फिलिप्‌पि 4:1 - आठपहरिया

¹ हिट्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, आङा खानि माया चोक्‍नाँनि, हिट्‌नुङ् खानि टुब्‍माना निङ्‌ग्‍वा चोगुङ्‌टुङ्॥ हिट्‌नुङ् खानिङा आचाप् टालोक् याङ्आचोगेसिङे, हिट्‌नुङ् खानि डोक् आङा चोगुङ्‌ना टोॽवाङाना इनाम ए॥ आमायालु आसाइबाचि, नाड्‌डे डोक् खानि टाङ्‌बाङिना बिस्‍वासङि बोल्‍लेउ लिसानि॥

फिलिप्‌पि 4:1 Cross References

मात्‌ति 10:22

आङि बिस्‍वास आचोगुम्‍नाँ सोब्‍बे याप्‌मिचिङा खानि चिम्‍मा माफुट्‌टिटि॥ टरो आन्‍ते सोम्‍मा बिस्‍वास चोगुयाक्‍टुनाम्‍बाक् हिङ्‌युक्॥

युहान्‍ना 8:31

येसुङा उन्‌ङि बिस्‍वास काचोक्‍बा याहुदिचि लोडुचे, “आङा हिसिक्‍नानिगा रिङ् पालान् आचोगुम्‍टुम् भोने, खानि छेम्‍बारोक् आचेलाचि ए॥

मुलिचेला टोॽवा 11:23

बारनाबास एन्‌टिओखियाङि टासुनाँ माङ्‌हाङ्‌ङा हिट्‌निगा याप्‌मिचि दाया चोगुचिगा निसुङ् उन्‍ङाना आड्‌डिक् डोक् ओचाप् टाए॥ हिट्‌नुङ् उन्‍ङा “खानि निङ्‌ग्‍वालाम्‍मा डोक् टाङ्‌बाङि बिस्‍वासि लिसायाक्‍टानि” पिक्‍सा हिट्‌नागा आँट् पिडुचे॥

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

मुलिचेला टोॽवा 2:42

हिट्‌नुङ् हिट्‌नागा मुलिचेलाचिगा हिसिक्‍मा, साङ्‌गातिङि, चामा-ठुङ्‌माङि हिट्‌नुङ् बिन्‌टिङि सोरोक् लाहाब् उलिसे॥

रोमि 2:7

जुन् याप्‌मिचिङा ओचेट्‌नुना टोॽवा ओचोगुयाक्‍टुटु, माङ्‌हाङ्‌ङाना माहिमा, मान् चोक्‍मा, हिट्‌नुङ् सिनिना चोला लाउङ्‌सा उहिङ्‌युक् हिट्‌नागा माङ्‌हाङ्‌ङा लाट्‌निना चोला पिडुचिचि॥

१ कोरिन्‌थि 15:58

हिड्‌नाड्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आचोगुम्‍ना बिस्‍वासङि निङ्‌ग्‍वा मिरिङे बोलियो लिसानिउङ् युङायाक्‍टानि॥ टाङ्‌बाङाना ओटोॽवा सोरोक् निङ्‌ग्‍वा पिडानुमुङ् चोगानुम्, पोङ्‌भोने खानिङा आचोगुम्‍ना सोब्‍बे थोक् उन्‌ङि खेरो खाट्‌निना नुङ् खानिलाउङ्‌सा ठाहा युङ्‌ग्‍वा॥

१ कोरिन्‌थि 16:13

ओछेक्‍छेक् चोगानि, बिस्‍वासङि लाहाब् लिसायाक्‍टानि॥ निङ्‌ग्‍वा ठेलोक् चोगानुम् हिट्‌नुङ् बिस्‍वास्‌ङि डोरो लिसानि॥

गालाति 5:1

खिरिस्‍टङा आनि सोतान्‍तर लिमाउङ्‌सा छुट्‌कारा आचोगाइसे॥ हिड्‌डेउङ् दोरो लिसानिउङ् युङानि, हिट्‌नुङ् फेरि धारमाबिधिङाना चाकार लिनेनिन्॥

फिलिप्‌पि 1:27

मुलि रिङ्‌म्‍बाक् खिरिस्‍टङाना नुना खाबोर गाड्‌डेना खान्‍डुना खानि चाल चालान् लिमा कोन्‌युक्॥ हिट्‌नुङ् आङा खानि टुब्‍मा आप्‍मा चा, टुब्‍मा आप्‌निङ्‌चा खानिङा ठिक्‍ए निङ्‌ग्‍वा आचोगिउङ् ठिक्‍ए उदेसेङि जोम् याप्‌मिचिङा नुना खाबोर बिस्‍वास ओचोगुवाक् नुङ् टोॽवा आचोगुम्‍ना रिङ् खेम्‍मा ओटोगुङ् नुङ् निङ्‌ग्‍वा चोगुङ्‌टुङ्॥

फिलिप्‌पि 1:8

आङा खानि टुब्‍माना आड्‌डिक् निङ्‌ग्‍वा चोगुङ्‌ना रिङ् छेम्‍बा डोक् ए नुङ् माङ्‌हाङ्‌लाउङ्‌सा ठाहा युङ्‌ग्‍वा, पोङ्‌भोने खिरिस्‍ट येसुङा खानि माया माचोगि गाड्‌डे डोक् आङा चा खानि माया चोक्‍नाँनि॥

फिलिप्‌पि 2:16

हिट्‌नुङ् खानिङा चोला आपिना नुना खाबोर याप्‌मिचि लोडानुम्‌चिम्॥ नाड्‌डे आचोगिए भोने आङा खेडोक् डोक् पिन्‍नेट्‌निङ्‌ना रैछो हिट्‌नुङ् मेहेनेत चोगुङ्‌ना खेडोक् खेरो खाट्‌नेट्‌निना रैछो नुङ् खिरिस्‍ट उङ्‌ना बेला आङा आनाभुक् ठेलोक् चोक्‍मा टोगुङ्‌टुङ्॥

फिलिप्‌पि 2:26

आङा उन् खानिङि पाङ्‌सुङ्‌गेट्‌टुङ्, पोङ्‌भोने खानि सोब्‍बेलाउङ्‌सा टुब्‍माना उन्‍ङा आड्‌डिक् उनिङ्‌ग्‍वा चोगेसुए॥ खानिङा उन् टुगाना रिङ् आखेम्‍सुम्‍मुङ् खानि निङ्‌ग्‍वा टुगाना रिङ् ठाहा टोगुनाँ खानिलोक् टुब्‍माना निङ्‌ग्‍वा आड्‌डिक् चोगेसुए॥

कालास्‌सि 4:12

खानि माड्‌डेङिना ठिबाङ् झान्‍झा, खिरिस्‍ट येसुङाना सेवाक् इपाफारसलाम्‍मा बाबा बो ए॥ उन्‍ङा खानि आत्‌मिक् रिङ्‌ङि बोल्‍लेउ हिट्‌नुङ् माङ्‌हाङ्‌ङा निङ्‌ग्‍वा चोगु गाड्‌डे डोक् खानि ख्‍वाप्‍पा रिङ्‌ङि ढुक्‍का लिसानि नुङ् खानि लाउङ्‌सा सोरोक् बिन्‌टि चोगुयाक्‍टुगा॥

१ थेसालोनिकि 3:13

नाड्‌डेउङ् उन्‍ङा खानि बिस्‍वासङि बोल्‍लेउ लिमा घुवार माफाडिटि, हिट्‌नुङ् आनि टाङ्‌बा येसु उन्‍ङाना ख्‍वाप्‍पा सेङ्‌सेङ्‌गा ओयाप्‌मिचिलोक् उङ्‌ना बेला आनि माङ्‌हाङ् पाबाङाना ओटोकानाङि खानि सेङ्‌सेङ् हिट्‌नुङ् फाट्‌टुर माले आलिसिटि॥

२ थेसालोनिकि 2:15

नाड्‌डेउङ् भुम्‍बु-झान्‍झाचि हिट्‌नुङ् आनो-आन्‍झाचि, खानिङा बिस्‍वास आचोगुम्‍ना रिङ्‌ङि बोल्‍लेउ लिसानिउङ् युङानि, हिट्‌नुङ् आन्‍याँ यासिङा खानि लोनानि चा आथाबा चिट्‌ठि छेप्‍टुमुङ् हाक्‍नानि चा खानिङा आटोगुम्‍ना हिसिक्‍माना रिङ् बिस्‍वास चोगायाक्‍टानुम्॥

२ तिमोथि 2:1

आइछा गाड्‌डेना तिमोथि, खिरिस्‍ट येसुङा आपिना मायादायाङि बोल्‍लेउ लिसा॥

हिब्‍रु 10:23

आनि युङ्‌सुम्‍ना आसा बोल्‍लेउ लाबुमुङ् युङ्‌सुम्, पोङ्‌भोने आनि चामारसिङा काचोक् माङ्‌हाङ् बिस्‍वासिलो ए॥

हिब्‍रु 3:14

नाड्‌डेउङ् पाइले आनि उन्‌ङि बिस्‍वास चोगुम् गाड्‌डे आखेरि सोम्‍मा आनि चोलाङि बिस्‍वास जोगाँ चोगुम्‌याक्‍टुम्‍टुम् भोने, आनि खिरिस्‍टलोक् एक्‍केउ हाक्‍दार लिसिटि॥

हिब्‍रु 4:14

हाट्‌ले आनि चोगुम्‍ना बिस्‍वासङि आझै डोरो लिसिउङ् युङि, पोङ्‌भोने टोनालोग्‌ङि खाडाजाना माङ्‌हाङ् छा येसु डोक् आनिना माङ्‌ठेना सानिङ्‌डाङ्‌बा ए॥

२ पाटरुस 3:17

टरो मायालु आसाइबाचि, खानिङा नागा सोब्‍बे रिङ् पाइले डोक् ठाहा आटोक्‍माइडुम्‍मे॥ हिट्‌नाड्‌डेउङ् ओेछेक्‍छेक् चोगानि, हिड्‌नाड्‌डे लिसे भोने ओभेन्‍गाचिङा फाम्‍लेङ् चाट्‌मा माहिडिन्‍गा, नाभाँम्‍टे खानिङा माङ्‌हाङ्‌ङाना ओलाम्‍बो आनाडुम्‍टुम् हिट्‌नुङ् आमासिटि॥