Fıٜ̃lıٜ́pıٜ̃ lé ꞌbá 1:3 - Tã-drı̣̃ Lẽlẽ Óꞌdí Óvârí Kâ

³ Õzõ ãnî tã ãâgâ trá má drı̣̃ı̣̂ rî, má drí rĩzó ãwô-ĩtí ꞌẽlé Ôvârí drí, gõꞌdá má drí rĩzó rãtáã ꞌẽlé ãnî tãsĩ.

Fıٜ̃lıٜ́pıٜ̃ lé ꞌbá 1:3 Cross References

Rómã lé ꞌbá 6:17

Gõꞌdá mã ꞌê ãwô-ĩtí ãmbá Ôvârí drí ãnî tãsĩ, tãlâ nĩ âdĩ drı̣̃ trá vólé tã õnjí ãníkâ rî ꞌbá yî ꞌásĩ, tãlâ tã õnjí ꞌdĩ ꞌbá yî õzó gõꞌdá kpá kô dı̣̃ı̣̂ ãnî drı̣̃ı̣̂ sĩ ãnî ômbélé óꞌdí. Nĩ âdĩ ãnî trá âgõlé Ôvârí ngálâ tã gólâkâ rî ꞌbá yî ꞌẽlé ĩꞌdî pı̣̃pı̣̂sı̣́lı̣́ ãlô rî sĩ, âꞌdô tã pạ̃tı̣́ı̣̃ gólĩyî ãnî îmbázó trá ĩꞌdî sĩ lâ rî ꞌbá yî vó ró. Gõꞌdá ngbãângbânõ rî, tã gólĩyî rĩ ꞌbá dı̣̃lı̣́ kôrô ãnî drı̣̃ı̣̂ sĩ ꞌdî ꞌbá yî rĩꞌá ĩyî tã mbı̣̂ Ôvârí kâ ró rî ꞌbá yî ĩꞌdî.

1 Kõrínĩtõ lé ꞌbá 1:4

Má rî zãâ ãwô-ĩtí ꞌẽlé Ôvârí drí ãnî tãsĩ, tãlâ gólâ fẽ õrẽ trá ãnî drí rõô Yésũ Krístõ sĩ.

1 Tẽsãlõníkã lé ꞌbá 3:9

Mã ꞌê ãwô-ĩtí ãmbá ãmbá Ôvârí drí ãyĩkõ ãnî drí ãmâ ꞌbãzó trá ꞌá lâ ãndrõ nô tãsĩ.

2 Tẽsãlõníkã lé ꞌbá 1:3

Ãmâ ậdrúpı̣̃ yî ãmâ îzó yí bê, rĩꞌá tã mbı̣̂ ró ãmâ drí rĩzó Ôvârí rî lûyı̣́lı̣́ kárá tãlâ ãnî tãsĩ, tã lẽlẽ ãníkâ Ôvârí ꞌá rî trá rû lôpéꞌá ạ̃tı̣́ ꞌálâ. Gõꞌdá lôvó ãníkâ ãzí-ãzí drí ãkí ãkó rî kpá trá rû lôpéꞌá rõô ạ̃tı̣́ ꞌálâ.

2 Tĩmátĩyã 1:3

Má ꞌê ãwô-ĩtí Ôvârí drí ánî tãsĩ, Ôvârí gólâ má drí rĩꞌá ı̣̂njı̣̃lâ pı̣̃pı̣̂sı̣́lı̣́ ãlô sĩ õzõ ãmâ ạ́ꞌbı̣́yạ́ yî drí rĩꞌá ı̣̂njı̣̃lâ rî tí rî. Má rî rãtáã ꞌẽlé Ôvârí drí ánî tãsĩ ı̣̃tú vósĩ cé gõꞌdá kpá ngạ́cı̣̂ bê ndrĩ.