फिलिप्‌पि 2:7 - आठपहरिया

⁷ टरो उन्‍ङा सोब्‍बे थोक् नाडुए हिट्‌नुङ् कामारा गाड्‌डे लिसे॥ हिट्‌नुङ् उन् आनि गाड्‌डे याप्‌मि लिसाउङ् पोङ्‌से॥

फिलिप्‌पि 2:7 Cross References

मात्‌ति 12:18

“आङा सेगुङ्‌ना आमायालु सेवाक् उन् डोक् ए, उन्‌लोक् आङा आड्‌डिक् हारका लिसाइसाङे॥ उन् उठुङ्‌ङि आङाना हाङ्‌सा ठेन्‍डुङ्‌बिडुङ्‌टुङ्, हिट्‌नुङ् उन्‍ङा सोब्‍बे छोङ्‌बाचि साहि न्‍याएङाना बारेङि पारचार चोगुटु॥

मात्‌ति 20:28

हिट्‌डेडोक् याप्‌मि छा चा आरुलाम्‍मा सेवा टोक्‍मालोङ्‌सा माखाक्, टरो आरु सेवा चोक्‍मा हिट्‌नुङ् जोम् याप्‌मिचि छुट्‌कारा पिमा आप्‍पे ओसोक्‍मा लेट्‌मा लोङ्‌सा टायाना॥”

मारकुस 9:12

येसुङा हिट्‌नागा नाड्‌डे लोडुचे, “छेम्‍बा डोक्, एलिया पाइले टायुक्, हिट्‌नुङ् उन्‍ङा सोब्‍बे रिङ् टोङ्‌सुटु॥ हिट्‌नुङ् याप्‌मि छाङा याङ्‌छामा आङ्‌मा कोन्‌युक् हिट्‌नुङ् सोब्‍बेङा इन्‍कार ओचोगुटु नुङ् पोङ् धारमाछाप्‍लाङि छेप्‍टेसेना टे?

लुका 22:27

हाट्‌ले मिट्‌टानुम्, साक्‍उम्‍बाक् ठेना लियुक्‍ना टे, चामा चासिङा युङ्‌ना डाङ्‌बा इ चामा पागुङ् कापिबा टोॽवा काचोक्‍बा याप्‌मि इ? पाक् चामा चासिङा युङ्‌ना याप्‌मि ठेना लिनिनै टे? टरो आङाउम्‍टे खानि सोरि ठिबाङ् सेवा काचोक्‍बा गाड्‌डेना डोक् ए पिक्‍सा लोनाँनि॥

युहान्‍ना 1:14

माङ्‌हाङ्‌ङाना रिङ् याप्‌मि उरुपङि लिसे हिट्‌नुङ् आनि माझाङि मायादाया लोक् छेम्‍बाना रिङ्‌ङा इप्‍टुङ् हेन्‍से॥ हिट्‌नुङ् उन्‍ङाना माहिमा आन्‍याँ निसुम्‍मे, हिट्‌ना माहिमा माङ्‌हाङ् पाबालाम्‍मा उङ्‌साना ठिबाङ् एना छाङाना गाड्‌डेना डाना॥

रोमि 1:3

ना नुना खाबोरउम्‍टे माङ्‌हाङ् छाङाना बिसाएङि ए॥ उन् याप्‌मि लिसाउङ् दाउद हाङ्‌बाङाना पुङ्‌लालाम्‍मा पोङ्‌से॥

रोमि 15:3

पोङ्‌भोने खिरिस्‍टङा चा उन् आप्‍पेलाउङ्सा हारका चोक्‍माना टोॽवा चोग्‍वाट्‌टुन्॥ धारमाछाप्‍लाङि नाड्‌डे छेप्‍टेसे, “माङ्‌हाङ्, खान् निन्‍दा काचोक् याप्‌मिचिङा आङा चा निन्‍दा याङ्ओचोगे॥”

रोमि 15:8

आङा खानि ना रिङ् लोनाँनि, माङ्‌हाङ्‌ङा याहुदिचिगा टुबाठेबाचिलोक् चोगुना चामारसिङा छेम्‍बाना ए नुङ् निमेट्‌माउङ्‌सा खिरिस्‍ट याहुदिचिगा सेवा चोक्‍मा चाकार लिसाउङ् टाए॥

रोमि 8:3

धारमाबिधिङा पापङाना साक्‌तिलाम्‍मा आनि छुट्‌कारा पिमा आहिनेट्‌नि, पोङ्‌भोने आनि पाप चाट्‌लालोक्‍ना याप्‌मि लिसिनाँ धारमाबिधि पालान् चोक्‍मा हिनेट्‌निम्॥ टरो धारमाबिधिङा चोक्‍मा हिडुवाट्‌टुन्‍ना रिङ् माङ्‌हाङ्‌ङा चोगुए॥ हिट्‌नुङ् उन्‍ङा आनि याप्‌मिङाना गाड्‌डेना येम्‌ङि उइछा पाङ्‌सुए, हिट्‌नुङ् उन्‍ङा खिरिस्‍टङाना ओयेम् भोक् पिडुङ् आनि पाप जाखाम् चोगुए॥

२ कोरिन्‌थि 13:4

छेम्‍बा डोक्, याप्‌मिचिङा खिरिस्‍ट खाप्‍चेङि उछुडुनाँ फेटुलो डाना, टरो चा माङ्‌हाङ् ओबोल्‍ङा उन् उहिङ्‌ग्‍वाट् चोगुए॥ हिट्‌नुङ् आनि चा उन् गाड्‌डे डोक् फेटुलो लिसेसिए, टरो माङ्‌हाङ् ओबोललाम्‍मा खानि माझाङि आन्‍याँ टोॽवाङि उन्‌लोक् हिङिटिङा॥

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

गालाति 4:4

टरो जब माङ्‌हाङ्‌ङा माट्‌टुना बेला टाए, उन्‍ङा उइछा पाङ्‌सुए॥ उन् ठिबाङ् मेन्‍झेमालाम्‍मा पोङ्‌से हिट्‌नुङ् उन्‍ङा माङ्‌हाङ्‌ङा मोसा पिडुना धारमाबिधि पालान् चोक्‍मा कोलाना डाना॥

फिलिप्‌पि 2:6

येसु खिरिस्‍ट माङ्‌हाङ् लिसा चा, उन्‍ङा माङ्‌हाङ्‌लोक् बोरोबोरि लिमाना रिङ् युङ्‌मायाक्‍मा लाउङ्‌सा कोसिस चोक्‍मा कोन्‌युक् नुङ् उन् मिट्‌निना॥

हिब्‍रु 12:2

हाट्‌ले आनि बिस्‍वास उटुम् काचोक् हिट्‌नुङ् पुरो काचोक् येसु पुयुम्॥ उन्‍ङा उन् सोरि युङ्‌बालाक् आनान्‍दा लाउङ्‌सा खाप्‍चेङिना याङ्‌छामा आङ्‌डुए हिट्‌नुङ् हिट्‌नालाम्‍मा टाना मोम्‍मासिमाना रिङ् पाक्‍चा ठानाँ चोग्‍वाट्‌टुन्, हिट्‌नुङ् हाट्‌ले माङ्‌हाङ्‌ङाना सिङासान् उछुप्‍टाङ्‌लेङ् आदारङाना ठोङ्‌ङि युङेसे॥

हिब्‍रु 13:3

खानि आप्‍पे चा खाम्‍बाङ्‌ङि आठाइउङ् याङ्‌छामा आङ्‌डुम् गाड्‌डे खाम्‍बाङ्‌ङि ओठायागा याप्‌मिचि घुवार फाडानुम्‌चिम्, हिट्‌नुङ् खानि आप्‍पेङा याङ्‌छामा आङ्‌डुम् गाड्‌डे याङ्‌छामा ओटोगुगा लाउङ्‌सा घुवार फाडानुम्‌चिम्॥

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥