फिलिप्‌पि 2:11 - आठपहरिया

¹¹ हिट्‌नुङ् ख्‍वाप्‍पा लेक्‍फाङा माङ्‌हाङ् पाबाङाना माहिमाङाना लोङ्‌सा येसु खिरिस्‍ट डोक् टाङ्‌बा नुङ् लाड्‌मा कोन्‌युक्॥

फिलिप्‌पि 2:11 Cross References

मात्‌ति 10:32

“नाड्‌डेउङ् खोनाङा याप्‌मिचि सोरि आङा याङ्‌लाड्‌युक्, आङा चा हिट्‌ना टोनालोग्‌ङि युङ्‌ना आङाना पाबाङाना ओटोकानाङि लाडुङ्‌टुङ्॥

लुका 2:11

खेम्‍सानुम्, हाट्‌ले दाउद हाङ्‌बा पोङ्‌साना बेथलेहेम युक्‍ताम्‌ङि खानिलोङ्‌सा ठिबाङ् काहिङ्‌मेप्‍बा डाङ्‌बा पोङ्‌सेसे॥ उन् डोक् खिरिस्‍ट लियुक्॥

युहान्‍ना 12:42

हिट्‌नुङ् चा आम्‍टेप्‍मा याहुदि ओठेडोङ्‌चिङा चा हिट्‌नुङ् आरु याप्‍मा याप्‌मिचिङा चा उन् बिस्‍वास ओचोगुए, टरो फारिसि याप्‌मिचिङा याहुदिचिगा छुम्‍मापाङ्‌लाम्‍मा ओहोट्‌टुचिचि नुङ् उकिट्‌टाउङ् हिट्‌नागाँ ना रिङ् साक्‍चा ओलोडुवाट्‌टुन्‌चिन्॥

युहान्‍ना 13:13

खानिङा आङा काहिसिक्‍बा हिट्‌नुङ् टाङ्‌बा आलोडिङागा, ना रिङ् छेम्‍बा डोक् ए, पोङ्‌भोने आङा हिट्‌ना डोक्॥

युहान्‍ना 13:14

आङा खानि टाङ्‌बा हिट्‌नुङ् काहिसिक्‍बा लिसाउङ् चा खानिगा लाङ् वासिडुङे भोने, खानिङा चा ठिबाङ्‌ङा आरकोङाना लाङ् वासिमा कोन्‌युक्॥

युहान्‍ना 14:13

हिट्‌नुङ् खानिङा आनिङ्‌ङि जे सुके आनाक्‌टि चा छालाम्‍मा पाबाङाना माहिमा उलियाक् नुङ् आङा हिट्‌ना चोगुङ्‌टुङ्॥

युहान्‍ना 14:23

येसुङा हिट्‌ना लोडुए, “आङा माया काचोक्‍बाचिङा आङा माट्‌टुङ्‌ना रिङ् ओटेन्‌युक्, हिट्‌नुङ् आप्‍पाङा हिट्‌नागा माया चोगुचिचि, हिट्‌नुङ् आन्‍च्‍याँ हिट्‌नागा सोरि टाचिच्‍याँ हिट्‌नुङ् उन्‌चिलोक् युङ्‌चिच्‍याँ॥

युहान्‍ना 17:1

नागा रिङ् लोमा हिडुचिउङ् येसुङा टोनालोग्‌लेङ् पुयुङ् माट्‌टुए, “हाउ आप्‍पो, हाट्‌ले बेला टाए॥ काइछाङाना माहिमा चोगु, हिट्‌नुङ् छाङा खान्‍ङाना माहिमा ओचोगुवाक्॥

युहान्‍ना 20:28

थोमाङा उन् लोडुए, “खान् आटाङ्‌बा हिट्‌नुङ् आमाङ्‌हाङ् ए!”

युहान्‍ना 5:23

हिट्‌डेउङ् याप्‌मिचिङा पाबा मान् ओचोगु गाड्‌डे डोक् छालोङ्‌सा ख्‍वाप्‍पाङा मान् ओचोगुवाक्॥ छा मान् ओचोगुन्‍गाँ उन् कापाङ्‌बा पाबा चा मान् ओचोगुन्‍ना॥

युहान्‍ना 9:22

हिट्‌नाङाना उप्‍पा-उमा याहुदि ओठेडोङ्‌चिलोक् किट्‌टाचिनाँ हिड्‌डेना रिङ् माट्‌टाचुए, पोङ्‌भोने कोइङा येसु खिरिस्‍ट नुङ् ओलाडुटु भोने, हिट्‌नालाउङ्‌सा छुम्‍मापाङ्‌लाम्‍मा होप्‍मा कोन्‌युक् पिक्‍सा याहुदि ओठेडोङ्‌चिङा पाइला डोक् रिङ्‌पान् ओचोगुएसुना॥

मुलिचेला टोॽवा 10:36

खानिङा ठाहा आटोगुएसुम्‍मे, माङ्‌हाङ्‌ङा येसु खिरिस्‍टलाम्‍मा हाङ्‌हाङ् लिसिनाँ नुना खाबोर इस्‍राएलि याप्‌मिचि सोरि पाङ्‌सुए, उन् डोक् सोब्‍बेङाना टाङ्‌बा॥

मुलिचेला टोॽवा 2:36

“हिड्‌डेउङ् ख्‍वाप्‍पा इस्‍राएलि याप्‌मिचि खानिङा खाप्‍चेङि आछुडुमुङ् आसेडुम्‍ना येसु डोक् माङ्‌हाङ्‌ङा डाङ्‌बा हिट्‌नुङ् काहिङ्‌ग्‍मेप्‍बा खिरिस्‍ट चोगुना रिङ् ठाहा टोगानुम्॥”

रोमि 14:11

पोङ्‌भोने धारमाछाप्‍लाङि नाड्‌डे छेप्‍टाइसे– “टाङ्‌बाङा माट्‌टुटु, ‘आङा उहिङ्‌ग्‍वाट् लिसाङ्‌ना गाड्‌डे डोक्, सोब्‍बे याप्‌मिचि आटोकानाङि गुङ् ओचोक्‌युक्, हिट्‌नुङ् सोब्‍बे याप्‌मिचिङा आनिङ् ओचोन्‍डुटु’॥”

रोमि 14:9

नाड्‌डे लिसाउङ् खिरिस्‍ट उसियागा हिट्‌नुङ् उहिङागा सोब्‍बे सासान् चोक्‍मा लाउङ्‌सा उन् सिए हिट्‌नुङ् फेरि उहिङ्‌ग्‍वाट् लिसाउङ् कोबा काडे॥

रोमि 15:9

हिट्‌नुङ् पानिछोङ्‌बाचिङा चा माङ्‌हाङ् मान् ओचोगुवाक् नुङ् खिरिस्‍ट टाए, पोङ्‌भोने उन्‍ङा हिट्‌नागा चा दाया चोगुचिचि॥ धारमाछाप्‍लाङि नाड्‌डे छेप्‍टाइसे– “हिट्‌नाड्‌डेउङ् आङा पानिछोङ्‌बाचि माझै कानिङ् टो-टो चोगुङ्‌टुङ्, हिट्‌नुङ् आङा छाम्‍लोङा हिट्‌नुङ् कानिङ् चोन्‍डुङ्‌टुङ्॥”

१ कोरिन्‌थि 12:3

हिड्‌नाड्‌डेउङ् ना रिङ् खानिङा बुजा चोगानुम् नुङ् लोनाँनि, माङ्‌हाङ्‌ङाना ओहाङ्‌सालाम्‍मा काचेक् याप्‌मि येसुङाना बिरुद्‌दाङि चेक्‌निना, हिट्‌नुङ् सेङ्‌सेङ्‌ना हाङ्‌सालाम्‍मा एडोक् येसु डोक् आङाना टाङ्‌बा नुङ् माप्‍मा हिडुटु॥

१ कोरिन्‌थि 15:47

माङ्‌हाङ्‌ङा पाइलेना याप्‌मि आदाम नाराङिना खाम्‌लाम्‍मा चोगुए, टरो दोस्‍रो याप्‌मि खिरिस्‍टउम्‍बाक् टोनालोग्‌लाम्‍मा उङ्‌से॥

१ कोरिन्‌थि 8:6

टरो आनि लोङ्‌साम्‍बाक् ठिबाङ् एडोक् माङ्‌हाङ् पाबा वाहेट्, उन्‍ङा डोक् सोब्‍बे थोक् सिरिस्‌टि चोगुए, हिट्‌नुङ् उन्‍ङाना सेवा चोक्‍माउङ्‌सा आनि हिङिटि॥ येसु खिरिस्‍टउम्‍बाक् आनिना ठिबाङ् एना टाङ्‌बा ए॥ उन्‌लाम्‍मा डोक् सोब्‍बे थोक् सिरिस्‌टि लिसे हिट्‌नुङ् उन्‌लाम्‍मा डोक् माङ्‌हाङ्‌ङाना सेवा आनि चोगुम्‍टुम्॥

१ पाटरुस 1:21

खिरिस्‍टलाम्‍मा खानिङा माङ्‌हाङ्‌ङि बिस्‍वास आचोगुम्‍मे, जुन्‍ङा उन् सियानालाम्‍मा उहिङ्‌ग्‍वाट् चोगुए हिट्‌नुङ् उन्‌लाउङ्‌सा मान् पिडुए, नाड्‌डेउङ् खानिङा बिस्‍वास लोक् आसा माङ्‌हाङ्‌ङि आयुङ्‌सुएसुम्‍मे॥

१ युहान्‍ना 4:15

जुन्‍ङा येसु माङ्‌हाङ् छा नुङ् लाडुटु, हिट्‌नालोक् माङ्‌हाङ् लियुक्, हिट्‌नुङ् हिट्‌नाम्‍बाक् माङ्‌हाङ्‌ङि लियुक्॥

१ युहान्‍ना 4:2

हिट्‌नागालोक् माङ्‌हाङ्‌ङाना हाङ्‌सा युङ्‌ग्‍वा नुङ् ना रिङ्‌लाम्‍मा आनि ठाहा टोगुम्‍टुम्, जुन्‍ङा येसु खिरिस्‍ट याप्‌मिङाना येम्‌ङि टाए नुङ् लाडुटु, हिट्‌नालोक् माङ्‌हाङ्‌ङाना हाङ्‌सा लियुक्॥

२ युहान्‍ना 1:7

आङा ना रिङ् लोनाँनि पोङ्‌भोने छालाँ काचोक् याप्‍मा याप्‌मिचि नारा टेप् ओहोन्‍डाइसे॥ हिट्‌नागाँ येसु खिरिस्‍ट याप्‌मिङाना उरुपङि टायाना नुङ् ओलाडुन्‍ना॥ नाड्‌डेगा याप्‌मिचिउम्‍बाक् याप्‌मि छालाँ काचोक् खिरिस्‍टङाना ओसाट्‌टुरचि ए॥

पारकास 3:5

जुन् याप्‌मिङा दुस्‍टा मेट्‌टुटु, हिट्‌ना आङा फुट्‌टुम्‍बुरि फुट्‌ना लोट्‌लिङ् मेट्‌टुङ्‌टुङ्॥ हिट्‌नुङ् हिट्‌नाङाना उनिङ् खोना बेला चा लाट्‌नि चोलाङाना छाप्‍लालाम्‍मा होट्‌निङ्‌ना॥ टरो आङाना पाबा हिट्‌नुङ् उन्‍ङाना सोब्‍बे माङ्‌हाङ् रिङ् काउग्‍बाचि सोरि हिट्‌ना आयाप्‌मि ए नुङ् लोडुङ्‌टुङ्॥