फिलिप्‌पि 2:3 - आठपहरिया

³ आप्‍पे एडोक् आरु नुङ्‌ना ठेलोक् लिमा कोन्‍नेनिन् हिट्‌नुङ् घामान्‌डि लिमाना रिङ् चा चोक्‍नेनिन्॥ टरो मेयोक् लिसानि हिट्‌नुङ् आरु चा खानि नुङ्‌ना उनुगा नुङ् मिट्‌टानुम्‌चिम्॥

फिलिप्‌पि 2:3 Cross References

लुका 18:14

आङा खानि लोनाँनि, फारिसि याप्‌मिम्‍बाक् माखाक्, टरो ना तिरो काफोग्‍बाम्‍बाक् माङ्‌हाङ् ओनाभाक्‌ङि धारमोति लिसाउङ् ओपाङ्‌ङि खाडे॥ पोङ्‌भोने आप्‍पे ठेलोक् काचोक्‍बाचि माङ्‌हाङ्‌ङा खाट्‌टिउगा चोगुचिचि हिट्‌नुङ् जुन्‍ङा खाट्‌टिना ए पिग्‌युक् हिट्‌नागा उन्‍ङा ठेलोक् चोगुचिचि॥”

रोमि 12:10

ठिबाङ्‌ङा आरको ठिक्‍ए पाङ्‌ङिगा भुम्‍भु-झान्‍झाचि हिट्‌नुङ् नाना-झान्‍झाचि गाड्‌डे माया चोग्‍गा चोग् चोगानि॥ आप्‍पे नुङ्‌ना याप्‍मा आरु मान् चोगानुम्‌चिम्॥

रोमि 13:13

आनि लेम्‍बा व्‍हाङ्‌ङि वासि गाड्‌डे डोक् सोब्‍बे लाउङ्‌सा ओचेट्‌नुना चोलाङि वामा कोन्‌युक्॥ आनि बेस्‍सारि मोज्‍मोज्‍जा चोक्‍माना पाटिङि साहाभागि लिसिन्‍चा हिट्‌नुङ् इमालिङ् ठुङुमुङ् टेडुबा लिमा लिनिना, आनि खोना खाले चा इम्‍मेप्‍माजामा टोॽवा चोक्‍मा लिनिना, आनि खेमाबुङ्‌मा चोक्‍मा लिनिना, हिट्‌नुङ् मिक् टुक्‍ना रिङ् चोक्‍मा लिनिना॥

रोमि 2:8

टरो आप्‍पे लाउङ्‌सा एडोक् माया काचोक्, छेम्‍बाना रिङ् पालान् ओचोगुन्‍गा, हिट्‌नुङ् ओचाफेन्‍मा टोॽवा काचोक् याप्‌मिचि माङ्‌हाङ्‌ङा आड्‌डिक् टुक्‍ना साजाए पिडुचिचि॥

१ कोरिन्‌थि 15:9

हिट्‌नुङ् आरु सोब्‍बे मुलिचेलाचि आङा नुङ्‌ना ओठेगा ए॥ आङाउम्‍टे मुलिचेला ए लोमा चा याङ्‌खान्‌निना, पोङ्‌भोने आङा माङ्‌हाङ् ओमाङ्‌पाङ्‌ङिगा आड्‌डिक् डोक् याङ्‌छामा चाट्‌टुङ्‌चिङे॥

१ कोरिन्‌थि 3:3

हिट्‌नुङ् हाट्‌ले चा खानि आप्‍पे निङ्‌ग्‍वाङिगा रिङ् युमाङि एडोक् लाहाब् आलिसिइसिए हिट्‌नुङ् खानि खानिङि रेक् काप्‍माना रिङ् हिट्‌नुङ् खेमाबुङ्‌मा युङ्‌ग्‍वा॥ नाड्‌डेगा रिङ् आचोगुम्‍टुम् भोने, पाक् आझै चा खानि आप्‍पे निङ्‌ग्‍वाङिगा रिङ् एडोक् पुरो चोग्‍मा लाहाब् आलिसिन्‍गेट्‌टिन्‍गै टे? छेम्‍बा डोक्, खानि नाराङिगा याप्‌मिचि गाड्‌डे डोक् आचोगेट्‌टि॥

२ कोरिन्‌थि 12:20

पोङ्‌भोने आङा हिट्‌नि खानि टुब्‌सिङा आप्‍ङानाँ आङा आसा चोगुङ् गाड्‌डे टुब्‍नेनिन्‍गा हिट्‌नुङ् खानिङा आसा आचोगुम् गाड्‌डे आङा आटुबिन्‍नागा होला नुङ् आङा किट्‌टेसाङे॥ आङा खानि टुब्‌सिङा आप्‍ङानाँ खानि माझाङि खेमाबुङ्‌मा, रेक् काप्‍मा, याक्‍लेप्‍मा, आप्‍पे एडोक् नुलोक् लिमा कोम्‍मा, लोमाजामा, खुसुखुसु चोक्‍मा, घामान्‌डि लिमा हिट्‌नुङ् भाँडभैलो लिसाना रिङ् टोगुङ्‌टुङ् होला नुङ् आङा किट्‌टेसाङे॥

गालाति 5:15

टरो खानि आप्‍पे-आप्‍पे आखेइयाक्‌टिटि हिट्‌नुङ् खानि खानि केङ्‌केङ् आचोगिटि भोने, ओछेक्‍छेक् चोगानि, नाभाम्‍टे खानि आप्‍पे-आप्‍पे जाखाम् आलिसिटि॥

गालाति 5:26

हिट्‌नुङ् आनि आम्‍टेप्‍मा औधि ठेङाना नुङ् माट्‌मा लिनिना, आरु याप्‌मिचिलोक् चुङ्‌मा लिनिना, हिट्‌नुङ् ठिबाङ्‌ङा आरको रेक् काप्‍माना टोॽवा चोक्‍मा लिनिना॥

एफिसि 4:2

सोरोक् डोक् नाम्‍रा हिट्‌नुङ् सोजो निङ्‌ग्‍वाङि युङानि॥ धैइरे चोगानि हिट्‌नुङ् माया चोग्‍गा चोग् चोक्‍सा ठिबाङ्‌ङा आरको आङ्‌डानुम्॥

एफिसि 5:21

खानि ठिबाङ् आरकोङाना आधिन्‌ङि युङानि, पोङ्‌भोने खानिङा खिरिस्‍ट मान् आचोगुम्‍ना॥

फिलिप्‌पि 2:14

सोब्‍बे टोॽवा गिनिङ्‌गिनिङ् आथाबा बादबिबाद मिचोक्‍ङे चोगानुम्॥

कालास्‌सि 3:12

पोङ्‌भोने खानिम्‍टे माङ्‌हाङ्‌ङा ओयाप्‌मिचि लिमा मासेगिगा हिट्‌नुङ् उन् लाउङ्‌सा खानि आसाम्‍डेसिए, हिट्‌नुङ् उन्‍ङा खानि माया माचोगिटि॥ हिड्‌नाड्‌डेउङ् खानिङा याङ्‌छामा ओटोगुगा याप्‌मिचि घुवार फाडानुम्‌चिम्, दाया चोगानुम्‌चिम्, मेयोक् लिसानि, सोजो लिसानि, आङ्‌मा कोन्‍ना रिङ्‌ङि निङ्‌ग्‍वा पिडानुम्॥

कालास्‌सि 3:8

टरो हाट्‌ले खानिङा चा रेक् काप्‍मा, मिक् टुग्‍मा, चिम्‍माफुप्‍मा, लोमाजामा, यासिलाम्‍मा होन्‍गा फुवारि रिङ् नामा कोन्‌युक्॥

१ तिमोथि 6:4

हिट्‌नाम्‍बाक् आड्‌डिक् ठेलोक् चोक्‍ना हिट्‌नुङ् पाक्‍चा ठाहा काटोग्‌निबा लियुक्॥ हिट्‌नाँ खेडोक्‍गा रिङ्‌पान्‌ङि निङ्‌ग्‍वा चोगुङ् बादबिबाद चोक्‌युङ् रिङ् रिङ्‌ङाना उटुप् बारेङि खेमाभुङ्‌मा होट्‌टुगा॥ नाड्‌डेगा रिङ्‌ङाम्‍बाक् रेक् काप्‍मा, साम्‍माना रिङ्, लोमाजामा हिट्‌नुङ् ओचाफेन्‍ना साङ्‌का,

१ पाटरुस 3:8

आखेरिङि लोनाँनि, खानि ख्‍वाप्‍पाङाना निङ्‌ग्‍वा ठिक्‍ए लिमा कोन्‌युक्॥ ठिबाङ्‌ङा आरकोङाना निङ्‌ग्‍वाङिना रिङ् बुजा चोक्‍मा कोन्‌युक्॥ भुम्‍भु-झान्‍झाचि हिट्‌नुङ् नाना-झान्‍झाचि गाड्‌डे ठिबाङ्‌ङा आरको माया चोग्‍गा चोक् चोगानि॥ हिट्‌नुङ् लुक्‍मा काटुक् लोक् मेयोक् लिसानि॥

१ पाटरुस 5:5

हिट्‌नाड्‌डे डोक् ठाङ्‌बेन् याप्‌मिचि, खानि माङ्‌पाङ्‌ङिगा एल्‍डारचिगा आधिन्‌ङि युङानि॥ खानि ख्‍वाप्‍पा मेयोक् लिसानिउङ् युङानि हिट्‌नुङ् ठिबाङ्‌ङा आरकोङाना सेवा चोगानुम्॥ पोङ्‌भोने धारमाछाप्‍लाङि नाड्‌डे छेप्‍टेसे, “माङ्‌हाङ्‌ङा ओठेयुजागा याप्‌मिचि बिरोध चोगुचिचि, टरो मेयोक् उलिगा याप्‌मिचि मायादाया चोगुचिचि॥”