मायालु भुम्भु-झान्झाचि हिट्नुङ् नाना-झान्झाचि, पिच्छाचि गाड्डे नागा थोक् बारेङि निङ्ग्वा रिमा नाडानुम्॥ ओभेन्गा रिङ्ङि खानि पिच्छाचि गाड्डे लिमा कोन्युक्, पोङ्भोने पिच्छाचिङा ओभेन्गा रिङ् उमिट्टुन्गा, टरो नागा बारदानचि बारेङि खानि निङ्ग्वा रिमाना रिङ्ङि पासिङ् याप्मिचि गाड्डे डोक् लिसानि॥
फिलिप्पि 1:9 - आठपहरिया9 हिट्नुङ् खानिङा पाइले आचोगुम्ना नुङ्ना आड्डिक् याप्मा ठिबाङ्ङा आरको माया चोक्माना रिङ्ङि पोसा खाडानि नुङ् बिन्टि चोगुङ्टुङ्, हिट्नुङ् छेम्बा डोक् माङ्हाङ् खोड्डेना हिट्नुङ् पाक्उम्बाक् छेम्बाना हिट्नुङ् माहामाना हिट्ना याप्मा-याप्मा ठाहा आटोगुम्टुम्॥ See the chapter |
फिलिप्पि 1:9
19 Cross References
खानिङा पाइले डोक् सोब्बे रिङ् ओचेट्नुलोक् आचोगुएसुम्मे॥ बिस्वासङि खानि बोल्लेउ आवासेट्टि, खानि नुलोक् आचेक्टिगा हिट्नुङ् जोम् आनिसुम्गा॥ खानि सोरोक् पाक् नुना हिट्ना चोक्मा निङ्ग्वा आचोगुम्गा, हिट्नुङ् आन्याँ खानि खोड्डे पारिक् माया चोक्नानेगा हिट्डे पारा डोक् याप्मिचि चोगानुम्चिम्॥ नाड्डेउङ् ओफाबा पिमाना रिङ्ङि चा खानि निङ्ग्वालाम्मा डोक् चोगानुम् नुङ् आन्याँ निङ्ग्वा चोगिटिङा॥
हिड्डेउङ् आन्याँ ना रिङ् खेम्सुम्माना बेलालाम्मा डोक् खानि लोङ्सा सोरोक् बिन्टि चोगुएट्टुम्मा॥ खानिलाउङ्सा माङ्हाङ्ङाना उनिङ्ग्वाङिना रिङ् हाङ्सालाम्मा चालाँ चोक्माना ठोना हिट्नुङ् ठोनाङाना बारेङि ख्वाप्पा थोक् बुजा चोक्मा घुवार माफाड्याक् नुङ् आन्याँ बिन्टि ठाङ्सुम्टुम्मा॥
Advertisements