फिलिप्पि 2:14 - आठपहरिया14 सोब्बे टोॽवा गिनिङ्गिनिङ् आथाबा बादबिबाद मिचोक्ङे चोगानुम्॥ See the chapter |
फिलिप्पि 2:14
36 Cross References
नाड्डे पारिक्ना हिसिक्मा पावाल लोक् बारनाबासङा खेम्साचुङ् हिट्ना रिङ्ङि टेन्च्याट्चिन् हिट्नुङ् हिट्नागालोक् खेमाबुङ्मा रिङ् चोगाचे॥ हिट्डेउङ् हिट्निगा भुम्भु-झान्झाचिङा ना रिङ् बारेङि मुलिचेलाचि हिट्नुङ् ओठेडोङ्चिलोक् रिङ्पान् चोक्मा लोङ्सा पावाल लोक् बारनाबास हिट्नुङ् आरु याप्मिचि चा यरुसलेमङि पाङ्सुम्चिम् नुङ् निङ्ग्वा ओचोगुए॥
हिट्ना बेला जोम् याप्मिचि बिस्वासि उलिसे॥ सोरोक् बिस्वासिचि पोसा ओखाडाना बेला गिरिक् रिङ् ओचेग्गा याहुदिचि हिट्नुङ् हिब्रु रिङ् ओचेग्गा याहुदिचि माझाङि खेमाबुङ्मा कोबे॥ पोङ्भोने गिरिक् रिङ् काचेक्बाचिङा “लेम्बासेम्बाङाना चामा-ठुङ्मागा हिब्रु रिङ् काचेक्बाचिङा ओहान्डुनाँ आनि लाङ्लेप्माचि नुलोक् उपिडुन्चिन्गा” पिक्सा हिट्नागाँ ओमाट्टुए॥
आम्भु-आन्झाचि हिट्नुङ् आनो-आन्झाचि, हाट्ले आङा खानि एक्खेप् बिन्टि चोक्नाँनि॥ खानिङा पाइले सिकाँ आलिसिगा छेम्बाना रिङ् बिरुद्दाङि उलिसागा याप्मिचिलाम्मा ओछेक्छेक् चोगानि॥ नागा याप्मिचिङा खानिङि साम्माना रिङ् ओटाडुटु हिट्नुङ् इम्टेप्मा याप्मिचिगा बिस्वास डोक् आरकोलेङ् ओलेङ्सुटु॥ हिट्डेउङ् हिट्नागा याप्मिचिलोक् या युङानि॥
पोङ्भोने आङा हिट्नि खानि टुब्सिङा आप्ङानाँ आङा आसा चोगुङ् गाड्डे टुब्नेनिन्गा हिट्नुङ् खानिङा आसा आचोगुम् गाड्डे आङा आटुबिन्नागा होला नुङ् आङा किट्टेसाङे॥ आङा खानि टुब्सिङा आप्ङानाँ खानि माझाङि खेमाबुङ्मा, रेक् काप्मा, याक्लेप्मा, आप्पे एडोक् नुलोक् लिमा कोम्मा, लोमाजामा, खुसुखुसु चोक्मा, घामान्डि लिमा हिट्नुङ् भाँडभैलो लिसाना रिङ् टोगुङ्टुङ् होला नुङ् आङा किट्टेसाङे॥
Advertisements