Fıٜ̃lıٜ́pıٜ̃ lé ꞌbá 1:4 - Tã-drı̣̃ Lẽlẽ Óꞌdí Óvârí Kâ

⁴ Gõꞌdá õzõ má õꞌê rãtáã trá Ôvârí drí ãnî tãsĩ rî, óꞌbã mâ âꞌdólé ãyĩkõ ró,

Fıٜ̃lıٜ́pıٜ̃ lé ꞌbá 1:4 Cross References

Márãkõ 5:5

Gólâ rî trá lậmúlı̣́ ı̣̃tú kárá ngạ́cı̣̂ gı̣̃rı̣̃ lóꞌdé ũgı̣́ ró rî ꞌbá yî lãfálé sĩ gõꞌdá kpá kúnı̣́ lãfálé sĩ. Gólâ rî kárá rĩꞌá ôtrélé gõꞌdá kpá rĩꞌá íyî ậdı̣̃lı̣́ kúnı̣́ mvá sĩ, tãlâ yí ũûsû ró lãzé bê. Ĩzã ꞌê gólâ kó trá rõô.

Lúkạ̃ 15:10

Yésũ drí gõzó tã âtálé kĩ, “Õzõ tã õnjí ꞌbá ãlô âdĩ drı̣̃ trá tã õnjí ꞌásĩ rî, ãyĩkõ cî trá Ôvârí rú ãmbá.”

Lúkạ̃ 15:7

Gõꞌdá nĩngá sĩ rî, Yésũ kĩ nĩ rî, íꞌdígówá íyíkâ ꞌdĩ tã ífí lâ rĩꞌá nõtí, Ôvârí rĩꞌá ãyĩkõ ãmbá sĩ, õzõ õjílã ãlô ãâdĩ drı̣̃ trá tã õnjí ꞌásĩ rî, Ôvârí âꞌdó kô ãyĩkõ sĩ õjílã gólĩyî drı̣̃ âdĩ ꞌbá kô ꞌdĩ ꞌbá yí bê, tãlâ gólĩyî rĩꞌá õjílã lómbé-lómbéwá ꞌbá ꞌî, kĩ nĩ rî, yĩ âꞌdô tãndí ró.

Rómã lé ꞌbá 1:9

Má rî rãtáã ꞌẽlé Ôvârí drí ãnî tãsĩ kậyı̣̂ vósĩ cé. Ôvârí nı̣̃ trá kĩ nĩ rî, má rî tã pạ̃tı̣́ı̣̃ ró rĩꞌá rãtáã ꞌẽlé ãnî tãsĩ. Ôvârí rî gógó kpá ĩꞌdî gólâ má drí rĩzó tã ꞌẽlé drílâ pı̣̃pı̣̂sı̣́lı̣́ ãlô sĩ rî, gõꞌdá gólâ ꞌbã mâ kpá rĩꞌá tã âtî-âtî tãndí mvá lâ rî tãsĩ rî pẽlé õjílã drí.

Fıٜ̃lıٜ́pıٜ̃ lé ꞌbá 2:2

Bê trá ĩtí rî, ꞌdõvó nĩ ꞌê tã gólĩyî nõ ꞌbá yî ĩꞌdî ámâ ꞌbãlé âꞌdólé ãyĩkõ ró rõô. Tã ı̣̂sũ ãníkâ ãâꞌdô kpãkã ãlô, nĩ ꞌbã ãnî ãzí-ãzí yî lôvó, nĩ rî ngá ãlô ró pı̣̃pı̣̂sı̣́lı̣́ ꞌá.

Fıٜ̃lıٜ́pıٜ̃ lé ꞌbá 3:18

Nĩ ndrê drẽ, má sõ drẽ drı̣́-mbílí trá ãnî lı̣̃fı̣́ sı̣́sı̣́ kó tã ꞌdî tãsĩ ândálé ândálé dũû. Gõꞌdá ngbãângbânõ rî, má lẽ drı̣́-mbílí sõlé ãnî lı̣̃fı̣́ tã rî ãlôlâ nõ tãsĩ ãwó ngõngõ sĩ ãnî drí kĩ, õjílã dũû ãnî lãfálé ꞌá rî ĩyî rĩlí ạ̃jú-ꞌbá-ãzí Yésũ kâ ró. Gólĩyî jâ rû trá tã âtî-âtî kĩꞌá nĩ rî, Yésũ pâ õjílã trá tã õnjí ĩyíkâ ꞌásĩ õdrã gólâkâ fê lậlı̣̂-lậlı̣̂ drı̣̃ı̣̂ rî sĩ rî rú.

Fıٜ̃lıٜ́pıٜ̃ lé ꞌbá 4:1

Ámâ ậdrúpı̣̃ yî ámâ îzó yí bê ãnî rĩꞌá gólĩyî má drí lôvó lâ yî ꞌbãlé rî ĩꞌdî. Má lẽ tã rõô ãnî ndrẽzó kpá óꞌdí. Nĩ ꞌbã mâ trá âꞌdólé ãyĩkõ ró. Ãnî kpá gólĩyî ámâ ꞌbã ꞌbá drı̣̃ lâ drí pẽlé rî tãlâ tã lẽlẽ ãníkâ Yésũ ꞌá rî sĩ rî ĩꞌdî. Bê trá ĩtí rî, nĩ rî zãâ fĩî ı̣̂dû-ı̣̂dû sĩ tã lẽlẽ ãníkâ Yésũ ꞌá rî sĩ.

Kõlósĩ lé ꞌbá 2:5

Gbõ lé má âꞌdô bê jẽjẽ ró ãnî rú sĩ rî, má rî zãâ rĩꞌá ãnî tã ı̣̂sũlı̣́ kárá tã ꞌẽꞌá ꞌẽlâ ãnî tãsĩ rî bê. Gõꞌdá mâ rĩꞌá ãyĩkõ ró, tãlâ rĩrĩ ãníkâ rĩꞌá mbı̣̂, gõꞌdá nĩ lẽ tã kpá trá Yésũ Krístõ ꞌá pı̣̃pı̣̂sı̣́lı̣́ ãlô sĩ.

1 Tẽsãlõníkã lé ꞌbá 1:2

Ãmâ kárá rĩꞌá ãwô-ĩtí ꞌẽꞌá Ôvârí drí ãnî tãsĩ. Gõꞌdá mã ngô ãwó kpá kárá gólâ drí ãnî tãsĩ.

2 Yõwánĩ 1:4

Mâ rĩꞌá ãyĩkõ ró tãlâ má ârî tã tíbê õjílã ãzâ ꞌbá yî ãnî lãfálé ꞌásĩ rî drí tã lẽzó trá tã pạ̃tı̣́-pạ̃tı̣̃ Ôvârí kâ ꞌá rî trá, nyé õzõ tã ꞌbãꞌbã gólâ ãmâ átá Ôvârí drí ꞌbãlé trá ãmâ drí rî kâtí.