A Tx'an Is Carta San Pablo Bay Eb Aj Filipos 3:5 - A Txꞌan Biblia Yin Kꞌanjobal 1989

⁵ Jun semana walji max in ak'lay circuncidar, yujtol israel in. Yinatil into Benjamín, hebreo in, yujtol hebreo in mam c'al in txutx. Caw yikem in yin masanil ley Moisés, yujtol fariseo in.

A Tx'an Is Carta San Pablo Bay Eb Aj Filipos 3:5 Cross References

Gn 14:13

Axa jun nak maxto elcanok max bet alon bay cham Abram, cham hebreo, tol mayal ilaytok Lot preso. A tu' cajan cham bay cawilal juntzan te matx'ji yul makbej cham Mamre, cham amorreo. A cham Mamre tu', yuẍtak ba cham yetok Escol, c'al yetok Aner. A eb tu', yetok Abram ayoc eb.

Gn 17:12

Yukubixial yalji junjun winak unin, cax chi alay oc jun yechelej tu' yin eb, caxc'al e yuninal ma yuninal eb e chekbej. Yowalil chi ak'lay c'apax circuncidar eb e chekbej tu', eb tol manbil bay tx'ok conobal. Yowalil chi alay oc jun yechelej tu' e yin junjun ex, yin c'amc'al yeq'uilal. Axca tu xin, a jun in trato e yetok ti' miman txequelokab yin e mimanil yin tojbalk'inal.

Gn 40:15

Ayin ti' axca tol elk'anebil intek bay xol eb nak hebreo. Man in mojok ayin oc yul preso ti' yujtol c'am wal jabok tzet tol yob max wunej, ẍi José.

Gn 41:12

A bay tu', ayic' jun nak ach'ej tol hebreo, tol is chekbejben cham yajawil eb nak chach tayneni. Max jalon co wayich on bay nak, caw wal watx'c'al max yun yalon el nak co wayich on tu'.

Jonás 1:9

Max tak'wi Jonás tu' axca ti': —Ayin ti' hebreo in. A bay Jehová Diosal satcan chin oc ayilal, Cham max watx'nen a' mar ti', c'al tx'otx' tx'otx', ẍi Jonás.

Lc 1:59

Ukubixialxa yalji, max jay eb bay yatut Zacarías, yuj yalay oc jun yechelej chi yik circuncisión yin is mimanil jun unin tu'. Max yochej eb max yik Zacarías, yet watx' chi oc q'uexelok is mam tu'.

Lc 2:21

Ukubixial yalji jun unin tu', max alay oc jun yechelej chi yik circuncisión yin is mimanil, cax max yak'on eb yik Jesús. A ton jun biej ti' yalnakcan cham ángel bay María, yet manto oc jun unin tu' yin.

Lc 5:38

Yuj tu' xan asan yul ac' tz'um netal vino chi ay juntzan vino ato watx'ji tu', yet watx' c'amc'al junok toc'al chi etax elok.

Tzetak Yetal Max El Yunen Eb Chekbej Jesús 22:3

Ayin ti', israel in c'apax e yetok. A tu' aljinak in bay conob Tarso, yul yet Cilicia, palta a bay Jerusalén ti' max in ch'ibi. In meẍtolben cham Gamaliel.*fn* Max quin is cuy cham yin ley eb co mam jichmam sic'libil. Caw wal chi wak' serbil Dios yin masanil in c'ul, axca ton che yut e ba e masanil ti' tinani'.

Tzetak Yetal Max El Yunen Eb Chekbej Jesús 23:6

Axa max yiloni, titol saduceo nan eb sat yajaw tu', axa nanxa eb xin, fariseo eb. Yuj tu xin, xan caw yip yalon bay eb axca ti': —Ex wet conob, ayin ti' fariseo in, fariseo c'apax in mam. Lanan in beyc'ulnelayi yujtol chi waoc yin in c'ul tol ok ictzoj aj eb camnak, ẍi bay eb.

Tzetak Yetal Max El Yunen Eb Chekbej Jesús 6:1

A yet jun tiempoal tu', yelc'ulal wal tol max ch'ib bisil eb creyente. Palta a eb creyente griego, max caklej aj ba eb yetok eb hebreo, yujtol a yet chi ak'lay low eb meba' junjun c'u, man tz'akanok chi ak'lay yet eb xal ix camnakxa yichamil xol eb griego tu'.

Ro 11:1

A eb conob Dios tu', ¿xin ta pilan wal max intaknelay el eb yuj Cham? Majc'al bian. Ilab ayin ti', israel in yetok eb. Yinatil in c'apax Abraham yetok eb. Yinatil in Benjamín.

2 Co 11:22

Hebreo ton eb, hebreo in c'apaxok, israel ton eb, israel in c'apaxok. Yinatil Abraham eb, yinatil Abraham in c'apax yetok eb.

Babel Libroal Cham Samuel 4:6

A yet max yaben eb filisteo yel yaw eb israel yin tzalojc'ulal, max yalon eb: ¿Tzet yuj xan caw wal chi oc aw bay campamento eb hebreo? ẍi eb. Axa max yaben eb tol a caẍail trato Jehová max apni oc bay campamento tu'.