A Tx'an Is Carta San Pablo Bay Eb Aj Filipos 3:1 - A Txꞌan Biblia Yin Kꞌanjobal 1989

¹ A tinani' ex wuẍtak, ex wanab, ak'ek tzaloj e c'ul yin Cham Jajawil. Ay juntzanxa tzet ok waltok ayex, tol man yobok chi wabej tol ac'ala' ok waltok ayex junelxa, yujtol yowalil che watx' ojtaknej elok.

A Tx'an Is Carta San Pablo Bay Eb Aj Filipos 3:1 Cross References

1 Cr 15:28

Masanil eb israel max el yaw yuj tzalojc'ulal yet max ilaytek te caẍa Jehová, max xulay c'apax yuc'a' calnel, trompeta c'al yaon oc eb platillo, salterio c'al arpa.

1 Cr 16:10

Tzalojokonek, yujtol yet onxa Cham; ayokab tzalojc'ulal chi yab eb ayilwom bay Cham.

1 Cr 29:22

A wal yet jun c'ual tu', max low eb c'al yuq'uena' eb yin tzalojc'ulal satak Jehová. Max lajwi tu', max ca watx'nen oc eb Salomón, c'ajol David yin reyal. Max bonon eb is jolom yetok aceite satak Jehová, yin yoccan is yajawilok eb. Max bonon c'apax eb Sadoc yin yoccan sat sacerdoteal.

Nehemías 8:10

Yetok c'apax junxa, max yalon cham Nehemías bay eb: Asek, cax che loon loj yet k'in, c'al e yuq'uen ac' vino yin tzalojc'ulalil, cax che yawten eb anima c'am is lobej watx'nebil low e yetok, yujtol a jun c'ual ti' yet Cham Jajawil yayji ocok. C'amokabc'al chex cusi, yujtol a tzalojc'ulalil chi yak' Jehová, a ton wal ayoc jipomalok, ẍi.

Job 22:26

Ok ach tzaloj yetok Cham, cax ok ach oc wal t'anan yin, yin junc'ulalil.

Salmos 149:2

Ayokab co tzalojc'ulal ayon Israel on ti', yetok Cham max con tz'ununi. Tzalojokonek ayon aj conob Sión on ti' yetok co Reyal.

Salmos 32:11

Ak'ek tzalojbok e c'ul yin Jehová ex anima watx' e nabal. Bitnanek yin tzalojc'ulalil, masanil mac ex ayex oc yin tojolal.

Salmos 33:1

Ex anima watx' e nabal, alek e watx' k'anej bay Jehová; is mojalil tol a eb anima ayoc yin tojolal chi bitnen Cham.

Salmos 37:4

Ak' tzaloj a c'ul yin Jehová, cax a Cham ok ak'on yun yochwan a c'ul.

Salmos 42:4

A wal yet chin naon juntzan ti', chi oc pitz'an yin in c'ul. Chin naontek yet ayin jun xol eb anima yin wikban eb, yin co toj bay templo yet Dios. Xiwil aw chi oqui, xiwil tzalojc'ulal c'al aloj yuj diosal. Miman k'in ton wal xin.

Salmos 5:11

Axa pax masanil eb chach yaoc yipok c'ul xin, tzalojokab aj c'ul eb. Elokab yaw eb yin tzalojc'ulal yin tojbalk'inal, yujtol cha colcan el eb. A eb chi camel c'ul en, a en chi tzaloj aj c'ul eb.

Salmos 97:1

Tzalojokab masanil tx'otx' tx'otx' ti', c'al masanil conob tilak a' mar. Tzalojokabi yujtol Rey ton Jehová.

Is 41:16

Ok e tiẍcantok xol cak'ek', axa cak'ek' ok iontok. A cakxuchum ok saklemnencantok. Catawal tu' bian, ok tzaloj aj e c'ul win, ayin Jehová in ti'. Ok e maynej e ba wuj, e Diosal in, tol Asanxanej in Ocok.

Is 61:10

Caw wal max yak' Jehová tzalojbok aj in c'ul, caw wal chi aj can in tzalojc'ulal yuj in Diosal, yujtol caw wal watx' max in yut yetok colbanilej c'al tojolal, axca chi yun watx'nen ba junok nak ach'ej, ma junok ix k'opoj yet chi toj nupayok.

Is 65:14

A eb ti' ok bitnok eb yuj tzalojc'ulal; axa ayex ti', tol ok ex ok' yuj cusc'ulal, c'al yuj yatakilal.

Jl 2:23

Masanil ex cajyom ex bay Sión, tzalojanek. Tzalojanek yin Jehová co Diosal, yujtol ok yak' nabil k'inal ayon yin is c'ual; babel nab c'al lajub nab, axca chi yunc'alta'a.

Sofonías 3:14

Bitnanek ex aj conob Sión, ajokab can e nuk' e bitni ex aj Israel. Tzalojanek ex aj conob Jerusalén, tzalojanek wali.

Sofonías 3:17

A Jehová co Diosal ayic' jetok. A mayk'ak'al Cham chon coloni. Caw wal ok tzaloj Cham jetok. Yuj is camc'ulal jin, xan c'amxac'al tzet ok yala'. A yuj is tzalojc'ulal tu', xan ok bitnok Cham

Zacarías 10:7

Tec'an ok yun eb aj Israel axca soldado. Ok tzalojbok aj c'ul eb axca eb chi uc'wi vino. A yet ok yilon yuninal eb jun ti', ok tzalojbok aj c'ul eb. Caw wal ok tzalojbok aj is yanimail eb yuj in colwal.

Mt 5:12

Tzalojanek sic'libil, yujtol caw miman watx'ilal ok e cha' is paktzilok bay satcan. Axca wal chi yun e yilon yailal ti', cay wal tu' max yun yilon eb chekbej Dios yailal yet payxa.

Lc 1:47

Caw wal chi tzaloj in c'ul yin Dios co Colomal.

Ro 5:11

Man asannejok yuj juntzan ti' chon tzaloji, palta caw chon tzaloj c'apax yin Dios yuj Cham Jajawil Jesucristo. Yujtol yuj Cham xan watx'xa jak'on yetok Dios tinani'.

2 Co 13:11

Axa tinani xin, ex wuẍtak, ex wanab, ayexokab oc yin tzalojc'ulal bay tu'. Caw che watx'nej oc e nabal. Ayxaokab e mimanc'ulal. Junxanejokab che yut e nabal, junc'ulalokab ayex bay tu'. A Dios ak'om junc'ulal, c'al ak'om camc'ulal, a' ok oc e yetok.

Ef 6:10

A tinani' ex wuẍtak, ex wanab, caw tec'anokab chi jut co ba yul k'ab Cham Jajawil. Ji'okab co tec'anil yuj is yipalil.

Dt 12:18

Asan bay jun lugar ok sic'can el Jehová co Diosal, a tu' ok e chi' juntzan xajanbal tu', ajun eb e yuninal e yetok c'al eb e chekbej, yetokc'al eb levita ayic' e xol. A tu' che yak' tzalojbok e c'ul satak Cham yuj tzet chi yak' e mulnajil tu'.

Dt 16:11

Che cha' k'in tu' satak Cham bay jun lugar sic'bilcan el yuj, yet chi oc ayilal bay. A bay tu' che wajbaj e ba yetok eb e yuninal, c'al yetok eb e chekbej, yetok eb levita cajan e xol, yetok eb tx'ok conobal, yetok eb c'amxa mam, c'amxa txutx, c'al yetok eb xal camnakxa yichamil cajan ec' bay yul e conobal tu'.

A Tx'an Is Carta San Pablo Bay Eb Aj Filipos 3:3

Palta ayon ti', ak'bil onxa circuncidar yin yel yul sat Dios, ayon tol chi jal co ba bay Dios yuj Cham Espíritu. Asan yin Cristo Jesús chon tzaloji, axa tzet chi je' juneni c'am chi jaoc yipok co c'ul.

A Tx'an Is Carta San Pablo Bay Eb Aj Filipos 4:4

Tzalojokonekc'al yin Cham Jajawil. Chi wal junelxa, tol caw chon tzaloji.

A Tx'an Is Carta San Pablo Bay Eb Aj Filipos 4:8

Axa tinani' ex wuẍtak, ex wanab, jaek oc co nabal yin masanil tzet yel, yin juntzan moj tol ay yelapnok yul co sat, yin masanil tzet tojol, masanil tzet c'am is tacnakil, c'al yin masanil tzet watx', yetok tzet miman yelapnok, yetok c'apax masanil tzet watx' yul sat Dios, yetok juntzan moj yal-lay watx' k'anej yin. A yin juntzan tu' jaokab oc co nabal.

1 Ts 4:1

Ex wuẍtak, ex wanab, ilab ec' albil juj ayex, tol watx' che yutc'al e beybal, yet watx' chi tzaloj Dios e yetok. A tinani xin, yuj chekbej on Cham Jajawil Jesucristo, xan chi cam wal jalontok ayex, tol chex ajc'alcan e yiken jun chekbanil ti'.

1 Ts 5:16

Tzalojanekc'al.

Santiago 1:2

Ex wuẍtak, ex wanab, a yet chi jayoc tzanc'al tzet porobalil e yiban, ak'ek wal tzalojbok e c'ul sic'libil.

Is Babel Carta San Pedro 3:8

Yetok c'apaxok, chi waltok junxa ti' ayex: tol jun lajanxanejokab chi jut co nabal co masanil. Tatol ay eb chi cusi, colwajokonek bay eb. Co camc'ulnelejek co ba, yujtol jet creyenteal co ba. Ok'okab co c'ul jin junjun on. Yaynakilokab chi jut co ba ayon junjun on.

Is Babel Carta San Pedro 4:13

Palta caw wal tzalojokonek, yujtol jun lajanxa jaben yail yetok Cristo, xan axa yet ok jilon jay Cham xol is tzekekial, tol ok aj wal can co tzalojc'ulal.

Yet Is Cab Carta San Pedro 3:1

Ex in camc'ulnebil, yet-xa is cab jun in carta chi watok ayex ti', tol ac'ala' chin jek e na' juntzan cuybanilej e yojtakxa, yet watx' chi watx'ji oc e nabal sic'libil.

Babel Libroal Cham Samuel 2:1

Max txajli c'apax xal Ana axca ti': Mamin Jehová, yetok wal masanil in c'ul chin tzaloj en, tol ach max ak' wip. Ayxa tzet chi je' walon yin eb ajc'ul oc win, yujtol ach max ach colwaj win; yuj wal tu', xan caw wal chin tzaloj tinani'.