Gara Worra Filiphisiiyusii 1:22 - Waadaa Haarawa

²² Haa ta'u malee qaama foonayaa kiyya kanaan itti fufee waan jiraadhu uduu ta'ee hujii firii kennu hojjachuu jechu'u, ta'u'llee garuu itti fufee jiraachu'uu fi du'uu, kamiin akka filadhu hin beeku.

WAADAA LAMMATAA

²² Haata'uu ammoo fooniin jiraachuun naaf daraaraa huji'ii waan ta'eef, maal akka filadhu hin beeku.

Kitaaba Woyyuu

²² Haa ta'uu ammo fooniin jiraachuun naaf daraaraa huji'ii waan ta'eef maal akka filadhu hin beeku.

Gara Worra Filiphisiiyusii 1:22 Cross References

Hujii Ergamootaa 3:17

«Amma'llee yaa obboleeyyan! Yesusiin irratti waan raawwattan isin'llee akkuma itti gaafatamoota keessan titti beekkomissa dhabuu keessaniin, akka raawwattan ni beeka.

Gara Worra Rooma'aa 1:13

Yaa obboleeyyan tiyya! Ummata Waaqa dhuga'aa titti hin amanne kaanniin jiddu'utti amanttoota baayi'ee akka argadhe, akkuma kana isin jiddu'utti'llee amanttoota argachu'uuf barbaadee ture, garuu gara keessan dhufu'uuf yeroo baayi'ee karoorfadhee haga ammaa titti naaf ka hin guutin ta'uu isaa akka beekittaniif ni jaaladha.

Gara Worra Rooma'aa 11:2

Waaqinni durssee ummata filate hin ganneen, Kitaabnni Qulqulluun waayee Eliyaas maal akka jedhe, hin yaadattan ree? Akkuma kana Eliyaas ummata Israa'eelii Waaqa duranatti, maal jedhee akka isaan himate, hin beekittan ree?

2 Gara Worra Qorontoosii 10:3

Yoma biyya lafaa irra jiradhe'llee, loli lolu ka biyya lafaatii miti.

Gara Worra Galaatiyaa 2:20

Ani Kristosiin woliin akkuma waan fannifamee titti waan laakkayuuf ammaa achitti Kristos ana keessa ni jiraata malee lubbuu kiyyaaf ka jiraadhuu miti, amma'llee qaama kiyya ka fooniitiin ka jiraadhu ka ana jaalatee fi waayee kiyyaaf'llee mataa isaa dabarssee ka kenne, Ilma Waaqaa titti amanu'uun jireenna argamuun.

Gara Worra Filiphisiiyusii 1:23

Yaadota kaniin lamaan jiddu'utti qabamee jira, gara tokkoon Kristosiin woliin ta'uun ka maraa caalu waan ta'eef, jireenna kana irraa fooyamee Kristosiin woliin ta'uu ni barbaada, kun'llee Kristosiin woliin jiraachuun ka haalaan woyyu waan ta'eef.

Gara Worra Filiphisiiyusii 1:24

Gara biraatiin lubbuun jiraachuun isiniif ka haalaan woyyaa ta'ee fi barbaachisa'a.

Gara Worra Qolasaayisii 2:1

Waayee keessan fi waayee namoota Loodoqiyaa jiraniitiif, akkuma kana fuuluma kiyya'llee arganii waayee namoota hin beekinne maraafuu, hagam woldhaanssoo cimttuu akka taasisu akka beekittaniif ni jaaladha.

1 Ergaa Phexiros 4:2

Ammaa achitti'llee jireenna isaa ka arddiilessaa titti ka jiraatu fedhii foonii hamaa raawwachu'uun uduu hin ta'in, fedhii Waaqaa raawwachu'uun.