A Tx'an Is Carta San Pablo Bay Eb Aj Filipos 2:5 - A Txꞌan Biblia Yin Kꞌanjobal 1989

⁵ Lajanokab chi jut co nabal axca yutnak ba Cristo Jesús.

A Tx'an Is Carta San Pablo Bay Eb Aj Filipos 2:5 Cross References

Mt 11:29

Ikek jun ikatz ok wak' e yika'. Cuywanek wintak, yujtol ayin ti' manso in, yaynakil chi wut in ba, cax ok e yion xewilal e yanimail.

Lc 22:27

K'inalok yet chi oc junok loj tinani', ¿mactxel caw miman yelapnok che na'? ¿A mi mac chi ay chotan lowok, ma a mac chi batxwi eltek loj? A mac chi batxlay low tu', caw miman yelapnok, palta ayin ti', axca mosejal wayji e xol, yin ex wak'on serbil.

Tzetak Yetal Max El Yunen Eb Chekbej Jesús 10:38

E yojtak, tol a Dios yak'nak Cham Espíritu Santo bay Jesús aj Nazaret, cax yak'nak c'apax ikbej bay. E yojtak c'apaxok tol colwajnak Jesús bay eb anima. Masanilc'al mac chi etax yuj nak diablo, pilan max watx'jican eb yuj. Max je' yunen masanil juntzan tu', yujtol ayoc Dios yetok.

Tzetak Yetal Max El Yunen Eb Chekbej Jesús 20:35

Max in tx'ox ayex, tol yowalil chi jilc'al co mulnajil, yet watx' chi je' co colwaj bay eb chi cawxi elok. Yowalil chi co natek tzet yalnak Cham Jajawil Jesús junel axca ti': Watx' yet eb chi saoni, yintak eb chi chaon sabalej tu', ẍi Cham, ẍi Pablo bay eb anciano tu'.

Ro 14:15

K'inalok ay junok tzet ay yowalil loji ma chiji yuj juntzanok eb jet creyenteal. Ta yuj chi co lo' ma yuj chi co chi', cax chi cus c'ul eb, c'am co camc'ulal yin eb chi yal tu'. Palta max cam Cristo yuj eb c'al juj. Yuj tu', caw ay is may, ta chi etax el nabal junok anima yuj junok tzet chi co lo' ma tzet chi co chi'.

Ro 15:3

Yujtol a Cristo, man munilokc'al max yak' is nabal tx'oklil. Palta jaynak yiban, tzet albilcan yul tx'an Un axca ti': A yet chi buchwaj eb en, ayin jun chi wab c'apax yail, ẍi yul tx'an Un tu'.

Ro 15:5

A Dios chi ak'on co tec'anil, cax chi yak'on c'apax mimanil co c'ul. Chi wochej chi oc Cham e yetok, yet watx' jun lajan e nabal e masanil, axca is nabal Cristo Jesús.

1 Co 10:33

Ayin ti', chi wak'lej wak'on tzaloj c'ul eb wet animail yin masanil tzet chi el wuneni. Manak tzet chi oc in watx'ilok chin saya', palta a tzet chi oc watx'ilok juntzanokxa anima chin saya', yet watx' talaj ay eb chi colchajcan elok.

Ef 5:2

Co tx'oxk'abnej el co camc'ulal junjun c'u, yujtol axca tu' max con yut camc'ulnen Cristo, yet max yak'on ba cam juj. Axca no calnel chi ak'lay cam yin xajanbalil sumumi yoc jab chi yab Dios, cax chi cha' c'ul, axca tu' max yun Cristo yet max cam juj.

A Tx'an Is Carta San Pablo Bay Eb Aj Filipos 1:1

Ayin Pablo in ti', yetok Timoteo, yak'omal serbil Jesucristo jayji. Ti chi jatok jun co carta ti' ayex e masanil ex yet-xa Dios aj Filipos, ex junxanej e yayji yetok Cristo Jesús. E yet c'apax yayji jun carta ti', ex anciano c'al ex diácono aj Filipos tu'.

Is Babel Carta San Pedro 2:21

Tutun a yuj jun ti', xan max con yawtej oc Dios yetok, yuj jak'on techaj yatakilal. Ilab tol jujc'al max yab yail Cristo. Axca tu' max yut tx'oxoncan is watx' beybal ayon, yet watx' caytu' chi yun co beybalneni.

Is Babel Carta San Pedro 4:1

Tutun caw yabnak Cristo yail yin is mimanil, cax max cami. Yuj tu', co naek tol camnak onxa c'apax yetok ayon ti'. A eb camnak, c'amxa chi beybalnej eb tzet man watx'ok.

1 Jn 2:6

Ta ayon chi jala': Ayin ti', ay in oc yin Cristo, ta con chi, yowalil chi co beybalnej beybal Cham.