A Tx'an Is Carta San Pablo Bay Eb Aj Filipos 2:25 - A Txꞌan Biblia Yin Kꞌanjobal 1989

²⁵ Chin na' c'apaxok, tol yowalil ok in chektok pax juẍtak Epafrodito, nak chekbiltek e yuj, yuj quin ul yak'on serbil. Caw tec'an chi yut ba mulnaj wetok yin yet Cham Jajawil.

A Tx'an Is Carta San Pablo Bay Eb Aj Filipos 2:25 Cross References

Pr 25:13

A wal junok chekbej yikem, lajan wal bay is patrón axca yet chi juq'uen siquila' yet ay co takintial xol k'ak', chi sicbi c'ul cham yet chi chekoni.

Jn 13:16

Wal yel chi wal ayex, c'am junok mosejal ec'ban yintak is patrón. Cay c'apax tu' eb chekbej, c'am junok mac ec'ban yintak mac chi chekon eb tu'.

Jn 17:18

Axca max in ot a chekontek xol anima bay yulyibank'inal ti', axca ton tu' max wut in chekon c'apax tok eb xol anima tu'.

Ro 16:3

Ti chi watok cawil c'ul janab Priscila yetok juẍtak Aquila, eb wet mulnajwomal yin yobra Cristo Jesús.

Ro 16:9

Chi watok cawil c'ul juẍtak Urbano, yujtol chi mulnaj jetok yin yobra Cristo Jesús. Chi wa c'apaxtok yet juẍtak Estaquis, yujtol ay c'apax in camc'ulal yin.

1 Co 3:9

Yuj tu', ayon ti' jet mulnajwomal co ba on yin jak'on serbil Dios. Axa pax ex ayex ti xin, axca tol yawoj Dios e yayji. Ac'ala' axca junok na lanan watx'nen Dios, caytu' e yayji.

2 Co 2:13

Palta max oc jabok in somc'ulal, yujtol maj ilchaj juẍtak Tito wuj bay tu'. Yuj tu', max in tak'elejcan in ba yetok eb creyente, max in el bay tu', axa in jay bay Macedonia ti'.

A Tx'an Is Carta San Pablo Bay Eb Aj Filipos 2:26

Caw chi yochej chex toj yilcanok. Chex nalay yuj, yujtol max e yabej tol caw wal ya'ay nak cayti'.

A Tx'an Is Carta San Pablo Bay Eb Aj Filipos 4:18

Ayin ti', xiwil tzet max el in chaoni, toltax chi yak'xac'al sobra ayin tinani'. A jun e colwal max ul yak' Epafrodito ti', k'okbilc'al chi colwaj ayin. Axca wal junok tzet chi ak'lay bay Dios, tol caw suk'uk'i yoc jab, ma axca junok xajanbal caw wal watx', axca tu' jun e colwal ti', yujtol caw wal chi tzaloj Dios yetok.

A Tx'an Is Carta San Pablo Bay Eb Aj Filipos 4:3

Ach wuẍtak, jet mulnajwomal, chin k'an ayach, tol chach colwaj a watx'nen el is k'anej eb janab bay tu', yujtol a cawan eb janab tu', caw max tec'baj ba eb mulnaj wetok, yet max ec' walon el k'anejal yet colbanilej. Yetok c'apaxok, max mulnaj nak Clemente wetok, c'al juntzanxa eb. A eb tu', tz'ibbilxatok bi eb yul tx'an libro bay tz'ibxa yayji co bi ayon ayxa co k'inal tol ayc'al yin tojbalk'inal ti'.

A Tx'an Is Carta San Pablo Bay Eb Aj Colosas 1:7

A Epafras max ex cuyon yin jun abix tu'. A Epafras tu', caw wal camc'ulnebil juj, yujtol jet mulnajwomal co ba yetok. Yikemc'al chi yut ba yin yak'on serbil Cristo e nan e xol tu'.

A Tx'an Is Carta San Pablo Bay Eb Aj Colosas 4:11

Chi ya c'apaxtok nak Jesús cawil e c'ul, nak chi yik c'apax Justo. A xol eb chi mulnaj wetok yin jalon elok tzetbil chi yun joc yul k'ab Dios, ti wal asannej eb cawan ti' wet israelal, cax chi wi in mimanc'ulal yin eb.

1 Ts 3:2

cax max co chekontok Timoteo ti' ayex, yujtol yak'omal serbil Dios jetok yin yalon el k'anejal yet colbanilej aycan yuj Cristo. A' max toj yuj yak'on e tec'anil. Max toj yuj yaon oc e nabal, yet watx' che ya wal oc Cristo yin e c'ul,

Filemón 1:24

Chi ya c'apaxtok eb wet mulnajwomal cawil a c'ul, a ton Marcos, Aristarco, Demas, c'al Lucas.

Hebreos 3:1

Ex wuẍtak, ex wanab, ex tol yet exxa Dios wetok, yujtol awtebil on oc yuj joc yetok, jaek wal oc co nabal yin Cristo Jesús, yujtol a' chekbiltek ayon yuj Dios. Jesús sat sacerdote yayji, atac'ala' yalon co cuybanil chabil juj ti'.