A Tx'an Is Carta San Pablo Bay Eb Aj Filipos 4:1 - A Txꞌan Biblia Yin Kꞌanjobal 1989

¹ Ex wuẍtak, ex wanab camc'ulnebil wuj, caw chi wochej chex toj wila', yujtol in tzalojc'ulal e yayji ocok. E yuj xan ay in paktzil ok in cha'. Yuj tu', ex camc'ulnebil wuj, caw tec'an che yut e ba e yaon oc e c'ul yin Cham Jajawil.

A Tx'an Is Carta San Pablo Bay Eb Aj Filipos 4:1 Cross References

Job 31:36

Chi mi wawal oc yin jolom in xic', ma yin in jolom axca corona juntzan k'anej tu' yuj in maynen in ba.

Salmos 125:1

A eb chi aon oc Jehová yipok c'ul, lajan eb axca wal tzalan Sión c'am chi bili, tol ayc'al ec' yin tojbalk'inal. Caytu' yayji eb.

Salmos 27:14

¡Ac'al oc Jehová yipok a c'ul! ¡Tec'an chot waay a ba, manchak cabax aj a c'ul! ¡Yel wali, ac'al oc Cham yipok a c'ul!

Mt 10:22

Masanil anima ok tit yowal e yin wujc'al; palta a mac ok techaj yuj masanil, ok colchajok.

Jn 8:31

Axa yalon Jesús bay eb israel max yaoc c'ul yin axca ti': —Ta ayc'al oc e nabal masanil tiempo yin tzet chi wala', a caw in cuywom ex ton sic'libil.

Tzetak Yetal Max El Yunen Eb Chekbej Jesús 11:23

A yet max apniocok, max yiloni, xiwil watx'c'ulal Dios max yak' yiban eb tu'. Yuj tu', caw wal max yi' is tzalojc'ulal yin eb, max c'oli yiptzelay eb masanil yuj. Max yalon bay eb, tol caw wal tec'anc'al chi yut ba eb, cax chi yaonc'al oc eb c'ul yin Cham Jajawil.

Tzetak Yetal Max El Yunen Eb Chekbej Jesús 14:22

Max ec' eb bay junjun conob tu', yuj ec' yiptzen eb eb creyente. Max ec' alay oc nabal eb yuj eb, max yaloncan eb bay eb axca ti': —Caw tec'an che yut e nabal yin Cham Jajawil, yujtol yowalil miman yailal ok jay jiban, mac on chon oc yul k'ab Dios, ẍi eb.

Tzetak Yetal Max El Yunen Eb Chekbej Jesús 2:42

Caw wal max yaoc eb c'ul yin juntzan cuybanilej max yak' eb chekbej Jesús. Junxanej max yut eb nabal masanil. Chi wajbanc'al ba eb. Chi loon eb ixim pan, ixim nabaniltek Cham Jajawil, cax chi txajlic'al eb.

Ro 2:7

Ok yak' Dios k'inalej tol ayc'al yin tojbalk'inal ayon, tatol tec'an chi jut co ba junen watx'ilal, yujtol chi jochej ay jalon jet yin is watx'ilal Dios. Chi jochej tol ay jelapnok yul sat Cham. Chi jochej tol chi co cha co k'inal tol ayc'al yin tojbalk'inal.

1 Co 15:58

Yuj tu' ex wuẍtak, ex wanab camc'ulnebil, caw tec'anc'al che yut e ba. E yak'ta' cabc'ulal. Yinokab masanil e c'ul chex mulnajc'al yin yet Cham Jajawil yujtol e yojtakxa, tol a co mulnajil yin yet Cham manc'al nabaok.

1 Co 16:13

Makwajanekc'al. Tec'anokabc'al che yut e yaon oc e c'ul yin Cham Jajawil. Manchak ex xiw jabok. Caw che tec'baj e ba junjun ex.

2 Co 1:14

Chi waoc yipok in c'ul, tol ok nachaj el e yuj sic'libil, tol a yet ok jay Cham Jajawil Jesús, ok ex tzaloj aj juj, cax chon tzaloj c'apax aj e yuj.

Gl 5:1

A Cristo max on colon el yul k'ab ley Moisés, yet watx' jet-xac'al co ba yetok. Yuj tu xin, caw tec'an che yut e ba. A jun ley bay colbil onxa el tu', lajan wal axca junok ikatz caw wal al. Manchakxa e chaoc e yiban e yak'lay cuenta yuj.

A Tx'an Is Carta San Pablo Bay Eb Aj Filipos 1:27

Palta caxc'al ok in tok ayex, ma c'amak, watx'okabc'al che yut e beybal tol chi cha ba axca yalon Cristo yin is k'anejal yet colbanilej. Ta axca tu', ok wab e k'umal, tol ac'ala' tec'an e waayi, cax tol ac'ala' junnej nabalejal e yayji bay tu'. Ok wab c'apaxok, tol jun lajanc'al e yaon oc e c'ul yin jun k'anejal yet colbanilej tu', cax caw tec'an e waay yin.

A Tx'an Is Carta San Pablo Bay Eb Aj Filipos 1:8

Yojtak Dios tol caw chex in camc'ulnej e masanil yetok is camc'ulal Jesucristo ak'bil ayin.

A Tx'an Is Carta San Pablo Bay Eb Aj Filipos 2:16

yujtol che yalil is k'anej Dios nan xol eb, jun k'anej chi alontek yuj co k'inal tol ayc'al yin tojbalk'inal. Ta axca tu' che yutej, caw ok in tzaloj aj e yuj yet ok jay Cristo, yujtol caw wal ok txeclojok tol man nabac'alok max in lajoc wak'on wip in mulnaj e nan e xol.

A Tx'an Is Carta San Pablo Bay Eb Aj Filipos 2:26

Caw chi yochej chex toj yilcanok. Chex nalay yuj, yujtol max e yabej tol caw wal ya'ay nak cayti'.

A Tx'an Is Carta San Pablo Bay Eb Aj Colosas 4:12

A nak e yet conob chi yik Epafras ti', ayoc nak yak'omalok serbil Cristo Jesús wetok. Caw wal chi txajli nak e yuj sic'libil, yet watx' che tec'baj e ba yet watx' asan yin tzet chi yochej Dios che ya wal oc e nabal.

1 Ts 3:13

Chi jochej tol a Cham chi ak'on tec'anbok e nabal, yet watx' ac'ala'c'al watx'il e beybal, cax c'am jabok e yobtakil yul sat co Mam Dios yet ok jay Cham Jajawil Jesucristo yetok eb yet-xa yayji.

2 Ts 2:15

Yuj tu xin, ex wuẍtak, ex wanab, caw wal tec'an che yut e ba. Manchak e bek c'aytok juntzan cuybanilej ec' jalnak ayex, c'al juntzan albiltok yul carta juj.

2 Ti 2:1

Yuj tu xin, ach tol axca in c'ajol ach, tec'baj a ba yuj watx'c'ulalil Dios chi yak' ayon, yujtol junxanej jayji yetok Cristo Jesús.

Hebreos 10:23

Tec'an chi jut jaon oc yipok co c'ul jun co cuybanil chabil juj. C'amokab co cabc'ulalil, yujtol a Dios, ok yunc'alta' is ti' yak'nakcan ayon.

Hebreos 3:14

Yujtol ta tec'anc'al co waay masantac'al yet lajubal, yin tzet janak oc yipok co c'ul yettax yichbanil, ay jalon jet yetok Cristo.

Hebreos 4:14

Ay jun co sat sacerdote tol miman yelapnok, a ton Jesús, Cham is C'ajol Dios. Paxnak aj Cham satcan, bay is watx' k'ab Dios. Yuj tu', jiekc'al bey co cuybanil.

Yet Is Cab Carta San Pedro 3:17

A pax ayex ti', ex in camc'ulnebil, ayokto max e yabeni tzetak yetal ok jayok. Yuj tu', ilekc'al e ba bay eb yob is nabal max waltek ti', yet watx' c'am chex somchaj el yuj juntzan yob cuybanil eb tu'. Ta c'amak, caw wal ok etax el e nabal, cax ok ex ayc'ay yin tec'anil e waayi.