Fıٜ̃lıٜ́pıٜ̃ lé ꞌbá 2:12 - Tã-drı̣̃ Lẽlẽ Óꞌdí Óvârí Kâ

¹² Gõꞌdá bê trá ĩtí rî, ãnî ámâ rû-lẽ-ãzí yî gólĩyî má drí lôvó lâ yî ꞌbãlé rî yî, ꞌdõvó nĩ rî úlı̣́ ámákâ rî ꞌbá yî ârî-ârî lâ yî sĩ, õzõ ãnî drí rĩꞌá trá ꞌẽlâ kậyı̣̂ má drí rĩzó rĩlí tólâ ãní bê rî ꞌá rî kâtí. Gõꞌdá ngbãângbânõ, õzõ má drí âꞌdórẽ kô tólâ ãní bê rî tí nõ, ꞌdõvó nĩ ꞌê tã mbârâkã sĩ rĩzó zãâ úlı̣́ Ôvârí kâ rî ꞌbá yî ârílí ĩꞌdî. Nĩ ꞌê tã gólĩyî îcá ꞌbá õjílã Ôvârí kâ drí rĩꞌá ꞌẽlâ rî ꞌbá yî ĩꞌdî mbârâkã sĩ ãnî pãzó.

Fıٜ̃lıٜ́pıٜ̃ lé ꞌbá 2:12 Cross References

Mãtáyõ 11:12

Îtõlé kậyı̣̂ gólâ Yõwánĩ drí îtõzó tã Ôvârí kâ pẽlé rî sĩ, âcálé bũúũ ãndrõ nô, õjílã ạ̃wạ́lạ́kạ́ ró rî ꞌbá yî rĩꞌá lâŋõ fẽꞌá õjílã Ôvârí kâ drí. Õjílã rî ꞌdĩ ꞌbá yî rî ĩyî tã rî ꞌdĩ ꞌẽlé õnjí ró mbârâkã sĩ.

Mãtáyõ 11:29

Nĩ ꞌbã ãnî nyãányâ drı̣́-ãcê ámákâ zẽlé rû ı̣̂ꞌbũ ꞌbá ámákâ ró. Nĩ ârî tã gólĩyî má drí rĩꞌá âtálâ ãnî drí rî ꞌbá yî, nĩ gõ ró tã rî ꞌdĩ ꞌbá yî ꞌẽlé ĩꞌdî, tãlâ má âꞌdó kô sı̣́ lõmbâ ꞌbá ꞌî. Tã ámákâ rĩꞌá mãnísĩ, âꞌdó kô mbârâkã sĩ. Õzõ nĩ õꞌê tã rî ꞌdĩ ꞌbá yî trá ĩtí rî, nĩ âꞌdô lôvô-lôvô ûsúꞌá ãnî nyãányâ drí.

Tã ꞌẼꞌẽ 16:29

Nĩngá sĩ, drı̣̃-ꞌbá ꞌdĩ drí tã ꞌbãzó lạ̃sı̣́ îꞌĩlí âfẽlé, gõꞌdá drílâ ngãzó rãlé nĩꞌá jó gólâ Póõlõ yî drí ꞌbãzó ꞌá lâ Sílã bê rî ꞌálâ. Tólâ rî, gólâ drí ngãzó ꞌãꞌî tı̣̃lı̣́ gólĩyî ândrá, ꞌdĩî rúꞌbạ́ lâ rĩꞌá lẽꞌá kpã kpã kpã ũrı̣̃ drí sĩ, tãlâ gólâ ndrê mbârâkã Ôvârí kâ trá.

Tã ꞌẼꞌẽ 9:6

Gõꞌdá ngbãângbânõ rî, ní ngâ ûrû nĩlí fĩlí Dãmãsékẽ ꞌálâ, tãlâ áâꞌdâ ró lôsĩ má drí ꞌbãlé ní drí ꞌẽlé má drí rî tã lâ ní drí.”

Rómã lé ꞌbá 2:7

Õjílã ũrûkậ ꞌbá yî rî rĩꞌá tã gólĩyî âꞌdó ꞌbá mbı̣̂mbı̣̂ ró rî ꞌbá yî ꞌẽlé ĩꞌdî, ãꞌdô ró bê tã gólĩyíkâ drí sũzó Ôvârí rú, tãlâ ĩyî drí rĩzó zãâ gbạ́dú gólâ bê ạ̃dũkũ ãkó. Ĩtí rî, Ôvârí âꞌdô gólĩyî ꞌbãꞌá rĩlí yí bê zãâ gbạ́dú ạ̃dũkũ ãkó.

1 Kõrínĩtõ lé ꞌbá 15:58

Ámâ ândré rî mvá yî, ãꞌdô gõꞌdá trá ĩtí rî, ꞌdõvó nĩ ꞌdê, mã njû tã lẽlẽ ãmákâ rú gạ́gạ́, gõꞌdá mã âdrê ró õzõ rákã fê kâtí. Nĩ rî gõꞌdá zãâ lôsĩ Yésũ Krístõ kâ rî ꞌẽlé ĩꞌdî dódó. Nĩ nı̣̃ tãndí ró kĩ, lôsĩ ꞌẽꞌẽ Yésũ Krístõ drí rî âꞌdó kô tã tãkó ꞌî.

1 Kõrínĩtõ lé ꞌbá 2:3

Má drí âꞌdózó drẽ bê ãnî lãfálé tólâ tã pẽꞌá rî, má âcâ trá õzõ õjílã tãkó mbârâkã ãkó rî kâtí, gõꞌdá ũrı̣̃ fî trá má ꞌá rõô bũúũ ámâ ꞌbãlé lẽlé rõô.

1 Kõrínĩtõ lé ꞌbá 4:14

Ámâ mvá yî tíbê má drí lẽlé rõô nõ ꞌbá yî, má rî tã ndrĩ rĩ ꞌbá ãmâ ꞌẽlé ꞌdĩ ꞌbá yî îgĩlí ãnî drí, ꞌdĩî âꞌdó kô kĩ, ãnyĩ õꞌê ró ãnî bê. Má îgĩ tã ꞌdî ꞌbá yî ãnî drí, ꞌdĩî rî ĩîmbâ ró ãnî bê lạ́tı̣̂ âmbâ-âmbâ gólâ rû ı̣̂ꞌbũ ꞌbá pạ̃tı̣́-pạ̃tı̣̃ Yésũ kâ drí rĩꞌá trõlâ rî âꞌdálé ãnî drí, tãlâ má lẽ ãnî trá rõô rî drí.

2 Kõrínĩtõ lé ꞌbá 7:15

Títõ drẽ zãâ rĩꞌá ãnî tã ı̣̂sũꞌá rõô tã gólâ ãnî drí gólâ rî lậgúzó rî tãsĩ. Nĩ rô gólâ trá. Gõꞌdá kậyı̣̂ rî nã sĩ rî, ãnî trá njãâ tã gólâ drí ꞌbãlé ãnî drí rî ꞌbá yî ꞌẽlé. Gõꞌdá tã rî ꞌdĩ tãsĩ rî, lôvó gólâkâ ãnî tãsĩ rî âcâ gõꞌdá trá rõô lậvũlı̣́ sı̣́sı̣́ rî drı̣̃ı̣̂ sĩ.

Ẽfésõ lé ꞌbá 6:5

Ãnî lôsĩ ꞌẽ ꞌbá yî, nĩ ı̣̂njı̣̃ ãnî lı̣́pı̣̂ yî ãngó drı̣̃ ꞌá nõngá nõ ꞌbá yî pı̣̃pı̣̂sı̣́lı̣́ ãlô sĩ kpá, nyé õzõ ãnî drí ãnî lı̣́pı̣̂ Krístõ rî ı̣̂njı̣̃rı̣̃ tí.

Fıٜ̃lıٜ́pıٜ̃ lé ꞌbá 1:27

Nĩ ꞌbã tã ı̣̂sũ ãníkâ tã gólâ ãlô nõ ꞌẽlé. Ãnî õjílã Ôvârí kâ ró rî ꞌbá yî, nĩ rî tã ꞌẽlé âꞌdô tã âtî-âtî Krístõ rî tãsĩ rî vó ró. Gõꞌdá ĩtí rî, õzõ má ĩîcâ nĩlí ãnî ndrẽlé, ngãtá õzõ má ĩîcâ kô âꞌdólé ãní bê tólâ rî, má lẽ ârílâ kĩ, ãnî rĩꞌá ngạ́rạ́-ngạ́rạ́ kpãkã ãlô tã lẽlẽ ãníkâ tã âtî-âtî Ôvârí kâ ꞌá rî ꞌá.

Fıٜ̃lıٜ́pıٜ̃ lé ꞌbá 1:29

Nĩ ndrê drẽ, Ôvârí njĩ ãnî trá tã lẽlé Yésũ ꞌá. Ĩtí rî, gólâ âꞌdô kpá ãnî ꞌbãꞌá lâŋõ ûsúlı̣́ tãlâ tã lẽlẽ ãníkâ Yésũ ꞌá ꞌdĩ sĩ,

Fıٜ̃lıٜ́pıٜ̃ lé ꞌbá 1:5

tãlâ má ı̣̂sũ tã ngá gólĩyî tãndí ró ndrĩ ãnî drí ꞌẽlé ámâ pãzó lôsĩ tã âtî-âtî Ôvârí kâ nõ pẽzó, îtõlé kậyı̣̂ drı̣̃-káká má drí ânĩzó ãnî ngálâ rî sĩ bũúũ ngbãângbânõ rî ĩꞌdî.

Fıٜ̃lıٜ́pıٜ̃ lé ꞌbá 1:6

Tãlâ tã ꞌdî tãsĩ rî, tã pạ̃tı̣́ı̣̃ ró, má lẽ tã trá kĩ, Ôvârí âꞌdô lôsĩ tãndí gólâ drí îtõlé trá ꞌẽlé ãnî ꞌá ꞌdĩ lôpéꞌá bũúũ kậyı̣̂ gólâ Yésũ Krístõ drí ꞌẽzó âcálé âgõlé ãngó nõ ꞌá rî sĩ lôsĩ tãndí rî gógó ꞌdĩ drí gõzó rû ndẽlé ngbá.

Fıٜ̃lıٜ́pıٜ̃ lé ꞌbá 2:19

Õzõ Kúmú ãmákâ Yésũ õlôpê mâ rî, má âꞌdô Tĩmátĩyã rî jõꞌá ꞌwãâ ãnî ngálâ, tãlâ gólâ ãâgõ ró bê tã gólâ ꞌẽ ꞌbá ámâ ꞌbãlé âꞌdólé ãyĩkõ ró rî bê má drí ârílí.

Fıٜ̃lıٜ́pıٜ̃ lé ꞌbá 4:1

Ámâ ậdrúpı̣̃ yî ámâ îzó yí bê ãnî rĩꞌá gólĩyî má drí lôvó lâ yî ꞌbãlé rî ĩꞌdî. Má lẽ tã rõô ãnî ndrẽzó kpá óꞌdí. Nĩ ꞌbã mâ trá âꞌdólé ãyĩkõ ró. Ãnî kpá gólĩyî ámâ ꞌbã ꞌbá drı̣̃ lâ drí pẽlé rî tãlâ tã lẽlẽ ãníkâ Yésũ ꞌá rî sĩ rî ĩꞌdî. Bê trá ĩtí rî, nĩ rî zãâ fĩî ı̣̂dû-ı̣̂dû sĩ tã lẽlẽ ãníkâ Yésũ ꞌá rî sĩ.

Fıٜ̃lıٜ́pıٜ̃ lé ꞌbá 4:15

Ãnî krístõ ꞌbá Fı̣̃lı̣́pı̣̃ ꞌálâ rî yî, nĩ nı̣̃ trá dódó kĩ, ãnî cé rĩꞌá õjílã gólĩyî ámâ pã ꞌbá ậdı̣̂ sĩ rî ꞌbá yî ĩꞌdî, lôsĩ ámákâ ꞌẽzó kậyı̣̂ má drí ãnî âyézó tólâ Mẽkẽdónĩyã ꞌálâ tã lẽlẽ ãníkâ ꞌbãlé sı̣́sı̣́ tã âtî-âtî pạ̃tı̣́ı̣̃ Ôvârí kâ ꞌá rî vólé drı̣̃ lâ ꞌásĩ.

1 Tẽsãlõníkã lé ꞌbá 1:3

Ãmâ drẽ kpá zãâ rĩꞌá ãnî tã ı̣̂sũꞌá ãmâ átá Ôvârí ágálé, tãlâ nĩ âꞌdâ tã lẽlẽ ãníkâ ngbálí-ngbálí Ôvârí ꞌá rî trá, gõꞌdá kpá õjílã lôvó ãníkâ tákányĩ rî ꞌbá yí bê tã ãnî drí ꞌẽlé rî ꞌbá yî sĩ. Gõꞌdá ãnî kpá nĩngá sĩ lı̣̃fı̣́ ꞌbãꞌbã bê Yésũ Krístõ rî âgõ-âgõ tẽꞌá.

2 Tĩmátĩyã 2:10

Õzõ ãꞌdô ĩtí rî, mâ rĩꞌá njãâ fĩî ậtũlı̣́ lâŋõ gólâ ãmbá má drí ûsúlı̣́ nõ ꞌá. Má âꞌdô rĩꞌá zãâ úlı̣́ Ôvârí kâ âtálé õjílã gólĩyî Ôvârí drí zĩlí rî drí, ãꞌdô ró bê kpá Yésũ Krístõ drí gólĩyî pãzó, gõꞌdá õꞌbã ró gólĩyî bê rĩlí yí bê ûrú ꞌálâ.

Ị́bũrũ 12:1

ꞌDõvó mã ı̣̂sũ drẽ tã õjílã dũû tã lẽ ꞌbá trá sı̣́sı̣́ ꞌdĩ ꞌbá yî tãsĩ. Gólĩyî îcâ trá tã tãndí âꞌdálé ãmâ drí tã lẽlẽ Ôvârí ꞌá pı̣̃pı̣̂sı̣́lı̣́ ãlô sĩ rî tãsĩ. Âꞌdô bê trá ĩtí rî, ꞌdõvó mã âyê tã gólĩyî ndrĩ ãmâ ꞌá rĩ ꞌbá ãmâ lôgálé dó njũlı̣́ gạ́gạ́ tã Ôvârí kâ rî ꞌbá yî rú rî vólé, ngîngî lâ tã õnjí gólĩyî ãmâ rũ ꞌbá trá ạ̃ngbũ gõꞌdá ânjólé vólé tã Ôvârí kâ rî rũrı̣̃ ꞌásĩ njírí-njírí rî ꞌbá yî vólé. Gõꞌdá ĩtí rî, mã ꞌdê mã râ zãâ bạ̃dı̣̃ ạ̃tı̣́lı̣́ ạ̃tı̣́lı̣́ ró fĩî ậtũ-ậtũ sĩ tã gólĩyî Ôvârí drí ꞌbãlé trá ãmâ drí ꞌẽlé rî ꞌbá yî ꞌẽlé ĩꞌdî.

Ị́bũrũ 4:1

ꞌDõvó mã nı̣̃ trá kĩ nĩ rî, pạ̃tı̣́ı̣̃ Ôvârí ꞌbã tã trá kĩ, mã âꞌdô fĩꞌá võ gólâ yí drí ꞌẽꞌá fẽlâ ãmâ drí rĩzó ꞌá lâ pı̣̃pı̣̂sı̣́lı̣́ ạ̃ꞌdı̣́ sĩ rî ꞌá. Bê trá ĩtí rî, ꞌdõvó ãmâ lı̣̃fı̣́ õmbâ ãmâ rú tã Ôvârí kâ ꞌẽlé mbı̣̂mbı̣̂, tãlâ tã ãzâ õzó kô âꞌdólé ãmâ êdrẽlé fĩfĩ ãmákâ tã ạ̃ꞌdı̣́ Ôvârí kâ ꞌdĩ ndrẽlé rî ꞌásĩ.

Ị́bũrũ 4:11

ꞌDõvó mã njû kílíkpâ ró tã gólĩyî ãmâ drí îcáꞌá ꞌẽlâ rî ꞌbá yî rú, ãꞌdô ró bê fĩzó võ ạ̃ꞌdı̣́ Ôvârí kâ ꞌdĩ ꞌálâ, tãlâ tã tã ạ̃ꞌdı̣́ ꞌdĩ kâ õzó ãmâ lậvũû tã lẽlẽ ãkõ ãmákâ drí sĩ kô, õzõ tã tã ạ̃ꞌdı̣́ ꞌdĩ kâ drí ãmâ ạ́ꞌbı̣́yạ́ yî lậvũrı̣̃ kôrô rî kâtí.

Ị́bũrũ 5:9

Gólâ îcâ trá lôsĩ tãndí Ôvârí kâ ꞌẽlé dódó ngbá rû îzã tíbê gólâ rî ꞌẽ ꞌbá rî sĩ. Gõꞌdá gólâ ndẽ lôsĩ Ôvârí kâ ꞌdĩ bê rî, gólâ drí îcázó õjílã ndrĩ gólĩyî úlı̣́ gólâkâ ârí ꞌbá ꞌẽlé rî ꞌbá yî pãzó tã õnjí gólĩyíkâ rî ꞌbá yî ꞌásĩ, tãlâ gólĩyî õrî ró Ôvârí bê zãâ gbạ́dú ạ̃dũkũ ãkó.

1 Pétẽrõ 2:11

Ámâ rû-lẽ-ãzíyã yî, nĩ rî rĩlí ãngó nõ ꞌá õzõ õjílã ũmú ró ânĩ ꞌbá ânĩ rĩlí tãkõ ꞌẽ ꞌbá lậvũlı̣́ kôrô lậvũ rî yî kâtí. Ĩtí rî, má lôꞌbã rúꞌbạ́ ãnî rú lôvó gólâ ãnî rúꞌbạ́ kâ rĩ ꞌbá ãnî ꞌbãlé tã õnjí ꞌẽlé ꞌdĩ gãlé dó, tãlâ lôvó gólâ rúꞌbạ́ kâ ꞌdĩ rî íyíkâ ı̣̃tú vósĩ cé zãâ rĩꞌá rû fũlı̣́ ãnî ífífí rú.

2 Pétẽrõ 3:18

Ĩtí rî, gõꞌdá tã lẽlẽ ãníkâ Kúmú ãmákâ Yésũ Krístõ ꞌá rî õmbâ íyíkâ zãâ nĩꞌá ạ̃tı̣́ ꞌálâ lậvũlı̣́ gạ̃rạ̃ sı̣́sı̣́ rî drı̣̃ı̣̂ sĩ. Nĩ âdrê gạ́gạ́ tã lẽlẽ ãníkâ ꞌá õzõ rákã fê kâtí, gõꞌdá nĩ nı̣̃ dódó kĩ, Yésũ Krístõ lẽ ãnî trá rõô tãkó ĩtí. Ĩtí rî, mã ı̣̂njı̣̃ Kúmú ãmákâ Yésũ ngá ndrĩ drı̣̃lı̣́ rî ngbãângbânõ gõꞌdá zãâ gbạ́dú ạ̃dũkũ ãkó. Ãâꞌdô ĩtí.