Fıٜ̃lıٜ́pıٜ̃ lé ꞌbá 3:12 - Tã-drı̣̃ Lẽlẽ Óꞌdí Óvârí Kâ

¹² Má rí nõ kô tã âmãlé kĩ, má ûsû ngá gólĩyî má drí lẽlé rî ꞌbá yî trá ngbálá. Má rí nõ kô tã âmãlé kĩ, mâ trá kậkậrậ õjílã mbı̣̂mbı̣̂ ꞌî cú ĩtí tã õnjí ãkó rĩrĩ ámákâ ꞌá. Gõꞌdá má rî nõ bê-rî zãâ bạ̃dı̣̃ rû cẽlé âꞌdózó õzõ ꞌdĩî rî kâtí ámâ nyãányâ drí, tãlâ Yésũ Krístõ ꞌbã mâ trá âꞌdólé õjílã íyíkâ ró.

Fıٜ̃lıٜ́pıٜ̃ lé ꞌbá 3:12 Cross References

Mãtáyõ 5:48

Ĩtí rî, ãnî nyãányâ, nĩ rî tã gólĩyî âꞌdó ꞌbá mbı̣̂ pạ̃tı̣́ı̣̃ rî ꞌẽlé ĩꞌdî kárá, õzõ ãnî átá ûrú ꞌálâ rî drí rĩrĩ tã mbı̣̂ ꞌẽlé rî kâtí.”

Tã ꞌẼꞌẽ 9:15

Gõꞌdá nĩngá sĩ, Yésũ drí tã âtázó gólâ drí kĩ, “Ní ı̣̂sũ tã kô. Mí nĩ! Gólâ rĩꞌá ãgô gólâ má drí njĩlí trá rû ı̣̂ꞌbũlı̣́ má drí rî ĩꞌdî, tãlâ gólâ õpẽ ró tã âtî-âtî ámákâ bê gólĩyî ngá ãwã ró rî yî drí kúmú lâ yí bê ndrĩ gõꞌdá kpá õjílã Ĩsĩrãꞌélẽ kâ rî ꞌbá yî drí.

1 Kõrínĩtõ lé ꞌbá 13:10

Gõꞌdá õzõ Ôvârí ẽêdê ngá yí drí lẽlé rî yî trá ndrĩ rî, ngá ꞌdĩ ꞌbá yî âꞌdô ꞌẽꞌá rû ndẽlé ndrĩ.

1 Kõrínĩtõ lé ꞌbá 13:12

Ĩtí rî, ngbãângbânõ rî, mã rî tã Ôvârí kâ rî ndrẽlé õzõ líndrí gólĩyî ãmâ drí rĩꞌá ndrẽlâ ngãnã ꞌá cé fũyạ̃-fũyạ̃ rî kâtí. Gõꞌdá ı̣̃zạ́tú rî, mã âꞌdô ꞌẽꞌá âdrélé cú Ôvârí ândrá ãmâ drí gõzó gólâ rî ndrẽlé dódó ãmâ nyãányâ sĩ. Ngbãângbânõ rî, mã nı̣̃ tã trá fínyáwá ĩtí Ôvârí rî tãsĩ. Gõꞌdá ı̣̃zạ́tú rî, mã âꞌdô ꞌẽꞌá gólâ rî nı̣̃lı̣́ tãndí ró dódó ĩtí.

1 Kõrínĩtõ lé ꞌbá 9:24

Nĩ ndrê drẽ, îcâ trá ãnî drí ãnî nyãányâ sẽlé nĩlí ạ̃tı̣́ ꞌálâ nĩlí zãâ drı̣́-ꞌâ ûsúlı̣́.

2 Kõrínĩtõ lé ꞌbá 13:9

Ĩtí rî, ãmâ rĩꞌá ãyĩkõ ró âꞌdólé mbârâkã ãkó, õzõ âꞌdô-âꞌdô mbârâkã ãkó ꞌdĩ ãâꞌdô ãnî ꞌbãꞌá cú âꞌdólé mbârâkã bê gạ̃rạ̃ rî. Tãlâ tã rî ꞌdĩ tãsĩ rî, mã ꞌê rãtáã Ôvârí drí, nĩ rî ró bê zãâ ạ̃tı̣́ ꞌálâ tã Ôvârí kâ ꞌẽꞌẽ lâ bê.

2 Kõrínĩtõ lé ꞌbá 7:1

Ámâ rû-lẽ-ãzíyã yî, õzõ Ôvârí drí tã ꞌbãrẽ trá ꞌẽꞌá ꞌẽlâ ãmâ drí rî tí rî, mã âyê gõꞌdá tã õnjî-õnjî gólĩyî rĩ ꞌbá ãmâ rúꞌbạ́ tã ı̣̂sũ bê ꞌbãlé âꞌdólé îzãlé rî ꞌbá yî ndrĩ. Ĩtí rî, mã rî ró gõꞌdá cé tã mbı̣̂ rî ꞌẽlé ĩꞌdî, ãâꞌdâ ró bê kĩ, mã ı̣̂njı̣̃ Ôvârí trá rõô.

Gãlãtíyã lé ꞌbá 5:17

Má âtâ tã ꞌdî ĩtí ꞌdĩ rî, tãlâ tã lôvó ãmâ rúꞌbạ́ kâ rî lẽ ĩyíkâ zãâ tã gólĩyî Líndrí Tãndí Ôvârí kâ drí lẽlé kô rî ꞌbá yî ꞌẽlé ĩꞌdî. Gõꞌdá Líndrí Tãndí Ôvârí kâ lẽ ãmâ drí kpá tã gólĩyî tã lôvó ãmâ rúꞌbạ́ kâ drí lẽlé kô rî ꞌẽlé ĩꞌdî. Líndrí Tãndí Ôvârí kâ gõꞌdá tã lôvó ãmâ rúꞌbạ́ kâ rî bê rî, rî ĩyî ı̣̃tú vósĩ cé rû fũlı̣́. Ĩtí rî, gólĩyî lẽé ĩyî rû kô, gólĩyî ạ̃jú-ꞌbá-ãzí ꞌî. Tãlâ ĩꞌdî ꞌdĩ, ãmâ drí îcázó tã gólĩyî ãmâ drí lẽlé ꞌẽlâ rî ꞌẽlé kô ꞌdĩ cú ĩtí mbârâkã ãmákâ sĩ.

Ẽfésõ lé ꞌbá 1:4

Õrẽ lâ yî ĩꞌdî rĩꞌá nõtí, ạ̃kû ró, drẽ ãkpãkãꞌdã Ôvârí ꞌbãá ãngó nõ kô rî, gólâ lẽ ãmâ trá rõô, gõꞌdá gólâ njĩ ãmâ krístõ ꞌbá trá âꞌdólé õjílã íyî nyãányâ kâ ró ãmâ ꞌbãꞌbã sĩ âꞌdólé ngá ãlô ró Yésũ Krístõ bê. Gólâ ꞌê tã rî ꞌdĩ ĩtí ꞌdĩ rî, tãlâ gólâ lẽ ãmâ ndrẽlé ngbángbá tã õnjí ãkó yí lı̣̃fı̣́.

Ẽfésõ lé ꞌbá 4:12

Yésũ Krístõ fẽ ngá fẽfẽ ꞌdî ꞌbá yî trá õjílã Ôvârí kâ drí, tãlâ õꞌbã ró gólĩyî bê kạ̃nı̣́sạ̃ Ôvârí kâ pãlé mbãlé âꞌdólé mbârâkã bê.

Fıٜ̃lıٜ́pıٜ̃ lé ꞌbá 1:1

Mâ Póõlõ îgĩ wárãgã nô nĩ ãnî gólĩyî õjílã Ôvârí rî nyãányâ kâ Fı̣̃lı̣́pı̣̃ ꞌálâ rî ꞌbá yî drí. Ãmâ Tĩmátĩyã bê, ãmâ gólĩyî âꞌdó ꞌbá rû ı̣̂ꞌbũ ꞌbá Yésũ Krístõ kâ ró rî ꞌê nî-bê-yã ãnî drí. Má rî tã îgĩlí ãnî ndrĩ gólĩyî rĩ ꞌbá ngá ãlô ró Yésũ Krístõ bê rî yî drí gõꞌdá kpá ãnî drı̣̃-ꞌbá kạ̃nı̣́sạ̃ kâ rî ꞌbá yî drí, gõꞌdá kpá ãnî kạ̃nı̣́sạ̃ vó ndrẽ ꞌbá ró rî yî bê.

Fıٜ̃lıٜ́pıٜ̃ lé ꞌbá 3:16

Õzõ õꞌê rû kpálé ĩtí rî, nĩ ꞌdê mã nĩ zãâ sı̣́sı̣́ ꞌálâ ró tã ꞌẽlé, âꞌdô tã tãndí gólĩyî ãnî drí ꞌẽlé sı̣́sı̣́ rî vó ró.

Fıٜ̃lıٜ́pıٜ̃ lé ꞌbá 3:3

Mã ı̣̂sũ tã kô ꞌdẽꞌdẽ bãsã ꞌá rî drı̣̃ı̣̂ ãmâ õjílã mvá ꞌbãlé âꞌdólé õjílã Ôvârí kâ ró. Ãmâ gólĩyî rĩ ꞌbá Ôvârí rî ı̣̂njı̣̃lı̣́ kôrô Líndrí Tãndí gólâkâ ꞌásĩ rî ꞌbá yî ĩꞌdî rĩꞌá gólĩyî pạ̃tı̣́ı̣̃ ꞌdẽ ꞌbá trá bãsã ꞌá rî. Ãmâ ãyĩkõ ró âꞌdólé ngá ãlô ró Yésũ Krístõ bê, gólâ ĩꞌdî rĩꞌá lạ́tı̣̂ pạ̃tı̣́ı̣̃ ꞌî âꞌdózó õjílã Ôvârí kâ ró.

Fıٜ̃lıٜ́pıٜ̃ lé ꞌbá 3:8

Gõꞌdá âꞌdó kô cé tã rî ꞌdĩ ꞌbá yî ĩꞌdî. Má ndrê ngá ãzâ ꞌbá yî kpá ndrĩ õzõ ꞌdĩî kâtí. Má âyê ngá rî ꞌdĩ ꞌbá yî trá ndrĩ, ãꞌdô ró bê má drí îcázó Yésũ Krístõ rî nı̣̃lı̣́ Kúmú ámákâ ró. Gólâ rî nı̣̃nı̣̃ lậvũ gạ̃rạ̃ kôrô ngá ndrĩ ãzâ ꞌdĩ ꞌbá yî drı̣̃ı̣̂ sĩ. Ngá ãzâ ꞌbá yî ꞌdĩ lêndrê má lı̣̃fı̣́ tõtõ má drí kũlı̣́ ômvólé dãlé vólé õmã ꞌá rî ró, ãꞌdô ró bê má drí ꞌbãzó õjílã Yésũ kâ rî ró.

1 Tẽsãlõníkã lé ꞌbá 5:15

Nĩ lôgõ tã õnjí kô õjílã tã õnjí ꞌẽ ꞌbá trá ãnî drí rî drí. Ãꞌdô kpálé ĩtí rî, nĩ lôndã tã tãndí ĩꞌdî ꞌẽlé ãnî vó ꞌásĩ, gõꞌdá kpá õjílã drí ndrĩ.

2 Tẽsãlõníkã lé ꞌbá 2:13

Ãnî nyãányâ drí, ãmâ ậdrúpı̣̃ yî ãmâ îzó yí bê, rĩꞌá tã mbı̣̂ ró ãmâ drí ãwô-ĩtí ꞌẽzó ãnî tãsĩ Ôvârí drí ãnî gólĩyî Kúmú drí lẽlé, tãlâ tã nô ꞌbá yî tãsĩ rî. Ôvârí êpẽ ãnî õjílã drı̣̃-káká gólâ drí pãlé rî yî ró, gólâ rî Líndrí Tãndí âꞌdô ãnî ꞌbãꞌá îcálé mbı̣̂mbı̣̂ õjílã íyíkâ ró, gõꞌdá tã lẽlẽ ãníkâ sĩ tã mbı̣̂ ꞌá.

1 Tĩmátĩyã 5:10

Gõꞌdá kpá gólâ rî rú drí rĩꞌá lı̣̂kúlı̣́ tã ꞌẽꞌẽ tãndí íyíkâ ꞌá rî ĩꞌdî. Gólâ drí rĩzó õjílã pãlé kpálé lâŋõ ãmbá gólĩyî ꞌẽ ꞌbá ꞌdĩ ꞌbá yî ꞌásĩ rî, drílâ ꞌdĩyímvá íyíkâ lı̣̃fı̣́ lâ îcízó dódó. Gõꞌdá gólâ kpá rĩꞌá sı̣́ bê ârí ró õjílã gólĩyî lâŋõ bê rî drí, rĩꞌá ngá nyãnyã fẽlé gólĩyî drí ꞌwãâꞌwâ. Gólâ drí âꞌdólé ı̣̃tú vósĩ cé njãâ tã tãndí ꞌẽlé ĩꞌdî õjílã Ôvârí kâ drí.

1 Tĩmátĩyã 6:19

Tãlâ ngá fẽfẽ gólĩyíkâ ꞌdĩ tãsĩ rî, gólĩyî âꞌdô tã tãndí ãmbá êꞌbéꞌá ĩyî ífífí drí ạ̃tı̣́ ꞌálâ tólâ ûrú ꞌálâ. Gólĩyî õꞌê ĩtí, tãlâ gólĩyî ũûsû ró lédrẽ-lédrẽ pạ̃tı̣́-pạ̃tı̣̃ ró rî bê ạ̃dũkũ ãkó.

Ị́bũrũ 12:14

ꞌDõvó nĩ ꞌê tã tãndí ró pı̣̃pı̣̂sı̣́lı̣́ ãlô sĩ, ãꞌdô ró bê ãnî drí rĩzó pı̣̃pı̣̂sı̣́lı̣́ ạ̃ꞌdı̣́ sĩ õjílã bê ndrĩ. ꞌDõvó nĩ ûjũ kpá zãâ rĩꞌá tã gólĩyî Ôvârí kâ mbı̣̂mbı̣̂ rî ꞌbá yî ꞌẽlé ĩꞌdî ngbá. Gõꞌdá õzõ õjílã ãzãkã õrî kô rĩlí cé tã gólĩyî Ôvârí kâ mbı̣̂mbı̣̂ rî ꞌbá yî ꞌẽlé ĩꞌdî rî, gólâ îcá kô cãlé Kúmú Ôvârí ngálâ.

Ị́bũrũ 12:23

Nĩ ânĩ trá Ôvârí rî lûyı̣́lı̣́ võ ãlô ꞌá kpãkã ãlô õjílã gólâkâ ndrĩ rú lâ yî îgĩlí trá búkũ gólâkâ ꞌá ꞌbũû ꞌálâ rî ꞌbá yí bê. Nĩ ânĩ trá Ôvârí rî nyãányâ ngálâ. Gólâ ĩꞌdî tã kĩ ꞌbá õjílã ndrĩ ãngó nõ ꞌá rî ꞌbá yí kâ. Ôvârí ndrê õjílã íyíkâ rî ꞌbá yî ndrĩ íyî mvá sı̣́sı̣́ tã lâ yî drí lậnjı̣̃lı̣́ lậnjı̣̃ rî ꞌbá yî ró. Nĩ ânĩ trá võ gólâ õjílã Ôvârí kâ ndrĩ gólĩyî ôdrã ꞌbá trá ạ̃kû ró rî ꞌbá yî drí rû êꞌbézó trá rî ꞌá. Ôvârí ꞌbã gólĩyî trá âꞌdólé járáꞌbítí tãndí ró tã õnjí ãzãkã ãkó ãlôwálâ.

1 Pétẽrõ 5:10

Ôvârí lẽ ãnî rõô. Gólâ njĩ ãnî trá, ãꞌdô ró ãmbã íyíkâ ậmúlı̣́ yí bê ạ̃dũkũ ãkó, tãlâ ãnî trá ngá ãlô ꞌî Yésũ Krístõ bê. Lâŋõ ꞌdî âꞌdô ꞌẽꞌá ãnî ꞌẽlé cé kậyı̣̂ dã sĩ. Gõꞌdá ꞌdĩî vósĩ rî, Ôvârí rî nyãányâ âꞌdô mbârâkã fẽꞌá ãnî drí âdrézó gạ́gạ́, tãlâ ngá ãzâ ãlôlâ õzó kô ãnî pẽê.

2 Pétẽrõ 3:18

Ĩtí rî, gõꞌdá tã lẽlẽ ãníkâ Kúmú ãmákâ Yésũ Krístõ ꞌá rî õmbâ íyíkâ zãâ nĩꞌá ạ̃tı̣́ ꞌálâ lậvũlı̣́ gạ̃rạ̃ sı̣́sı̣́ rî drı̣̃ı̣̂ sĩ. Nĩ âdrê gạ́gạ́ tã lẽlẽ ãníkâ ꞌá õzõ rákã fê kâtí, gõꞌdá nĩ nı̣̃ dódó kĩ, Yésũ Krístõ lẽ ãnî trá rõô tãkó ĩtí. Ĩtí rî, mã ı̣̂njı̣̃ Kúmú ãmákâ Yésũ ngá ndrĩ drı̣̃lı̣́ rî ngbãângbânõ gõꞌdá zãâ gbạ́dú ạ̃dũkũ ãkó. Ãâꞌdô ĩtí.