A Tx'an Is Carta San Pablo Bay Eb Aj Filipos 4:7 - A Txꞌan Biblia Yin Kꞌanjobal 1989

⁷ Ta axca tu' chi jut co ba, ok yak' Dios is junc'ulal ayon. A is junc'ulal tu' c'am chi nachaj el juj, yujtol c'amxa chi alchaj elok jantak. A is junc'ulal tu', chi taynen janimail c'al co nabal, yujtol junxanej jayji yetok Cristo Jesús.

A Tx'an Is Carta San Pablo Bay Eb Aj Filipos 4:7 Cross References

Nehemías 8:10

Yetok c'apax junxa, max yalon cham Nehemías bay eb: Asek, cax che loon loj yet k'in, c'al e yuq'uen ac' vino yin tzalojc'ulalil, cax che yawten eb anima c'am is lobej watx'nebil low e yetok, yujtol a jun c'ual ti' yet Cham Jajawil yayji ocok. C'amokabc'al chex cusi, yujtol a tzalojc'ulalil chi yak' Jehová, a ton wal ayoc jipomalok, ẍi.

Job 22:21

Ach Job, aoc a ba yul k'ab Dios, ocan yin junc'ulalil yetok, axca tu' ok aj can a beyomal junelxa.

Job 34:29

Ta a Dios c'am tzet chi yala' ¿mactxel ok je' yak'on low yin? Ta chi c'ubaj el ba Cham ¿macto wal ok je' yilon yin? A Cham lajanc'al yikbej yiban nacionlak c'al yiban anima yin junjunal

Salmos 29:11

A Cham chi aon oc yip is conob. Yuj watx'il is c'ul Jehová, xan chi yak' junc'ulal ayon is conob on ti'.

Salmos 85:8

Ok wab tzet yetal ok yal Cham Jehová Dios ayon. Ok yak' Cham junc'ulal ayon is conob on ti', asan tol c'amxaokab chi jun yin c'am nabalil.

Pr 2:11

A jelanilal c'al aj nabalil, a wal juntzan tu' ok ach colonok.

Pr 4:6

Cha camc'ulnej a jelanil, manchak entaknej elok, yujtol yuj jun tu' xan ok ach colchajok.

Pr 6:22

A ok ach ikban bayc'al ok ach ec'ok, man ok ach xiw yuj yet chach wayi. A yet ok el a wayan, ac'al juntzan ti' naan oj.

Is 26:12

Mamin Jehová, oj wali xan watx' ok yun jayji ec'ok, yujtol oj xan chi yi ba masanil tzet chi junej.

Is 26:3

Mamin Jehová, ach chak' ayjok ec' is junc'ulal mac tol tec'anc'al yayji is nabal, yujtol asan ach ayach oc yipok c'ul.

Is 45:7

Ayin max wesnej aj sakk'inal, c'al k'ekk'inal, ayin chi wak' pitzc'oj aj junc'ulal, cax ayin chi wak' c'apax pitzc'oj aj yatakilal. Ayin Jehová in chi wun masanil juntzan ti'.

Is 48:18

Matawal max e yikej in chekbanil, axca wal mi a' mimek aej c'am chi tani, caytu' yayji e junc'ulal tinani', axca mi wal yajc'al pomnaj sat a' mar, cay mi wal tu' yayji e tojolal.

Is 48:22

A pax eb yobtakwom xin, c'am jabok watx'il yet eb, ẍi wal Jehová.

Jeremías 32:16

Lajwi wak'on yunal jun tx'otx' max in man tu' bay Baruc, cax max in txajli axca ti':

Jeremías 33:6

Palta ok wantej eb, ok wak'on is cawil eb junelxa, cax ok wak'on yun eb tol yin watx'ilal ok ayjok eb yin tol c'amxa tzet ok on eb.

Nm 6:26

Yinokab camc'ulalil chex yiloc Cham cax yak'okab junc'ulal ayex, ẍiokab eb.

Lc 1:79

Axa tzektanen yanimail eb ayic' xol k'ekk'inal tu', eb lanan toj bay camich. A' ok tx'oxon c'apax ayon tzet ok jut co beybal, yet watx' junc'ulal chon ayji ec' yetok, ẍi cham Zacarías.

Lc 2:14

¡Jalek watx' k'anej bay Dios aj satcan! ¡Ayokab junc'ulal yetok eb anima bay max tx'ox is watx'c'ulal bay yulyibank'inal ti'! ẍi eb.

Jn 14:27

A tinani xin, chi wak'can junc'ulal ayex. A caw in junc'ulal chi wak'can ayex. Man axcaok junc'ulal chi yak' eb yet yulyibank'inal ti', man cayoktu' wet chi wak'can ayex. Manchak e yak' somchaj e c'ul, cax c'am chex xiwi.

Jn 16:33

Max wal masanil juntzan ti' ayex, yet watx' chex can yin junc'ulalil wuj. A bay yulyibank'inal ti', ok ton e yil yail, palta tec'bajek e ba, yujtol a eb yet yulyibank'inal ti', mayal can eb yalan wuj, ẍi Jesús bay eb.

Ro 1:7

Ti chin tz'ibejtok jun in carta ti' ayex, e masanil ex aj Roma, ex camc'ulnebilxa yuj Dios. A' awtenej ex, yet watx' asan Cham ayex yet. Tx'oxokab co Mam Dios yetok Cham Jajawil Jesucristo is watx'c'ulal ayex, cax chi yak'on c'apax Cham is junc'ulal ayex bay tu'.

Ro 14:17

A tinani', ayon oc yul k'ab Dios. Yuj tu', manxa mojok chi jaoc co nabal yin tzet chi co lo', ma tzet chi co chi', c'al tzet chi juq'uej. Palta mojxa tol tojol chi jut co nabal, junc'ulalokab ayon, cax chi co chaon jun tzalojc'ulal chi yak' Cham Espíritu Santo ayon.

Ro 15:13

A Cham Dios yipc'ulal yayji juj. A Cham chi wochej chi ak'on e tzalojc'ulal, yetok e junc'ulal, yujtol che yaoc Cham yin e c'ul. Ta axca tu', a Cham ok e ya wal oc yipok e c'ul, yujtol a Yespíritu Cham chi ak'on is yipalil ayex.

Ro 5:1

A tinani', toxa mayal yal Dios, tol watx' on yul sat, yujtol chi jaoc co c'ul yin. Yuj tu', junc'ulalxa ayon yetok, yujc'al Cham Jajawil Jesucristo.

2 Co 10:5

A comon jelanil chi can yalan juj. Ay c'apax eb tol yuj is maynejbail chi tenon yin yojtaknelay Dios. Palta chi can c'apax jun maynejbailal tu' yalan juj. Axa masanil comon nabalej, chi jacan oc masanil yul k'ab Cristo, yet watx' yikemokabxac'al chi yut ba bay.

2 Co 13:11

Axa tinani xin, ex wuẍtak, ex wanab, ayexokab oc yin tzalojc'ulal bay tu'. Caw che watx'nej oc e nabal. Ayxaokab e mimanc'ulal. Junxanejokab che yut e nabal, junc'ulalokab ayex bay tu'. A Dios ak'om junc'ulal, c'al ak'om camc'ulal, a' ok oc e yetok.

Gl 5:22

A pax Cham Yespíritu Dios xin, a' chi ak'on junej tol chi co camc'ulnen co ba, chon tzaloji, chon ayji ec' yin junc'ulal. Chi yak'on c'apax jak' techaj tzanc'al tzet chi jay jiban. Yuj Yespíritu tu' xan ay co yabenc'ulal bay eb jet animail, watx' chi jut co nabal yin eb. Yuj c'apaxok, xan yikem on.

Ef 3:19

Caxc'al c'am bak'in ok nachaj el juj, jantak jun is camc'ulal tu', palta chi wochej che yojtaknej elok. Yetok c'apaxok, chi wochej chi ayjic'al oc Dios e yin sic'libil.

A Tx'an Is Carta San Pablo Bay Eb Aj Filipos 1:1

Ayin Pablo in ti', yetok Timoteo, yak'omal serbil Jesucristo jayji. Ti chi jatok jun co carta ti' ayex e masanil ex yet-xa Dios aj Filipos, ex junxanej e yayji yetok Cristo Jesús. E yet c'apax yayji jun carta ti', ex anciano c'al ex diácono aj Filipos tu'.

A Tx'an Is Carta San Pablo Bay Eb Aj Filipos 1:2

Tx'oxokabc'al co Mam Dios c'al Cham Jajawil Jesucristo is watx'c'ulal c'al is junc'ulal ayex.

A Tx'an Is Carta San Pablo Bay Eb Aj Filipos 4:19

Yuj tu', ok yak' co Diosal masanilc'al tzet ay chi oc e yuj, atac'ala' is miman beyomal chi yak' ayon yuj Cristo Jesús.

A Tx'an Is Carta San Pablo Bay Eb Aj Filipos 4:21

Chi watok cawil e c'ul e masanil ex yet exxa Dios yuj Jesucristo. Ti chi ya c'apaxtok eb juẍtak ayic' wetok ti' cawil e c'ul.

A Tx'an Is Carta San Pablo Bay Eb Aj Filipos 4:9

Beybalnejek juntzan cuybanilej yetok juntzanxa tzet e yabnakcan ayin. Masanilc'al tzet max e yabcan oc ayin, c'al tzet max e yil c'apax win, a' che beybalnej. Ta axca tu' chi el e yuneni, ok oc Dios e yetok, Cham chi ak'on co junc'ulal.

A Tx'an Is Carta San Pablo Bay Eb Aj Colosas 3:15

Co bek co ba bay Cristo yin con yikbani yet chi ayji junc'ulalil co xol, yujtol axca tu' is yochwan Cham jin, xan junxanej jayji oc yin. Yetok c'apaxok, jalokab yuj diosalil bay.

2 Ts 3:16

Yak'okabc'al Cham Jajawil, Cham ak'om junc'ulal, is junc'ulal ayex yin tzanc'al tzet chex oni. Ocokabc'al Cham e yetok e masanil bay tu'.

Hebreos 13:20

A Dios ak'om junc'ulal, a' ak'nej ictzoj aj Cham Jajawil Jesucristo xol eb camnak. A Jesucristo, Jilomal yayji Cham tol miman yelapnok. Yuj is chiq'uil Cham, xan max yun jun is trato Dios tol c'am bak'in chi lajwi.

San Judas 1:1

Ayin Judas in ti', yak'omal in serbil Jesucristo. Wuẍtak in ba yetok Jacobo. Ti chin tz'ibejtok jun in carta ti' ayex ex awtebilxa yuj co Mam Dios. Camc'ulnebil ex yuj. Taynebil ex yuj Jesucristo.

Ap 1:4

Ayin Juan in ti', ayin ton chin tz'iblitok ayex ex creyente bay ukeb iglesia bay yul yet Asia. Yak'okabc'al Dios is watx'c'ulal ayex, c'al is junc'ulal. Ayic' Dios tinani', ayc'alta' ec' Cham cax t'inan ok jayok. Yak'okab eb ukwan*fn* espíritu ayic' satak is trono is watx'c'ulal ayex.

Ap 2:17

¡Masanilc'al mac chi aben juntzan ti', yacbajokab eb txiquin bay tzet chi yal Cham Espíritu bay junjun iglesia! Chi yal Cham axca ti': A eb ok yak' techajok, ok wak' lo eb jun maná ebebil elok. Ok wak' c'apax junjunok ch'en ch'en caw sak bay eb. A yin junjun ch'en tu', tz'ibbil oc jun ac' biej, c'am mac ojtakneni. Asan eb chi cha' yet, a eb ok ojtaknen elok, cha tz'ibejtok, ẍi Jesús.