A Tx'an Is Carta San Pablo Bay Eb Aj Filipos 1:6 - A Txꞌan Biblia Yin Kꞌanjobal 1989

⁶ Mayal chail Dios yich mulnaj oc e yin. A tinani', wojtak sic'libil, tol ok mulnajc'al oc e yin, masantac'al yet jun c'ual yet ok jay Jesucristo.

A Tx'an Is Carta San Pablo Bay Eb Aj Filipos 1:6 Cross References

Salmos 138:8

Ach Jehová ok ach oc wetok yet watx' watx'c'al chin eloc yin tzet cha na' win. A a camc'ulal ayc'al yin tojbalk'inal. A tzet yetal max eil yich win, manokab cancan c'ananok.

Jn 6:29

Tix chi yut yochen Dios che yun ti': Chi yochej tol che yaoc e c'ul win, yujtol Chekbilintek yuj, ẍi Jesús bay eb.

Tzetak Yetal Max El Yunen Eb Chekbej Jesús 11:18

Axa yet max yaben eb creyente aj Jerusalén tu' juntzan ti', c'amxa tzet max yal eb. Asanxanej tol max yal eb watx' k'anej bay Dios. Max yalon eb axca ti': —Toltax eb man israelok, ay eb max ak'lay na ba c'ul yuj Dios, yet watx' chi cha eb k'inalej tol ayc'al yin tojbalk'inal jetok, ẍi eb.

Tzetak Yetal Max El Yunen Eb Chekbej Jesús 16:14

Ay jun xal ix aj conob Tiatira chi yik Lidia ayoc xol eb ix tu', txonom cakyin k'ap xal.*fn* Caw wal chi yiay ba xal bay Dios. Yak'ban lanan yabxalwi xal tu', max jakchaj nabal xal yuj Cham Jajawil. Yuj tu' xan caw wal max yaoc is nabal yin tzet chi yal Pablo tu'.

1 Co 1:8

Ok yak'c'al Jesucristo tec'anil e nabal, masantac'al ok yal jay jun lajub c'ual tu', yet watx' c'am jabok tzet yin bay moj e tzulay yet ok jay Cham.

2 Co 1:15

Ayoc jun ti' yipok in c'ul, yuj tu' max in nabalnej el ex ec' wilon yin babelal, yet watx' cayel chin ec' ayman ayex, cax chi cam wal e chaoncan is watx'c'ulalil Dios.

2 Co 2:3

Yuj tu' xan axca tu' max wut in tz'ibentok ayex yin jun tx'an in carta, yet watx' a yet chin apni oc ex wiloni, c'amokab chin cusaj e yuj, tol e moj e yak'on tzalojbok in c'ul. Chi waoc yipok in c'ul, tol ta chin tzaloj aj ayin ti', ayex jun chex tzaloj aj wetok.

2 Co 7:16

Caw chin tzaloj tinani', yujtol chi je' ex waon oc yipok in c'ul.

2 Co 9:4

Ta ay eb aj Macedonia ti' chi toj wetok, cax axa chi yilon eb tol c'amto e yofrenda tu', ti wal q'uixwil ok on can yul sat eb, yujtol toxa mayal ex jaoc yipok co c'ul. Man lananok waloni ta e q'uixwil ok el ayex ti'.

Gl 5:10

A Cham Jajawil chi waoc yipok in c'ul e yuj, tol man ok e yaxac'altok e nabal yin junokxa tx'ok cuybanilej. Palta tzanc'al mac chi ak'on e c'ul tu', a Dios ok aon oc yailal eb.

Ef 4:12

Axca ti' max yut yak'on juntzan opiso ti', yet chon cuylay ayon yet onxa Dios ti', yin jak'on serbil Cham, c'al yin jak'len tec'anil co nabal junjun on, yujtol ayon ti', axca tol is mimanil Cristo jayji.

A Tx'an Is Carta San Pablo Bay Eb Aj Filipos 1:10

yet watx' che yojtaknej wal elok baytet ay juntzan tzetak yetal watx' yul sat Dios, cax chi tojolbi wal oc e nabal, yet watx' a yet ok jay Cristo, c'amokab jabok e paltail yul sat.

A Tx'an Is Carta San Pablo Bay Eb Aj Filipos 1:29

Yuj is watx'c'ulal Cristo max yak' ayon, tol man asannejok tol ay jalon jet jaon oc co c'ul yin, palta tol ay c'apax jalon jet jaben yailal yetok.

A Tx'an Is Carta San Pablo Bay Eb Aj Filipos 2:12

Yuj tu', ex in camc'ulnebil, yikemokabc'al che yut e ba, axcac'alta' e beybal yet ayin ec' e yetok bay tu', cayokabc'al tu' che yut e ba yet c'am in ec' e yetok. Ayokab e yelapnok yul e sat junjun ex; ak'ek e yip yin yaynakilal, yet watx' chi tz'aknaj el e colbanil.

A Tx'an Is Carta San Pablo Bay Eb Aj Filipos 2:13

Yujtol a Dios ayoc jetok, a' chi ak'on jochej junen watx'ilal, cax a' chi ak'on c'apax jip junen is yochwan.

A Tx'an Is Carta San Pablo Bay Eb Aj Filipos 2:16

yujtol che yalil is k'anej Dios nan xol eb, jun k'anej chi alontek yuj co k'inal tol ayc'al yin tojbalk'inal. Ta axca tu' che yutej, caw ok in tzaloj aj e yuj yet ok jay Cristo, yujtol caw wal ok txeclojok tol man nabac'alok max in lajoc wak'on wip in mulnaj e nan e xol.

A Tx'an Is Carta San Pablo Bay Eb Aj Colosas 2:12

A yet max ex ak'lay bautizar, junej max yun e muklay yetok Cristo yul sat Dios. Yetok c'apaxok, ictzojnak ex yetok, yujtol che yaoc e c'ul yin is yipalil Dios. A is yipalil tu' max on yictzoj aj Cristo xol eb camnak.

1 Ts 1:3

Chex co natek satak co Mam Dios, tol caw wal chex mulnaj yin yet Cham, yujtol caw wal che ya ton oc Cham yin e c'ul. Chi co natek, tol caw wal che yak' serbil Cham, yujtol xiwil e camc'ulal yin. Yetok c'apaxok, caw wal tec'an che yut e ba, yujtol asan Cham Jajawil Jesucristo che yaoc yipok e c'ul.

2 Ts 1:11

Yuj ton jun tu' xan chon txajlic'al e yuj. Chi co k'anon bay co Diosal e yuj, yet watx', watx'okabc'al ex yul sat, yujtol a' awtenej ex oc yetok. Chi co k'anon c'apaxok yet watx' chi yak' yipalil ayex, yet watx' che beybalnej masanil tzet watx' axca che yochej, c'al yin e mulnajil che yun bay, yujtol che yaoc yin e c'ul.

2 Ts 3:4

Chi jaoc Cham Jajawil yipok co c'ul tol lanan e yiken e beybalnen juntzan chekbanil max jal ayex, cax ok e yikenc'al masanil tiempo.

Filemón 1:21

Chi waltok juntzan ti' ayach, yujtol wojtak tol yikemc'al chot a ba. Wojtak tol man asannejok tzet chi waltok ayach ok ekej oneni, palta ok ec' yiban eken onen juntzanokxa tzet yetal.

Hebreos 10:35

Yuj tu', manchak e bekay tec'anil e waay tu'. Yujtol yuj, xan ok e cha' mimek paktzebal.

Hebreos 12:2

Jaek oc co nabal yin Jesús, Cham chi ak'on jaon oc co c'ul yin. Yuj Cham xan tz'akaki chi jut c'apax jaon oc yin co c'ul. Max yab yail Cham yin curus. C'am yelapnok ta q'uixwiltak max yun cami, yujtol yojtak Cham tol a yet ok lajwok yaben yail tu', caw tzalojc'ulal yet. A tinani', chotan ay Cham bay is watx' k'ab Dios.

Is Babel Carta San Pedro 5:10

A yet ok lajwok jaben yail janic' tiempoal ti', axa wal on tz'aktzen oc Dios yin masanil, ok yak' co tec'anil, c'al jip. Ok on is wajbaj oc yet tu', yujtol xiwil is watx'c'ulal chi tx'ox ayon. Ilab tol a' max on awten oc yetok, yet watx' a is acaw watx'il ok yak' ayon yin junelnej, yujtol junxanej jayji yetok Jesucristo.

Yet Is Cab Carta San Pedro 3:10

Palta axca wal jay junok elk'om yet ak'balil, caytu' ok yun jay c'ual jay Cham Jajawil tu'. Ok lajwok ay satcan yet jun c'ual tu', ayxa may nilili yet ok eq'uelok. Axa tzet ay sat tx'otx' ti', pilan ok uljoktok yuj jun miman k'ak'ej. Pilan ok tz'atok sat tx'otx' ti', yetok masanil tzetak yetal ayay sat.