Fıٜ̃lıٜ́pıٜ̃ lé ꞌbá 3:14 - Tã-drı̣̃ Lẽlẽ Óꞌdí Óvârí Kâ

¹⁴ Má sê ámâ nyãányâ nĩlí ạ̃tı̣́ ꞌálâ ꞌdĩ nĩlí drı̣́-ꞌâ gólâ Ôvârí drí ámâ zĩzó ânĩꞌá ûsúlâ ꞌdĩ ûsúlı̣́ ꞌbũû ꞌálâ Yésũ Krístõ sĩ.

Fıٜ̃lıٜ́pıٜ̃ lé ꞌbá 3:14 Cross References

Lúkạ̃ 16:16

“Ạ̃kû ró rî, Ôvârí âtâ tã tãndí yí drí ꞌẽꞌá ꞌẽlâ õjílã pãzó rî trá. Músạ̃ rî trá úlı̣́ Ôvârí kâ âtálé, gõꞌdá tã ậngũ ꞌbá ãzâ ꞌbá yî rî kpá ꞌẽlâ. Gõꞌdá Yõwánĩ tíbê rĩ ꞌbá lı̣̃mvû dãlé õjílã drı̣̃ı̣̂, ãâyê ró ĩyî tã õnjí ĩyíkâ rî âtâ kpá. Mâ kpá ĩꞌdî âtáꞌá lâ nõ, õzõ nĩ ãâjâ drı̣̃ tã õnjí ꞌásĩ rî, Ôvârí âꞌdô ãnî pãꞌá. Õjílã ãmbá ârî tã ámákâ trá, gõꞌdá ꞌbã ĩyî trá ậyı̣́lı̣́ úlı̣́ ámákâ rî drı̣̃ı̣̂ îcâ-îcâ ró.

Rómã lé ꞌbá 11:29

Tã ı̣̂sũ Ôvârí kâ já rû kô õjílã Ĩsĩrãꞌélẽ kâ drı̣̃ı̣̂ sĩ. Ạ̃kû ró ạ̃kû ró nã sĩ rî, gólâ njĩ gólĩyî trá lôvó sĩ âꞌdólé õjílã íyî nyãányâ kâ rî ꞌbá yî ró.

1 Kõrínĩtõ lé ꞌbá 9:24

Nĩ ndrê drẽ, îcâ trá ãnî drí ãnî nyãányâ sẽlé nĩlí ạ̃tı̣́ ꞌálâ nĩlí zãâ drı̣́-ꞌâ ûsúlı̣́.

2 Kõrínĩtõ lé ꞌbá 4:17

Ĩtí rî, lâŋõ gólâ rĩ ꞌbá ãmâ ꞌẽlé ı̣̃nyạ́kú nõ drı̣̃ı̣̂ nõ, ngá nõ ꞌbá yî cé fínyáwá ĩtí. Lâŋõ rî ꞌdĩ ꞌbá yî âꞌdô ãmâ ꞌẽꞌá cé kậyı̣̂ dã sĩ. Ĩtí rî gõꞌdá, lâŋõ rî ꞌdĩ ꞌbá yî rî ĩyíkâ ꞌdĩ lạ́tı̣̂ njı̣̃ꞌá ãmâ drí mbârâkã Ôvârí kâ ûsúzó tã lânjã gólâkâ tíbê lậvũ ꞌbá gạ̃rạ̃ lâŋõ gólâ rĩ ꞌbá ãmâ ꞌẽlé rî ꞌbá yî drı̣̃ı̣̂ sĩ rî bê.

Fıٜ̃lıٜ́pıٜ̃ lé ꞌbá 3:3

Mã ı̣̂sũ tã kô ꞌdẽꞌdẽ bãsã ꞌá rî drı̣̃ı̣̂ ãmâ õjílã mvá ꞌbãlé âꞌdólé õjílã Ôvârí kâ ró. Ãmâ gólĩyî rĩ ꞌbá Ôvârí rî ı̣̂njı̣̃lı̣́ kôrô Líndrí Tãndí gólâkâ ꞌásĩ rî ꞌbá yî ĩꞌdî rĩꞌá gólĩyî pạ̃tı̣́ı̣̃ ꞌdẽ ꞌbá trá bãsã ꞌá rî. Ãmâ ãyĩkõ ró âꞌdólé ngá ãlô ró Yésũ Krístõ bê, gólâ ĩꞌdî rĩꞌá lạ́tı̣̂ pạ̃tı̣́ı̣̃ ꞌî âꞌdózó õjílã Ôvârí kâ ró.

Kõlósĩ lé ꞌbá 2:18

Nĩ âyê õjílã ãzâ ãlôlâ ãâdô ãnî kô, gõꞌdá nĩ ꞌbã ãnyĩ õꞌê ãnî kô tã gólâ ãnî drí lãꞌbí ꞌdãzó kô ngãtá ôvârí ãnî ạ́ꞌbı̣́yạ́ yí kâ rî îrátãzó kô ꞌdĩ ꞌá. Ĩtí rî, õjílã gólĩyî rĩ ꞌbá tã ꞌdî ꞌbá yî ꞌẽlé ꞌdĩ rî, gólĩyî rî ĩyî lômbélé âbĩ-âbĩ ĩyíkâ rĩꞌá âbĩlâ rî ꞌbá yî tãsĩ ĩꞌdî. Tã ndrĩ gólĩyíkâ rĩꞌá âtálâ rî ꞌbá yî rĩꞌá lôsĩ ãkó, tãlâ tã ı̣̂sũ gólĩyíkâ ĩyíkâ cé ĩyî tã ꞌbãlé ĩꞌdî âꞌdólé gạ̃rạ̃.

1 Tẽsãlõníkã lé ꞌbá 2:12

ꞌdíyî îcî-îcî, gõꞌdá kpá tã-drı̣̃ lôgõ-lôgõ tã mbı̣̂mbı̣̂ Ôvârí rî ꞌbã ꞌbá âꞌdólé ãyĩkõ ró rî ꞌbá yî ꞌẽlé ĩꞌdî rî sĩ. Gólâ rî gógó ĩꞌdî ãnî ậzı̣́ ꞌbá âꞌdólé íyíkâ ró kũmũ íyíkâ zẽlé ãmbã íyíkâ nı̣̃lı̣́ rî.

2 Tĩmátĩyã 1:9

Ní ndrê trá, Ôvârí pâ ãmâ trá gõꞌdá zı̣̂ ãmâ trá, mã âꞌdô ró bê õjílã tãndí íyíkâ ró járáꞌbítí. Gólâ ꞌê tã ꞌdî ĩtí, tãlâ gólâ rî ífífí lẽ ãmâ trá rõô, gõꞌdá ꞌâ lâ nı̣̃ trá ãmâ rú. Gólâ ꞌé tã ꞌdî ãmâ drí ꞌdĩ tã ãmâ drí rĩꞌá ꞌẽlâ rî ꞌá kô. Ạ̃kû ró Ôvârí ꞌbãá drẽ ãngó nõ kô rî, Ôvârí ꞌbã tã trá tã tãndí ꞌẽzó ãmâ drí tã Yésũ Krístõ kâ sĩ.

Ị́bũrũ 3:1

Ãnî ndrĩ, ámâ ậdrúpı̣̃ yî ámâ îzó yí bê gólĩyî Ôvârí drí zı̣̃lı̣́ trá õjílã íyíkâ ró rî ꞌbá yî, ꞌdõvó ãnî ndrĩ, nĩ ı̣̂sũ tã Yésũ rî tãsĩ. Ôvârí âjô gólâ trá ãmâ drí tã êdé ꞌbá ró ãmâ lãfálé yí bê gõꞌdá kpá gólâ ãmâ drí tã lẽzó ꞌá lâ rî ró.

Ị́bũrũ 6:1

Âꞌdô bê trá ĩtí rî, ꞌdõvó ãmâ ãní bê rî õlôpê rû ạ̃tı̣́ ꞌálâ tã gólĩyî Ôvârí drí ꞌbãlé trá ãmâ lı̣̂njı̣́ ꞌbá trá rî yî drí nı̣̃lı̣́ rî ꞌbá yî ꞌẽlé dódó mbı̣̂mbı̣̂. Gõꞌdá mã rî kô rĩꞌá cé tã îtõ-îtõ gólĩyî ãmâ drí ârílí trá Yésũ rî tãsĩ rî ꞌbá yî ꞌẽlé ĩꞌdî. Mã îtõ kô kpá óꞌdí cé tã îmbálé ũgúlı̣́ jãlé tã õnjí ꞌásĩ gõꞌdá tã lẽlẽ ãmákâ ꞌbãlé Ôvârí ꞌá rî tãsĩ.

1 Pétẽrõ 1:13

Ĩtí rî, tã ꞌdî ꞌbá yî tãsĩ rî, ꞌdõvó nĩ rî lı̣̃fı̣́ lõmbâ sĩ, nĩ rî njãâ tã Ôvârí kâ rî ꞌẽlé. Nĩ ꞌbã ãnî lı̣̃fı̣́ cé drı̣́-ꞌâ Ôvârí drí ꞌẽꞌá fẽlâ ãnî drí kậyı̣̂ gólâ drí ꞌẽzó Yésũ rî âꞌdálé ꞌdíyî pã ꞌbá ró õjílã drí rî drı̣̃ı̣̂.

1 Pétẽrõ 5:10

Ôvârí lẽ ãnî rõô. Gólâ njĩ ãnî trá, ãꞌdô ró ãmbã íyíkâ ậmúlı̣́ yí bê ạ̃dũkũ ãkó, tãlâ ãnî trá ngá ãlô ꞌî Yésũ Krístõ bê. Lâŋõ ꞌdî âꞌdô ꞌẽꞌá ãnî ꞌẽlé cé kậyı̣̂ dã sĩ. Gõꞌdá ꞌdĩî vósĩ rî, Ôvârí rî nyãányâ âꞌdô mbârâkã fẽꞌá ãnî drí âdrézó gạ́gạ́, tãlâ ngá ãzâ ãlôlâ õzó kô ãnî pẽê.

2 Pétẽrõ 1:3

Õzõ ãmâ drí Ôvârí rî nı̣̃rı̣̃ trá tãndí ró rî, Ôvârí âfẽ ngá gólĩyî ãmâ drí lẽlé rî yî trá ndrĩ ãmâ drí, ãꞌdô ró ãmâ drí îcázó rĩlí gólâ bê zãâ gbạ́dú gõꞌdá kpá âꞌdólé õzõ íyí kâtí âꞌdô-âꞌdô ãmákâ ꞌá, mbârâkã ãkĩ gólâkâ rî sĩ. Gólâ njĩ ãmâ trá ãmbã íyî ífífí kâ ậmúlı̣́ gõꞌdá âꞌdô-âꞌdô tãndí íyíkâ bê.

Tã Âꞌdâ 3:21

Nĩ ârî drẽ, gólĩyî rĩ ꞌbá fĩî ậtũlı̣́ gõꞌdá tã âyézó kô ꞌdẽzó má vósĩ rî, má âꞌdô gólĩyî ậzı̣́ꞌá rĩlí má bê kúmú ró. ꞌDĩî rĩꞌá tã ãlôlâ, õzõ má drí âtálé trá kĩ má rî trá tã lẽlẽ sĩ, gõꞌdá nĩngá sĩ ámâ átá drí ámâ zĩzó rĩlí kúmú ró yí bê rî kâtí.