A Tx'an Is Carta San Pablo Bay Eb Aj Filipos 4:6 - A Txꞌan Biblia Yin Kꞌanjobal 1989

⁶ Manchak on oc il yuj junok tzet yetal. Jalek masanil tzet chi co na' bay Dios yet chon txajli. A yet chi co k'anon tzet yetal bay Cham, yowalil chi jal c'apax yuj diosalil bay.

A Tx'an Is Carta San Pablo Bay Eb Aj Filipos 4:6 Cross References

Babel Libroal Yabixal Eb Rey 8:28

Caxc'al mi axca tu' yayji ocok, ab tzet chin k'an ayach, ach in Diosal, ab in cusc'ulal cax chaben c'apax in txaj lanan walon ayach ti'.

2 Cr 32:20

A yuj jun k'anej tu xin, xan a cham rey Ezequías yetok Isaías chekbej Dios, c'ajol Amoz, max txajli eb. Max k'anon eb colwal bay Jehová.

Salmos 51:15

Mamin, jak in ti', cax ok ach in bitneni.

Salmos 55:17

Ok wal in ba yin ok'ilal yet k'inibalil, c'al yet yayc'ualil, c'al yet ak'balil, axa Cham ok yab yoc yul in nuk'.

Salmos 55:22

Masanil tzet cha na', acantok bay Jehová, axa Cham ok ak'on a tec'anil. A mac ikem bay, c'am bak'in ok cha' ayc'ayok.

Salmos 62:8

Ex wet conob, asannej Cham che yaoc yipok e c'ul, k'anjabanek yin txaj bay Cham yin masanil e c'ul, yujtol a Dios co colbalbail yayji.

Pr 15:8

C'am chi cha c'ul Jehová is xajanbal eb yobtakwom, a pax eb watx' is nabal xin, watx' chi yun chalay is txaj eb.

Pr 16:3

Aoc masanil a nabal yul k'ab Jehová, axca tu' ok yun tzet cha na tu'.

A Jun Bit Manxa Watx'ilok 2:14

Ach in camc'ulnebil, lajan ach axca no cakmu, tol chi c'ubaj el ba bay satlak ch'en. Tx'ox a sat ayin, tx'ox yul a nuk' wabej. Caw wal watx'xac'al eli, caw wal watx'xac'al yoc yul a nuk' chi wabej.

Jeremías 32:16

Lajwi wak'on yunal jun tx'otx' max in man tu' bay Baruc, cax max in txajli axca ti':

Jeremías 33:3

Awtej in, ok in tak'wok ayach, cax ok walon el tzet yetal tol ayxamay yayji ocok, c'ayubtakxac'al yoqui, tol man ojtakok.

Dn 3:16

Max tak'wi Sadrac, Mesac c'al Abed-nego bay cham rey, max yalon eb axca ti': —C'amxa tzet watx' jalon etok yin jun ti', mamin rey.

Dn 6:10

Axa yet max yaben Daniel xin, tol mayal al-lay el jun ley tu', max toj bay yatut cax max ajtok bay jun is cuarto can, cax jakban is wentena acantok bay yetc'ulaltok Jerusalén, max ay jajanok max txajli bay Dios. Oxel max txajli yet jun c'ual tu' axca chi yunc'alta'a.

Mt 10:19

A yet ok ex ilaytok satak eb yajaw tu', manchak ex oc il yuj tzet ok e yala', yujtol a yet jun bek tu', a Dios ok ak'on nachaj el e yuj tzet ok e yala'.

Mt 13:22

Axa ixim max apni c'apax can xol q'uix, yenel c'apax junxa makan eb chi aben k'anej Dios, palta asan tzet yetal ay yulyibank'inal ti' chi na eb. Chi etax el is nabal eb, yujc'al yochen eb yoc beyomal. Yuj tu' nabac'al chi yetnej el ba k'anej Dios yin eb. Lajanxa chi yun yelapnok eb axca ixim trigo c'am bak' chi yak'a'.

Mt 6:34

Yuj tu xin, manchak ex oc il yuj tzet ayex yecal, yujtol man e yojtakok tzet ibil oc yuj jun c'u yecal tu', xan maj je' e yoc il. K'okbilc'alnaj che naobtanej yin tzetak yetal ibil oc yuj junjun c'u.

Mt 6:8

Yuj tu xan manchak e yut e ba axca eb tu xin, yujtol yojtakxa co Mam Dios tzet caw yowalil chi oc e yuj, yet mantoc'al e k'an bay.

Lc 10:41

Axa yalon Cham axca ti': —Marta, caw wal xiwil chach oc il, cax chak'on c'ay a nabal yuj xiwil tzet chon tu'.

Lc 12:22

Max lajwi tu', max yalon Jesús bay eb is cuywom axca ti': Chi wal ayex xin, manchak ex oc il yuj tzet chi yun yec' tiempo e yuj cayti', yuj tzet che lo'. Manchak ex oc c'apax il yuj e pichil.

Lc 12:29

Manchak ec' yiban e naon xin. Manchak ex oc il yuj tzet che lo', c'al yuj tzet che yuq'uej.

Lc 18:1

Max yaltek Jesús jun abix bay eb is cuywom, yuj yalon yab eb tol watx' chi txajlic'al eb masanil tiempo, cax c'am chi ispay yuj eb.

Lc 18:7

A eb sic'bil el yuj Dios chi yal ba eb bay Cham c'ualil c'al ak'balil, ¿man mi ok watx'nej el Cham bay eb? ¿Xin ta pural ok watx'nej el Cham tzet chi yochej eb tu'?

1 Co 7:21

Ta ay ex, ayex oc mosejal yin junelnej bay junok mactxel, yet max ex awtelay yuj Dios, manchak ex oc il. Palta ta chi je' e yel yin mosejal tu xin, watx' che yak' e yip e yel yin mosejal tu'.

1 Co 7:32

Chi wochej c'am e bilc'ulal. A eb c'am yistzil, chi ec' nanon nabal eb tzet ok yut yak'on serbil eb Cham Jajawil, yuj yak'on eb tzalojbok c'ul Cham.

2 Co 1:11

Ta chex colwaj yin txaj jetok, cax xiwil ex ok ex txajlok juj, ac'ala' xiwil ex ok e yal yuj diosalil bay Dios yuj is watx'c'ulal ok yak' ayon, chi yal tu'.

Ef 5:20

Yinokab bi Cham Jajawil Jesucristo chi jalek yuj diosalil bay Dios yin tojbalk'inal yuj masanil tzet chi jay jiban.

Ef 6:18

Yetok c'apaxok, chon txajli masanil tiempo bay Dios, tol ikbabil on yuj Cham Espíritu Santo, yin co k'anon tzetak yetal bay. Caw chi jaoc co nabal co txajli. Manchak on caktzaj ajok. Chon txajlic'al yuj masanil eb yet-xa Dios jetok.

A Tx'an Is Carta San Pablo Bay Eb Aj Colosas 3:15

Co bek co ba bay Cristo yin con yikbani yet chi ayji junc'ulalil co xol, yujtol axca tu' is yochwan Cham jin, xan junxanej jayji oc yin. Yetok c'apaxok, jalokab yuj diosalil bay.

A Tx'an Is Carta San Pablo Bay Eb Aj Colosas 3:17

Tzanc'al tzet chi el juneni, ma tzet chi el jaloni, axcaokab moj yunen mac tol yet-xa Cham Jajawil Jesús, cayokab tu' chi el juneni. Jalokab yuj diosalil bay Dios Mamej yuj Cham Jajawil.

A Tx'an Is Carta San Pablo Bay Eb Aj Colosas 4:2

Axa ex e masanil, yelc'ulalokab tol chex txajlic'al, cax che yalon yuj diosalil bay Dios.

1 Ti 2:1

A tinani', tix tzet chi babji walontok ayach ti'. Yowalil chon tewi bay Dios, chon txajli yuj masanil anima. Yowalil chi co k'an bay Cham, cax chi jak'on c'apax yuj diosalil yuj eb anima tu'.

1 Ti 5:5

Ay eb xal chi cam yichamil, cax caw yel tol tx'oklilxac'al, asanxanej Dios chi yaoc eb yipok c'ul. C'ualil c'al ak'balil txajc'al chi yun eb bay Dios, yuj k'anon eb tzet chi k'anabax oc yuj.

Is Babel Carta San Pedro 4:7

A tinani', janic'xanej chi jay is tiempoal is lajubal masanil tzet yetal. Yuj tu', watx'okab chi jut co ba tinani'. Tec'anc'al chi jut co nabal co txajli.

Is Babel Carta San Pedro 5:7

Jaektok masanil co bilc'ulal yul k'ab Cham, yujtol a Cham ayoc il con yiloni.

Babel Libroal Cham Samuel 1:15

—C'amak mamin, man uq'uemanok in, c'amc'al tzet max wuc' aytok, asan tol ayin oc yin in cusc'ulal. A jun in cusc'ulal ti', lanan walon bay Jehová.

Babel Libroal Cham Samuel 30:6

Caw wal ayoc David yin bilc'ulal yujtol ijanxac'al chi k'oklay cam yuj eb is soldado tu'. Masanil eb cabtakxac'al c'ul eb yuj masanil tzet max utlay is yuninal eb tu', palta xin max yawal oc David is nabal yin Jehová is Diosal.

Babel Libroal Cham Samuel 7:12

Max lajwi tu', max sayon cham Samuel jun ch'en ch'en, max yacan ay bay nan xol Mizpa yetok Sen, max yak'on yik Eben-ezer,*fn* max yaloni: Ti wal ayc'al oc Jehová colwaj jetok tinani', ẍi cham.