Gara Worra Filiphisiiyusii 4:11 - Waadaa Haarawa

¹¹ Irra deebi'ee'llee kana ka jedhu waan jireenna kiyyaaf ana barbaachisu dhabuu kiyyaanii miti, ani ammoo, «Wonittumaan qabuu ana gaya» jechuu baradhee jira.

WAADAA LAMMATAA

¹¹ Kana yoo jedhu waan hanqinnaa jechuu kiyyaa miti. «Wonti qabu na gaya» jechuu waan baradheeruuf.

Kitaaba Woyyuu

¹¹ Kana yoo jedhu waan hanqinnaa jechuu kiyyaa miti. «Wonti qabu na gaya» jechuu waan baradheeruuf.

Gara Worra Filiphisiiyusii 4:11 Cross References

Wongeela Luqaas 3:14

Lolttoonni'llee dhufanii, «Nu'u hoo maal haa taasfnnu» ni jedhaniin, Inni'llee, «Qabeenna namaa akka male'een saamittanii hin fudhatinaa, eennuun'llee dharaan hin himatinaanii, mindaan keessan isin haa gayu» isaaniin jedhe.

2 Gara Worra Qorontoosii 11:27

Hujiin baayi'ee fi dadhabbiin'llee natti ni jiran ture, yeroo baayi'ee hirriba dhabee jira, beelaa fi dheebuu bishaaniitiin'llee sarddamee jira, yeroo baayi'ee'llee dhabiinssi nyaataa narra gayee jira, qorraa fi daarri'llee narra gayee jira.

2 Gara Worra Qorontoosii 6:10

Gaddi yoo nurra gayu'llee yeroo maraa ni gammadinna, hiyyeeyyii taanee uduu jirru, baayi'eewwan dureessota ni taasfnna, womaayuu ka hin qabnne yoo taanu, waan maraa ni qabnna.

2 Gara Worra Qorontoosii 8:9

Isin kennaa bilisaa ka Gooftaa keenna Yesus Kristosii ni beekittan, inni yoma dureessa ta'e'llee hiyyeessa ta'uu isaatiin, isin dureeyyii akka taataniif waayee keessaniif jedhee hiyyeessa ni ta'e.

2 Gara Worra Qorontoosii 9:8

Yeroo maraa waan maraanuu mataa keessan dandeettanii hujii mishaa maraaf oolichu'uuf akka isinii gayu, Waaqinni baayi'innaan eebba isaa isinii kennuu ni danda'a.

Gara Worra Filiphisiiyusii 3:8

Kana malee'llee Gooftaa kiyya Yesus Kristosiin beeku'uun alatti womaayyuu akka waan hin jirree titti waan amanuuf, waan maraa akka kasaara'aa titti ni lakkaaya, waayee isaatiif'llee waan maraa dhabee jira. Kristosiin argachu'uuf jecha waan maraa akka balffaa manaa haramee titti ni lakkaaya.

Gara Ibirootaa 10:34

Isin qabeenna fooyyaya'aa fi jiraataa sami'itti akka qabddan beekuu keessaniin hidhamttootaaf garaa laafttanii jirttan, qabeenni keessan'llee isaan irraa yoo fudhatamutti obissitanii, haala jiru gammachu'uun fudhattanii jirttan.