Fıٜ̃lıٜ́pıٜ̃ lé ꞌbá 4:10 - Tã-drı̣̃ Lẽlẽ Óꞌdí Óvârí Kâ

¹⁰ Má ꞌê ãwô-ĩtí ãmbá rõô Ôvârí drí, tãlâ ámâ ĩzã gâ trá ãnî drí, ámâ tã rî zãâ âgálé ãnî drı̣̃ı̣̂. Nĩ ꞌbã ãnî kpá trá âꞌdólé ámâ tãsĩ óꞌdí lạ́tı̣̂ ûsúlı̣́ ámâ pãzó ậdı̣̂ ãníkâ sĩ. Gõꞌdá má nı̣̃ trá kĩ, sı̣́sı̣́ rî, nĩ lẽ trá ámâ pãlé, gõꞌdá bũúũ âcálé ngbãângbânõ rî, nĩ ûsú lạ́tı̣̂ tãndí ậdı̣̂ rî ꞌdĩ âjózó má drí rî kô.

Fıٜ̃lıٜ́pıٜ̃ lé ꞌbá 4:10 Cross References

2 Kõrínĩtõ lé ꞌbá 11:9

Kậyı̣̂ má drí ꞌbãzó ãní bê tólâ rî, gbõ lé má ãꞌdô bê ngá ãkó rî, má îkpókpólõó ãnî kô ngá má drí âꞌdózó ĩzã lâ bê ꞌdĩ tãsĩ âfẽlé má drí, tãlâ krístõ ꞌbá gólĩyî âcá ꞌbá Mẽkẽdónĩyã lésĩ rî ꞌbá yî âfẽ ngá ĩzã lâ drí ámâ ꞌẽlé rî nĩ má drí. Nĩ ndrê trá, sı̣́sı̣́ rî má ꞌbãá lâŋõ ámákâ kô ãnî drı̣̃ı̣̂. Gõꞌdá ı̣̃zạ́tú rî, má îcá kpá kô ꞌbãlâ ãnî drı̣̃ı̣̂.

2 Kõrínĩtõ lé ꞌbá 6:7

Má rî úlı̣́ pạ̃tı̣́-pạ̃tı̣̃ Ôvârí tı̣́ sĩ nõ pẽlé mbârâkã gólâkâ sĩ. Gõꞌdá âꞌdô-âꞌdô tãndí ámákâ rî rĩꞌá õzõ ngá ạ̃jú ꞌbũ kâ gólâ Ôvârí drí âfẽlé má drí rî kâtí, má drí ạ̃jú-ꞌbá-ãzí rĩ ꞌbá ânĩlí má rú sĩ dîrî gbãâ rî pẽzó ĩꞌdî sĩ lâ rî.

Gãlãtíyã lé ꞌbá 6:10

Õzõ ãꞌdô gõꞌdá trá ĩtí rî, õzõ ĩîcâ trá ãmâ drí tã tãndí rî ꞌẽzó ãmâ ãzí-ãzí yî drí rî, mã õꞌê tã tãndí rî gógó ꞌdĩ gólĩyî drí pı̣̃pı̣̂sı̣́lı̣́ ãlô sĩ kậyı̣̂ vósĩ cé, ngîngî lâ ãmâ ãzí-ãzí gólĩyî krístõ ꞌbá ró rî yî drí.

Gãlãtíyã lé ꞌbá 6:6

Gõꞌdá ãnî gólĩyî tíbê îmbálé trá tã Ôvârí kâ sĩ rî ꞌbá yî, nĩ pâ tã îmbá ꞌbá ãníkâ gólĩyî rĩ ꞌbá ãnî îmbálé rî ngá ãnî drı̣́gạ́ rî ꞌbá yî sĩ.

Fıٜ̃lıٜ́pıٜ̃ lé ꞌbá 1:1

Mâ Póõlõ îgĩ wárãgã nô nĩ ãnî gólĩyî õjílã Ôvârí rî nyãányâ kâ Fı̣̃lı̣́pı̣̃ ꞌálâ rî ꞌbá yî drí. Ãmâ Tĩmátĩyã bê, ãmâ gólĩyî âꞌdó ꞌbá rû ı̣̂ꞌbũ ꞌbá Yésũ Krístõ kâ ró rî ꞌê nî-bê-yã ãnî drí. Má rî tã îgĩlí ãnî ndrĩ gólĩyî rĩ ꞌbá ngá ãlô ró Yésũ Krístõ bê rî yî drí gõꞌdá kpá ãnî drı̣̃-ꞌbá kạ̃nı̣́sạ̃ kâ rî ꞌbá yî drí, gõꞌdá kpá ãnî kạ̃nı̣́sạ̃ vó ndrẽ ꞌbá ró rî yî bê.

Fıٜ̃lıٜ́pıٜ̃ lé ꞌbá 1:3

Õzõ ãnî tã ãâgâ trá má drı̣̃ı̣̂ rî, má drí rĩzó ãwô-ĩtí ꞌẽlé Ôvârí drí, gõꞌdá má drí rĩzó rãtáã ꞌẽlé ãnî tãsĩ.

Fıٜ̃lıٜ́pıٜ̃ lé ꞌbá 2:30

tãlâ gólâ trá gbíyá ꞌẽꞌá ãngó âyélé, tãlâ lôsĩ gólâ drí rĩꞌá ꞌẽlâ Yésũ drí rî sĩ. Gólâ tô pá nyãnyã drı̣̃ı̣̂ tãlâ ânĩzó ámâ pãlé ámâ vó ndré ꞌbá ró, õzõ ãnî nyãányâ drí rĩrĩ cú ĩtí îcá ãkó ânĩlí ámâ pãlé rî kâtí ꞌdĩ.