फिलिप्‌पि 2:2 - आठपहरिया

² हिट्‌नुङ् खानिङा ठिक्‍ए निङ्‌ग्‍वा चोगानुमुङ्, ठिबाङ्‌ङा आरको माया चोग्‍गा चोग् चोगानुमुङ्, हिट्‌नुङ् ठिक्‍ए निङ्‌ग्‍वा हिट्‌नुङ् खानि खानि टोङानिउङ् युङानिउङ् आङाना आनान्‍दा पुरो चोगानुम्॥

फिलिप्‌पि 2:2 Cross References

युहान्‍ना 3:29

बेहुलि बेहुलाङाना ए॥ बेहुला सोरि येब्‍ना ओसाइबाम्‍बाक् बेहुलाङाना ओसोरा खेम्‍सुङ् आड्‌डिक् हारका लियुक्॥ हिट्‌डेउङ् आङाना ना हारका हाट्‌ले युडाइसे॥

मुलिचेला टोॽवा 1:14

हिट्‌नागा ख्‍वाप्‍पा एक्‍केउ उलिसाउङ् सोरोक् बिन्‌टि ओचोगायाक्‍टे॥ हिट्‌नि येसुङा उमा मारियाम हिट्‌नुङ् आरु मेन्‍झेमाचि, हिट्‌नुङ् येसुङाना येम्‍बेछा उन्‍झाचि चा ओडागा॥

मुलिचेला टोॽवा 2:1

पाइलेना लेम्‍बा पेन्‌तिकोस ओलोडुना याहुदिचिगा चाडा बेला यरुसलेमङि सोब्‍बे बिस्‍वासिचि ठिक्‍ए डेन्‌ङि उछुमाइसागा॥

मुलिचेला टोॽवा 2:46

हिट्‌नागा ठिक्‍ए निङ्‌ग्‍वा ओचोगुङ् लेम्‍बासेम्‍बा माङ्‌ठानाङि उछुमागा डागा, उन्‌चिगा पाङ्-पाङ्‌ङि माङ्‌खोइ ओचोगा डागा, हिट्‌नुङ् आनान्‍दा चोक्‍सा हिट्‌नुङ् हारका लिसा चामा-ठुङ्‌मा ओहान्‍डुजोए॥

मुलिचेला टोॽवा 5:12

हिट्‌नुङ् मुलिचेलाचिङा जोम् डोङ् ठोङ्‌डिना टोॽवाचि हिट्‌नुङ् रिङ्‌चि याप्‌मिचिगा माझाङि ओचोगुए॥ हिट्‌नुङ् ख्‍वाप्‍पा बिस्‍वासिचि सोलोमानङाना टेल्‍लाङ्‌ङि सोरोक् उछुमागा डागा॥

रोमि 12:16

खानि सोब्‍बेलोक् टोङानिउङ् युङानि, ठेलोक् चोक्‍नेनिन्, टरो याप्‌मिचिङा पाक्‍चा ठानाँ ओचोगुन्‌चिन्‍गा याप्‌मिचि टाक् चोगानुम्‌चिम्॥ सोब्‍बे थोक् निसुङ्‌गा गाड्‌डे काइले चा चोक्‍नेनिन्॥

१ कोरिन्‌थि 1:10

आम्‍भु-आन्‍झाचि, आनि टाङ्‌बा येसु खिरिस्‍टङाना उनिङ्‌ङि आङा खानिलाउङ्‌सा बिन्‌टि चोगुएट्‌टुङ्, खानि सोब्‍बे टोङानिउङ् युङानि, हिट्‌नुङ् खानिङि साम्‍माना रिङ् उलिनि चा॥ टरो खानिङा ठिक्‍ए निङ्‌ग्‍वा हिट्‌नुङ् ठिक्‍ए रिङ्‌ङि निङ्‌ग्‍वा पिडानुम्॥

२ कोरिन्‌थि 13:11

आम्‍भु-आन्‍झाचि, हाट्‌ले नागा रिङ् छेप्‍टुङुङ् बाबा लोनाँनि, आनान्‍दा चोगानि, नुना रिङ् चोक्‍मा निङ्‌ग्‍वा पिडानुम्, आङा लोनानिगा रिङ् खेम्‍सानुम्, ठिक्‍ए निङ्‌ग्‍वा चोगानुम् हिट्‌नुङ् टोङानिउङ् युङानि॥ हिट्‌नुङ् माया लोक् हाङ्‌हाङ् आपिना माङ्‌हाङ् खानिलोक् लियुक्॥

२ कोरिन्‌थि 2:3

हिट्‌नुङ् आङा आप्‍ङानाँ आङाना आचाप् टालोक् चोक्‍मा ओकोन्‍गा याप्‌मिचिलाम्‍मा आनिङ्‌ग्‍वा उटुक्‌नियाक् नुङ् आङा हिट्‌ना चिट्‌ठि छेप्‍टुङे॥ पोङ्‌भोने आङा मोज्‍जा लोङाना खानि सोब्‍बे चा मोज्‍जा आलोसिटि नुङ् छेम्‍बा डोक् आङा खानि सोब्‍बेङि बिस्‍वास चोगुङ्‌टुङ्॥

२ कोरिन्‌थि 7:7

हिट्‌नुङ् उन् आबानाँ एडोक् माखाक्, टरो खानिङा उन् आँट् आपिडुम्‍ना रिङ् खेम्‍सुङुङ् आङा चा आँट् टोगुङे॥ आङालोक् टुब्‍माना खानिङा आड्‌डिक् निङ्‌ग्‍वा आचोगेसुम्‍मे नुङ् उन्‍ङा आन्‍याँ याप्‌मि खेम्‍मेट्‌टे॥ हाट्‌ले पाइले खानिङा आचोगुम्‍ना रिङ्‌ङा खानि निङ्‌ग्‍वा टुगेसे, हिट्‌नुङ् खानि आङालेङ् आकेङिगा रिङ् उन्‍ङा याङ्‌लोडे, ना रिङ् खेम्‍सुङ् आङा आड्‌डिक् हारका लोसाङे॥

फिलिप्‌पि 1:4

खानि सोब्‍बे लोङ्‌सा बिन्‌टि चोगुङ्‌नाँ सोरोक् आचाप् टासा बिन्‌टि चोगुङ्‌टुङ्॥

फिलिप्‌पि 2:16

हिट्‌नुङ् खानिङा चोला आपिना नुना खाबोर याप्‌मिचि लोडानुम्‌चिम्॥ नाड्‌डे आचोगिए भोने आङा खेडोक् डोक् पिन्‍नेट्‌निङ्‌ना रैछो हिट्‌नुङ् मेहेनेत चोगुङ्‌ना खेडोक् खेरो खाट्‌नेट्‌निना रैछो नुङ् खिरिस्‍ट उङ्‌ना बेला आङा आनाभुक् ठेलोक् चोक्‍मा टोगुङ्‌टुङ्॥

फिलिप्‌पि 2:20

छेम्‍बा डोक्, हिट्‌नि खानिलाउङ्‌सा नुलोक् यान्‍दा काचोक्‍बा आङालोक् लिसाना तिमोथि गाड्‌डेना आरु साक्‍चा ओवाइगा॥

फिलिप्‌पि 4:2

खान्‌चि इयोदिया हिट्‌नुङ् सुन्‍तुखेलाउङ्‌सा आङा बिन्‌टि चोक्‍नाबिनाँचि, खान्‌चि टोङाचिउङ् युङाचि, पोङ्‌भोने खान्‌चिलोक् टाङ्‌बा येसुङाना साम्‍बान्‍धा युङ्‌ग्‍वा॥

कालास्‌सि 2:5

आङा खानिलोक् हिट्‌नि एक्‍केउ वानिङ् चा आनिङ्‌ग्‍वाउम् खानिलोक् डोक् युङ्‌ग्‍वा॥ हिट्‌नुङ् खानि ठिक्‍ए निङ्‌ग्‍वा आलिसिउङ् आयुङिगा हिट्‌नुङ् खिरिस्‍टङि खानि बिस्‍वास औधि बोल्‍लेउ लिसाना रिङ् खेम्‍सुङुङ् आङा हारका लिसाइसाङे॥

२ थेसालोनिकि 2:13

टाङ्‌बाङा माया माचोगिगा भुम्‍बु-झान्‍झाचि हिट्‌नुङ् आनो-आन्‍झाचि, खानि लोङ्‌सा आन्‍याँ सोरोक् पोए-पोए ठाङ्‌मा डोक् कोन्‌युक्, पोङ्‌भोने उटुम्‌लाम्‍मा डोक् सेङ्‌सेङ्‌ना हाङ्‌साङा चोखो चोक्‍माना टोॽवालाम्‍मा हिट्‌नुङ् छेम्‍बाना खाबोरङाना बिस्‍वासलाम्‍मा हिङ्‌माउङ्‌सा माङ्‌हाङ्‌ङा खानि मासेगिए॥

२ तिमोथि 1:4

खान् आहाबाना मिट्‌टुङ्‌नाँ खान् टुब्‍माना आड्‌डिक् आनिङ्‌ग्‍वा लोसाइसे॥ आन्‌चि फेरि टुबाचे भोने, आङाना आड्‌डिक् आचाप् टायुक्॥

फिलेमोन 1:20

नाड्‌डेउङ् आन्‍झा, टाङ्‌बाङि ना रिङ् आङा लाउङ्‌सा चा याङ्‌चोगाबिडा॥ हिट्‌नुङ् आङा खान्‍ङाना खिरिस्‍टङि बिस्‍वासि टाक् लिसाङ्‌नाँ ना रिङ् चोगुङ् आनिङ्‌ग्‍वा हाङ्‌हाङ् याङ्‌चोगाबिडा॥

२ युहान्‍ना 1:4

काइछाचि माड्‌डे आम्‍टेप्‍मा जाना माङ्‌हाङ् पाबाङा आनि आलोडाना गाड्‌डे सात्‍तेताङि ओवासागा खेम्‍सुङुङ् आङा आड्‌डिक् हारका लिसाइसाङे॥

३ युहान्‍ना 1:4

आङागा पिच्‍छाचि छेम्‍बाना लाम्‍बोङि ओलाम्‌टिएट्‌गा रिङ् खेम्‍मा टोक्‍मा नुङ्‌ना आरु ठेना हारका आङि पाक्‍चा वाइना॥