फिलिप्‌पि 4:20 - आठपहरिया

²⁰ हाट्‌ले आनि माङ्‌हाङ् पाबाङाना सोरोक् माहिमा उलियाक्॥ आमेन्॥

फिलिप्‌पि 4:20 Cross References

मात्‌ति 28:20

आङा खानि आग्‍याँ पिनानिगा सोब्‍बे रिङ् पालान् चोक्‍मा हिट्‌नागा हिसिक्‍टानुम्‌चिम्॥ खेम्‍सानुम्, आङा जुगङाना आन्‍ते सोम्‍मा सोरोक् खानिलोक् एक्‍केउ लिङा॥”

मात्‌ति 6:9

हिट्‌डेउङ् खानि नाड्‌डे पारा बिन्‌टि चोगानि– ‘हाउ टोनालोग्‌ङि आयुङ्‌ना आन्‍याँ माङ्‌हाङ् पाबा, कानिङ् सेङ्‌सेङ् उलियाक्॥

रोमि 11:36

छेम्‍बा, माङ्‌हाङ्‌ङा डोक् सोब्‍बे थोक् सिरिस्‌टि चोगुए, हिट्‌नुङ् सोब्‍बे थोक् उन्‍ङाना ओबोल्‌लाम्‍मा उलिसेसे, उन्‍ङाना मान् उलियाक् नुङ् सोब्‍बे थोक् उन्‍ङा सिरिस्‌टि चोगुए॥ हिट्‌नुङ् माङ्‌हाङ्‌ङाना उनिङ् सोरोक् टो-टो चोन्‍डुम्॥ आमेन्॥

रोमि 16:27

सोब्‍बे थोक् निसुना माङ्‌हाङ् उन् एना ए॥ येसु खिरिस्‍टङा चोगुनाँ सोरोक् माङ्‌हाङ्‌ङाना उनिङ् टो-टो चोन्‍डुम्॥ आमेन्॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

फिलिप्‌पि 4:23

हाट्‌ले टाङ्‌बा येसु खिरिस्‍टङाना मायादाया खानि सोब्‍बेलोक् उलियाक्॥

१ तिमोथि 1:17

हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

याहुदा 1:25

उन् ठिक् एना माङ्‌हाङ्, आनि काहिङ्‌मेप्‍बा डाङ्‌बा येसु खिरिस्‍ट आनि टाङ्‌बा ए॥ उन्‌लाउङ्‌सा माहिमा, मान्, बोल् हिट्‌नुङ् आधिकार उटुम्‌लाम्‍मा हाट्‌ले हिट्‌नुङ् सोरोक् बेला सोम्‍मा उलियाक्॥ आमेन्॥

पारकास 1:6

हिट्‌नुङ् उन्‍ङाना माङ्‌हाङ् लोक् पाबाङाना उमुलुक्‌ङि सेवा चोक्‍मा उन्‍ङा आनि पुजारि आचोगेसे॥ येसु खिरिस्‍टङा सोरोक् मान् ओटोगुवाक् हिट्‌नुङ् उन्‍ङा सोरोक् सासान् ओचोगुवाक्॥ आमेन्॥

पारकास 11:13

हिट्‌ना बेला डोक् ठेना लुक्‍लेमा खाडे हिट्‌नुङ् हिट्‌ना ठेना खालाङ्‌गाङाना दोसौँ ओभागा जाखाम् लिसे॥ ना लुक्‍लेमाङि सि हाजार याप्‌मिचि उसिए, हिट्‌नुङ् आरु उसिनिएट्‌निगा याप्‌मिचि आड्‌डिक् उकिट्‌टाउङ् हिट्‌नागाँ टोनालोग्‌ङिना माङ्‌हाङ्‌ङाना उनिङ् ओचोन्‍डुए॥

पारकास 14:7

हिट्‌नाङा चारको सोर चोगुङ् माट्‌टुए, “माङ्‌हाङ्‌लोक् किट्‌टानि हिट्‌नुङ् उन् मान् चोगानुम्, पोङ्‌भोने हाट्‌ले उन्‍ङा याप्‌मिचि न्‍याए चोक्‍मा बेला टाइसे॥ हिट्‌नुङ् टाङ्‌साङ्, नारा, सामुन्‍दरा हिट्‌नुङ् चुवा उपुन् सिरिस्‌टि काचोक्‍बा माङ्‌हाङ् माङ्‌ध्‍यान् चोगानुम्॥”

पारकास 5:12

हिट्‌नागा ठेना सोरा ओचोगुङ् नाड्‌डे पिक्‍सा छाम्‍लोमा ओठाक्‍टुए, “सियाना थुमाम्‍बाक् आधिकार, माक्‍फेन्‍सुबेन्, ठोना, साक्‌ति, मान् हिट्‌नुङ् जाए-जाए टोक्‍मा योग्‍ए ए॥”

पारकास 7:12

हिट्‌नुङ् हिट्‌नागाँ ओमाट्‌टुए, “नाड्‌डे डोक् उलियाक्॥ आनि माङ्‌हाङ् उनिङ् टो-टो उलियाक्, उन्‍ङाना माहिमा, ठोना, पोए-पोए, हिट्‌नुङ् मान्, आधिकार लोक् बोल् सोरोक् उलियुयाक्‌याक्॥ आमेन्॥”