फिलिप्‌पि 2:25 - आठपहरिया

²⁵ आनि झान्‍झा इपाफोरडिटास खानि सोरि फेरि पाङ्‌मा कोन्‌युक् नुङ् आनिङ्‌ग्‍वा लोसेसे॥ उन् खानिना खाबोर कालो हिट्‌नुङ् आङा आभोरङि लिसाङ्‌ना बेला घुवार याङ्ओफायाक् नुङ् आपाङ्‌सुम्‍ना॥ उन्‍ङा आङालोक् एक्‍केउ टोॽवा चोगुए, हिट्‌नुङ् नुना खाबोर सुरेक्‍छे चोक्‍माउङ्‌सा उन्‍ङा आङा घुवार याङ्‌फाडे॥

फिलिप्‌पि 2:25 Cross References

युहान्‍ना 13:16

छेम्‍बा डोक्, आङा खानि लोनाँनि, डाङ्‌बा नुङ्‌ना चाकार ठेना लिनिना हिट्‌नुङ् खाबोर काहाक्‍बा नुङ्‌ना खाबोर काटाप्‍बा ठेना लिनिना॥

युहान्‍ना 17:18

खान्‍ङा आङा नाराङि याङ्आपाङ्‌सा गाड्‌डे डोक् आङा चा हिट्‌नागा नाराङि पाङ्‌सुएसुङ्‌चिङे॥

रोमि 16:3

आङालोक् एक्‍केउ खिरिस्‍ट येसुङाना टोॽवा काचोक्‌चि पिरिस्‌किला हिट्‌नुङ् आकिलासलाउङ्‌सा आङाना बाबा ए नुङ् लोडानुम्‌चिम्॥

रोमि 16:9

खिरिस्‍ट लोङ्‌सा आनिलोक् एक्‍केउ टोॽवा काचोक् मायालु आसाइबा उरबानास बाबा याङ्‌लोडाबिडानि, हिट्‌नुङ् मायालु आसाइबा इस्‍ताखुसलाउङ्‌सा चा बाबा याङ्‌लोडाबिडानि॥

१ कोरिन्‌थि 3:9

पोङ्‌भोने आनि सोब्‍बेम्‍बाक् माङ्‌हाङ्‌ङाना टोॽवा काचोक्‌चि ए, हिट्‌नुङ् माङ्‌हाङ्‌ङाना ओबेङ्‌सिम्‍बाक् खानि ए॥ हिट्‌नुङ् खानिम्‍बाक् माङ्‌हाङ्‌ङा चोगुना पाङ् ए॥

२ कोरिन्‌थि 2:13

टरो आनिङ्‌ग्‍वा हाङ्‌हाङ् लिनेट्‌नि, पोङ्‌भोने हिट्‌नि खानि बारेङि खाबोर टाडुना बिस्‍वासि तितास टुब्‍नेट्‌निङ्॥ हिट्‌डेउङ् हिट्‌नागालाम्‍मा सेन्‍डाउङ् आङा माकेडोनियालेङ् खाडाङे॥

फिलिप्‌पि 2:26

आङा उन् खानिङि पाङ्‌सुङ्‌गेट्‌टुङ्, पोङ्‌भोने खानि सोब्‍बेलाउङ्‌सा टुब्‍माना उन्‍ङा आड्‌डिक् उनिङ्‌ग्‍वा चोगेसुए॥ खानिङा उन् टुगाना रिङ् आखेम्‍सुम्‍मुङ् खानि निङ्‌ग्‍वा टुगाना रिङ् ठाहा टोगुनाँ खानिलोक् टुब्‍माना निङ्‌ग्‍वा आड्‌डिक् चोगेसुए॥

फिलिप्‌पि 4:18

नाबाजि आङा टोग्‍मा कोन्‍ना नुङ्‌ना याप्‍मा डोक् टोगेसुङे॥ खानिङा इपाफोरडिटासङाना उमुक्‌लाम्‍मा आहाङ्‌सुम्‍ना भेटि टोगुङुङ् सोन्‍टोक् लिसेसाङे॥ माङ्‌हाङ्‌ङा ना खानिना भेटि आड्‌डिक् निङ्‌ग्‍वा टासुना नुङ् उन्‍ङा लाडुटु, हिट्‌नुङ् उन्‍ङाना आड्‌डिक् ओचाप् टाइसे॥

फिलिप्‌पि 4:3

हाउ बिस्‍वासिलो आसाइबा, खान्‍ङा नागाचि इप्‍पाङ् मेन्‍झेमाचि ओटोङ्‌चिउङ् उयुङ्‌चि नुङ् घुवार फाडुचि नुङ् लोनाँ, पोङ्‌भोने हिट्‌नागाचिङा आङालोक् एक्‍केउ नुना खाबोर पारचार चोक्‍मा घुवार याङ्‌फासाचे, हिट्‌नुङ् आङालोक् एडोक् माखाक्, हिट्‌नागाचिङा क्‍लेमेस हिट्‌नुङ् आङालोक् एक्‍केउ टोॽवा काचोक् आरु आसाइबाचिलोक् चा टोॽवा चोगाचुए, हिट्‌नागा सोब्‍बेङागा उन्‌चि निङ् चोला आपिना छाप्‍लाङि माङ्‌हाङ्‌ङा छेप्‍टुबिडुएसुचे॥

कालास्‌सि 1:7

ना रिङ् डोक् आन्‍याँलोक् एक्‍के टोॽवा काचोक् आनि मायालु इपाफारसङा खानि माहिसिक्‍टे॥ उन् खिरिस्‍टङाना सेवा काचोक् बिस्‍वासिलो झान्‍झा ए, हिट्‌नुङ् उन्‍ङा आन्‍याँ घुवार याप्‌मि फाएट्॥

कालास्‌सि 4:11

युस्‍तास उनिङ् लिसाना येसुङा चा खानिलोङ्‌सा बाबा बो ए॥ माङ्‌हाङ् उमुलुक् लाउङ्‌सा आङालोक् एक्‍केउ टोॽवा काचोक् याहुदि बिस्‍वासिचिङि नागा सुम्‍बाङ् एगा ए॥ हिट्‌नागाँ आङा आम्‍टेप्‍मा आँट् याङ्उपिडाइसाङे॥

१ थेसालोनिकि 3:2

हिट्‌नुङ् आनि झान्‍झा तिमोथिम्‍बाक् आनिलोक् एक्‍केउ टोॽवा चोक्‍ना खिरिस्‍टङाना नुना खाबोर पारचार काचोक्‍बा माङ्‌हाङ्‌ङाना सेवाक ए॥ खानि बिस्‍वासङि दोरो चोक्‍मा हिट्‌नुङ् बिस्‍वासङि आँट् पिमालाउङ्‌सा खानिङि उन् डोक् पाङ्‌सुम्‍मे॥

फिलेमोन 1:24

हिट्‌नुङ् आङालोक् एक्‍केउ टोॽवा काचोक् मारकुस, आरिस्‍ताखारस, डेमास लोक् लुकाङाना चा बाबा बो ए॥

हिब्‍रु 3:1

हिट्‌नाड्‌डेउङ् मायालु भुम्‍भु-झान्‍झाचि हिट्‌नुङ् आनो-आन्‍झाचि, खानि माङ्‌हाङ्‌ङा मासेगिगा याप्‌मिचि हिट्‌नुङ् टोनालोग्‌ङिना ओभागा काटोक्‌चि ए, माङ्‌हाङ्‌ङाना खाबोर कालो हिट्‌नुङ् सानिङ्‌डाङ्‌बा नुङ् लाडुम्‍ना येसुङि आनि निङ्‌ग्‍वा पिडुम्॥