Fıٜ̃lıٜ́pıٜ̃ lé ꞌbá 3:16 - Tã-drı̣̃ Lẽlẽ Óꞌdí Óvârí Kâ

¹⁶ Õzõ õꞌê rû kpálé ĩtí rî, nĩ ꞌdê mã nĩ zãâ sı̣́sı̣́ ꞌálâ ró tã ꞌẽlé, âꞌdô tã tãndí gólĩyî ãnî drí ꞌẽlé sı̣́sı̣́ rî vó ró.

Fıٜ̃lıٜ́pıٜ̃ lé ꞌbá 3:16 Cross References

Rómã lé ꞌbá 12:16

Ĩtí rî, nĩ rî rĩlí õjílã ndrĩ ãzâ ꞌbá yí bê tã ạ̃ꞌdı̣́ sĩ. Nĩ trõ gólĩyî ꞌbãlé âꞌdólé ãnî drí ótó-rúꞌbạ́-lâꞌbé-ãzí ró. Gõꞌdá nĩ ꞌê ạ́rú-ạ́rúwạ́ kô. Ĩtí rî, nĩ âꞌdô njãâ õjílã gólĩyî võ ndrẽzó tậyı̣̂ drı̣̃ lâ ĩyî sĩ rî ꞌbãlé kpá ãnî ótó-rúꞌbạ́-lâꞌbé-ãzí yî ró. Gõꞌdá nĩ ꞌbã ãnî kô âꞌdólé õjílã lậnjı̣̃ ꞌbá lậnjı̣̃ tã nı̣̃nı̣̃ bê rõô rî ꞌbá yî ró.

Rómã lé ꞌbá 15:5

Ôvârí rĩꞌá gólâ mbârâkã âfẽ ꞌbá ãmâ drí fĩî ậtũzó ĩꞌdî sĩ lâ rî ĩꞌdî. Gólâ rî nĩ tã lẽlẽ ãmákâ gólâ ꞌá rî ꞌẽlé lı̣̂pı̣̃lı̣́ ạ̃tı̣́ ꞌálâ, tãlâ ãmâ drí âdrézó bê rákã fê kâtí. Ĩtí rî, mã îrátã gólâ ãnî ꞌbãlé rĩlí rúꞌbạ́ ạ̃ꞌdı̣́ sĩ ãnî võ ꞌásĩ cú ĩtí lâwã-lâwã ãkó tã gólĩyî gólâ drí lẽlé krístõ ꞌbá yî drí ꞌẽlé rî ꞌbá yî tãsĩ. Gõꞌdá gólâ õꞌê ãnî ndrĩ âꞌdólé cú âꞌdô-âꞌdô Yésũ Krístõ kâ rî bê ĩꞌdî.

Gãlãtíyã lé ꞌbá 5:7

Ĩtí rî, drẽ ãkpã sı̣́sı̣́ rî, nĩ rî trá lôsĩ Yésũ kâ ꞌẽlé dódó. Gõꞌdá ãꞌdî âdô ãnî nĩ ãnî drí gõzó vólé gãlé dó tã pạ̃tı̣́ı̣̃ Yésũ kâ ꞌẽlé rî yã?

Gãlãtíyã lé ꞌbá 6:16

Gõꞌdá õjílã gólĩyî rû jã ꞌbá rĩlí zãâ tã Ôvârí kâ ꞌẽlé rî ꞌbá yî, gólĩyî trá pạ̃tı̣́ı̣̃ ró õjílã Ôvârí kâ rî yî ĩꞌdî. Ĩtí rî, Ôvârí õndrê gólĩyî ĩzã pı̣̃pı̣̂sı̣́lı̣́ tãndí sĩ, gõꞌdá gólâ õfẽ tã ạ̃ꞌdı̣́ gólâkâ kpá gólĩyî drí ndrĩ.

Fıٜ̃lıٜ́pıٜ̃ lé ꞌbá 1:27

Nĩ ꞌbã tã ı̣̂sũ ãníkâ tã gólâ ãlô nõ ꞌẽlé. Ãnî õjílã Ôvârí kâ ró rî ꞌbá yî, nĩ rî tã ꞌẽlé âꞌdô tã âtî-âtî Krístõ rî tãsĩ rî vó ró. Gõꞌdá ĩtí rî, õzõ má ĩîcâ nĩlí ãnî ndrẽlé, ngãtá õzõ má ĩîcâ kô âꞌdólé ãní bê tólâ rî, má lẽ ârílâ kĩ, ãnî rĩꞌá ngạ́rạ́-ngạ́rạ́ kpãkã ãlô tã lẽlẽ ãníkâ tã âtî-âtî Ôvârí kâ ꞌá rî ꞌá.

Fıٜ̃lıٜ́pıٜ̃ lé ꞌbá 2:2

Bê trá ĩtí rî, ꞌdõvó nĩ ꞌê tã gólĩyî nõ ꞌbá yî ĩꞌdî ámâ ꞌbãlé âꞌdólé ãyĩkõ ró rõô. Tã ı̣̂sũ ãníkâ ãâꞌdô kpãkã ãlô, nĩ ꞌbã ãnî ãzí-ãzí yî lôvó, nĩ rî ngá ãlô ró pı̣̃pı̣̂sı̣́lı̣́ ꞌá.

Fıٜ̃lıٜ́pıٜ̃ lé ꞌbá 4:2

Ẽwõdíyã ãnî Sĩnĩtíkẽ bê, má lôꞌbã rú ãnî drí rû lẽlé ãnî vó ꞌásĩ ậmvúpı̣̃ ãzí gólĩyî kpạ̃rạ̃tı̣́ tã lẽ ꞌbá trá Kúmú ãmákâ Yésũ ꞌá rî ró.

Kõlósĩ lé ꞌbá 2:6

Gõꞌdá õzõ ãnî drí tã-drı̣̃ lẽrẽ trá kĩ Yésũ Krístõ ãâꞌdô kúmú ãníkâ ꞌî ꞌdĩ rî, ꞌdõvó nĩ ꞌbã ãnî nyãányâ rĩlí ngá ãlô ró gólâ bê.

Kõlósĩ lé ꞌbá 4:2

Nĩ rî zãâ rãtáã ꞌẽꞌẽ sĩ Ôvârí drí, gõꞌdá ãnî lı̣̃fı̣́ õrî zãâ ngíyá, gõꞌdá nĩ rî kpá zãâ ãwô-ĩtí ꞌẽlé Ôvârí drí.

Tã Âꞌdâ 3:3

Má âtâ tã ãnî drí tã gólĩyî îmbálé trá ãnî drí gõꞌdá kpá tã gólĩyî lẽlé trá rî ãâgâ ãnî drı̣̃ı̣̂, nĩ rî rĩlí tã lẽlẽ sĩ tã rî ꞌdĩ ꞌbá yî ꞌá pı̣̃pı̣̂sı̣́lı̣́ ãlô sĩ. ꞌDõvó nĩ âyê kpá tã gólĩyî õnjí ró ãnî drí rĩꞌá trá ꞌẽlâ rî ꞌbá yî. Nĩ njı̣̃ lı̣̃fı̣́ ậꞌdú ꞌásĩ, tãlâ má õzó âcá ãnî ngálâ nyĩî ró õzõ ũgú kâtí gõꞌdá ãnî tı̣̂ drí ậꞌdı̣́zó drílâ sĩ.