A Tx'an Is Carta San Pablo Bay Eb Aj Filipos 4:8 - A Txꞌan Biblia Yin Kꞌanjobal 1989

⁸ Axa tinani' ex wuẍtak, ex wanab, jaek oc co nabal yin masanil tzet yel, yin juntzan moj tol ay yelapnok yul co sat, yin masanil tzet tojol, masanil tzet c'am is tacnakil, c'al yin masanil tzet watx', yetok tzet miman yelapnok, yetok c'apax masanil tzet watx' yul sat Dios, yetok juntzan moj yal-lay watx' k'anej yin. A yin juntzan tu' jaokab oc co nabal.

A Tx'an Is Carta San Pablo Bay Eb Aj Filipos 4:8 Cross References

Gn 18:19

Ayin max in siq'uilok yet watx' chi yal masanil in chekbanil bay masanil is yuninal c'al is yinatil, yet watx' chi yikej eb, c'al beybalnen eb masanil tzet yetal watx', c'al tojolal, yet watx' chi wak' c'apax yun bay tzet max wak' in ti' bay, ẍi Cham.

Yet Is Cab Libroal Cham Samuel 1:23

Ach Saúl c'al ach Jonatán, caw wal tol ochebil ex. Junejc'al e yayji yet iquis ex, cax junejc'al e yayji max ex cami. Caw wal jelan e yec'jab axca no tx'acbaj, caw wal ay e yip yintak no coj.

Yet Is Cab Libroal Cham Samuel 23:3

A Jehová co Diosal ayon israel on ti', max k'anjabi. A Jehová Colomal Israel max alon ayin: A mac chi ak'on yajawil xol anima yin tojolal, axca wal chi yochej c'ul Jehová,

Salmos 82:2

¿Bak'in ok e bekcan jun e beybal tu' yin e lek'ti' beyc'ulal, cax che yaon oc e ba yetok eb unem yobtakil?

Pr 11:1

C'am chi cha c'ul Jehová echbal man tz'akanok, palta chi tzaloj yetok echbal tz'akan.

Pr 12:4

A junok ix ix tol watx'c'al tzet chi yunej, axca wal rey chi yut ix yichamil; a pax junok ix istzilej tol caw wal yob is nabal xin, caw wal chi yak' lajwok ay ix yichamil tu'.

Pr 16:11

A masanil echbalej tz'akan, txequel yayji yul sat Jehová; a Cham max nabalnen elok, xan ay echbalej.

Pr 20:7

A mactxel caw wal tojol is nabal, cax c'am jabok tacnakil yin is beybal, caw wal yin tzalojc'ulalil chi yun cancan eb yuninal.

Pr 31:10

A junok xal ix watx' nabal, man subojok yilchaji; ec'ban yelapnok xal yintak ch'en ch'en caw wal miman is tojol.

Pr 31:29

Xiwil ix watx' beybal; palta asannej ach ach ti' yelxac'al watx' a beybal yintak masanil eb ix ix tu', ẍi eb.

Pr 31:31

Alek watx' k'anej yin xal satak masanil conob; al-layokab watx' k'anej yin yuj masanil tzet yetal chi yunej.

A Jun Bit Manxa Watx'ilok 5:16

A wal is k'anej chi yala', manxa chialok chi jabej, caw wal watx'c'al nak yin masanil. Caywal tu' yili nak in camc'ulnebil ex k'opoj aj Jerusalén, quin chi bay eb.

Is 26:7

A be eb watx' is nabal, tojol toni. Ac'alxac'al chotcantok be eb, Mamin.

Mt 22:16

Yuj tu' xan max chektok eb jaywan is cuywom bay Jesús, yetok jaywan eb is partido Herodes.*fn* Max bet yalon eb axca ti': —Meẍtol, jojtak sic'libil tol yelc'al chala'. Jojtak c'apaxok, tol yelc'al chot c'apax cuywaj a ba yin jun beybalej chi yochej Dios. Cax jun lajanc'al chot pax a c'ul yin anima, yujtol lajanc'al yelapnok eb yul a sat.

Mc 6:20

Yujtol yojtak Herodes tu', tol a Juan, caw watx' is beybal, cax tol yet wal Dios yayji. Yuj tu', max xiwaj yuj. Axa yaon oc taynemal tu', yet watx' manchak ak'lay cam yuj ix Herodías tu'. Ay bay chi yaltek Juan tu' abix bay Herodes. Caxc'al c'am chi nachaj el yuj sic'libil, palta caw chi tzaloj yabxalwi bay.

Lc 16:15

Axa yalon Cham bay eb axca ti': Ayex ti', asan satak eb anima watx' che yut e ba, palta yojtak Dios tzetbil yili e yanimail. A juntzan tzet miman yelapnok yul sat anima, c'am chi cha' c'ul Dios.

Lc 2:25

A yet jun tiempoal tu', ayic' jun cham anima chi yik Simeón bay Jerusalén tu'. Caw wal watx' is beybal cham, asan bay Dios chi yal ba. Echbanebilc'al jay tiempoal yuj, yet ok colchaj eb yet israelal. Ayoc cham yalan yikbej Cham Espíritu Santo.

Lc 23:50

Ay jun cham anima chi yik José, aj conob Arimatea yul yet Judea. Watx' is c'ul, cax watx' c'apax is beybal; lanan yechbanen yoccan Dios Yajawilal. Caxc'al sat yajaw yayji xol eb yet yajawilal, palta maj yaoc ba yetok eb yin yak'on low camich yiban Jesús.

Jn 7:18

A mac tol yulc'al yet chi k'anjabi, chi yochej tol chi yi can ba, yet watx' mimanxac'al yelapnok naoni. Palta ayin ti', chi wochej tol a Cham max in chekontek, aokab Cham miman yelapnok yul e sat. Yuj tu' xan caw yel chi wala'. C'amc'al lek'tial chi wunej.

Tzetak Yetal Max El Yunen Eb Chekbej Jesús 10:22

Axa yalon eb axca ti': —Ay jun cham chi yik Cornelio, yajawil eb soldado. Caw wal watx' is beybal cham. Chi xiw cham bay Dios. Watx' cham yul sat masanil eb et israelal. Ay is camc'ulal eb yin. Ay jun yángel Dios max alon bay cham, tol chi chektek cham is chekbej yet chach ul yitok, cax chach toj bay na, yet watx' chi yabcan oc tzet ok al bay, ẍi eb bay Pedro tu'.

Tzetak Yetal Max El Yunen Eb Chekbej Jesús 22:12

Ay jun winak bay Damasco tu' chi yik Ananías. Caw wal yelc'ulal wal tol yikem bay ley Moisés. Caw wal watx' is beybal yul sat masanil eb jet israelal bay Damasco tu'.

Tzetak Yetal Max El Yunen Eb Chekbej Jesús 6:3

Yuj tu xin ex wuẍtak, che satnej oc ukwanok winak e xol ti', cax che yaon oc yopiso eb yilon jun mulnajil ti'. Ukwanok wal tol watx' is beybal, cax chi nachaj el yet Dios yuj eb, yowalil tol ayoc eb yalan yikbej Cham Espíritu Santo.

Ro 13:13

Axcaokab eb watx' chi yut ec'jab ba yet c'ualil, axcaokab tu' chi jut co ba. Tojolokabc'al chi jut co beybal yil anima. Manchak on uc'wi an, cax chon wekeki. Manchak on mulji, manchak el junen junokxa tzet man watx'ok yetok co mimanil. Manchak jak'lej owal yetok junokxa mactxel. Manchak on sawenbi oc yin junok mactxel, yuj tzet ay yul is k'ab.

Ro 13:3

Yujtol a eb yajaw tu', ayoc yopiso yet watx' chi xiw eb c'am watx'il is beybal bay eb. Man yujok xiw eb watx'c'al tzet chi el yunen bay eb, xan ayoc yopiso eb. Yuj tu', ta chi jochej c'am chon xiw bay eb, watx'okabc'al chi jut co beybal tu'. Ta watx'c'al chi jut co beybal, chi tzaloj eb jetok.

Ro 14:18

Ta axca tu' chi jut jak'on serbil Cristo, ok tzaloj Dios jetok, cax chi yilon c'apax eb jet animail, tol watx' co beybal.

Ro 2:29

Palta a eb caw yel ayoc nabal yin Dios, a ton eb tu' caw wal yel judío yul sat. Yujtol a jun acaw circuncisión yul sat Dios, a ton jun ayoc yin co nabal. Man leyok tz'ibbilcan chi aloni, xan chi oc jin, palta a Cham Espíritu chi ak'on ayon. Yuj tu', man animaok chon alon watx'il, palta a Dios chon alon watx'il.

1 Co 4:5

Yuj tu xin, c'am chi je' e beyc'ulnen junok mactxel tinani'. Jechbanejek ato yet ok jay Cham Jajawil, yujtol a Cham ok tx'oxon el masanil tzet yetal. Axca junok tzet yetal eban el xol k'ekk'inal, axa chi oc jopnaj sakk'inal yin, cax masanilxac'al chi txecloj elok, cayton tu' ok yun txecloj el masanil tzet yetal yet tu'. A Cham Jajawil ok ak'on txecloj el tzetak yetal ay yin co nabal co masanil. Catatu' ok al-lay watx' k'anej yin junjun yuj Dios, atac'ala' co mulnajil junjun on.

2 Co 13:7

Chon txajli on bay Dios e yuj, yet watx' c'am junok tzet man watx'ok chi el e yuneni. Man toc'alok chon txajli on e yuj, yet watx' chi txecloj elok tol watx' co mulnajil; caxc'al chi txecloj elok tol man watx'ok co mulnajil, palta ac'ala' yochen co c'ul tol watx' che yut e beybal.

2 Co 6:8

Ay bay miman jelapnok on, ay bay c'am jabok jelapnok. Ay bay chon al-lay watx'il on, ay bay toc'al chon buchlayi. Ay bay toc'al chi co naaj on yalon anima, palta asan tzet yel chi jal pax on.

2 Co 8:18

Ay junxa juẍtak ok co chektok yetok. A junxa ti', chi al-lay watx'il yuj eb creyente bay junjun iglesia, yujtol caw wal watx' mulnaj yin yalon el k'anejal yet colbanilej.

2 Co 8:21

Yuj tu' watx'c'al chi jutej, yet watx' c'amc'al cabc'ulal jin. Man asannejok satak Cham Jajawil watx'c'al chi jut co ba, palta watx'c'al chi jut co ba satak c'apax eb jet animail.

Gl 5:22

A pax Cham Yespíritu Dios xin, a' chi ak'on junej tol chi co camc'ulnen co ba, chon tzaloji, chon ayji ec' yin junc'ulal. Chi yak'on c'apax jak' techaj tzanc'al tzet chi jay jiban. Yuj Yespíritu tu' xan ay co yabenc'ulal bay eb jet animail, watx' chi jut co nabal yin eb. Yuj c'apaxok, xan yikem on.

Ef 4:25

Yuj tu', manchakxa e yak' lek'tial. Asannejokab tzet yetal yel che yal-lej ayex junjun ex, yujtol axca tol junnej animail jayji co masanil.

Ef 5:9

Ta yel ayonxa oc yin sakk'inal, watx'okab chi jut co ba, tojolokabc'al chi jut co nabal. Asanokab tzet yetal yel chi jala'.

Ef 6:14

Yuj tu', tec'anc'al chi jut co ba. Caw chi jaoc co nabal yin k'anej yel, axca eb soldado chi yaoc is cincho yet owal. Axca eb soldado chi col ba yetok jun ch'en pichilej chi jenbaj oc eb txam is c'ul, axca tu' chi yun co colon co ba yetok tojolal chi yak' Dios ayon.

Dt 16:20

Asanokabc'al tojolal che yunej, yet ok ex ayjok ec' bay tx'otx' tx'otx' ok yak' Jehová co Diosal ayex.

A Tx'an Is Carta San Pablo Bay Eb Aj Filipos 3:1

A tinani' ex wuẍtak, ex wanab, ak'ek tzaloj e c'ul yin Cham Jajawil. Ay juntzanxa tzet ok waltok ayex, tol man yobok chi wabej tol ac'ala' ok waltok ayex junelxa, yujtol yowalil che watx' ojtaknej elok.

A Tx'an Is Carta San Pablo Bay Eb Aj Colosas 4:5

A yet chex k'anjab yetok eb man creyenteok watx'okabc'al che yut e beybal satak eb.

1 Ts 4:12

yet watx' ayokab e yelapnok yul sat eb comon anima. Yetok c'apaxok, yet watx' c'am chex oc is bilc'ulalok junokxa mactxel.

1 Ti 2:2

Yowalil chon txajli yuj eb mimek yajaw, c'al yuj eb yajaw masanil, yet watx' chon beytok yin numanil, c'al yin masanc'ulalil. Yuj tu' ok je' jaon wal oc co ba yul k'ab Dios, cax ok je' co beybalnen bayc'al ijanil.

1 Ti 3:11

Ac'ala' c'apax eb ix ix chi oc yopiso, yowalil watx'okab chi yut eb ix is beybal satak yet animail. Manokab alom k'umalok eb. Yowalil tec'anokab chi yut eb is nabal. Yetok c'apaxok, yikemokabc'al chi yut ba eb ix watx'nen masanil tzet chi cheklay watx'nej.

1 Ti 3:4

Watx'okab yak'on cuenta ba eb yul yatut, yet watx' yikemokabc'al yuninal eb bay, yet watx' ayokab yelapnok eb yul sat yuninal tu'.

1 Ti 4:12

Watx'c'al chot a ba satak eb creyente masanil, yet watx' c'am mac chach alon uninal. Watx' chot k'anjab a ba bay eb. Watx' chot a ba satak eb. Watx' chot a camc'ulnen eb. Asannejokab Cham Jajawil chaoc yin a c'ul. Tojolc'al chot a nabal yil eb, yet watx' caytu' chot a tx'oxon watx' beybalej yil eb bay tu'.

1 Ti 5:10

Eb xal miman txequel tol watx' is beybal satak yet creyenteal. Eb watx' max yut yilon ch'ib yune', eb xal max beybalnej ak'oj posada. Eb max yak' serbil yet creyenteal yin ayilal, eb max colwaj bay eb ayoc yin yailal, eb watx'c'al tzet chi el yuneni. Asan ton eb xal ti' chi je' yoc cargook iglesia.

1 Ti 5:2

Ac'ala' c'apax bay eb xal ixnamil ix, watx' chot alon yab eb axca chot alon yab a txutx. C'al bay eb ix k'opoj ix, watx'c'al chot alon yab eb, axca bay junok acaw anab. Manokab cab satok chot k'anjab a ba bay eb.

Tito 1:8

A eb ay yopiso tu', ak'om posadaokab eb. Yowalilokab a tzet watx' chi yun eb, c'amokab chi ec' eb yiban. Tojolokab chi yut eb is beybal. Asannejokab yin Dios chi yaoc eb nabal. Yowalilokab chi mitx'oc wanaj eb mimanil yin tzet man watx'ok.

Tito 2:14

Max yak' cam ba Cham juj, yuj on is colon el yul k'ab yobtakil. Max yiel Cham masanil co mul, yet watx' asan Cham ay yalon yet jin, cax asanokab tzet watx' chi jochej chi junej.

Tito 2:2

Chal bay eb ichamtak winak, tol bayc'al ijan chi yut eb is nabal. Watx'okab chi yut ba eb, yet watx' ayokab yelapnok eb yul sat yet animail. Aj nabalokab chi yut ba eb. Cawokab chi yaoc eb c'ul yin juntzan cuybanilej yel. Ayokab camc'ulal eb yin yet animail. Tec'anokab chi yut ba eb yet chi yilon eb yailal.

Tito 2:7

Watx' chot a beybal yin masanil yil eb. Aokab yet chach cuywaj xol eb, chach cuywaj yin masanil a c'ul, c'al yin c'am ejmach'il.

Tito 3:14

Cha cuy eb jet creyenteal bay tu', tol chi yun eb tzet watx', cax chi colwaj eb bay eb ay is majilal, yet watx' ay yopiso eb yul sat Dios.

Hebreos 11:2

A eb jichmam, ocnak eb watx'il satak Dios, yujtol yanak oc eb c'ul yin Cham.

Hebreos 13:18

Txajlanek wuj, yujtol wojtak tol watx' yayji yikbomal in nabal, yujtol chi wochej tol caw watx'c'al chi wut in beybal.

Santiago 1:27

Tatol ay eb unin tol c'amxa is mam c'al is txutx, c'al eb ix tol camnakxa yichamil, cax ayoc eb yin yailal, yowalil chi toj jil eb, cax chon colwaj bay eb. Yetok c'apaxok, chi co pojil co ba xol masanil yobtakil bay yulyibank'inal ti'. Tatol chi jun juntzan ti', tita' wal tol yel chi jak' serbil co Mam Dios chi yal tu'.

Santiago 3:17

A pax jun jelanil chi tit bay Dios xin, man cayok tu' yoqui. Tatol ayoc jun jelanil tu' jin, watx' onc'al yul sat Dios, junc'ulalxac'al ayon yetok jet animail. Manso on, pakaki on yin tzanc'al tzet chi junej. Chi ok' co c'ul yin eb jet animail. Watx'c'al chi jut co c'ul bay eb. C'am chi jut co ba yin cabc'ulaltak bay eb, man cabsatok chi jut c'apax co ba.

Is Babel Carta San Pedro 1:22

A tinani', lanan jiken jun cuybej acaw yel. Axca tu' chi jut co jichlonen oc co beybal, yet watx' yel wali, ayokab co camc'ulal yin eb juẍtak, c'al yin eb janab. Yuj tu', yowalil chi co camc'ulnej co ba yin masanil co c'ul, c'al yin masanil jip.

Is Babel Carta San Pedro 2:12

Watx'okab chi jut co beybal yil eb manto ojtaknenok Dios. Yuj tu xin, caxc'al chi yal eb tol yob chi jut co ba tinani', palta tatol chi yil eb co watx' beybal, ok yal eb watx' k'anej yin Dios yet ok jay c'ual beyc'ulal.

Is Babel Carta San Pedro 4:8

Axa junxa tol ec'ban yelapnok, chi co camc'ulnelejek co ba yin masanil co c'ul. Caxc'al caw wal miman is mul junok mactxel ayon, palta tatol ay co camc'ulal, ok jak' mimanc'ulal yin.

Yet Is Cab Carta San Pedro 3:1

Ex in camc'ulnebil, yet-xa is cab jun in carta chi watok ayex ti', tol ac'ala' chin jek e na' juntzan cuybanilej e yojtakxa, yet watx' chi watx'ji oc e nabal sic'libil.

1 Jn 3:18

Ex in camc'ulnebil, c'am chi je' tol toc'al chi jala' tol aynaj co camc'ulal, palta yowalil chon colwaj bay eb juẍtak c'al bay eb janab. Axca ton ti' ok jut co tx'oxk'abnen elok tol yel chi jala' tol ay co camc'ulal.

1 Jn 3:3

Co masanil on chi jaoc yipok co c'ul tol axca tu' ok yunej, lanan wal co watx'nen oc co beybal, yet watx' caw wal watx' on axca Jesucristo.

1 Jn 4:1

Ex in camc'ulnebil, ta ay eb chi aloni tol yet Dios tzetak yetal chi ec' yala', man comonok che cha' e yab bay eb yin ayman. Yowalil che yak' porobal eb babelal, ta yel a Dios ayoc yetok eb. Yujtol xiwil eb lek'ti' bay yulyibank'inal ti', tol chi tz'ak yaloc ba eb chekbejok Dios.

Rt 3:11

Manchak ach oc il txo ix, yujtol a bay yul in conobal ti', ojtakbilxa tol watx' a binaji, xan ok wikej masanil tzet chal ti' tinani'.