Fıٜ̃lıٜ́pıٜ̃ lé ꞌbá 1:19 - Tã-drı̣̃ Lẽlẽ Óꞌdí Óvârí Kâ

¹⁹ Mâ ãyĩkõ bê, tãlâ má nı̣̃ trá kĩ, má âꞌdô rĩꞌá fĩî ậtũ-ậtũ sĩ, gõꞌdá má âyé tã kô ꞌdẽzó Yésũ vósĩ rãtáã ãníkâ ámâ tãsĩ, gõꞌdá kpá rû ậmû Líndrí Tãndí Yésũ Krístõ kâ rî kâ sĩ.

Fıٜ̃lıٜ́pıٜ̃ lé ꞌbá 1:19 Cross References

Tã ꞌẼꞌẽ 16:7

Gõꞌdá ꞌdĩî vósĩ, gólĩyî âcálé bê ẽsê-drı̣̃ Mĩsíyã kâ ꞌá rî, gólĩyî ꞌê trá nĩlí kôrô ꞌbạ̃drı̣̃ Bĩtĩníyã kâ rî ꞌásĩ rî, gõꞌdá Líndrí Tãndí Ôvârí kâ drí gólĩyî lôgázó dó nĩlí kôrô tólâ sĩ ró.

Rómã lé ꞌbá 8:28

Gõꞌdá ãmâ õjílã gólĩyî Ôvârí rî lẽ ꞌbá trá pı̣̃pı̣̂sı̣́lı̣́ ãlô sĩ rî ꞌbá yî, mã nı̣̃ trá kĩ, Ôvârí ꞌbã tã ꞌdó ndrĩ âꞌdólé, tãlâ õpâ ró ãmâ gólĩyî gólâ drí njĩlí trá õjílã íyíkâ ró rî ꞌbá yî bê âmbálé tãmbãrã tã lẽlẽ ãmákâ ꞌá, âꞌdô tã gólĩyî gólâ drí njĩlí ꞌẽlé ãmâ tãsĩ rî vó ró.

Rómã lé ꞌbá 8:9

Gõꞌdá ãnî tã âꞌdó kô õzõ ꞌdĩî rî kâtí. Tãlâ Líndrí Tãndí Ôvârí kâ rĩꞌá ĩꞌdî ãnî ꞌá, gólâ îcâ trá ꞌdẽlé sı̣́sı̣́ ãnî drí, gõꞌdá gólâ îcâ kpá trá mbârâkã sõlé ãnî ꞌásĩ, tãlâ tã lôvókô ãníkâ õzó kô dı̣̃ı̣̂ kôrô ãnî drı̣̃ı̣̂ sĩ ãnî ꞌbãlé tã õnjí ꞌẽlé. Õzõ õjílã ãzâ ãꞌdô trá Líndrí Tãndí Ôvârí kâ ꞌdĩ ãkó yí ꞌá rî, pạ̃tı̣́ı̣̃ ró, õjílã rî ꞌdĩ âꞌdó kó kô krístõ ꞌbá ꞌî.

1 Kõrínĩtõ lé ꞌbá 4:17

Tã rî ꞌdĩ tãsĩ rî, mâ trá Tĩmátĩyã rî jõꞌá ãnî pãlé âꞌdólé nyé õzõ má tí. Gólâ nyé õzõ ámâ mvá má drí lẽlé rõô rî kâtí, tãlâ mã âcâ trá gólâ bê ngá ãlô ró Yésũ Krístõ ꞌá. Má nı̣̃ trá tãndí ró kĩ, gólâ âꞌdô ngá má drí lẽlé gólâ drí ꞌẽlé rî ꞌẽꞌá. Má jô gólâ trá ãnî ngálâ, tãlâ úlı̣́ gólâ drí ꞌẽꞌá îmbálâ ãnî drí rî õꞌbã ró ãnî bê lạ́tı̣̂ gólâ má drí rĩzó õzõ krístõ ꞌbá kâtí, gõꞌdá kpá tã gólĩyî má drí rĩꞌá îmbálâ kạ̃nı̣́sạ̃ ꞌá võ ꞌásĩ ngĩíngî rî ꞌbá yî ı̣̂sũlı̣́.

2 Kõrínĩtõ lé ꞌbá 1:11

tãlâ nĩ õrî trá zãâ rĩꞌá gólâ rî îrátãlé ãmâ tãsĩ rî. Ĩtí rî, õjílã dũû âꞌdô îcáꞌá cú Ôvârí rî lûyı̣́lı̣́, tãlâ gólĩyî ndrê gólâ pâ ãmâ trá kậyı̣̂ lâŋõ kâ ꞌásĩ.

Gãlãtíyã lé ꞌbá 3:5

Ôvârí âjô Líndrí Tãndí íyíkâ trá ãnî drí, gõꞌdá Líndrí Tãndí rî ꞌdĩ ꞌê tã lârâkô trá ãnî lãfálé ꞌá dũû. Ôvârí âjô Líndrí Tãndí íyíkâ trá tã lârâkô ꞌdĩ ꞌbá yî ꞌẽlé ãnî lãfálé ꞌdĩ rî, tãlâ nĩ ı̣̂njı̣̃ tã ꞌbãꞌbã gólâkâ trá rî drí sĩ yã? ꞌÉꞌẽ, âꞌdó ĩtí kô. Gólâ ꞌê tã ꞌdî ĩtí ꞌdĩ rî, tãlâ nĩ ârî tã âtî-âtî tãndí gólâkâ ꞌdĩ trá gõꞌdá nĩ lẽ tã trá ꞌá lâ pı̣̃pı̣̂sı̣́lı̣́ ãlô sĩ rî drí.

Gãlãtíyã lé ꞌbá 4:6

Ĩtí rî, tãlâ nĩ âꞌdô bê gõꞌdá trá Ôvârí rî mvá yî ĩꞌdî rî, gõꞌdá Ôvârí drí Líndrí Tãndí íyî mvá kâ âfẽzó ânĩlí rĩlí ãnî pı̣̃pı̣̂sı̣́lı̣́ ꞌá ꞌdĩ. Líndrí Tãndí mvá lâ kâ ꞌdĩ drí gõzó rĩꞌá tã âtálé ãmâ tı̣́ sĩ mã õtírĩ rĩî rãtáã ꞌẽlé rî, ĩꞌdî gõꞌdá ãmâ drí rĩzó Ôvârí rî zı̣̃lı̣́ “‘Tátá”’, gõꞌdá kpá “‘ãmâ átá”’.

Fıٜ̃lıٜ́pıٜ̃ lé ꞌbá 1:18

Má lôꞌbé pı̣̃pı̣̂sı̣́lı̣́ kô õjílã rî ꞌdĩ ꞌbá yî tãsĩ, tãlâ gólĩyî rî rĩꞌá tã âtî-âtî Yésũ rî tãsĩ rî pẽꞌá õjílã drí. Má lẽ tã âtî-âtî rî ꞌdĩ ópẽ ró kárá lạ́tı̣̂ gólâ îcá ꞌbá bê âꞌdólé rî ꞌásĩ. Ngãtá pı̣̃pı̣̂sı̣́lı̣́ tãndí sĩ yã ngã õnjí lâ sĩ yã rî, má lẽ ámákâ cé tã âtî-âtî Yésũ rî tãsĩ rî õlậꞌbû ró bê hĩyã. Má âꞌdô ãwô-ĩtí ꞌẽꞌá Ôvârí drí tã ꞌdî tãsĩ.

1 Pétẽrõ 1:11

tãlâ yĩ ũnı̣̃ ró lạ́tı̣̂ ꞌdíyî pãpã Ôvârí kâ ꞌdĩ bê, gõꞌdá kpá kậyı̣̂ lâ ãâꞌdô ꞌbãꞌá ángô tú yã rî. Gõꞌdá gólĩyî nı̣̃ı̣́ ĩyî ífí lâ kô, gõꞌdá Líndrí Tãndí Krístõ kâ bê gólĩyî ꞌá lâŋõ gólâ tíbê ꞌẽ ꞌbá Yésũ rî ꞌẽlé ı̣̃zạ́tú rî âꞌdálé, gõꞌdá kpá ı̣̂njı̣̃-ı̣̂njı̣̃ Ôvârí drí ꞌẽzó Yésũ rî ı̣̂njı̣̃lı̣́ gólâ rî ꞌbãꞌbã sĩ õjílã drı̣̃lı̣́ ndrĩ rî bê.