फिलिप्‌पि 4:5 - आठपहरिया

⁵ सोब्‍बे याप्‌मिचिङा खानि धैइरे आलिसिगा रिङ् निमेट्‌टानुम्‌चिम्, पोङ्‌भोने टाङ्‌बा उङ्‌ना रिङ् नेहेटाङ्‌ना ए॥

फिलिप्‌पि 4:5 Cross References

मात्‌ति 6:25

“हिड्‌डेउङ् आङा खानि लोनाँनि, ना चोलाङि हिङ्‌मा लोङ्‌सा पाक् चामाना, पाक् ठुङ्‌माना हिट्‌नुङ् वाप्‍माना नुङ् सुरटा चोक्‍नेनिन्॥ पाक् ना चोला चामा-ठुङ्‌मा नुङ्‌ना हिट्‌नुङ् ना येम् वाप्‍मा नुङ्‌ना ठेना माखाइ टे?

मात्‌ति 6:34

नाड्‌डेउङ् हान्‍डेङ्‌ङाना सुरटा चोक्‍नेनिन्॥ हान्‍डेङ्‌ना खाँचो हान्‍डेङ् डोक् मिप्‍मा कोन्‌युक्॥ हाट्‌लेना याङ्‌छामा हाट्‌लेलोङ्‌सा डोक् पुग्‍दो लिसे॥”

लुका 21:34

“ओछेक्‍छेक् चोगानि, जोम् मोजमोज्‍जाङि, चामा-ठुङ्‌माङि हिट्‌नुङ् ना चोला लोङ्‌सा खानि निङ्‌ग्‍वा टिनेनुम्॥ हिट्‌डे आचोगिए भोने खानि निङ्‌ग्‍वा डोम्‍डोम्‍ना लियुक् हिट्‌नुङ् जिवाट्‌चि वारिक्‌ङि ओठाया गाड्‌डे डोक् हिट्‌ना लेम्‍बा खानिङा आमिट्‌निम्‍गेट्‌निम्‍ना बेला खानिङाना आन्‍तेङाना लेम्‍बा टायुक्॥

१ कोरिन्‌थि 16:22

जुन्‍ङा टाङ्‌बा माया चोगुन्‍ना हिट्‌ना माङ्‌हाङ्‌ङा साराप पिडुटु॥ आनि टाङ्‌बा एला डोक् उङ्‌सा॥

१ कोरिन्‌थि 6:7

हिट्‌नुङ् खानिङि ठिबाङ्‌ङा आरकोङाना बिरुद्‌दाङि मुड्‌डा मामिला चोक्‍मा डोक् आड्‌डिक् मोम्‍मासिमा ए॥ आदालातङि खाप्‍मा नुङ्‌ना बुरु रिङ् आङ्‌मा डोक् ओचेट्‌नुना लियुक्॥ हिट्‌नुङ् बुरु आरुङा खानि मासुबिगा डोक् ओचेट्‌नुयुक् ए॥

१ कोरिन्‌थि 8:13

हिड्‌नाड्‌डेउङ् मुरतिङि ठाङ्‌बालाक् चेचे आङा चाङ्‌नाँ कोइ बिस्‍वासिङाना उनिङ्‌ग्‍वा टुग्‌युक् भोने, आङा खोना बेला चा मुरतिङि ठाङ्‌बालाक् चेचे चानिङ्‌ना, हिट्‌डेउङ् खोना चा बिस्‍वासिङा बिस्‍वास ओनाडुवाक् नुङ् निङ्‌ग्‍वा चोक्‌निङ्‌ना॥

१ कोरिन्‌थि 9:25

पाङ्‌ग्‍वामाङि ओखाट्‌गा सोब्‍बेङा आप्‍पेलाउङ्‌सा आड्‌डिक् टुक्‍लोक् तालिम पिमा कोन्‌युक्॥ हिट्‌नुङ् हिट्‌नागाँ जाखाम् लियुङ् खाट्‌ना पुरेस्‍कार टोक्‍माउङ्‌सा हिट्‌नाड्‌डे ओचोक्‌युक्, टरो आनिम्‌बाक् सोरोक् लियुयाक्‍ना पुरेस्‍कार टोक्‍माउङ्‌सा नाड्‌डे चोगिटि॥

२ कोरिन्‌थि 10:1

आङा खानिलोक् लिङाना मेयोक् लिङाना बो, टरो लाप्‍माङ् वाङानाँम्‍बाक् आँटि लिङाना बो नुङ् खानिङि आम्‍टेप्‍माङा आमाट्‌टुम्‍गा बो॥ हाट्‌ले आङा पावाल खिरिस्‍टङाना नाम्‍रा हिट्‌नुङ् दायाङाना आधिकारलाम्‍मा खानिलाउङ्‌सा बिन्‌टि चोग्‍नाँनि,

२ थेसालोनिकि 2:2

कोइङा खोना चा माङ्‌हाङ्‌लाम्‍माना रिङ् काचेक्‍बाचि, चेक्‌टिना रिङ् आथाबा छेप्‍बालाक् रिङ्‌लाम्‍मा टाङ्‌बा पाइले डोक् टामाहिडे पिक्‍सा ओमाट्‌टुए भोने, हिट्‌नागा रिङ् आन्‍याँलाम्‍मा टायाना नुङ् खानि निङ्‌ग्‍वा ओेभेन्‌नि चा आथाबा चिन्‌तित् लिनेनिन्॥

तितास 3:2

हिट्‌नागाँ आरु साक्‍चा ओचाफेन्‍लोक् ओलोडुन्‌चिन्‍चा, हिट्‌नुङ् खेमाबुङ्‌मा टोॽवा ओचोक्‌निचा हिट्‌नुङ् टोङ्‌ना हिट्‌नुङ् सोब्‍बेलोक् आड्‌डिक् मेयोक् उलियाक्॥

हिब्‍रु 10:25

आम्‍टेप्‍मा बिस्‍वासिचिगा साङ्‌गाटिङि खाप्‍माना चालान् लिनिना, टरो आनिम्‌बाक् एक्‍के ठोङ्‌ङि छुम्‍मा नानिम्‍चा॥ टरो टाङ्‌बा उङ्‌ना लेम्‍बा एला टायुगेट् नुङ् ठाहा आटोगुम्‍नाँ ठिबाङ्‌ङा आरको आझा आँट् पिडानुम्‌चिम्॥

हिब्‍रु 10:37

धारमाछाप्‍लाङि नाड्‌डे छेप्‍टेसे– “हाट्‌ले उन् एला डोक् उङ्‌युगेट्, हिट्‌नुङ् उन् ढिलो मिचोक्‍ङे उङ्‌युक्॥

१ पाटरुस 1:11

माङ्‌काटाचिङा ना खोड्‌डेउङ् हिट्‌नुङ् खोना बेला लियुक्‍ना नुङ् ठाहा टोक्‍मा ओकोलुए॥ हिट्‌नुङ् हिट्‌नागा भिट्‌रा लिसाना खिरिस्‍टङाना सेङ्‌सेङ्‌ना ओहाङ्‌साङा उन्‍ङा याङ्‌छामा आङ्‌मा कोन्‌युक् हिट्‌नुङ् आड्‌डिक् मान् टोगुटु नुङ् पाइले डोक् लोडुचे॥

१ पाटरुस 4:7

हिट्‌नुङ् ख्‍वाप्‍पा रिङ्‌ङाना आन्‍ते लिसा डोक् लाबे॥ हिट्‌नाड्‌डेउङ् खानि निङ्‌ग्‍वा रेक्‍टानुमुङ् ओछेक्‍छेक् लिसानिउङ् बिन्‌टि चोगानि॥

पारकास 22:20

नागा सोब्‍बे रिङ्‌ङाना साँचि कापिबाङा नाड्‌डे माट्‌टुटु, “छेम्‍बा आङा एला डोक् उङ्‌ङा॥” आमेन्॥ छेम्‍बा डोक्, आन्‍याँ येसु डाङ्‌बा, एला डोक् उङ्‌सा॥

पारकास 22:7

येसुङा सोब्‍बे याप्‌मिचि लोडुचिचि, “खेम्‍सानुम्, आङा एला डोक् उङ्‌ङा॥ ना छाप्‍लाङि छेप्‍टागा माङ्‌हाङ्‌लाम्‍माना रिङ् पालान् काचोक्‌चि सोब्‍बे लाउङ्‌सा माङ्‌हाङ्‌ङा जोम् आसिक् पिडुचिचि॥”