Fıٜ̃lıٜ́pıٜ̃ lé ꞌbá 3:19 - Tã-drı̣̃ Lẽlẽ Óꞌdí Óvârí Kâ

¹⁹ Ôvârí âꞌdô lâŋõ fẽꞌá õjílã rî ꞌdĩ ꞌbá yî drí lạ̃sı̣́ sĩ võ gólâ lâŋõ õnjí fẽ kâ rî ꞌá, tãlâ gólĩyî ꞌdê trá rĩꞌá tã lôvó ĩyî rúꞌbạ́ kâ rî ꞌbá yî vó cú ĩtí ꞌdẽ ãkó Yésũ vó. Võ sû trá gólĩyî rú rĩrĩ õnjí gólĩyíkâ rî tãsĩ. Gõꞌdá ãnyĩ ꞌé gólĩyî tã rî ꞌdĩ ꞌbá yî tãsĩ kô. Gólĩyî rî cé tã ı̣̃nyạ́kú drı̣̃ nô kâ nõ ı̣̂sũlı̣́ ĩꞌdî.

Fıٜ̃lıٜ́pıٜ̃ lé ꞌbá 3:19 Cross References

Mãtáyõ 16:23

Gõꞌdá Yésũ drí rû jãzó tã âtálé Pétẽrõ drí âmbâ-âmbâ ró kĩ, “Pétẽrõ, ní âyê mâ tã ı̣̂sũ áníkâ Sãtánã kâ ꞌdĩ ꞌásĩ. Lạ́tı̣̂ Ôvârí drí ꞌbãlé trá má drí rî, ní lẽ âꞌbãlâ ãꞌdô tãsĩ yã? Tã ı̣̂sũ áníkâ ꞌdĩ rĩꞌá tã ı̣̂sũ ánî nyãányâ kâ ꞌî, ꞌdĩî âꞌdó kô tã ı̣̂sũ tãndí Ôvârí kâ rî ĩꞌdî.”

Mãtáyõ 25:41

“Gõꞌdá má âꞌdô rû jãꞌá tã âtálé õjílã gólĩyî ámâ drı̣́-lı̣̃jı̣́ drı̣̃ lésĩ rî ꞌbá yî drí kĩ nĩ rî, ‘Ãnî gólĩyî Ôvârí drí trĩlí nõ ꞌbá yî, nĩ nĩ vólé má lạ̃gạ́tı̣́ sĩ, nĩꞌá lạ̃sı̣́ gólâ rĩ ꞌbá vẽlé ạ̃dũkũ ãkó tíbê Ôvârí drí êdélé Sãtánã yî drí mãlãyíkã gólâkâ rî ꞌbá yí bê rî ꞌálâ.

Lúkạ̃ 12:19

tãlâ ndrô ãzâ rĩ ꞌbá âgõlé nã sĩ rî, má ãꞌdô ró bê ngá nyãnyã bê dũû, gõꞌdá má lẽé gõꞌdá ạ́mvú ãzâ ꞌwãlé kô, tãlâ má rî ró tãkó ĩtí cé ngá nyãlé ĩꞌdî ãyĩkõ sĩ.’

Lúkạ̃ 16:19

Gõꞌdá Yésũ âtâ tã trá kĩ nĩ rî, “Ãgô ãzâ bê rĩꞌá nõngá, gólâ rĩꞌá ngá ãmbá nõ ꞌbá yî tı̣̂ lâ bê cé tı̣̂tı̣̂. Gólâ rĩꞌá ítá tãndí bê, rî íyíkâ ngá tãndí nyãlé ĩꞌdî, kậyı̣̂ vósĩ cé.

Lúkạ̃ 18:4

Tã kĩ ꞌbá ꞌdĩ rî gãlé zãâ dó tã-vó õkó ꞌdĩ kâ kĩlí. Gõꞌdá kậyı̣̂ ãmbá ãzâ ꞌbá yî vósĩ rî, tã kĩ ꞌbá ꞌdĩ ı̣̂sũ tã trá yí ꞌá kĩ nĩ rî, ‘Má ró Ôvârí kô õjílã bê ndrĩ.

Rómã lé ꞌbá 16:18

Gólĩyî rí ꞌdĩ kô tã Kúmú ãmákâ Yésũ kâ rî ꞌẽlé ĩꞌdî rû ı̣̂ꞌbũ ꞌbá tãndí rî ró. Gólĩyî lẽ ꞌdî bê-rî cé tã gólĩyî sũ ꞌbá gólĩyî rú rî ꞌẽlé ĩꞌdî. Gólĩyî rî rĩꞌá úlı̣́ gólĩyî âsó ꞌbá âsô rî ꞌbá yî âtálé ĩꞌdî õnjõ ró ãnî ꞌbãlé tã ı̣̂sũ ĩyíkâ ányâ ró ꞌdĩ ꞌbá yî tã-drı̣̃ lâ lẽlé. Õjílã gólĩyî rĩ ꞌbá njãâ tã drílĩyî ârílí ndrĩ rî lẽlé rî ꞌbá yî lẽ ĩyî úlı̣́ gólĩyî ꞌdĩ tã-drı̣̃ lâ gbõ ĩtí, tãlâ âsô-âsô lâ ĩyî sĩ.

Rómã lé ꞌbá 6:21

Kậyı̣̂ rî ꞌdĩ ꞌbá yî sĩ rî, tã tãndí gólĩyî ãnî drí ûsúlı̣́ rî ꞌbá yî ãꞌdô ꞌî, tã õnjí gólĩyî ãnî drí ꞌẽlé trá rî ꞌbá yî ꞌásĩ yã? Tã tãndí yûꞌdạ́wạ́. Ngá ãnî drí ûsúlı̣́ rî rĩꞌá cé ãnyĩ ĩꞌdî lâŋõ bê Ôvârí drı̣́gạ́ sĩ.

1 Kõrínĩtõ lé ꞌbá 3:3

Nĩ îcá kô, tãlâ nĩ rî ãníkâ drẽ zãâ rĩꞌá ngá gólĩyî ãngó nõ ꞌbá yí kâ rî yî ꞌẽlé ĩꞌdî. Ãnî drẽ zãâ pı̣̃pı̣̂sı̣́lı̣́ ꞌbãꞌbã bê ãnî ãzí-ãzí yî rú, gõꞌdá ãnî drẽ kpá zãâ rĩꞌá lâwãꞌá ãnî lãfálé ꞌásĩ.

1 Kõrínĩtõ lé ꞌbá 5:2

Ãꞌdô gõꞌdá trá ĩtí rî, nĩ gõ nĩ rî ãníkâ ãnî lômbélé rĩrĩ ãníkâ krístõ ꞌbá ró rî tãsĩ ꞌdî ãꞌdô drí yã? Tí võ lâ ꞌá rî, tã õnjí gólĩyî ĩtí ꞌdĩ ꞌbá yî âꞌdô ãnî ꞌbãꞌá âꞌdólé tã ı̣̂sũ ró. Nĩ drô ãgô ꞌdĩ vólé ãnî lãfálé sĩ.

1 Kõrínĩtõ lé ꞌbá 5:6

Rĩꞌá õnjí ró ãnî drí ãgô õnjí ꞌdĩ âyézó zãâ rĩlí ãnî lãfálé, gõꞌdá ãnî drí kpá rĩzó ãnî lômbélé kĩ, ĩyî ãâꞌdô krístõ ꞌbá ꞌî. Nĩ nı̣̃ úlı̣́ mãnĩgõ gólâ âtálé nõ kĩ, “Ạ̃kú lõngá fínyáwá rî âꞌdô õdrá mõrá ꞌá dũû rî ꞌbãꞌá ângálé gõꞌdá gĩlí kpá gãlãhã.” Kpá ĩtí, tã õnjí õjílã ãlô kâ âꞌdô lậꞌbúꞌá krístõ ꞌbá ãzí îzãlé ndrĩ.

2 Kõrínĩtõ lé ꞌbá 11:12

Ĩtí gõꞌdá má âꞌdô zãâ rĩꞌá tã gólâ má drí rĩꞌá ꞌẽlâ ngbãângbânõ ậdı̣̂ trõzó ãnî drı̣́gạ́ sĩ kô rî ꞌẽlé ĩꞌdî, tãlâ õjílã gólĩyî õnjõ kâ ꞌdĩ ꞌbá yî õzó kô rĩî ĩyî lômbélé kĩꞌá nĩ rî, yĩ õrî lôsĩ ꞌẽlé Ôvârí drí, kpá té õzõ ãmâ drí rĩrĩ ꞌẽlâ rî kâtí.

2 Kõrínĩtõ lé ꞌbá 11:15

Ĩtí rî, gõꞌdá âꞌdó kpá kô âmbâ-âmbâ ró lãjóꞌbá Sãtánã kâ drí ĩyî ôjázó kpá âꞌdólé nyé õzõ lãjóꞌbá Yésũ Krístõ kâ rĩ ꞌbá tã âtî-âtî tãndí gólâkâ pẽlé rî kâtí. Gõꞌdá õtírĩ cãâ kậyı̣̂ ạ̃dũkũ sĩ rî, Ôvârí âꞌdô tã-vó gólĩyíkâ kĩꞌá kpá té tã ꞌẽꞌẽ gólĩyíkâ gólĩyî drí ꞌẽlé rî vó ró.

Gãlãtíyã lé ꞌbá 6:13

Gõꞌdá gbõ lé õjílã ꞌdẽ ꞌbá trá bãsã ꞌá ꞌdĩ ꞌbá yî rî, ı̣̂njı̣̃ı̣́ ĩyî tã ꞌbãꞌbã Yúdạ̃ yí kâ ꞌdĩ ꞌbá yî kpá ndrĩ kô. Ĩtí rî, gólĩyî lẽ ĩyíkâ nõ, nĩ õꞌdê ró bê bãsã ꞌá cé tãlâ yĩ õlômbê ró ĩyî tã bê ãnî sĩ ĩyî ãzí-ãzí yî õjílã Yúdạ̃ yí kâ drí kĩ, yĩ õꞌbã ãnî nĩ ꞌdẽlé bãsã ꞌá.

Fıٜ̃lıٜ́pıٜ̃ lé ꞌbá 2:21

Nĩ ndrê drẽ, õjílã ãzâ ꞌbá yî ı̣̂sũ ĩyî tã cé tã ĩyî nyãányâ kâ rî ꞌbá yî tãsĩ. Gólĩyî ı̣̂sũú tã, tã Yésũ Krístõ kâ rî ꞌbá yî tãsĩ kô dódó.

2 Tẽsãlõníkã lé ꞌbá 1:9

Lâŋõ rî ꞌdĩ âꞌdô ꞌbãꞌá zãâ gbạ́dú ạ̃dũkũ ãkó. Áâꞌdô õjílã ꞌdî ꞌbá yî drõꞌá vólé Yésũ gólâ mbârâkã bê gạ̃rạ̃ rî lạ̃gạ́tı̣́ sĩ, kậyı̣̂ gólâ drí ꞌẽzó âgõlé ãngó nõ ꞌá, õjílã gólâkâ nyãányâ lâ yî ró rî drí rĩzó gólâ rî lûyı̣́lı̣́, gõꞌdá kpá rĩꞌá lậnjı̣̃ ꞌbãlé gólâ drı̣̃ı̣̂ rî ꞌá. Gõꞌdá ánî ífífí âꞌdô ꞌẽꞌá ꞌbãlé õjílã gólĩyî rĩ ꞌbá gólâ rî lûyı̣́lı̣́ ꞌdĩ ꞌbá yî lãfálé, tãlâ ãnî rĩꞌá tã lẽlẽ bê tã âtî-âtî Yésũ rî tãsĩ rî ꞌá.

2 Tẽsãlõníkã lé ꞌbá 2:12

Tã rî ꞌdĩ ꞌbá yî ạ̃dũkũ lâ âꞌdô âꞌdóꞌá nõtí. Õjílã gólĩyî ndrĩ tã pạ̃tı̣́ı̣̃ rî lẽ ꞌbá kô gõꞌdá rĩ ꞌbá ĩyî tã õnjí tẽtẽ ꞌẽꞌẽ lôvó ꞌẽlé ĩꞌdî rî, Ôvârí âꞌdô lâŋõ õnjí tẽtẽ ạ̃dũkũ ãkó rî fẽꞌá ĩꞌdî drílĩyî ndrĩ ꞌdó õjílã gólâ tã õnjí âsé ꞌbá ró ꞌdĩ bê.

1 Tĩmátĩyã 6:5

Gólĩyî drí kpá rĩzó ãzí-ãzí ꞌálé îkólé, õngâ ró bê õmbã ró. Drı̣̃ lâ ĩyî îzã rû trá kpá pạ̃tı̣́ı̣̃ ró. Gólĩyî ı̣̂sı̣̃ ĩyî bı̣́-ꞌbálé trá yĩ õzó tã ârí kô. Gõꞌdá tã ꞌdî kâ rî tí rî, gólĩyî ı̣̂sũ bê-rî kĩ, ãâꞌdô rĩꞌá tãndí ró ĩyî drí lãfâ ûsúzó õjílã drı̣́gạ́ sĩ tã Ôvârí kâ rî tãsĩ.

2 Tĩmátĩyã 3:4

Gólĩyî drí kpá ãzí-ãzí drı̣́-bã fẽzó. Ãzâ ꞌbá yî drí rĩzó cé ngá gólâ ãyĩkõ lâ drí gólĩyî cĩlí rî ꞌẽlé ĩꞌdî. Gólĩyî ꞌé tã tíbê Ôvârí rî cĩ ꞌbá rî kô.

Yãkóbã 4:16

Gõꞌdá nĩ rî ãnî ậrúlı̣́ tã gólâ ãnî drí lẽlé ꞌẽlé rî tãsĩ. Ạ́rú-ạ́rúwạ́ ꞌdĩ rĩꞌá õnjí ró.

2 Pétẽrõ 2:1

Ạ̃kú ró rî, tã ậngũ ꞌbá ãzâ ꞌbá yî õjílã Ôvârí kâ lãfálé sĩ rî, úlı̣́ gólĩyíkâ rî rĩꞌá ꞌdó õnjõ ró. Ĩtí rî ngbãângbânõ rî, õjílã ãzâ ꞌbá yî ãnî lãfálé sĩ rî, rî trá ĩyî tã âmãlé kĩ, yĩ ãâꞌdô tã Ôvârí kâ îmbá ꞌbá ꞌî. Gõꞌdá gólĩyî âꞌdô õjílã drı̣̃ îzãꞌá tã îmbâ ányâ gólĩyíkâ ꞌdĩ ꞌbá yî sĩ. Gõꞌdá tã îmbâ ányâ õnjí tẽtẽ ꞌdî drí lậꞌbúzó õjílã dũû drı̣̃ îzãlé. Ĩtí rî, gólĩyî âꞌdô Yésũ rî gãꞌá dó drı̣̃ tĩ ꞌbá ĩyíkâ ró. Gõꞌdá Ôvârí âꞌdô gólĩyî îzãꞌá ꞌwãâ tã õnjí gólĩyíkâ ꞌdĩ ꞌbá yî tãsĩ.

2 Pétẽrõ 2:13

Ôvârí âꞌdô lâŋõ fẽꞌá gólĩyî drí, kpá nyé õzõ gólĩyî drí rĩrĩ lâŋõ fẽlé ãzí-ãzí drí ꞌdĩ ꞌbá yí kâtí. Gólĩyî rî ĩyíkâ cé tã õnjí ĩyíkâ ãnyĩ kâ ꞌdĩ ꞌẽlé ĩꞌdî gbõ lé ı̣̃tú-ạ̃yı̣́ bê. ꞌDĩî tã gólĩyî drí rĩzó ãnî rú îzãlé gõꞌdá ãnyĩ drí rĩzó gãlé ãnî drı̣̃ı̣̂. Ĩtí rî, gõꞌdá gólĩyî rî kpá tã õnjí tẽtẽ tíbê gólĩyî rúꞌbạ́ lôvó drí gólĩyî ꞌbãlé ꞌẽlé rî ꞌbá yî ꞌẽlé, õzõ gólĩyî õtírĩ rĩî kãrámã nyãlé ãní bê rî.

2 Pétẽrõ 2:3

Tã îmbá ꞌbá õnjõ kâ ꞌdĩ ꞌbá yî ꞌdó ĩyî ãrõ-ãrõ ꞌbá ꞌî ĩyî, gólĩyî lẽ ngá ndrĩ ãꞌdô ró ꞌdó ĩyî nyãányâ drí. Ĩtí rî, gólĩyî âꞌdô ãnî âdóꞌá íꞌdígówá ãzâ ꞌbá yî sĩ ĩyî drı̣̃ ꞌásĩ, ãꞌdô ró bê ậdı̣̂ ãníkâ nyãzó. Ôvârí kî tã-vó gólĩyíkâ trá ạ̃kû ró, gõꞌdá gólâ rî trá njãâ lı̣̃fı̣́ ꞌbãꞌbã bê ngíyá ânĩzó gólĩyî îzãlé.

Yúdıٜ̃ 1:10

Gõꞌdá tã îmbá ꞌbá ányâ ꞌdĩ ꞌbá yí kâ rî, gólĩyî rî ĩyíkâ ngá ndrĩ gólĩyî drí nı̣̃lı̣́ kô rî lôꞌdálé lôꞌdâ. Gõꞌdá drílĩyî ĩyíkâ rĩzó nyé õzõ kõrõnyã kâtí cú ĩtí tã ı̣̂sũ-ı̣̂sũ ãkó, rĩꞌá tã ĩyî drí lẽlé rî ꞌẽlé ĩꞌdî âꞌdólé ĩyî ífífí îzãlé.

Yúdıٜ̃ 1:16

Õjílã ꞌdî ꞌbá yî rî ĩyíkâ kậyı̣̂ vósĩ cé zãâ rĩꞌá tã gĩlí. Gólĩyî rî ĩyíkâ gõꞌdá kpá zãâ rĩꞌá ngá gólĩyî rúꞌbạ́ lôvó drí lẽlé rî ꞌẽlé ĩꞌdî. Gõꞌdá gólĩyî rî ĩyíkâ kpá zãâ rĩꞌá tã âmãlé kĩ, yĩ ãꞌdô ĩyíkâ õjílã tã lâ drí lâzélé gạ̃rạ̃ rî ĩꞌdî. Gõꞌdá rî ĩyî kpá rĩꞌá úlı̣́ âsô-âsô âtálé rĩzó rĩꞌá õjílã drı̣̃ âdólé ĩꞌdî sĩ lâ, õjílã ꞌdî ꞌbá yî õlẽ ró tã gólĩyî ĩyî nyãányâ drí lẽlé ꞌẽlé ꞌdĩ bê.

Yúdıٜ̃ 1:4

Gõꞌdá õjílã ãzâ ꞌbá yî âfî trá ãnî lãfálé kírî ró, ãꞌdô ró bê ãnî âdólé. Gólĩyî kĩ, Ôvârí ãâyê ãmâ trá tã õnjí ꞌásĩ, gõꞌdá ãâꞌdó kô õnjí ró ãmâ drí tã õnjí ꞌẽzó. Gólĩyî gâ vólé trá dó Kúmú ãmákâ Yésũ Krístõ rî ı̣̂njı̣̃lı̣́. Pạ̃tı̣́ı̣̃ ró, Ôvârí âꞌdô gõꞌdá lâŋõ fẽꞌá gólĩyî drí tã rî ꞌdĩ tãsĩ, õzõ gólâ drí âtálé trá búkũ íyíkâ ꞌá ạ̃kû ró nã sĩ kĩ, yí ãâꞌdô lâŋõ fẽꞌá õjílã rĩ ꞌbá tã ꞌẽlé ĩtí rî ꞌbá yî drí rî kâtí.

Tã Âꞌdâ 18:7

Gólâ fẽ ngá-tı̣̂ tãndí tãndí dũû ãmbá trá ndrĩ ꞌdó íyî nyãányâ drí. Gõꞌdá ngbãângbânõ rî, ꞌdõvó gólâ ũnı̣̃ drẽ ĩzã kõkõ ngá ãkõ kâ bê ꞌdĩ võ lâ ꞌá. Tãlâ gólâ rĩꞌá ạ́rú-ạ́rúwạ́ ꞌbá ꞌî rõô, gõꞌdá tã ı̣̂sũ-ı̣̂sũ bê íyî nyãányâ drí kĩ, “Mâ rĩꞌá õzõ kúmú ạ́ngı̣́ kâtí, má âꞌdó kô õzõ ạ̃yı̣́zı̣́ kâtí ĩzã ró, lâŋõ ûsú mâ kô gõꞌdá ámâ ꞌbãlé ĩzã ró.”

Tã Âꞌdâ 19:20

Gõꞌdá ódrí kõrõnyã ũrı̣̃-gâ-dẽ ró rî ꞌdĩ rũzó tã ậngũ ꞌbá gólâkâ rĩ ꞌbá õjílã lãmbé kõrõnyã ꞌdĩ kâ bê rî âdólé tã lârâkô ꞌẽꞌẽ sĩ, rĩꞌá kõrõnyã ꞌdî líndrí lâ ı̣̂njı̣̃lı̣́ rî bê. Úvũ kõrõnyã ꞌdî tã ậngũ ꞌbá gólâkâ rĩ ꞌbá õnjõ âdólé ꞌdî bê kpạ̃rạ̃tı̣́ lédrẽ-lédrẽ ró lı̣̃mvû ândrê gólâ rĩ ꞌbá kõlé lạ̃sı̣́ bạ̃rútı̣̃ kâ sĩ rî ꞌá.

Tã Âꞌdâ 21:8

Gõꞌdá õjílã gólĩyî tã ậtũ ꞌbá kôꞌdáwá gõꞌdá kpá tã lẽlẽ ꞌbã ꞌbá ĩyî kô má ꞌá rî ꞌbá yí bê, kpá gólĩyî rĩ ꞌbá ôvârí ãbãrãdãgõ ãzâ ꞌbá yî ı̣̂njı̣̃lı̣́ ĩꞌdî gõꞌdá kpá gólĩyî õjílã ûfú ꞌbá ró, gólĩyî ĩyî trõ ꞌbá drı̣́ ꞌá ágó ngãtá õkó ãzí-ãzí kâ ậyı̣́zó rî ꞌbá yî, gólĩyî ólé ró gõꞌdá ójó ró gõꞌdá kpá drı̣́-ꞌbá ró rî ꞌbá yî, gõꞌdá gólĩyî õnjõ ꞌbá ró rî ꞌbá yí bê, áâꞌdô gólĩyî lûvũꞌá ndrĩ lạ̃sı̣́ lı̣̃mvû ândrê kâ rĩ ꞌbá kõlé zãâ gbạ́dú rî ꞌá, gõꞌdá úzı̣̂ ꞌdĩî rĩꞌá õdrã rı̣̃ lâ ró zãâ rî ĩꞌdî.

Tã Âꞌdâ 22:15

Kpálé rî, õjílã Sãtánã kâ, gólĩyî ólé ró, drı̣̃ rũ ꞌbá ꞌdãzí rî õkó bê rî ꞌbá yî, ãzí-ãzí ûfú ꞌbá rî ꞌbá yî, gólĩyî ôvârí ãbãrãdãgõ ı̣̂njı̣̃ ꞌbá ĩꞌdî rî ꞌbá yî gõꞌdá õnjõ âgã ꞌbá rî yî ndrĩ ꞌdó, gólĩyî ndrĩ rĩ ꞌbá tã ꞌdî ꞌbá yî ꞌẽlé rî ꞌbá yî fí kô ãlôwálâ jạ̃rı̣́bạ̃ rî ꞌdĩ ꞌá.