फिलिप्‌पि 2:17 - आठपहरिया

¹⁷ आङालोक् खानि ठिक् रिङ् लोमाना रिङ् युङ्‌ग्‍वा॥ हाट्‌ले माङ्‌हाङ्‌ङि भोक् ठाङ्‌माना याप्‌मिचिलोक् जिवाट् युङ्‌ग्‍वा भोने, हिट्‌नागालोक् आङ्‌गुर ओमोॽवा चा युङ्‌ग्‍वा हिट्‌नागाँ हिट्‌ना भोक्‌ङाना रुपङि ओठाङ्‌सुटु॥ छेम्‍बा डोक्, खानि बिस्‍वास चा माङ्‌हाङ्‌ङि आठाङ्‌सुम्‍ना हिट्‌ना भोक् गाड्‌डेना डोक् ए॥ हिट्‌नुङ् याप्‌मिचिङा आङा सेप्‍मा चा उहिङा, हिट्‌डेउङ् आचोलाम्‍बाक् माङ्‌हाङ्‌लाउङ्‌सा ठाङ्‌बालाक् आङ्‌गुर ओमोॽवालोक् टोङ्‌मा हिडुङ्‌टुङ्॥ हिट्‌नुङ् आङा खानिलोक् एक्‍केउ आनान्‍दा चोक्‍ङा॥

फिलिप्‌पि 2:17 Cross References

मुलिचेला टोॽवा 20:24

ना आचोला आङालोङ्‌सा पाक्‍चा ठानाँ चोक्‌निङ्‌ना॥ ना आचोलाङि येसु डाङ्‌बाङा याङ्‌पिडाना टोॽवा चोक्‍मा हिमा हिट्‌नुङ् माङ्‌हाङ्‌ङाना दायाङाना नुना खाबोर पारचार चोक्‍मा नुङ् आरु पाक्‍चा चोक्‍मा आनिङ्‌ग्‍वाङि मिट्‌निङ्‌ना॥

मुलिचेला टोॽवा 21:13

टरो पावालङा माट्‌टुए, “खानि आहाबिउङ् पोङ् आनिङ्‌ग्‍वा आटुक्‍मेट्‌टुम्‍टुम्‍ना? पोङ्‌भोने टाङ्‌बा येसु उनिङ् लोङ्‌सा आङा खाम्‍बाङ्‌ङि ठामा एरोक् माखाक्, टरो यरुसलेमङि सिमा चा टेयार लिङा॥”

रोमि 12:1

हिट्‌डेउङ् आम्‍बु-आन्‍झाचि हिट्‌नुङ् आनो-आन्‍झोचि, माङ्‌हाङ्‌ङा आनि आड्‌डिक् दाया आचोगानाँ खानि आप्‍पेलाउङ्‌सा सेङ्‌सेङ्‌ना हिट्‌नुङ् माङ्‌हाङ्‌ङाना उनिङ्‌ग्‍वा टासुना उहिङ्‌ग्‍वाट् भोक् ठाङ्‌सानुम् नुङ् आङा खानि लोनाँनि॥ पोङ्‌भोने खानिङा माङ्‌हाङ् सेवा चोक्‍मा कोन्‍ना छेम्‍बाना पाराम्‍बाक् ना डोक्॥

रोमि 15:16

आङा पानिछोङ्‌बाचिलाउङ्‌सा माङ्‌हाङ्‌ङाना बारेङि ओचेट्‌नुना खाबोर पारचार चोगुङुङ् खिरिस्‍ट येसुङाना सेवा चोगुङ्‌टुङ्॥ नाड्‌डेउङ् पुजारिङा भेटि ठाङ्‌सु गाड्‌डे डोक् आङा चा हिट्‌नागा माङ्‌हाङ्‌ङाना उनिङ्‌ग्‍वा टासुना भेटि ठाङ्‌मा हिडुङ्‌टुङ्, पोङ्‌भोने सेङ्‌सेङ्‌ना हाङ्‌साङा हिट्‌नागा सेङ्‌सेङ्‌गा याप्‌मिचि चोगुएसुचे॥

२ कोरिन्‌थि 12:15

हिट्‌नुङ् आङालोक् लिसागा सोब्‍बे थोक् आड्‌डिक् हारकाङा खानि पिनाँनि हिट्‌नुङ् खानि लाउङ्‌सा आचोला चा पिडुङ्‌टुङ्॥ आङा खानि जोम् माया चोग्‍नानिगा भोने, पाक् आङाम्‍बाक् खाट्‌टिप्‍मा एडोक् माया आचोगिटिङागि टे?

२ कोरिन्‌थि 4:12

नाड्‌डेउङ् ना रिङ् छेम्‍बा डोक् आन्‍याँ चोलाङि याङ्‌छामा आङ्‌डेट्‌टुम्‍मा हिट्‌नुङ् सिमा हिडिटिङा, टरो नाङाना ओसाट्‌टोङि हाट्‌ले खानिङाम्‍बाक् लाट्‌निना चोला आटोगेसुम्‍मे॥

२ कोरिन्‌थि 6:10

आन्‍याँ निङ्‌ग्‍वा टुक्‍चा, सोरोक् हारका लिसिटिङा॥ आन्‍याँ पाक्‍चा वानिगा याप्‌मि लिसिङा चा आरुलाउङ्‌सा जोम् आसिक् टाप्‍मा हिडुम्‍टुम्‍मा॥ आन्‍याँ पाक्‍चा मालेगा गाड्‌डेगा ठेट्‌टिङा चा आन्‍याँलोक् सोब्‍बे थोक् युङ्‌ग्‍वा॥

२ कोरिन्‌थि 7:4

खानिङि आङा ठेना भोर युङ्‌सुएसुङे, हिट्‌नुङ् खानिङि डोक् आङा आड्‌डिक् आनाभुक् ठेलोक् चोगुङ्‌टुङ्॥ आनिना ख्‍वाप्‍पा याङ्‌छामाङि चा आनिङ्‌ग्‍वा बोल्‍लेउ लिसेसे हिट्‌नुङ् आड्‌डिक् हारका लिसेसाङे॥

फिलिप्‌पि 1:20

आङा खोना बेला चा मोम्‍मासिमा उलिनिङ् चा नुङ् आङाना आड्‌डिक् आनिङ्‌ग्‍वा हिट्‌नुङ् आसा युङ्‌ग्‍वा, टरो आङा पाइले चोगुङ् गाड्‌डे डोक् मिकेट्‌ङे खिरिस्‍टङाना बारेङि चेक्‍मा कोन्‍ङा॥ हिट्‌नुङ् आङा सिङा चा, हिङ्‌ङा चा आचोलालाम्‍मा खिरिस्‍टङाना मान् चोगुङ्‌टुङ् नुङ् आङा भोरोसा युङ्‌सुङ्‌टुङ्॥

फिलिप्‌पि 2:18

हिट्‌नाड्‌डे डोक् खानि चा आङालोक् चाप्‍टामा हिट्‌नुङ् आनान्‍दा चोक्‍मा कोन्‌युक्॥

फिलिप्‌पि 2:30

पोङ्‌भोने उन्‍ङा खिरिस्‍टङाना टोॽवा चोगुनाँ ओचोला डोक् जाखाम्‌ङि ठेन्‍डुए, हिट्‌नुङ् खानिङा आङा घुवार फामाना साट्‌टोङि उन्‍ङा घुवार याङ्‌फासानाँ आच्‍चुस्‍ङा उन् सियाट्‌टा॥

फिलिप्‌पि 4:18

नाबाजि आङा टोग्‍मा कोन्‍ना नुङ्‌ना याप्‍मा डोक् टोगेसुङे॥ खानिङा इपाफोरडिटासङाना उमुक्‌लाम्‍मा आहाङ्‌सुम्‍ना भेटि टोगुङुङ् सोन्‍टोक् लिसेसाङे॥ माङ्‌हाङ्‌ङा ना खानिना भेटि आड्‌डिक् निङ्‌ग्‍वा टासुना नुङ् उन्‍ङा लाडुटु, हिट्‌नुङ् उन्‍ङाना आड्‌डिक् ओचाप् टाइसे॥

कालास्‌सि 1:24

ना बेला आङा खानि ओचेट्‌नुना लाउङ्‌सा याङ्‌छामा आङ्‌मा हारका लिसाइसाङे॥ हिट्‌नुङ् खिरिस्‍टङा याङ्‌छामा आङ्‌डु गाड्‌डे डोक् खिरिस्‍टङाना ओयेम् लाउङ्‌सा उन्‍ङा आङ्‌मा बाँकि उलिसागा याङ्‌छामा आयेम्‌ङि आङ्‌डुङ्‌टुङ्, हिट्‌नाम्‍बाक् माङ्‌पाङ् ए॥

१ थेसालोनिकि 2:8

आन्‍याँ खानि माया आड्‌डिक् लोसिङाउङ् माङ्‌हाङ्‌ङाना नुना खाबोर एडोक् माखाक्, टरो आन्‍याँ चोला चा खानि लोङ्‌सा पिमा टेयार लिसिङे, पोङ्‌भोने खानि औधि जोम् निङ्‌ग्‍वाङिगा याप्‌मिचि आलिसिएसिगा॥

२ तिमोथि 4:6

पोङ्‌भोने आङाना आयेम्उम् भोक् ठाङ्‌माना बेला टाइसे, हिट्‌नुङ् आङाना साम्‍माना बेला लिमा हिडे॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

१ युहान्‍ना 3:16

हाट्‌ले येसु खिरिस्‍टङा आनि लोङ्‌सा ओसोक्‍मा लेडुङ् छेम्‍बाना माया खोड्‌डेना नुङ् आन्‍याँ बुजा चोगुएसुम्‍मे॥ आनि चा आप्‍पे आनि बिस्‍वासि भुम्‍भु-झान्‍झाचि आथाबा नाना-झान्‍झाचि लोङ्‌सा आनि सोक्‍मा पिमा कोन्‌युक्॥