फिलिप्‌पि 1:27 - आठपहरिया

²⁷ मुलि रिङ्‌म्‍बाक् खिरिस्‍टङाना नुना खाबोर गाड्‌डेना खान्‍डुना खानि चाल चालान् लिमा कोन्‌युक्॥ हिट्‌नुङ् आङा खानि टुब्‍मा आप्‍मा चा, टुब्‍मा आप्‌निङ्‌चा खानिङा ठिक्‍ए निङ्‌ग्‍वा आचोगिउङ् ठिक्‍ए उदेसेङि जोम् याप्‌मिचिङा नुना खाबोर बिस्‍वास ओचोगुवाक् नुङ् टोॽवा आचोगुम्‍ना रिङ् खेम्‍मा ओटोगुङ् नुङ् निङ्‌ग्‍वा चोगुङ्‌टुङ्॥

फिलिप्‌पि 1:27 Cross References

मात्‌ति 12:25

टरो येसुङा हिट्‌नागाँगा नाड्‌डेना रिङ् ठाहा टोगुङ् हिट्‌नागा लोडुचे, “खोना चा देसङिगा याप्‌मिचि आप्‍पे-आप्‍पे ओटोङ्‌नेएट्‌नि भोने, हिट्‌ना देस आप्‍पे जाखाम् लियुक्॥ हिट्‌नाडेडोक् ठिक्‍ए पाङ्‌ङिगा याप्‌मिचि आथाबा खालाङ्‌गाङिगा याप्‌मिचि ओटोङ्‌नेएट्‌नि भोने, हिट्‌ना चा जाखाम् लियुक्॥

मुलिचेला टोॽवा 2:46

हिट्‌नागा ठिक्‍ए निङ्‌ग्‍वा ओचोगुङ् लेम्‍बासेम्‍बा माङ्‌ठानाङि उछुमागा डागा, उन्‌चिगा पाङ्-पाङ्‌ङि माङ्‌खोइ ओचोगा डागा, हिट्‌नुङ् आनान्‍दा चोक्‍सा हिट्‌नुङ् हारका लिसा चामा-ठुङ्‌मा ओहान्‍डुजोए॥

मुलिचेला टोॽवा 24:24

आम्‍टेप्‍मा लेम्‍बा ओएङ्‌स्‍वालेङ् फेलिक्‍सङा याहुदि ओमेन्‍झेमा दुरसिल्‍ला आप्‍टुङ् टाए॥ दुरसिल्‍ला याहुदि मेन्‍झेमा डाना॥ हिट्‌नुङ् उन्‍ङा पावाल छेम्‍डुए हिट्‌नुङ् खिरिस्‍ट येसुङि बिस्‍वास चोक्‍माना बारेङि पावाललाम्‍मा खेम्‍सुए॥

मुलिचेला टोॽवा 4:32

सोब्‍बे बिस्‍वासिचिङा ठिक्‍ए निङ्‌ग्‍वा ओचोगुए॥ हिट्‌नुङ् उन्‌चिलोक् युङागा थोक्‌चि “ना खान्‍ङाना ना आङाना” उपिक्‍नेयाट्‌नि हिट्‌नुङ् उन्‌चिलोक् लिसागा थोक्‌चि सोब्‍बेङा ओहान्‍डुजोए॥

रोमि 1:16

आङा खिरिस्‍टङाना बारेङि ना नुना खाबोर खेम्‍मेट्‌मा मोन्‌निङ्‌सिनिङ्‌ना, पोङ्‌भोने ना नुना खाबोर बिस्‍वास काचोक् सोब्‍बे याप्‌मिचि माङ्‌हाङ् ओबोल्‍ङा हिङुचिचि॥ ना नुना खाबोर पाइले आन्‍याँ याहुदि छोङ्‌बाचिङा खेम्‍सुम्‍मे, हिट्‌नुङ् हाट्‌ले खानि पानिछोङ्‌बाचिङा चा आखेम्‍सुम्‍मे॥

रोमि 1:5

खिरिस्‍टलाम्‍मा माङ्‌हाङ्‌ङा सोब्‍बे आरु छोङ्‌बाचिलाउङ्‌सा उन्‍ङा चोगुना रिङ् लोमा उन्‍ङा मुलिचेलाचि लिमा आन्‍याँ मौका याप्‌मिपिडे, हिड्‌डेउङ् हिट्‌नागाँ उन् बिस्‍वास ओचोगुङ् उन्‍ङा माट्‌टुना रिङ् ओखेम्‍सुटु, हिट्‌नुङ् सोब्‍बेङा येसु खिरिस्‍ट मान् ओचोगुटु॥

रोमि 1:9

आङा आनिङ्‌ग्‍वालाम्‍मा डोक् माङ्‌हाङ् छाङाना बारेङि नुना खाबोर पारचार चोगुङ् उन्‍ङाना सेवा चोगुङ्‌टुङ्, हिट्‌नुङ् आङा बिन्‌टि चोगुङ्‌नाँ खानि सोरोक् मिट्‌नानिगा रिङ् उन्‍ङा डोक् निसुटु॥

रोमि 15:16

आङा पानिछोङ्‌बाचिलाउङ्‌सा माङ्‌हाङ्‌ङाना बारेङि ओचेट्‌नुना खाबोर पारचार चोगुङुङ् खिरिस्‍ट येसुङाना सेवा चोगुङ्‌टुङ्॥ नाड्‌डेउङ् पुजारिङा भेटि ठाङ्‌सु गाड्‌डे डोक् आङा चा हिट्‌नागा माङ्‌हाङ्‌ङाना उनिङ्‌ग्‍वा टासुना भेटि ठाङ्‌मा हिडुङ्‌टुङ्, पोङ्‌भोने सेङ्‌सेङ्‌ना हाङ्‌साङा हिट्‌नागा सेङ्‌सेङ्‌गा याप्‌मिचि चोगुएसुचे॥

रोमि 15:29

आङा खानि सोरि आप्‍ङानाँ खिरिस्‍टङा आनि माङ्‌जोम् आसिक् आपियुक् नुङ् आङा ठाहा टोगुङ्‌टुङ्॥

१ कोरिन्‌थि 1:10

आम्‍भु-आन्‍झाचि, आनि टाङ्‌बा येसु खिरिस्‍टङाना उनिङ्‌ङि आङा खानिलाउङ्‌सा बिन्‌टि चोगुएट्‌टुङ्, खानि सोब्‍बे टोङानिउङ् युङानि, हिट्‌नुङ् खानिङि साम्‍माना रिङ् उलिनि चा॥ टरो खानिङा ठिक्‍ए निङ्‌ग्‍वा हिट्‌नुङ् ठिक्‍ए रिङ्‌ङि निङ्‌ग्‍वा पिडानुम्॥

१ कोरिन्‌थि 15:58

हिड्‌नाड्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आचोगुम्‍ना बिस्‍वासङि निङ्‌ग्‍वा मिरिङे बोलियो लिसानिउङ् युङायाक्‍टानि॥ टाङ्‌बाङाना ओटोॽवा सोरोक् निङ्‌ग्‍वा पिडानुमुङ् चोगानुम्, पोङ्‌भोने खानिङा आचोगुम्‍ना सोब्‍बे थोक् उन्‌ङि खेरो खाट्‌निना नुङ् खानिलाउङ्‌सा ठाहा युङ्‌ग्‍वा॥

२ कोरिन्‌थि 13:11

आम्‍भु-आन्‍झाचि, हाट्‌ले नागा रिङ् छेप्‍टुङुङ् बाबा लोनाँनि, आनान्‍दा चोगानि, नुना रिङ् चोक्‍मा निङ्‌ग्‍वा पिडानुम्, आङा लोनानिगा रिङ् खेम्‍सानुम्, ठिक्‍ए निङ्‌ग्‍वा चोगानुम् हिट्‌नुङ् टोङानिउङ् युङानि॥ हिट्‌नुङ् माया लोक् हाङ्‌हाङ् आपिना माङ्‌हाङ् खानिलोक् लियुक्॥

२ कोरिन्‌थि 4:4

ना नाराङिना साम्‍माङ् ओलोडुना सैतानङा आबिस्‍वासिचिगा निङ्‌ग्‍वा डोम्-डोम् चोगुबिडुएसुचे॥ हिट्‌डेउङ् हिट्‌नागाँ खिरिस्‍टङाना बारेङि नुना खाबोर लोक् उन्‍ङाना माहिमा बुजा चोक्‍मा उहिडुन्‍ना॥ खिरिस्‍टउम् माङ्‌हाङ् गाड्‌डेना डोक्॥

२ कोरिन्‌थि 9:13

ना टोॽवालाम्‍मा खानिङा आप्‍पेलाउङ्‌सा आरु पारमान् आपिडेसुम्‍मे॥ खानिङा खिरिस्‍टङाना नुना खाबोर बिस्‍वास आचोगुम्‍ना रिङ् हिट्‌नुङ् पालान् आचोगुमुङ् खानि मुक् आफेन्‍डुमुङ् हिट्‌नागा हिट्‌नुङ् सोब्‍बे बिस्‍वासिचि घुवार आफासुम्‌चिम्‍गा उनिसुङ् हिट्‌नागाँ माङ्‌हाङ् उनिङ् ओचोन्‍डुटु॥

गालाति 1:7

छेम्‍बा डोक् आरको नुना खाबोर वाइना, टरो कोइ-कोइ याप्‌मिचिङा खानि याङ्‌छामा पिमा माकोलेट्‌टि हिट्‌नुङ् खिरिस्‍टङाना नुना खाबोरलाम्‍मा खानि निङ्‌ग्‍वा आरकोलेङ् फेराँ चोक्‍मा माकोलेट्‌टि॥

एफिसि 1:13

हिट्‌नुङ् खानि पानिछोङ्‌बाचिङा चा ना नुना खाबोर हिट्‌ना मुक्‌टि आपिना छेम्‍बाना रिङ् आखेम्‍सुमुङ् खिरिस्‍टङि बिस्‍वास आचोगुम्‍मे॥ हिट्‌नुङ् जब खानिङा बिस्‍वास आचोगुम्‍मे, माङ्‌हाङ्‌ङा माङ्‌हुप् चोगुना सेङ्‌सेङ्‌ना हाङ्‌सा पाङ्‌सुङ् खानि उन्‍ङाना ओयाप्‌मिचि माचोगिना पारमान् मापिडिए॥

एफिसि 1:15

खानिङा टाङ्‌बा येसुङि आचोगुम्‍ना बिस्‍वास हिट्‌नुङ् माङ्‌हाङ् सोब्‍बे ओयाप्‌मिचि खानिङा माया आचोगुम्‌चिगा रिङ् खेम्‍सुङ्‌नाँ,

एफिसि 4:1

हाट्‌ले आङा खाम्‍बाङ्‌ङि वाङेट्‌ङा, पोङ्‌भोने आङा टाङ्‌बाङाना सेवा चोगुङ्‌टुङ्॥ माङ्‌हाङ्‌ङा खानिलाउङ्‌सा ओयाप्‌मि लिमा मासेगिए, हिट्‌ना पारा डोक् खानि चोलाङि युङानि नुङ् खानि आनुरोध चोक्‍नाँनि॥

फिलिप्‌पि 1:5

पोङ्‌भोने खानिङा नुना खाबोर बिस्‍वास आचोगुम्‍ना बेलालाम्‍मा डोक् ना नुना खाबोर याप्‌मिचि लोमाउङ्‌सा आङा घुवार आफाडेट्‌टिङा॥

फिलिप्‌पि 2:12

नाड्‌डेउङ् मायालु आम्‍भु-आन्‍झाचि, आङा खानिलोक् लिसाङ्‌नाँ खानिङा सोरोक् आरिङ् पालान् आचोगुम्‍मे, हाट्‌ले आङा खानिलाम्‍मा लाप्‍माङ् लिङा चा खानिङा आरिङ् झान् याप्‍मा टेम्‍मा कोन्‌युक्॥ हिट्‌नुङ् खानिङा आटोगुम्‍ना मुक्‌टिङाना रिङ् पारकाट् चोक्‍मा आड्‌डिक् मिहिनेत चोगानुम्, हिट्‌नुङ् आड्‌डिक् मान् हिट्‌नुङ् किट्‌सा माङ्‌हाङ् पालान् चोगानुमुङ् हिड्‌डे चोगानि॥

फिलिप्‌पि 2:24

हिट्‌नुङ् आङा एला डोक् खाम्‍बाङ्‌लाम्‍मा होन्‍नाँ नुङ् टाङ्‌बाङि बिस्‍वास चोगुङ्‌टुङ्, हिट्‌नुङ् खानि टुब्‍माउङ्‌सा आङा एला डोक् आप्‍मा हिङा॥

फिलिप्‌पि 3:18

पोङ्‌भोने आङा पाइले डोक् खानि याप्‍मा खेप् लोनानिगा याप्‌मिचि बारेङि फेरि चा हाप्‍सा खानि लोनाँनि, नाहि जोम् याप्‌मिचि ओवाहेट्, हिट्‌नागाउम् खिरिस्‍ट बिस्‍वास चोगुम्‍टुम्‍मा नुङ् उपिग्‍गा, टरो हिट्‌नागाउम् खिरिस्‍टङाना खाप्‍चेङाना साट्‌टुरचि गाड्‌डे चाट्‌ला ओचोग्‍गा॥

फिलिप्‌पि 3:20

टरो आनिम्‍टे टोनालोग्‌ङिना नागारिक् ए, हिट्‌नुङ् हिट्‌नालाम्‍मा उङ्‌ना काहिङ्‌मेप्‍बा डाङ्‌बा आन्‍याँ टाङ्‌बा येसु खिरिस्‍टङाना ओलाम्‍बो आन्‍याँ पुयेट्‌टुम्‍मा॥

फिलिप्‌पि 4:1

हिट्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, आङा खानि माया चोक्‍नाँनि, हिट्‌नुङ् खानि टुब्‍माना निङ्‌ग्‍वा चोगुङ्‌टुङ्॥ हिट्‌नुङ् खानिङा आचाप् टालोक् याङ्आचोगेसिङे, हिट्‌नुङ् खानि डोक् आङा चोगुङ्‌ना टोॽवाङाना इनाम ए॥ आमायालु आसाइबाचि, नाड्‌डे डोक् खानि टाङ्‌बाङिना बिस्‍वासङि बोल्‍लेउ लिसानि॥

कालास्‌सि 1:10

खानिङा टाङ्‌बाङाना उनिङ्‌ग्‍वा टाना चोला गाड्‌डे चोगानिउङ् सोरोक् उन् हारका चोगानुम् नुङ् आन्‍याँ बिन्‌टि ठाङ्‌सुम्‍टुम्‍मा॥ हिट्‌नुङ् खानि चोलाङा सोब्‍बे नुगा टोॽवा हिट्‌नुङ् माङ्‌हाङ् आझै नुलोक् मिसेन् आनिसुम्‍टुम्॥

कालास्‌सि 1:4

पोङ्‌भोने खिरिस्‍ट येसुङि लिसाना खानि बिस्‍वास लोक् माङ्‌हाङ्‌ङाना ख्‍वाप्‍पा ओयाप्‌मिचि खानिङा माया आचोगुम्‌चिम्‍गा रिङ् आन्‍याँ खेम्‍सेसुम्‍मे॥

१ थेसालोनिकि 3:6

टरो हाट्‌ले तिमोथि खानिलाम्‍मा टायाउङ् खानिङि लिसाना बिस्‍वास हिट्‌नुङ् मायाङाना बारेङि ओचेट्‌नुना खाबोर टाडुएसुए॥ खानि ख्‍वाप्‍पाङा आन्‍याँ माया याप्‌मि आचोगाउङ् सोरोक् याप्‌मिआमिट्‌टाना हिट्‌नुङ् आड्‌डिक् टुब्‍माना निङ्‌ग्‍वा आचोगुम्‍ना रिङ् याप्‌मिलोडाइसे॥ आन्‍याँना चा खानि टुब्‍माना निङ्‌ग्‍वा आड्‌डिक् युङ्‌ग्‍वा॥

१ थेसालोनिकि 4:1

हाट्‌ले भुम्‍भु-झान्‍झाचि हिट्‌नुङ् आनो-आन्‍झाचि, माङ्‌हाङ् खुसि मेप्‍मा खोड्‌डेना चाट्‌ला लिमा कोन्‌युक्‍ना हिट्‌ना बारेङि सिकाँ चोक्‍नैनाने, हिट्‌नुङ् हिट्‌ना पारा डोक् खानि आचोगेट्‌टि, हिट्‌नुङ् हाट्‌ले चा हिट्‌डे चोक्‍मा पोसा खाडानि नुङ् टाङ्‌बा येसुङि लोनाँनि, हिट्‌नुङ् बिन्‌टि चोगुम्‍टुम्‍मा॥

१ तिमोथि 1:11

ना छेम्‍बाना हिसिक्‍मा आसिक् कापिबा माङ्‌हाङ्‌ङाना माहिमित नुना खाबोर गाड्‌डे युङ्‌ग्‍वा॥ माङ्‌हाङ्‌ङा बिस्‍वास याङ्‌चोगाउङ् ना नुना खाबोर आङा याङ्‌पिडे॥

१ तिमोथि 1:19

खान्‍ङाना बिस्‍वास लोक् चोखो मिप्‍माना बोल् युङ्‌सुयाक्‍टु॥ आम्‍टेप्‍मा याप्‌मिचिङा उन्‌चिङा मिप्‍माना बोल् खेम्‍मा इन्‍कार ओचोगुए, हिड्‌डेउङ् उन्‌चि बिस्‍वास डोक् जाखाम् ओचोगुए॥

२ तिमोथि 4:7

पिम्‍माना टोॽवाङि आङा नुलोक् पिन्‍डेसाङे॥ आङा पिम्‍माना टोॽवा हिडुएसुङे, हिट्‌नुङ् आङा बिस्‍वास जोगाँ चोगुएसुङे॥

तितास 2:10

हिट्‌नागाँ चोर उखुट्‌टुन् टरो सोरोक् नुना हिट्‌नुङ् बिस्‍वासिलो याप्‌मि उलियाक्॥ हिट्‌डेउङ् हिट्‌नागा सोब्‍बेङा आनि काहिङ्‌मेप्‍बा डाङ्‌बा माङ्‌हाङ्‌ङाना खाबोर खेम्‍माना निङ्‌ग्‍वा याप्‌मिचिगा ओचोगुबिडुचियाक्॥

फिलेमोन 1:5

पोङ्‌भोने टाङ्‌बा येसुङि काबिस्‍वास हिट्‌नुङ् खान्‍ङा सोब्‍बे बिस्‍वासि याप्‌मिचि माया आचोगुचिगा रिङ् आङा खेम्‍सुएट्‌टुङ्॥

याकुब 3:18

हिट्‌नुङ् हाङ्‌हाङ् काउग्‍बाङा हाङ्‌हाङ्‌ङाना लालिक् हिसुटु, हिट्‌नुङ् माङ्‌हाङ् ओटोकानाङि जे नुना हिट्‌ना टोॽवाङाना उसा छुम्‍सुटु॥

२ पाटरुस 3:11

नागा सोब्‍बे रिङ् जाखाम् उलियुक् नुङ् ठाहा आटोगुमुङ् खानिङा आचोगुम्‍गा ख्‍वाप्‍पा थोक्‌ङि सोजो हिट्‌नुङ् माङ्‌हाङ् हारका चोक्‍माना रिङ्‌ङि निङ्‌ग्‍वा पिमा कोन्‌युक् नुङ् मिट्‌टानुम्॥

२ पाटरुस 3:14

नाड्‌डेउङ् मायालु आसाइबाचि, खानि नागा रिङ् उलियुक् नुङ् आहाङ्‌सेट्‌टुम्‍नाँ, उन्‍ङाना ओटोकानाङि खानि सेङ्‌सेङ्, ओखायोप् माले हिट्‌नुङ् उन्‌लोक् हाङ्‌हाङ्‌ङि युङ्‌मा बोल् चोगानि॥

याहुदा 1:3

मायालु साइबाचि, आनि सोब्‍बेङा टोगुम्‍ना मुक्‌टिङाना बारेङि खानिलाउङ्‌सा छेप्‍मा औधि डोक् निङ्‌ग्‍वाङि मिट्‌टाङे, टरो माङ्‌हाङ्‌ङा ओयाप्‌मिचि सोरोक् लाउङ्‌सा पिडुचिगा बिस्‍वास नुलोक् कुप्‍टानुमुङ् युङ्‌सानुम् नुङ् ना रिङ् छेप्‍मा डोक् कोन्‌युक् नुङ् मिट्‌टाङे॥