फिलिप्‌पि 3:14 - आठपहरिया

¹⁴ नाड्‌डेउङ् टोनालोग्‌ङिना इनाम् टोक्‍माउङ्‌सा आङा लाक्‍छेलेङ् टामा बोल् चोक्‍ङेट्‌ङा॥ माङ्‌हाङ्‌ङा ना रिङ् लोङ्‌सा डोक् खिरिस्‍ट येसुलाम्‍मा लाट्‌निना चोला टोक्‍माउङ्‌सा आङा याङ्‌छेम्‍डाना॥

फिलिप्‌पि 3:14 Cross References

लुका 16:16

“हिट्‌नुङ् बाप्‌टिस्‍मा कापि युहान्‍ना ओबेला सोम्‍मा मोसाङाना धारमाबिधि हिट्‌नुङ् माङ्‌काटाचिङा ओछेप्‍टुगा रिङ् याहुदि ओठेडोङ्‌चिङा याप्‌मिचि उहिसिक्‍टुचे॥ बाप्‌टिस्‍मा कापि युहान्‍ना नुङ् नाॽया माङ्‌हाङ् उमुलुक्‌ङाना नुना खाबोर पारचार चोगाइसे, हिट्‌नुङ् याप्‌मिचि ना मुलुक्‌ङि लिक्‍मा ओकोन्‌येट्॥

रोमि 11:29

पोङ्‌भोने माङ्‌हाङ्‌ङा आनि आपिडाना बारदान नोक्‍टुखाट्‌टुन्‍ना हिट्‌नुङ् उन्‍ङा सेगुचिगा याप्‌मिचि बारेङि उनिङ्‌ग्‍वा फेराँ चोगुन्‍ना॥

१ कोरिन्‌थि 9:24

पाक् खानिङा ठाहा आटोग्‌निम्‍नै, पिम्‍मा बेला उपिन्‍गा सोब्‍बे जाना डोक् उपिन्‌युक्, टरो पुरेस्‍कारम्‍बाक् ठिबाङ्‌ङा एडोक् टोगुटु नुङ्? नाड्‌डेउङ् खानि चा इनाम् टोगुङ्‌टुङ् नुङ् पिन्‍डानि॥

२ कोरिन्‌थि 4:17

पोङ्‌भोने हाट्‌ले आनि आङ्‌डुम्‍ना याङ्‌छामा टुक्‍ना वाइना हिट्‌नुङ् ना याङ्‌छामा छोप्‍मोङ् धारि लाउङ्‌सा एडोक् लियुक्॥ टरो हान्‍डेङ् टोगुम्‍ना आड्‌डिक् ठेना खोना बेला चा लाट्‌निना माहिमा मिट्‌टुम्‍नाँ हिट्‌ना याङ्‌छामाङा आनिङि टाडुगा रिङ्उम् पाक्‍चा माखाक् ए॥

फिलिप्‌पि 3:3

पोङ्‌भोने छेम्‍बा डोक् माङ्‌हाङ् ओयाप्‌मिचिउम्आनि गोलो टे, आनि हाङ्‌साङा माङ्‌हाङ् माङ्‌ध्‍यान् चोगुम्‍टुम् हिट्‌नुङ् खिरिस्‍ट येसु उनिङ् चोन्‍डुम्‍टुम्॥ आनिम्‍टे याप्‌मिचिङा ओचोगुएट्‌टुना रिति थितिङि भोरोसा युङ्‌निम्‍गा॥

कालास्‌सि 2:18

हिट्‌नागा याप्‌मिचिङा आन्‍याँ निमापुमा टोगुएसुम्‍मे पिक्‍सा आप्‍पेलाउङ्‌सा मेयोक् लिसि गाड्‌डे ओचोक्‌युङ् ठेलोक् ओचोग्‍गा हिट्‌नुङ् हिट्‌नागाँ माङ्‌हाङ् रिङ् काउग्‍बाचि साम्‍माङ् ओचोगुचिगा॥ हिट्‌नागाँ खानिलोङ्‌सा नाड्‌डेगा छालि रिङ्‌ङा फाम्‍लेङ् माचाट्‌टिउङ् खानिङा टोक्‍माना इनाम् मामा पिनेनुम्‌चिम्॥ नाड्‌डेगा याप्‌मिचिगा पापङाना उन्‌चि निङ्‌ग्‍वालाम्‍मा होन्‍ना रिङ्‌लाम्‍मा बोङ् उलियुक्, टरो छेम्‍बा डोक् भोने उन्‌चि ठेलोक् लिमाना रिङ् भोने पाक्‍चा वाइना॥

१ थेसालोनिकि 2:12

हिट्‌नुङ् आन्‍याँ खानि आरति-उपादेस पिनाने, आँट् पिनाने, हिट्‌नुङ् आनुरोध चोक्‍नाने, हिट्‌डेउङ् खानि चाल चालान् माङ्‌हाङ्‌ङा निङ्‌ग्‍वा टासुना उलियाक्॥ हिट्‌नुङ् उन्‍ङा खानिलाउङ्‌सा उमुलुक्‌ङि हिट्‌नुङ् माहिमाङि माछेम्‌डिटि॥

२ तिमोथि 1:9

उन्‍ङा डोक् आनि आहिङ्‌ग्‍मेट्‌टाउङ् आप्‍पे उन्‍ङाना सेङ्‌सेङ्‌ना याप्‌मि लिमा आछेम्‍डे॥ आन्‍याँ चोगुम्‍माना टोॽवाङा माखाक्, टरो आप्‍पे उनिङ्‌ग्‍वा हिट्‌नुङ् ओमायादायाङा माङ्‌हाङ्‌ङा आनि आछेम्‍डे॥ ना मायादायाउम् टे नारा सिरिस्‌टि लिमा पाइले डोक् आनिलोङ्‌सा खिरिस्‍ट येसुलाम्‍मा आपिडाइसाना॥

हिब्‍रु 3:1

हिट्‌नाड्‌डेउङ् मायालु भुम्‍भु-झान्‍झाचि हिट्‌नुङ् आनो-आन्‍झाचि, खानि माङ्‌हाङ्‌ङा मासेगिगा याप्‌मिचि हिट्‌नुङ् टोनालोग्‌ङिना ओभागा काटोक्‌चि ए, माङ्‌हाङ्‌ङाना खाबोर कालो हिट्‌नुङ् सानिङ्‌डाङ्‌बा नुङ् लाडुम्‍ना येसुङि आनि निङ्‌ग्‍वा पिडुम्॥

हिब्‍रु 6:1

नाड्‌डेउङ् खिरिस्‍टङाना बारेङि उटुम्‌ङिगा हिसिक्‍माचि एडोक् फेरि फेरि रिङ् चोगिन्‍चा, टरो हाङ्‌साङि बोल्‍लेउ आचोक्‍ना हिसिक्‍मालेङ् लाहाब् लिसि॥ हाट्‌ले आनिम्‍टे ओचाफेन्‍ना टोॽवाचिलाम्‍मा काएल्-काबु लिमाना रिङ् हिट्‌नुङ् माङ्‌हाङ्‌ङि बिस्‍वास चोक्‍माना रिङ् फेरि फेरि चोग्‌निम्‍चा॥

१ पाटरुस 1:13

नाड्‌डेउङ् टोॽवा चोक्‍माउङ्‌सा खानि निङ्‌ग्‍वा टेयार चोगानुम्॥ आप्‍पे लाउङ्‌सा काबुङि युङ्‌सानुम् हिट्‌नुङ् येसु खिरिस्‍ट ठेट्‌ना बेला खानिङा आटोगुम्‍लाबुम्‍ना आसिक्‌ङि डोक् ख्‍वाप्‍पा आसा युङ्‌सानुम्॥

१ पाटरुस 5:10

हिट्‌नुङ् जोम् मायादाया लिसाना माङ्‌हाङ्‌ङा खिरिस्‍टङि उन्‍ङाना लाट्‌निना माहिमा लाउङ्‌सा खानि माछेम्‌डिइसे॥ हिट्‌डेउङ् खानिङा होप्‍मो बेला सोम्‍मा याङ्‌छामा आआङ्‌डुमुङ् उन्‍ङा डोक् खानि फेरि ओछोङ्‌ग्‍वाट् माचोगिटि हिट्‌नुङ् घुवार माफाडिउङ् बोल्‍लेउ माचोगिटि॥

२ पाटरुस 1:3

माङ्‌हाङ्‌ङाना ओबोल्‌लाम्‍मा सेङ्‌सेङ्‌ना चोलाङि हिट्‌नुङ् धारमोति चोलाङि हिङ्‌मा आनिलाउङ्‌सा चाहाबा लिना सोब्‍बे थोक् उन्‍ङा आपिडाइसे॥ पोङ्‌भोने उन्‍ङाना माहिमा लोक् भोलाइलाम्‍मा काछेम्‍बा माङ्‌हाङ् आनि मिसेन् निसुएसुम्‍मे॥

पारकास 3:21

जुन् याप्‌मिङा दुस्‍टा मेट्‌टुटु, हिट्‌ना आङा युङ्‌ङाना डेन्‌ङि आङा सोरि युङ्‌माना आधिकार पिडुङ्‌टुङ्, हिट्‌नुङ् हिट्‌नाङा आङालोक् सासान् चोगुटु, खोड्‌डेउङ् आङा चा दुस्‍टा मेट्‌टुङेना, हिट्‌नुङ् हाट्‌ले आङा आङाना माङ्‌हाङ् पाबालोक् उन् युङ्‌ना डेन्‌ङि युङैसाङे॥