A Tx'an Is Carta San Pablo Bay Eb Aj Filipos 2:6 - A Txꞌan Biblia Yin Kꞌanjobal 1989

⁶ A Cristo, caxc'al Dios c'alta'a, palta max el wal yin c'ul, max bekoncan jun bay ay yalon yet yetok Dios. C'am jabok tzet max na' yet max bekoncanok.

A Tx'an Is Carta San Pablo Bay Eb Aj Filipos 2:6 Cross References

Is 7:14

A wal caw cham Yajaw ok yak' junok tx'oxbanil ayex: A jun ix k'opoj ix ok oc unin yin, ok jay jun is winak unin, Emanuel*fn* ok yik yuj ix.

Is 9:6

Yujtol winak unin max alji ayon. A Dios max ak'on jun unin ti' ayon; a jun unin ti', ok ak'lay yikbej yoc yajawil. Tixtakc'al is bi ok yik ti': Cham C'ayubtakxac'al yin ak'oj nabalej, Cham Dios tol miman is mayk'ak'al, Cham Mamej c'am yichbanil cax c'am lajubal, Cham Yajaw ak'om junc'ulal.

Jeremías 23:6

A yul is tiempoal tu', a Judá caw wal ok colchajok, yetok c'apax Israel, c'amxac'al tzet ok na'. A ton wal jun biej ok ak'lay yik ti': A Jehová Cham chi watx'nen el co k'anej yin tojolal, ok ak'lay yika', quin chi.

Miqueas 5:2

Chi yalon Jehová axca ti': A pax conob Belén Efrata, caxc'al yaliẍ xol conoblak yul yet Judá, palta a bay tu' ok tit jun yajaw ok waoc yin yajawilal yiban in conob Israel. Ok tit yin jun inatilej tol ayc'alta' yettax payxa, ayc'alta' yettax yichbanil, ẍi Cham.

Zacarías 13:7

A Jehová Cham Yajaw yin Masanil chi alon axca ti': Ilayokab aj espada yuj teklay cam Yilomal in calnel, a ton jun junejc'al ay wetok. Ok mak'lay cam jun ilom calnel tu', axa no calnel ok saklemcantok, axa woccan ajc'ulal yin no yunetak calnel tu'.

Mt 1:23

A jun ix k'opoj ix, c'amto winak chi yilej, ok oc unin yin. Ok jay jun is winak unin. Emanuel ok yika', ẍi yul tx'an Un Tz'ibbilcanok. (Emanuel chi yal elapnok: Ayic' Dios jetok).

Jn 1:18

C'am junok mactxel max ilon yin Dios junelok, palta a jun c'otan is C'ajol tu', tol Dios toni, a' max ul tx'oxon elok. A jun is C'ajol tu', junnejc'alta' ayic' yetok is Mam.

Jn 10:30

Ayin ti', junnej animail wayji yetok co Mam Dios, ẍi Jesús bay eb aj Judea tu'.

Jn 10:33

—Man yujok junok watx' max el onen tu', xan chi jochej chach co k'ok camok, palta asan yuj cha buch Dios. Ach ti', comon anima ach, palta ilab chal pax oc a ba Diosal, ẍi eb bay.

Jn 10:38

Palta ayin ti', lanan wunen tzet chi yun in Mam. Yuj tu' xan caxc'al mi c'am che yaoc e c'ul yin tzet chi wala', palta aek oc e c'ul win yuj juntzan tzet yetal chi wun tu'. Catatu' ok nachaj el e yuj, cax ok e yaon oc yin e c'ul tol ayoc co Mam Dios win, cax ayin c'apax oc yin, ẍi bay eb.

Jn 14:28

Toxa mayal wal e yabej, tol ok in paxok, palta ok in jay pax ayex. Ta yel wali chin e camc'ulnej, ta axca tu', moj wal chex tzaloji yet che yabeni tol ok in paxaj bay co Mam Dios, yujtol ec'ban Cham wintak.

Jn 14:9

Xan max yal Jesús bay axca ti': —Felipe, mimanxa tiempo ayin ec' e yetok. ¿Tom c'amto chojtaknej el mac in txel xin? A eb chin iloni, lanan yilon eb yin co Mam Dios. Yuj tu', ¿tzet yuj xan chal ayin: Tx'ox a Mam tu' jila', cachi?

Jn 17:5

A yet manto esnelay aj yulyibank'inal ti', ayinxac'alta' ec' etok bay xol co watx'ilal. Axa tinani xin Mamin, cha' in paxaj etok bay xol co watx'ilal tu', axcac'alta' wayji ec' etok.

Jn 20:28

Lajwi tu xin, max yalon Tomás tu' bay axca ti': —Ach Wajawil, ach in Diosal, ẍi bay.

Jn 5:18

A yet max yalon Jesús axca tu', max yochejxac'al eb max yak' camok, man asannejok yuj maj yikej c'ual xewilal, palta yuj c'apax max lajbaj ba yetok Dios, yet max yalon oc Dios is Mamok.

Jn 5:23

Max yak'can in Mam wopiso yet watx' lajan welapnok yetok in Mam yul sat masanil anima. Ta ay mac c'am welapnok yul sat, c'am c'apax yelapnok in Mam yul sat, yujtol a cheknejintek.

Ro 9:5

A eb jichmam, a ton eb mimek yelapnok yul sat Dios yet payxa. Ocnak Cristo jet conobok on yet max oc animail. A Cristo Dios toni, Yajaw yayji yiban masanil tzetak yetal. Al-layokab watx' k'anej yin Cham yin tojbalk'inal. Yunokabi.

2 Co 4:4

A eb tu', c'am chi yaoc eb yin c'ul yujtol chi ak'layxac'al etax el nabal eb yuj nak diosal yulyibank'inal ti'. Axca tol a nak chi ak'on c'ayil sat eb, yet watx' c'am chi yil eb jun sakk'inal chi tit yin yabixal Cristo. A Cristo caw miman yelapnok, caw lajan yetok Dios.

2 Co 8:9

Yujtol jojtak, a Cham Jajawil Jesucristo, caw miman is watx'c'ulal Cham. Xiwil beyomal Cham bay satcan; palta ul yutnak ba Cham mebail yuj camc'ulal Cham jin. Max yut ba Cham axca tu', yet watx', a is mebail Cham tu' chi on joccan beyomal yul sat Dios.

1 Ti 1:17

A Dios, Yajaw yayji yin tojbalk'inal. C'am bak'in ok cam Cham. C'am junok mac chi je' yilon oc yin. Asan jun Dios ti', cax c'am junokxa. Mimanokab yelapnok Cham yul co sat. Jalek watx' k'anej bay yin tojbalk'inal. Yunokabi.

1 Ti 3:16

Wal yel, caw miman yelapnok co cuybanil ak'bil jojtaknej el yuj Dios. Chi yal axca ti': Max tx'oxaj ba Dios yin mimanilejal yet anima. Axa Cham Espíritu tx'oxnak elok, tol caw tojol is nabal. Ilbil Cham yuj eb ángel, albil el yabixal bay xolak nación. Ay eb yet yulyibank'inal ti' max yaoc c'ul yin. Yetok c'apaxok max ilay paxaj Cham satcan.

Tito 2:13

Jechbanejek jay jun c'ual tzalojc'ulal, yet ok jay Cham co Diosal caw miman yelapnok, a ton Cham co Colomal Jesucristo.

Hebreos 1:3

A yin Cham C'ajolej chi tx'oxil Dios is watx'ilal, yujtol caw lajan watx'il Cham yetok. Caw lajan nabal Cham yetok. Asan yuj k'anej Cham C'ajolej tu', xan watx' bey masanil tzetak yetal, yujtol a is k'anej tu', caw miman yikbej. A yet max xew yioncan el Cham co yobtakil jin, max toj ay chotan bay watx' k'ab Dios bay satcan.

Hebreos 1:6

A yet max yion jay Dios is C'ajol asannej oc bay yulyibank'inal ti', max yalon axca ti': Yiokab ay ba masanil eb wángel bay, ẍi.

Hebreos 1:8

A pax yuj Cham is C'ajol tu xin, chi yal axca ti': Ach Dios, Rey ach yin tojbalk'inal. Yajaw ach, watx'c'al chi yun a beyc'ulnewi.

Hebreos 13:8

A Jesucristo, ac'ala' Cham yet payxa, yetok tinani', c'al yet yajtok tu'.

Ap 21:6

Lajwi tu', max yalon pax ayin axca ti': Mayal yi ba. Ayin ton babel in satak masanil tzetak yetal, cax is lajub in c'apaxok. Axca yayji letra A yetok Zeta, cayin ton tu'. A mac chi tak is ti', ok wak' a' nuk' aej chi ak'wi k'inalej tol ayc'al yin tojbalk'inal yuc' eb yin sabejal.