Fıٜ̃lıٜ́pıٜ̃ lé ꞌbá 1:12 - Tã-drı̣̃ Lẽlẽ Óꞌdí Óvârí Kâ

¹² Ámâ ậdrúpı̣̃ yî ámâ îzó yí bê, má lẽ tã âtálé ãnî drí kĩ, lâŋõ gólĩyî ámâ ꞌẽ ꞌbá rî ꞌbá yî, ꞌbãá mâ kô lôsĩ tã âtî-âtî tãndí pẽpẽ kâ nõ âyélé. Võ lâ ꞌá rî, tã âtî-âtî tãndí Ôvârí kâ rî trá mbãlé nĩꞌá ạ̃tı̣́ ꞌálâ õjílã drí tã lẽzó ꞌá lâ.

Fıٜ̃lıٜ́pıٜ̃ lé ꞌbá 1:12 Cross References

Lúkạ̃ 21:13

Õzõ tã ꞌdî ꞌbá yî õtírĩ rû ꞌẽê rî, nĩ âꞌdô lạ́tı̣̂ tãndí ûsúꞌá tã âtázó ámâ tãsĩ.

Tã ꞌẼꞌẽ 8:4

Tã lẽ ꞌbá Yésũ kâ rî ꞌbá yî lậꞌbúlı̣́ bê ĩyî trá ꞌbạ̃drı̣̃ mvá ãzâ ꞌbá yî ꞌásĩ rî, gólĩyî drí rĩzó zãâ tã âtî-âtî Yésũ rî tãsĩ rî âtálé õjílã drí.

Rómã lé ꞌbá 8:28

Gõꞌdá ãmâ õjílã gólĩyî Ôvârí rî lẽ ꞌbá trá pı̣̃pı̣̂sı̣́lı̣́ ãlô sĩ rî ꞌbá yî, mã nı̣̃ trá kĩ, Ôvârí ꞌbã tã ꞌdó ndrĩ âꞌdólé, tãlâ õpâ ró ãmâ gólĩyî gólâ drí njĩlí trá õjílã íyíkâ ró rî ꞌbá yî bê âmbálé tãmbãrã tã lẽlẽ ãmákâ ꞌá, âꞌdô tã gólĩyî gólâ drí njĩlí ꞌẽlé ãmâ tãsĩ rî vó ró.

Rómã lé ꞌbá 8:37

Ãlô rû îzã rî ꞌdĩ ꞌbá yî ꞌásĩ rî îcá kô ãmâ pẽlé tã lẽlẽ ãmákâ âyélé. Yésũ ꞌbã ãmâ lôvó trá rõô. Gólâ rî mbârâkã âfẽlé ãmâ drí kậyı̣̂ lâŋõ kâ rî ꞌbá yî sĩ.

Fıٜ̃lıٜ́pıٜ̃ lé ꞌbá 1:5

tãlâ má ı̣̂sũ tã ngá gólĩyî tãndí ró ndrĩ ãnî drí ꞌẽlé ámâ pãzó lôsĩ tã âtî-âtî Ôvârí kâ nõ pẽzó, îtõlé kậyı̣̂ drı̣̃-káká má drí ânĩzó ãnî ngálâ rî sĩ bũúũ ngbãângbânõ rî ĩꞌdî.

Fıٜ̃lıٜ́pıٜ̃ lé ꞌbá 1:7

Rĩꞌá tã mbı̣̂ ꞌî má drí ꞌbãzó ãyĩkõ ró ãnî tãsĩ, tãlâ ãnî lôvó bê má ꞌâ rõô. Ngãtá má âꞌdô bê gạ̃nı̣́mạ̃ ꞌá, ngã má âꞌdô bê gạ̃nı̣́mạ̃ ꞌá kô yã rî, má drí rĩzó tã Ôvârí kâ pẽlé mbı̣̂mbı̣̂ kĩ, tã âtî-âtî tãndí Yésũ rî tãsĩ rî rĩꞌá pạ̃tı̣́ı̣̃ rî, nĩ ậmû drı̣́ trá lôsĩ ámákâ gólâ Ôvârí drí rî ꞌá.

Fıٜ̃lıٜ́pıٜ̃ lé ꞌbá 2:22

Gõꞌdá ãnî nyãányâ nı̣̃ trá kĩ, Tĩmátĩyã âꞌdâ rû trá ãnî drí ngá ꞌẽ ꞌbá tãndí ró Ôvârí drí. Gólâ ꞌê tã dódó kpãkã ãlô má bê tã âtî-âtî Ôvârí kâ pẽ bê, õzõ mvá tãndí drí lôsĩ ꞌẽrẽ kpãkã ãlô íyî átá bê rî kâtí.

Fıٜ̃lıٜ́pıٜ̃ lé ꞌbá 4:15

Ãnî krístõ ꞌbá Fı̣̃lı̣́pı̣̃ ꞌálâ rî yî, nĩ nı̣̃ trá dódó kĩ, ãnî cé rĩꞌá õjílã gólĩyî ámâ pã ꞌbá ậdı̣̂ sĩ rî ꞌbá yî ĩꞌdî, lôsĩ ámákâ ꞌẽzó kậyı̣̂ má drí ãnî âyézó tólâ Mẽkẽdónĩyã ꞌálâ tã lẽlẽ ãníkâ ꞌbãlé sı̣́sı̣́ tã âtî-âtî pạ̃tı̣́ı̣̃ Ôvârí kâ ꞌá rî vólé drı̣̃ lâ ꞌásĩ.

Fıٜ̃lıٜ́pıٜ̃ lé ꞌbá 4:3

Gõꞌdá nî lôsĩ ꞌẽ ꞌbá ãzí ámákâ gólâ pạ̃tı̣́ı̣̃ rĩ ꞌbá trá lôsĩ Ôvârí kâ ꞌẽlé dódó rî, má îjî nî õkó gólĩyî rı̣̃ nô ꞌbá yî pãlé, tãlâ gólĩyî õrî ró tã ạ̃ꞌdı̣́ sĩ. Gólĩyî âdrê trá má bê lôsĩ ꞌẽlé tãndí ró, ãꞌdô ró bê tã âtî-âtî Ôvârí kâ drí lậꞌbúzó õjílã drí ndrĩ. Gólĩyî ꞌê kpá lôsĩ trá dódó ꞌdũwạ̃ Kẽlémẽnẽtĩ yí bê gõꞌdá lôsĩ ꞌẽ ꞌbá ámákâ ãzâ ꞌbá yî gólĩyî rú lâ yî îgĩlí trá búkũ Ôvârí kâ ꞌá gólĩyí õjílã lédrẽ-lédrẽ zãâ gbạ́dú ạ̃dũkũ ãkó rî rú lâ yí bê rî.

1 Tĩmátĩyã 2:8

Gõꞌdá õzõ nĩ õtírĩ rû êꞌbé rãtáã ꞌẽlé Ôvârí drí rî, nĩ ꞌê rãtáã gólâ drí tã õnjí lậpı̣̂-lậpı̣̂ ãkó ãnî pı̣̃pı̣̂sı̣́lı̣́ ꞌá, gõꞌdá kpá õmbã ãkó õjílã ãzâ bê, gõꞌdá kpá tã ı̣̂sũ gólâ lâwã-lâwã õjílã ãzâ bê rî kâ ãkó.

2 Tĩmátĩyã 2:9

Mâ rĩꞌá lâŋõ ûsúꞌá õjílã gólĩyî ĩyî ꞌbã ꞌbá ạ̃jú-ꞌbá-ãzí ró tã âtî-âtî ꞌdĩ rú rî drı̣́gạ́. Óômbê mâ trá gạ̃nı̣́mạ̃ ꞌá nyãrĩ sĩ õzõ tã õnjí tẽtẽ ꞌẽ ꞌbá kâtí. Gõꞌdá tã âtî-âtî gólâ tãndí Ôvârí ngá lésĩ rî óômbê kô, zãâ rĩꞌá nĩꞌá sı̣́sı̣́ ꞌálâ.

2 Tĩmátĩyã 4:17

Õzõ õjílã ãꞌdô kpálé yû ámâ pãlé rî, Ôvârí rî gógó bê rĩꞌá má bê mbârâkã fẽꞌá má drí, má âꞌdô ró bê njãâ tã âtî-âtî gólâkâ nõ pẽlé õrĩ ãngó ꞌá nõ ꞌbá yî drí ndrĩ. Má kĩ ámákâ rî, tã-vó kĩ ꞌbá ꞌdĩ ꞌbá yî âꞌdô ámâ fũꞌá. Gõꞌdá Ôvârí pâ mâ trá gólĩyî drı̣́gạ́ sĩ, õzõ õjílã drí ngá pãrẽ kạ̃mı̣̃ sı̣́lı̣́ sĩ rî kâtí.