फिलिप्‌पि 4:19 - आठपहरिया

¹⁹ हाट्‌ले आङा सेवा चोगुङ्‌ना माङ्‌हाङ्‌ङा खानिगा ख्‍वाप्‍पा आभोर मायुडिबिडिटि॥ उन्‌लोक् छिक्‍मा हिनिम्‍ना आड्‌डिक् याप्‍मा माक्‍फेन्‍सुबेन् युङ्‌ग्‍वा, हिट्‌ना खिरिस्‍ट येसुङि उलिसागालाउङ्‌सा पिडुचिचि॥

फिलिप्‌पि 4:19 Cross References

मात्‌ति 6:32

पोङ्‌भोने पानिछोङ्‌बाचिङा गोलो नाड्‌डेगा सोब्‍बे थोक् ओकोलुटु॥ खानि लाउङ्‌सा पाक् थोक्‌चि चाहाब् लियुक्‍ना हिट्‌नागा सोब्‍बे टोनालोग्‌ङि युङ्‌ना खानि टोकुबा माङ्‌हाङ्‌ङा ठाहा टोगुटु॥

युहान्‍ना 20:17

येसुङा हिट्‌ना लोडुए, “आङा याङ्‌खोट्‌नेन्, पोङ्‌भोने ना बेला सोम्‍मा आङा माङ्‌हाङ् पाबा सोरि खाट्‌निङ्‌गेट्‌निङ्‌ना॥ टरो भुम्‍भु-झान्‍झाचिङि खाडाउङ् हिट्‌नागा लोडुचि, ‘आप्‍पा लोक् खानि पाबा, आङाना माङ्‌हाङ् हिट्‌नुङ् खानि माङ्‌हाङ्‌ङि आङा खाट्‌नागेट्‌नाँ॥’”

युहान्‍ना 20:27

हिट्‌नुङ् उन्‍ङा थोमा लोडुए, “काआङ्‌गुलि नेहि ठेन्‍डु, हिट्‌नुङ् आमुक्‌चि पुयुचि॥ कामुक्‌ङा आकोखाङि टेम्‍डु॥ साङ्‌का चोक्‍नेन्, टरो बिस्‍वास चोगु॥”

रोमि 1:8

हाट्‌ले सोब्‍बे नुङ् पाइले खानि सोब्‍बे लोङ्‌सा येसु खिरिस्‍टङा उनिङ्‌ङि आङाना माङ्‌हाङ् पोए-पोए ठाङ्‌सुङ्‌टुङ्, पोङ्‌भोने खानिङा खिरिस्‍टङि आचोगुम्‍ना बिस्‍वासङाना बारेङि सोब्‍बे ठोङ्‌ङिगा याप्‌मिचिङा रिङ्‌पान् ओचोगुएट्‌टु॥

रोमि 11:33

छेम्‍बा डोक्, माङ्‌हाङ्‌ङाना ओदाया आड्‌डिक् ठेना, उन्‍ङा सोब्‍बे थोक् ठाहा टोगुटु हिट्‌नुङ् बुजा चोगुटु॥ उन्‍ङाना उनिङ्‌ग्‍वाङि पाक् रिङ् युङ्‌ग्‍वाना साङा चा सोब्‍बे बुजा चोक्‍मा उहिडुन्‍ना॥ उन्‍ङाना टोॽवा चोक्‍माना पारा साङा चा माप्‍मा उहिडुन्‍ना॥

रोमि 2:4

माङ्‌हाङ् आड्‌डिक् दाया हिट्‌नुङ् धैइरे काचोक्‍बा ए, उन्‍ङा खानि फेराँ लिसानि नुङ् माहाङ्‌सेट्‌टि, टरो पाक् खानिङाम्‍बाक् उन्‍ङाना दाया पाक् गाड्‌डेना चा माखाक् नुङ् आमिट्‌टिटिगि? पाक् खानि खानि पापलाम्‍मा नोक्‍टानि नुङ् माङ्‌हाङ्‌ङा दाया माचोगिना रिङ् खानिङा ठाहा ओटोक्‌निम्‍नै?

रोमि 8:18

हाट्‌ले ना चोलाङि आनि आङ्‌डुम्‍ना याङ्‌छामालोक् हान्‍डेङ् माङ्‌हाङ्‌ङा आनि आनिमेट्‌ना माहिमा टोङ्‌सुम्‍नाँ हाट्‌ले ना याङ्‌छामा पाक्‍चा माखाक् नुङ् आङा ठाहा टोगुङ्‌टुङ्॥

रोमि 9:23

हिट्‌नुङ् माङ्‌हाङ्‌ङा खोनालाउङ्‌सा दाया चोगुचिचि हिट्‌नुङ् पाइले डोक् उन्‍ङाना माहिमा टोक्‍मा टेयार चोगुचिगा याप्‌मिचि लाउङ्‌सा उन्‍ङाना बाहुमुल्‍ले माहिमा निमेट्‌मा उन्‍ङा नाड्‌डे चोगुए॥

२ कोरिन्‌थि 12:21

आङा फेरि खानि टुब्‌सिङा आब्‍ङानाँ खानि सोरि माङ्‌हाङ्‌ङा मोम्‍मासिमा याङ्‌मेट्‌युक् नुङ् आङा किट्‌नाँ॥ हिट्‌नुङ् आनिङ्‌ग्‍वा टुक्‌युक् होला पोङ्‌भोने खानि याप्‍माङा पाइलेना पाप आनानिम्‍गेट्‌निम्‍ना॥ खानिङा आचोगुम्‍ना आसुद्‌दो टोॽवा, वालाफेडुबा टोॽवा हिट्‌नुङ् इम्‍मेप्‍माजामा टोॽवा चोक्‍मायाक्‍माना रिङ्‌ङाना निङ्‌ग्‍वालाम्‍मा काएल्-काबु आलिसिन्‍गेट्‌टिन्‍गा॥

२ कोरिन्‌थि 4:17

पोङ्‌भोने हाट्‌ले आनि आङ्‌डुम्‍ना याङ्‌छामा टुक्‍ना वाइना हिट्‌नुङ् ना याङ्‌छामा छोप्‍मोङ् धारि लाउङ्‌सा एडोक् लियुक्॥ टरो हान्‍डेङ् टोगुम्‍ना आड्‌डिक् ठेना खोना बेला चा लाट्‌निना माहिमा मिट्‌टुम्‍नाँ हिट्‌ना याङ्‌छामाङा आनिङि टाडुगा रिङ्उम् पाक्‍चा माखाक् ए॥

एफिसि 1:18

आनि खिरिस्‍टङि युङ्‌सुम्‍ना आसा खानिङा बुजा चोक्‍मा माङ्‌हाङ्‌ङा घुवार माफाडियाक् नुङ् आङा बिन्‌टि चोगुङ्‌टुङ्, हिट्‌नुङ्‌ना माङ्‌हाङ्‌ङा सेगुचिगा ओयाप्‌मिचि चामारसिङा चोगुना ओचेट्‌नुना रिङ्‌ङाना उटुप् खानिङा बुजा आचोगुम्‍टुम्, हिट्‌नुङ् उन्‍ङा सेगुचिगा याप्‌मिचिङा ओचोगुनाँ माङ्‌हाङ्‌ङा ठेना मान् टोगुटु॥

एफिसि 1:7

माङ्‌हाङ्‌ङा आनि आड्‌डिक् लुक्‍मा आटुक्‍टाना रिङ् आनिमेट्‌टाउङ् खिरिस्‍टङाना ओहेलिक्‌लाम्‍मा आनि छुट्‌कारा आचोगेसे हिट्‌नुङ् आनि पाप छेमा आपिडेसे॥

एफिसि 2:7

नाड्‌डेउङ् माङ्‌हाङ्‌ङा खिरिस्‍ट येसुलाम्‍मा उन्‍ङाना ओदाया आनि आनिमेट्‌टे, हिट्‌डेउङ् हान्‍डेङ्‌म्‍बाक् उन्‍ङाना ओदाया आम्‍टेप्‍मा ठेना नुङ् याप्‌मिचिङा उनिसुटु॥

एफिसि 3:16

उन्‍ङाना माङ्‌ठेना हिट्‌नुङ् माहिमित ओबोल्‌लाम्‍मा माङ्‌हाङ्‌ङाना ओहाङ्‌साङा खानि निङ्‌ग्‍वा बोल्‍लेउ माचोगिबिडिटि नुङ् आङा बिन्‌टि ठाङ्‌सुङ्‌टुङ्॥

एफिसि 3:8

सोब्‍बे माङ्‌हाङ् ओयाप्‌मिचि माड्‌डे आङा सोब्‍बे नुङ्‌ना खाट्‌टिउना लिसाङ् चा खिरिस्‍टङाना आड्‌डिक् बाहुमुल्‍ले नुना खाबोर पानिछोङ्‌बाचि पारचार चोक्‍माना बारदान माङ्‌हाङ्‌ङा आङा याङ्‌पिडे॥

फिलिप्‌पि 4:7

खानिङा हिड्‌डे आचोगुमे भोने माङ्‌हाङ् खानिलोक् लियुक् हिट्‌नुङ् खानि निङ्‌ग्‍वाङि हाङ्‌हाङ् मापिडिटि, हिट्‌ना हाङ्‌हाङ् आड्‌डिक् ठेना खोनाङा चा बुझा चोक्‍मा डोक् उहिडुन्‍ना॥ ना हाङ्‌हाङ्‌ङा डोक् खानिगा खेक् हिट्‌नुङ् निङ्‌ग्‍वा खिरिस्‍ट येसुङि जोगाँ चोगुङ् युङ्‌सुटु॥

कालास्‌सि 1:27

माङ्‌हाङ्‌ङा ओयाप्‌मिचिलाउङ्‌सा ना माहिमित ठोबाना रिङ् पानिछोङ्‌बाचि लाउङ्‌सा आड्‌डिक् चाहाब् लिना रिङ् नुङ् निमेट्‌माचिगा निङ्‌ग्‍वा चोगुए॥ ना ठोबाना रिङ्उम्‍बाक् खिरिस्‍ट खानिङि लिमा ए, ना रिङ्‌ङा खानि उन्‍ङाना माहिमा टोक्‍माना रिङ्‌ङाना निस्‍चाएता मापिडिटि॥

कालास्‌सि 3:16

खिरिस्‍टङाना उहिसिक्‍मा खानि निङ्‌ग्‍वाङि जोम् उइप्‍टुवाक्॥ ख्‍वाप्‍पा चालाँ चोक्‍माना ठोनालाम्‍मा ठिबाङ्‌ङा आरको हिसिक्‍टानुम्‌चिम् हिट्‌नुङ् साल्‍लाह कापिबा लिसानि॥ खानि निङ्‌ग्‍वालाम्‍मा माङ्‌हाङ् पोए-पोए पिसा छाम्‍लोसानि, निङ् चोन्‍डानुम् हिट्‌नुङ् माङ्‌हाङ्‌ङाना छाम्‍लोमा लोसानि॥

१ थेसालोनिकि 2:12

हिट्‌नुङ् आन्‍याँ खानि आरति-उपादेस पिनाने, आँट् पिनाने, हिट्‌नुङ् आनुरोध चोक्‍नाने, हिट्‌डेउङ् खानि चाल चालान् माङ्‌हाङ्‌ङा निङ्‌ग्‍वा टासुना उलियाक्॥ हिट्‌नुङ् उन्‍ङा खानिलाउङ्‌सा उमुलुक्‌ङि हिट्‌नुङ् माहिमाङि माछेम्‌डिटि॥

१ तिमोथि 6:17

ना नाराङिगा वागाठेगालोङ्‌सा ठेलोक् ओचोक्‌नि नुङ् आग्‍याँ पिडुचि, हिट्‌नुङ् लाट्‌युजाना माक्‍फेन्‍सुबेन्‌ङि माखाक्, टरो आनि मोज्‍मोज्‍जा चोक्‍मा लोङ्‌सा सोब्‍बे थोक् जोम् आपिना माङ्‌हाङ्‌ङि उन्‌चि आसा उयुङ्‌सु नुङ् लोडुचि॥

फिलेमोन 1:4

आन्‍झा फिलेमोन आङा खान् लोङ्‌सा बिन्‌टि चोगुङ्‌नाँ माङ्‌हाङ् सोरोक् पोए-पोए ठाङ्‌सुङ्‌टुङ्॥

१ पाटरुस 5:1

हाट्‌ले माङ्‌पाङ्‌ङिगा ओठेडोङ्‌चि लाउङ्‌सा आङा ठिक् रिङ् लोनाँनि॥ आङा चा माङ्‌पाङ्‌ङिना ओठेडोङ् डोक् हिट्‌नुङ् खिरिस्‍टङा आङ्‌डुना याङ्‌छामा आङा आप्‍पे निसुएसुङ्‌ङे॥ हिट्‌नुङ् ठेट्‌टा लाबाना माहिमाङि साहाभागि आङा चा लिङा॥ आङा खानि साइबा ओठेडोङ् लिसाङ्‌नाँ खानि लोनाँनि,

१ पाटरुस 5:10

हिट्‌नुङ् जोम् मायादाया लिसाना माङ्‌हाङ्‌ङा खिरिस्‍टङि उन्‍ङाना लाट्‌निना माहिमा लाउङ्‌सा खानि माछेम्‌डिइसे॥ हिट्‌डेउङ् खानिङा होप्‍मो बेला सोम्‍मा याङ्‌छामा आआङ्‌डुमुङ् उन्‍ङा डोक् खानि फेरि ओछोङ्‌ग्‍वाट् माचोगिटि हिट्‌नुङ् घुवार माफाडिउङ् बोल्‍लेउ माचोगिटि॥