Fıٜ̃lıٜ́pıٜ̃ lé ꞌbá 2:8 - Tã-drı̣̃ Lẽlẽ Óꞌdí Óvârí Kâ

⁸ Gõꞌdá âꞌdô-âꞌdô gólâkâ õjílã mvá ró ꞌdĩ, gólâ ꞌbã íyî nyãányâ trá gbõ âꞌdólé õjílã gólâ tã lâ drí lậnjı̣̃lı̣́ lậnjı̣̃ kô rî ró. Ĩtí rî, gólâ rô Ôvârí trá bũúũ cãlé íyî nyãányâ âyélé fũlı̣́. Gólâ lẽ tã-drı̣̃ kpá drãzó fê lậlı̣̂-lậlı̣̂ drı̣̃ı̣̂ õzõ tã õnjí ꞌbá kâtí.

Fıٜ̃lıٜ́pıٜ̃ lé ꞌbá 2:8 Cross References

Mãtáyõ 17:2

Gõꞌdá Yésũ õtírĩ ꞌbãâ lãjóꞌbá íyíkâ ꞌdĩ ꞌbá yí bê únı̣́ ꞌdĩ drı̣̃ ꞌá tólâ rî, nyĩî ró, Yésũ rî lârâkô drí rû jãzó âꞌdólé lậgû-lậgû ró, nı̣̃lı̣́ lâ drí gõzó lậgúlı̣́ kạ̃ꞌdậ-kạ̃ꞌdậ õzõ ı̣̃tú kâtí. Gõꞌdá ítá gólâkâ drí rû jãzó kpá âꞌdólé lậgû-lậgû ró rõô õzõ ngá îꞌĩ kâtí.

Mãtáyõ 26:39

Nĩngá sĩ, Yésũ drí ngãzó nĩlí gbíyá ạ̃tı̣́ ꞌálâ, gõꞌdá drílâ íyî lâlãzó vũdrı̣́ ı̣̃nyạ́kú drı̣̃ı̣̂ rãtáã ꞌẽlé kĩ, “Tátá, õzõ ĩîcâ trá ní lı̣̃fı̣́ rî, ní trõ ĩgã mvá lâŋõ gólâ ꞌẽ ꞌbá ámâ ꞌẽlé rî kâ nõ vólé. Gõꞌdá ní ꞌê tã gólâ ní drí lẽlé ꞌẽlé rî ĩꞌdî, âꞌdó kô tã gólâ má drí lẽlé rî ĩꞌdî.”

Mãtáyõ 26:42

Gõꞌdá Yésũ drí gõzó kpá óꞌdí nĩꞌá rãtáã ꞌẽlé. Gólâ kĩ, “Tátá, õzõ ĩîcâ kô ní drí ĩgã mvá lâŋõ kâ nõ trõlé vólé má drí mvũ ãkó lâ rî, má âꞌdô ꞌẽꞌá lâ õzõ ní drí lẽlé rî kâtí.”

Lúkạ̃ 9:29

Gólâ drí rĩrĩ rãtáã ꞌẽlé rî ꞌá rî, lı̣̃fı̣́ lâ drí rû ôjázó gõꞌdá ngĩî kạ̃ꞌdậ-kạ̃ꞌdậ, ítá gólâ rú rî drí gõzó rĩꞌá lậgúlı̣́, õzõ mõgbárá drí lậgúrı̣̃ kâtí.

Yõwánĩ 10:18

Õjílã ãzâ yû ꞌẽ ꞌbá ámâ fũlı̣́ cú ĩtí mbârâkã íyíkâ sĩ. Má âꞌdô ámâ nyãányâ fẽꞌá nĩ drãlé. Mâ kpá rĩꞌá mbârâkã bê lîdrízó õdrã rî ꞌdĩ ꞌásĩ. Tãlâ ꞌdĩî rĩꞌá tã gólâ ámâ átá Ôvârí drí ꞌbãlé má drí ꞌẽlé rî ĩꞌdî.”

Yõwánĩ 14:31

Mâ rî gógó trá njãâ drãlé, tãlâ má ndẽ ró tã ámâ átá drí ꞌbãlé má drí rî bê. Má lẽ õjílã ndrĩ ũnı̣̃ ró ĩyî bê kĩ, pạ̃tı̣́-pạ̃tı̣̃ ró, má lẽ ámâ átá trá. Nĩ ngâ, mã nĩ ró bê võ rî gógó ãmákâ rî ꞌálâ.”

Yõwánĩ 15:10

Ãnî gõꞌdá õzõ nĩ õrî zãâ tã îmbâ ámákâ ꞌẽlé rî, nĩ âꞌdô rĩꞌá zãâ ngá lẽlẽ ámákâ ãnî drí ꞌdĩ ꞌá, gõꞌdá má drí ãnî lôkízó tãndí ró. Nĩ âꞌdô ámâ ı̣̂njı̣̃ꞌá gõꞌdá tã ámákâ ꞌẽzó, nyé õzõ má drí rĩrĩ ámâ átá rî ı̣̂njı̣̃lı̣́ gõꞌdá tã gólâkâ ꞌẽzó, gõꞌdá drílâ rĩzó ámâ vó ndrẽlé tãndí ró rî kâtí.

Yõwánĩ 4:34

Nĩngá sĩ, Yésũ drí gõzó úlı̣́ mãnĩgõ íyíkâ ngá nyãnyã kâ ꞌdĩ ĩtõ lâ âꞌdálé gólĩyî drí kĩ, “Nĩ ndrê drẽ, má rî nõ lôsĩ gólâ Ôvârí drí ámâ âjózó ꞌẽlâ rî ꞌẽꞌá. Õzõ má õtírĩ rĩî lôsĩ gólâ drí lẽlé má drí ꞌẽlé rî ꞌẽlé rî, ꞌdĩî fẽ fãfã má drí õzõ ngá nyãnyã drí fãfã fẽrẽ õjílã drí rî kâtí. Má lẽ ámákâ zãâ ı̣̃tú vósĩ cé lôsĩ rî ꞌdĩ ꞌẽlé ndẽlé vólé.

Tã ꞌẼꞌẽ 8:33

Úgû gólâ trá gũgũ gõꞌdá ókí tã gólâkâ mbı̣̂mbı̣̂ ró kô. Úfúlı̣́ bê gólâ trá vólé ãngó nõ ꞌásĩ ꞌwãâꞌwâ ró mvá tı̣̃ ãkó ró rî. Mvá yû gólâ rî tã lôpélé sı̣́sı̣́ ꞌálâ.” Ĩsáyã 53.7-8 ꞌDĩî ꞌbá yî rĩꞌá úlı̣́ gólĩyî ãgô ꞌdĩ drí rĩꞌá zı̣̃lâ rî ꞌbá yî ĩꞌdî.

Rómã lé ꞌbá 5:19

Yésũ ĩꞌdî rĩꞌá õjílã ãlô gólâ rĩ ꞌbá kárá rĩꞌá cé tã mbı̣̂ Ôvârí kâ rî ꞌbá yî ꞌẽlé rî ĩꞌdî. Bê trá ĩtí rî, Ôvârí îcâ trá õjílã ꞌbãlé ndrĩ âꞌdólé mbı̣̂mbı̣̂ ró yí lı̣̃fı̣́ tãlâ tã mbı̣̂ ꞌẽꞌẽ Yésũ kâ tãsĩ, kpá õzõ tã õnjí Ádãmã kâ drí õjílã ndrĩ ꞌbãrẽ âꞌdólé tã õnjí ꞌbá ró rî kâtí.

2 Kõrínĩtõ lé ꞌbá 8:9

Nĩ nı̣̃ pı̣̃pı̣̂sı̣́lı̣́ tãndĩ Kúmú ãmákâ Yésũ Krístõ kâ rî trá. Nĩ nı̣̃ tã gólâ drí ꞌẽlé ãnî pãzó rî trá. Nĩ nı̣̃ trá kĩ, gólâ ngá tãndí tı̣̂ bê dũû átá lâ Ôvârí bê, gõꞌdá gólâ drí ngá ꞌdĩ ꞌbá yî âyézó ndrĩ ânĩzó drãlé, ãꞌdô ró bê ãnî pãzó, tãlâ ãnî nyãányâ nĩ ûsû ró ngá tãndí bê dũû Ôvârí drı̣́gạ́ sĩ.

Gãlãtíyã lé ꞌbá 3:13

Nĩ ndrê drẽ, lãtrí Ôvârí kâ bê ãmâ drı̣̃ı̣̂ sĩ ndrĩ, tãlâ mã ꞌé tã ꞌbãꞌbã gólâkâ ndrĩ kô. Gõꞌdá Yésũ Krístõ ĩꞌdî tíbê ãmâ drı̣̃ tĩ ꞌbá ró lãtrí Ôvârí kâ ꞌdĩ ꞌásĩ gõꞌdá lãtrí rî ꞌdĩ ꞌbá yî trõlé ndrĩ ꞌdó yí drı̣̃ı̣̂ ãmâ võ ꞌá. Mã nı̣̃ trá kĩ, gõꞌdá ótrî gólâ trá ĩꞌdî ãmâ võ ꞌá, tãlâ íîgĩ kpá trá búkũ Ôvârí kâ ꞌá kĩ, “Õjílã gólĩyî ꞌĩlí trá fê drı̣̃ı̣̂ rî ꞌbá yî, lãtrí Ôvârí kâ bê gólĩyî drı̣̃ı̣̂ sĩ.”

Títõ 2:14

Gólâ fẽ íyî nyãányâ trá drãlé ãmâ tãsĩ, ãꞌdô ró bê ãmâ pãlé tã õnjí tı̣̂ ꞌásĩ ndrĩ gõꞌdá kpá ãmâ jĩlí ngbángbá, tãlâ mã âꞌdô ró bê õjílã íyî nyãányâ kâ ró, cú ĩtí tã õnjí ãkó cé tã lẽlé rĩzó tã tãndí ró rî ꞌbá yî ꞌẽlé ĩꞌdî.

Ị́bũrũ 12:2

ꞌDõvó ãmâ lı̣̃fı̣́ ãâdrê cé Yésũ drı̣̃ı̣̂, gólâ ãmâ ꞌẽ ꞌbá âꞌdólé tã lẽlẽ bê sı̣́sı̣́ Ôvârí ꞌá, gõꞌdá kpá gólâ ãmâ ꞌẽ ꞌbá tã lẽlẽ ãmákâ drí mbãzó âꞌdólé cú mbârâkã bê gạ̃rạ̃ ãmâ drí rĩzó zãâ rĩꞌá ꞌdẽlé gólâ vó ĩꞌdî rî, tãlâ Yésũ ậtũ fĩî trá drãzó fê lậlı̣̂-lậlı̣̂ drı̣̃ı̣̂. Gõꞌdá gólâ ndrê ãnyĩ õdrã lârâkô rî gógó ꞌdĩ kâ rî yí lı̣̃fı̣́ ngá fínyáwá ró, tãlâ gólâ rî lı̣̃fı̣́ ꞌbãlé ãyĩkõ gólâ Ôvârí drí ꞌbãlé gólâ drí ı̣̃zạ́tú rî drı̣̃ı̣̂ ĩꞌdî. Gõꞌdá ngbãângbânõ rî, gólâ trá rĩꞌá Ôvârí rî drı̣́-ágó drı̣̃ lésĩ ró võ gólâkâ âꞌdózó cú drı̣́-ãcê bê ãngó nõ drı̣̃lı̣́ rî ꞌá.

Ị́bũrũ 12:4

Nĩ ndrê drẽ, õzõ nĩ õtírĩ rĩî rû cẽlé tã ûjũ-ûjũ tã õnjí ꞌbá yî drí ꞌẽlé ãnî rú rî rú rî, âcálé bũúũ ãndrõ nô rî, ꞌdĩî úûfú ãnî drẽ kô tã ꞌdî tãsĩ. Bê trá ĩtí rî, nĩ âdrê gạ́gạ́ tã lẽlé Yésũ ꞌá.

1 Pétẽrõ 2:24

Gõꞌdá íîpâ gólâ rî rúꞌbạ́ bê fê lậlı̣̂-lậlı̣̂ drı̣̃ı̣̂ tã õnjí ãmákâ tãsĩ rî, gólâ drí tã õnjí ãmákâ trõzó ndrĩ yí rú. Gólâ ꞌê tã ꞌdî ĩtí ꞌdĩ rî, ãꞌdô ró bê ãmâ ꞌbãlé drı̣̃-bạ́lạ́yı̣̂ ró mbârâkã tã õnjí kâ ꞌásĩ, gõꞌdá kpá mã õrî ró bê tã mbı̣̂ ꞌbá ró Ôvârí rî lı̣̃fı̣́ drı̣̃ ꞌá. Lâŋõ Yésũ Krístõ kâ ꞌdĩ pâ ãmâ nĩ.

1 Pétẽrõ 3:18

“Yésũ Krístõ tã mbı̣̂ ꞌẽ ꞌbá ꞌî, gõꞌdá gólâ njı̣̃ lâŋõ trá drílâ drãrẽ ꞌá, ãꞌdô ró bê ãmâ pãzó tã õnjí ãmákâ ꞌásĩ. Gólâ drã trá cé ândâlâ ãlô ndẽ trá ĩꞌdî ꞌdĩ. Gólâ ꞌé tã õnjí kô, gõꞌdá gólâ drã bê-rî ãmâ tã õnjí ꞌbá nõ ꞌbá yî võ lâ ꞌá, ãꞌdô ró bê ãmâ âjílí Ôvârí ngálâ. Úfû gólâ rî rúꞌbạ́ ı̣̃nyạ́kú trá, gõꞌdá Ôvârí îngâ gólâ trá lédrẽ-lédrẽ ró Líndrí Tãndí íyíkâ sĩ.”