फिलिप्‌पि 2:29 - आठपहरिया

²⁹ टाङ्‌बाङि बिस्‍वासि झान्‍झा नुङ् खुसि लिसानिउङ् उन् स्‍वागाट् चोगानुम्॥ उन् गाड्‌डेगा याप्‌मिचि मान् चोक्‍माचि डोक् कोन्‌युक्॥

फिलिप्‌पि 2:29 Cross References

लुका 9:5

टरो खानि आखाडिना डेन्‌ङि याप्‌मिचिङा स्‍वागाट् माचोगेट्‌टिन् भोने, हिट्‌ना खालाङ्‌गा आपोक्‍टुम्‍नाँ खानि लाङ्‌ङि नुप्‍टागा खाम्‍धारि हिट्‌नि डोक् ठाम्‍साढानुम्॥ ना रिङ् हिट्‌नागा बिरुद्‌दाङि ओकोबाना रिङ्‌ङाना साँचि लोङ्‌सा लियुक्॥”

युहान्‍ना 13:20

छेम्‍बा डोक्, आङा खानि लोनाँनि, आङा पाङ्‌सुङ्‌ना स्‍वागाट् काचोक्‍बाङा आङा चा स्‍वागाट् याङ्‌चोक्‌युक्, हिट्‌नुङ् आङा स्‍वागाट् काचोक्‍बाङा आङा कापाङ्‌बा पाबा चा स्‍वागाट् चोगुटु॥”

मुलिचेला टोॽवा 2:46

हिट्‌नागा ठिक्‍ए निङ्‌ग्‍वा ओचोगुङ् लेम्‍बासेम्‍बा माङ्‌ठानाङि उछुमागा डागा, उन्‌चिगा पाङ्-पाङ्‌ङि माङ्‌खोइ ओचोगा डागा, हिट्‌नुङ् आनान्‍दा चोक्‍सा हिट्‌नुङ् हारका लिसा चामा-ठुङ्‌मा ओहान्‍डुजोए॥

मुलिचेला टोॽवा 28:10

हिट्‌नागाँ जोम् थोक्‌चि याप्‌मि उपिडाउङ् आन्‍याँ मान् याप्‌मिओचोगे हिट्‌नुङ् आन्‍याँ लाम्‌टिमा बेला हिट्‌नागाँ आन्‍याँलोङ्‌सा लाम्‍बोङि चाहाब् लिगा टेप्‍मा माल्‍माट्‌टाचि चुवाखोङ्‌डाङ्‌ङि याप्‌मि ओठेन्‍डाबिडे॥

मुलिचेला टोॽवा 8:8

हिट्‌डेउङ् सामारिया खालाङ्‌गाङि ठेना हारका लिसे॥

रोमि 10:15

हिट्‌नुङ् कोइङा पारचार चोक्‍मा मिपाङ्‌ङे खोड्‌डेउङ् हिट्‌नागा ओखाट्‌युङ् पारचार ओचोगुटुना टे? धारमाछाप्‍लाङि नाड्‌डे छेप्‍टेसे, “नुना खाबोर पारचार काचोक् याप्‌मिचि ओटानाँ औधि ओचेट्‌नुना लियुक्॥”

रोमि 16:2

उन् खानिङि आप्‍नाँ टाङ्‌बा उनिङ्‌ङि बिस्‍वासि झान्‍झा गाड्‌डे स्‍वागाट् चोगानुम् नुङ् लोनाँनि, पोङ्‌भोने नाड्‌डे चोक्‍माम्‍बाक् बिस्‍वासिचि लाउङ्‌सा ओचेट्‌नुयुक्॥ हिट्‌नुङ् खानिङा उन् जे सुके चाहाब् लिचा घुवार फाडानुम्, पोङ्‌भोने उन्‍ङा आरु जोम् याप्‌मिचि घुवार फासुएसुचे, हिट्‌नुङ् आङा चा घुवार याङ्‌फाडेसे॥

१ कोरिन्‌थि 16:10

तिमोथि खानिङि आब्‍नाँ उन् ओचेट्‌नुलोक् मेट्‌टानुम्, पोङ्‌भोने उन्‍ङा चा आङा गाड्‌डे डोक् टाङ्‌बाङाना टोॽवा चोगुएट्‌टु॥

१ कोरिन्‌थि 16:18

हिट्‌नागाँ खानि आँट् मापिडि गाड्‌डे डोक् आङा चा आँट् याङ्उपिडाइसाङे॥ छेम्‍बा डोक्, नाड्‌डेगा याप्‌मिचि खानिङा मान् चोक्‍मा कोन्‌युक्॥

२ कोरिन्‌थि 10:18

पोङ्‌भोने कोइङा आप्‍पेलाउङ्‌सा ठेलोक् चोगुटु भोने हिट्‌ना लाउङ्‌सा ओचेट्‌नुना लिनिना, टरो टाङ्‌बाङा डोक् ठेलोक् चोगुटु भोने, हिट्‌ना लाउङ्‌सा ओचेट्‌नुना लियुक्॥

२ कोरिन्‌थि 7:2

खानिङा आन्‍याँ लाउङ्‌सा खानि निङ्‌ग्‍वाङि युङ्‌माना ठोङ् चोगानुम्॥ आन्‍याँ साक्‍चा ओचाफेन्‍लोक् मेट्‌निम्‍गेट्‌निम्‍मागा, हिट्‌नुङ् खोना चा जाखाम् चोक्‌निम्‍गेट्‌निम्‌चिम्‍मागा॥ आन्‍याँ खोना चा ठागाँ चोक्‌निम्‍गेट्‌निम्‌चिम्‍मागा॥

फिलिप्‌पि 2:28

हिट्‌डेउङ् उन् खानि सोरि पाङ्‌माउङ्‌सा आङाना आड्‌डिक् आनिङ्‌ग्‍वा लोसेसे॥ हिड्‌डेउङ् खानिङा उन् फेरि आनिसुम्‍नाँ खानि चाप् टायुक्, हिट्‌नुङ् आनिङ्‌ग्‍वाङिना सुरटा चा याङ्-याङ् लियुक्॥

कालास्‌सि 4:10

आरिस्‍ताखारसलाम्‍मा बाबा बो ए॥ उन् आङालोक् नाहि खाम्‍बाङ्‌ङि युङ्‌ग्‍वा॥ बारनाबासङाना ओनाक्‍पा मारकुसलाम्‍मा चा बाबा बो ए॥ मारकुसङाना बारेङि खानिङा पाइले डोक् आखेम्‍सुएसुम्‍मे, उन् खानि सोरि आबे भोने, ओचेट्‌नुलोक् स्‍वागाट् चोगानुम्॥

१ थेसालोनिकि 5:12

हाट्‌ले भुम्‍भु-झान्‍झाचि हिट्‌नुङ् आनो-आन्‍झाचि, टाङ्‌बा लाउङ्‌सा टोॽवा काचोक् खानि ओठेडोङ्‌चि मान् चोगानुम्‌चिम् नुङ् खानि बिन्‌टि चोक्‍नाँनि॥ खानि माझै हिट्‌नागाँ उन्‌चि निङ्‌ग्‍वालाम्‍मा टोॽवा ओचोगुटु हिट्‌नुङ् खानि ओछेक्‍छेक् माचोगिटि॥

१ तिमोथि 5:17

माङ्‌पाङ्‌ङिगा ओठेडोङ्‌चि नुलोक् आगुवाइ काचोक्‌चि मान् लोक् उयुसिचिलोक् निमेक् पिमाचि नुगा उलियुक्, मुलिगारि माङ्‌हाङ् रिङ् पारचार काचोक्‌चि हिट्‌नुङ् सिकाँ चोक्‍मा निङ्‌ग्‍वा कापिबाचिङा टोक्‍मा डोक् कोन्‌युक्॥

हिब्‍रु 13:17

खानि ओठेडोङ्‌चिगा रिङ् खेम्‍सानुम् हिट्‌नुङ् उन्‌चिङा मालोडिगा टोॽवा चोगानुम्॥ उन्‌चि टोॽवाम्‍बाक् खानि यान्‍दा चोक्‍मा, हिट्‌नुङ् हिट्‌नागाँ ओचोगुना टोॽवाङाना लेखाजोखा हिट्‌नागाँ माङ्‌हाङ् पिमा कोन्‌युक्॥ हिट्‌नुङ् हिट्‌नागाँगा रिङ् खेम्‍सानुम् हिड्‌डेउङ् हिट्‌नागाँ उन्‌चि चाप् टासा टोॽवा ओचोगुटु, उन्‌चि निङ्‌ग्‍वा टुक्‍सा माखाक्॥ हिट्‌नागा खानिङा याङ्‌छामा आपिडुम्‌चिम्‍मे भोने खानिलाउङ्‌सा पाक्‍चा ओचेट्‌नु लिनिना॥

३ युहान्‍ना 1:10

हिड्‌डेउङ् जब आङा खानिङि आप्‍माँ, हिट्‌नुङ् हिट्‌ना पाक् चोक्‌येट्‌ना हिट्‌ना रिङ् खानि लोनाँनि॥ हिट्‌नाङा आनि बिरुद्‌दाङि ओचाफेम्‍मा रिङ् माट्‌टुगोन्‍डु॥ हिट्‌टेप्‍मा एरोक् माखाक्, हिट्‌नाङा आनि बिस्‍वासि भुम्‍भु-झान्‍झाचि स्‍वागाट् चोगुन्‌चिन्‍गा, हिट्‌नुङ् स्‍वागाट् चोक्‍मा निङ्‌ग्‍वा काचोक्‌चि चा चोक्‍मा पिडुन्‌चिन्‍गा, हिट्‌नुङ् हिट्‌नागा माङ्‌पाङ्‌लाम्‍मा भारा होट्‌टुचिगा॥