pãlé. Gõꞌdá rĩꞌá tã mbı̣̂ ꞌî gólĩyî drí rĩzó ĩyî ãzí-ãzí gólĩyî ĩzã ró rĩ ꞌbá Yẽrõsãlémã ꞌá rî ꞌbá yî pãlé ĩtí, tãlâ sı̣́sı̣́ rî, õjílã Yúdạ̃ yí kâ nĩ trá nĩꞌá tã âtálé õjílã õrĩ ãzâ ꞌbá yí kâ drí tãlâ tã lânjã gólĩyî Ôvârí drí ꞌẽlé trá gólĩyî drí Yésũ sĩ rî tãsĩ, Ôvârí õjâ ró õjílã ꞌdî ꞌbá yî bê âꞌdólé õjílã íyíkâ ró kpãkã ãlô gólĩyí bê. Ĩtí rî, rĩꞌá ngbãângbânõ mbı̣̂ õjílã õrĩ ãzâ ꞌbá yí kâ ꞌdĩ drí ngá ĩyíkâ rî ꞌbá yî lônyĩzó dã dã fẽlé õjílã Yúdạ̃ yí kâ gólĩyî tã lẽ ꞌbá Yésũ ꞌá rî ꞌbá yî drí õjílã ĩzã ró rî ꞌbá yî pãzó.

Gãlãtíyã lé ꞌbá 6:6

Gõꞌdá ãnî gólĩyî tíbê îmbálé trá tã Ôvârí kâ sĩ rî ꞌbá yî, nĩ pâ tã îmbá ꞌbá ãníkâ gólĩyî rĩ ꞌbá ãnî îmbálé rî ngá ãnî drı̣́gạ́ rî ꞌbá yî sĩ.

Fıٜ̃lıٜ́pıٜ̃ lé ꞌbá 1:7

Rĩꞌá tã mbı̣̂ ꞌî má drí ꞌbãzó ãyĩkõ ró ãnî tãsĩ, tãlâ ãnî lôvó bê má ꞌâ rõô. Ngãtá má âꞌdô bê gạ̃nı̣́mạ̃ ꞌá, ngã má âꞌdô bê gạ̃nı̣́mạ̃ ꞌá kô yã rî, má drí rĩzó tã Ôvârí kâ pẽlé mbı̣̂mbı̣̂ kĩ, tã âtî-âtî tãndí Yésũ rî tãsĩ rî rĩꞌá pạ̃tı̣́ı̣̃ rî, nĩ ậmû drı̣́ trá lôsĩ ámákâ gólâ Ôvârí drí rî ꞌá.

Fıٜ̃lıٜ́pıٜ̃ lé ꞌbá 4:18

Ngbãângbânõ rî, má ûsû ậdı̣̂ ndrĩ ãnî drí âjólé má drí Ẽpãfãrõdítõ drı̣́gạ́ rî trá. Gõꞌdá Ôvârí fẽ õrẽ trá má drí rõô ãnî sĩ. Má ûsû drı̣́-ꞌâ lôsĩ ámákâ tãsĩ rî trá dũû. Ngá fẽfẽ ãníkâ ꞌdĩ rĩꞌá õzõ ngá fẽfẽ Ôvârí drí rî kâtí, ꞌbã Ôvârí âꞌdólé ãyĩkõ ró ãmbá.

1 Tĩmátĩyã 6:18

Gólâ âfẽ ngá õjílã ngá-tı̣̂ ãmbá bê rî drí, tãlâ gólĩyî õꞌê ró bê tã tãndí ãzí-ãzí drí ngá ꞌdĩ ꞌbá yî sĩ, rĩlí njãâ ngá fẽlé õjílã drí, gólĩyî ậmû ngá gólĩyî drí ꞌbãzó ĩꞌdí bê lâ rî ãzí-ãzí bê ngá lôvó ãkó.

Ị́bũrũ 10:33

Kậyı̣̂ ũrûkậ ꞌbá yî sĩ rî, ólôꞌdâ ãnî gõꞌdá kpá tã ãnyĩ ró rî ꞌbá yî ꞌẽzó ãnî drí õꞌbí ꞌá. Gõꞌdá kậyı̣̂ ãzâ ꞌbá yî sĩ rî, nĩ îcâ trá âdrélé ãnî ãzí-ãzí gólĩyî rĩꞌá lôꞌdálâ rî ꞌbá yî gãrã drı̣̃ ꞌá, tãlâ âꞌdólé mbârâkã sõlé gólĩyî ꞌásĩ.

Ị́bũrũ 10:34

Gõꞌdá kpá kậyı̣̂ ãzâ ꞌbá yî sĩ rî, nĩ nı̣̃ ĩzã krístõ ꞌbá gólĩyî ômbélé trá gạ̃nı̣́mạ̃ ꞌá rî ꞌbá yí kâ trá, gõꞌdá ĩtí rî, ĩzã lâ yî drí kpá gãzó ãnî lı̣̃fı̣́. Gõꞌdá õjílã ôpâ ngá ãníkâ bê ndrĩ ãnî drı̣́gạ́ sĩ tã ányâ ró rî sĩ rî, nĩ rî trá ãyĩkõ sĩ, tãlâ nĩ nı̣̃ trá kĩ, Ôvârí fẽ tã tãndí gólĩyî rĩ ꞌbá ãníkâ ró zãâ gbạ́dú rî ꞌbá yî trá ãnî drí.

Ị́bũrũ 13:16

Tã õjâ ãnî drı̣̃ı̣̂ sĩ kô tã tãndí ꞌẽzó ĩꞌdî ãnî ãzí-ãzí yî drí. ꞌDõvó nĩ ậmû ãnî ãnî vó ꞌásĩ ngá fẽfẽ gólâ ãnî drí îcáꞌá fẽlâ Ôvârí drí rî ró. ꞌDĩî rĩꞌá tã gólâ sũ ꞌbá Ôvârí rú rî ĩꞌdî.

Tã Âꞌdâ 1:9

Mâ gólâ tã nô îgĩ ꞌbá nõ rĩꞌá ãnî ậdrúpı̣̃ Yõwánĩ ĩꞌdî. Nĩ nı̣̃ trá kĩ, má njı̣̃ lâŋõ rû îzã kâ tãlâ tã lẽlẽ ámákâ Yésũ ꞌá. Gólâ ãmâ drí ậtũlı̣́ ãní bê cú ĩtí pı̣̃pı̣̂sı̣́lı̣́ îngá ãkó kpạ̃kpạ̃, tãlâ ãmâ rĩꞌá kũmũ gólâkâ rî zẽlé rî drí. Sı̣́sı̣́ nã sĩ rî, úrû mâ trá gõꞌdá ꞌbãlé gạ̃nı̣́mạ̃ ꞌá ãkîrĩ zı̣̃lı̣́ Pãtõmósã rî ꞌá tãlâ tã Ôvârí kâ pẽpẽ tãsĩ tã âtî-âtî Yésũ rî tãsĩ rî bê.