A Tx'an Is Carta San Pablo Bay Eb Aj Filipos 4:19 - A Txꞌan Biblia Yin Kꞌanjobal 1989

¹⁹ Yuj tu', ok yak' co Diosal masanilc'al tzet ay chi oc e yuj, atac'ala' is miman beyomal chi yak' ayon yuj Cristo Jesús.

A Tx'an Is Carta San Pablo Bay Eb Aj Filipos 4:19 Cross References

Gn 48:15

Axa yalon cham watx' k'anej yiban José tu', max yalon axca ti': A co mam Dios bay max yikej cham wichmam Abraham, c'al cham Isaac in mam, a Cham chin tayneni, yettaxc'al max quin alji, c'al yet max in beyc'altek.

Yet Is Cab Libroal Cham Samuel 22:7

Max wal in ba bay Jehová yet ayin tok xol in somc'ulal. Max in k'an colwal bay in Diosal. A bay is templo Cham max quin yabej. Max apni waw bay is txiquin Cham.

2 Cr 18:13

Max tak'wi Micaías, max yaloni: —Chi wak' in ti' bay Jehová, tol asan tzet yetal ok yal in Diosal tu' ayin, a' ok wala', ẍi bay.

2 Cr 31:8

A yet max bet yilon cham Ezequías yetokc'al eb ayoc yin yajawilal yetok, masanil tzet yetal max wajnaj tu', max yalon eb watx' k'anej bay Dios, c'al yiban is conob, a ton Israel.

Nehemías 5:19

Xan max in txajli: Na in c'altek Mamin, yuj in watx'ilok, yuj masanil tzet max wun yin jun conob ti', quin chi.

Nehemías 9:15

Max ak'on loj yet satcan bay eb yet ay wajil eb, c'al aej max eltek sat ch'en yet max ec' takintial eb yuj. Lajwi tu' max alon bay eb tol chi octok cajan eb bay tx'otx' tx'otx' max ak' a ti' ak'on bay eb.

Salmos 104:24

Mamin Jehová, c'amxa chi bischaj tzet max a watx'nej; yin a jelanil max esnej aj masanil. Xiwilxac'al tzet max a watx'nejcan bay tx'otx' tx'otx' ti'.

Salmos 130:7

Jaokab oc Jehová yipok co c'ul ayon Israel on ti', tol ay yabenc'ulal Cham, bekan c'ul colwaji.

Salmos 36:8

Chi nojcan el co c'ul yuj miman loj chak' ayon. Chi juc'a' bay a' miman aej yet a watx'c'ulalil.

Salmos 84:11

Ach Jehová Dios chon a tzektanej cax chon a c'ubaj. Ach chak' watx'c'ulal yiban eb chi beybalnej tojolal, cax chi ilay can eb oj. Bekanc'al yel tzet yetal watx' bay eb oj.

Dn 6:22

A in Diosal max chektek is yángel, a' max makchen is ti' no coj ti', yuj tu' c'am wal jabok tzet max in yut no', yujtol yojtak Dios tol c'am wal jabok in mul, cax c'am tzet yetal yob max wun c'apax ayach, mamin rey, ẍi Daniel.

Miqueas 7:7

A pax ayin ti xin, a Jehová ayoc yipok in c'ul. Asan Dios in Colomal chin yipc'ulnej, yujtol ok yab Cham tzet ok wala'.

Malaquías 3:10

A tinani' xin, iektek masanil e diezmo bay c'uanbal bay templo, yet watx' ay lobej eb chin ak'on serbil bay tu'. Ayin wal caw Jehová in, Yajaw in yin Masanil, chi wala', tol chin e yak' porobal. Axca tu' ok yun e yiloni tol ok in jak puertail satcan, cax ok in secon aytek yaxilal e yiban, tol c'amxa bay watx' ok e c'ubaj.

Mt 6:32

A eb man ojtaknenok Dios, caw chi yiajtek eb c'ulok sayon ec' juntzan tzet yetal ti'. Axa ayon xin, a co Mam ay bay satcan, yojtakxa tol caw chi oc yopiso juntzan ti' juj.

Jn 20:17

Axa yalon Jesús bay ix axca ti': —Manchak quin a mitx'a', yujtol manto in ajtok bay ayic' in Mam; palta asi', al bay eb wuẍtak, c'al bay eb wanab masanil, tol ok in paxaj bay ayic' in Mam. A in Mam, e Mam c'apax wetok. A in Diosal, e Diosal c'apax wetok, ẍi Jesús bay ix.

Jn 20:27

Lajwi tu', axa yalon bay Tomás tu' axca ti': —Ilab in k'ab ti'. Jektok yiximal a k'ab yul yolanil ti', cax cha jekontok c'apax a k'ab bay yolanil tz'eyil in c'ul ti'. Manchakxa ak' cabc'ulal, palta aoc a c'ul win, ẍi Jesús bay.

Ro 1:8

Tix jun chi babji walontok ayex ti': A yuj Jesucristo chi walon yuj diosal bay co Dios e yuj. Yujtol chi ali bay junjun conob, tol caw wal che yaoc e c'ul yin Cristo.

Ro 11:33

A Dios, ¡manxa jantakok is watx'il, manxa jantakok is jelanil, manxa jantakok tzet yojtak! C'am chon tzakay jalon el tzet max nabalnej elok, c'al tzet chi el watx'neni. Cax c'am c'apax junok chi nachaj el is beybal Cham yuj.

Ro 2:4

A Dios caw wal miman is watx'c'ulal. Caw wal ay is mimanc'ulal. Man comonok chi tit yowal. Palta tekan ayex c'am yelapnok juntzan ti' yul e sat. ¿Tom man e yojtakok, tol chi tx'ox is watx'c'ulal ayon yet watx' chi yak' na ba co c'ul?

Ro 8:18

Ayin ti', chin na', tol a juntzan yailal lanan jaben ti' tinani', caw wal c'am chi apni yintak watx'il Dios ok txecloj el jin yet yajtok tu'.

Ro 9:23

Axca ton ti' max yun tx'oxon el Dios tol caw miman yelapnok is watx'c'ulal ayon, yet max ok' c'ul jin. Yujtol payxatax max on yacan oc yetok, yet watx' ay jalon jet yin is watx'il.

2 Co 12:21

Majto yal in c'ul chin toj ayex junelxa, a wal ta chin yak' q'uixwok aj co Diosal e satak. A wal ta chin ok' e yuj, yujtol yettaxc'al yalantok, xiwil ex max e beybalnej tzet man watx'ok. C'amc'al wal che bekcan e beybalnen yobtakil tu' yetok e mimanil, axca ajmulal, yetokc'al juntzan tzet tol caw wal q'uixwiltak chi el e yuneni.

2 Co 4:17

A tzet chi jay jiban, jabnej yelapnok yul co sat on, aymanc'al chi eq'uelok, palta yuj tu' xan ok co cha' jun tzet caw miman yelapnok. A jun tzet tu', xiwil watx'il, cax ayc'al ec' yin tojbalk'inal.

Ef 1:18

Chin k'an bay tol chi jak e nabal, yet watx' chi nachaj el e yuj, tzet ayoc yipok co c'ul, jun bay awtebil on yuj Dios. Axa nachaj el e yuj tu', tol xiwil watx'il jun co satak ok yak'a', yujtol yetonxa.

Ef 1:7

Max on is colil Cham yetok chiq'uil is C'ajol tu', yet max cam Cham juj. Max tan co yobtakil yuj, yujtol miman is watx'c'ulal Cham.

Ef 2:7

Max yun Dios axca ti', yet watx' a yet ok jay jun tiempoal yet yajtok tu', cax ok tx'oxk'abnen elok tol xiwil is watx'c'ulal jin, cax ok tx'oxk'abnen c'apax el is camc'ulal ayon, yujtol junxanej jayji yetok Cristo Jesús.

Ef 3:16

Xiwil watx'il co Mam Dios. Yuj tu', chin k'an bay, tol chi yak' wal tec'anil e nabal c'al is yipalil ayex yuj Cham is Yespíritu.

Ef 3:8

Masanil eb yet-xa Dios wetok, ec'ban yelapnok eb wintak. Caxc'al c'am junok eb miman welapnok yintak, palta yuj is watx'c'ulal Dios, xan yak'nak wopiso. Yuj tu' xan chi ec' walcan el e nan e xol, ayex mayex israelok, tol c'am yalbanil jantak is watx'il Cristo.

A Tx'an Is Carta San Pablo Bay Eb Aj Filipos 4:7

Ta axca tu' chi jut co ba, ok yak' Dios is junc'ulal ayon. A is junc'ulal tu' c'am chi nachaj el juj, yujtol c'amxa chi alchaj elok jantak. A is junc'ulal tu', chi taynen janimail c'al co nabal, yujtol junxanej jayji yetok Cristo Jesús.

A Tx'an Is Carta San Pablo Bay Eb Aj Colosas 1:27

Tix jun miman yelapnok max ak'lay e yojtaknej el ayex ex mayex israelok ti'. Tol cajanxa oc Cristo e yin junjun ex jetok. Yuj Cristo xan chi jaoc yipok co c'ul, tol ok co cha is watx'il Dios.

A Tx'an Is Carta San Pablo Bay Eb Aj Colosas 3:16

Jaokab wal oc co nabal yin k'anej Cristo, catatu' chi co cuylen co ba, c'al jiptzelen co ba yin masanil jelanilal, c'al co bitnenek salmo, yetok himno, c'al juntzanokxa bit yet Dios yuj jalon yuj diosalil bay Dios yin masanil co c'ul.

1 Ts 2:12

Cax max jaloncan ayex, tol caw wal watx'c'al che yut e beybal, axca wal is mojalil e yawtebal yuj Dios. A Cham awtenej ex oc yul k'ab yet watx' ay e yalon e yet yin is watx'ilal.

1 Ti 6:17

Al juntzan chekbanil ok waltek ti' bay eb creyente beyom yin tzetak yetal bay yulyibank'inal ti'. Chi cam alon yab eb, tol manchak maynej ba eb. Manchak yaoc eb beyomal tu' yipok c'ul, yujtol man tojbalk'inalok ay. Cax chalon bay eb tol asanokab Dios chi yaoc eb yipok c'ul. Yujtol a Cham chi ak'on masanil tzet ayon, yuj jak'on tzalojbok co c'ul yin tzet chi yak' ayon tu'.

Filemón 1:4

Caw wal chi wal yuj diosalil bay Dios oj, yet chin txajli,

Is Babel Carta San Pedro 5:1

A tinani xin, ti chi waltok juntzan chekbanil ti' ayex ex anciano, yujtol ayin ti', anciano in c'apax e yetok. Caw wal max wil yaben Cristo yail. Ay walon wet in chaon is watx'il e yetok, jun tolto ok txecloj elok.

Is Babel Carta San Pedro 5:10

A yet ok lajwok jaben yail janic' tiempoal ti', axa wal on tz'aktzen oc Dios yin masanil, ok yak' co tec'anil, c'al jip. Ok on is wajbaj oc yet tu', yujtol xiwil is watx'c'ulal chi tx'ox ayon. Ilab tol a' max on awten oc yetok, yet watx' a is acaw watx'il ok yak' ayon yin junelnej, yujtol junxanej jayji yetok Jesucristo.