फिलिप्‌पि 1:25 - आठपहरिया

²⁵ टरो खानि ख्‍वाप्‍पा लाउङ्‌सा आझै आङा चाहाब् लिसाङ्‌ना रिङ् आङा ठाहा टोगुङ्‌टुङ्॥ हिट्‌डेउङ् खानिङा आचोगुम्‍ना बिस्‍वासङि खानि बोल्‍लेउ चोक्‍मा हिट्‌नुङ् खानि बिस्‍वासङि खुसि लिमा घुवार फामा आङा युङ्‌मा कोन्‌युक् नुङ् आङा छेम्‍बा डोक् ठाहा टोगुङ्‌टुङ्॥

फिलिप्‌पि 1:25 Cross References

लुका 22:32

टरो खान् आङि बिस्‍वासि लिसा नुङ् खान् लोङ्‌सा माङ्‌हाङ्‌ङा घुवार माफायाक् नुङ् आङा बिन्‌टि चोगुएसुङे॥ हिट्‌नुङ् जब खान् काएल्-काबु आलियुङ् आङालेङ् आनोक्‌युक्, टब काटाक्‌चि चा बिस्‍वास्‌ङि बोल्‍लेउ लिमा लोङ्‌सा घुवार फाडुचि॥”

मुलिचेला टोॽवा 11:23

बारनाबास एन्‌टिओखियाङि टासुनाँ माङ्‌हाङ्‌ङा हिट्‌निगा याप्‌मिचि दाया चोगुचिगा निसुङ् उन्‍ङाना आड्‌डिक् डोक् ओचाप् टाए॥ हिट्‌नुङ् उन्‍ङा “खानि निङ्‌ग्‍वालाम्‍मा डोक् टाङ्‌बाङि बिस्‍वासि लिसायाक्‍टानि” पिक्‍सा हिट्‌नागा आँट् पिडुचे॥

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

मुलिचेला टोॽवा 20:25

“हाट्‌ले खेम्‍सानुम्, माङ्‌हाङ् उमुलुक् खानि सोब्‍बेलोङ्‌सा आङा पारचार चोक्‍सा वासाङे, खानिङा फेरि आङा खोना बेला चा आटुबिन्‍नागा नुङ् आङा ठाहा टोगुएसुङे॥

रोमि 15:13

खानि आसा कापिबा माङ्‌हाङ्‌ङा खानि निङ्‌ग्‍वाङि आड्‌डिक् आनान्‍दा हिट्‌नुङ् हाङ्‌हाङ् मापिडियाक् नुङ् आङा बिन्‌टि चोगुङ्‌टुङ्, पोङ्‌भोने खानिङा उन्‌ङि बिस्‍वास आचोगुएसुम्‍मे॥ नाड्‌डेउङ् सेङ्‌सेङ्‌ना हाङ्‌साङाना साक्‌तिलाम्‍मा खानिङि लिसाना आसा पोसा पोसा खाट्‌युक्॥

रोमि 15:18

आङा पारचार चोगुङ्‌ना रिङ् हिट्‌नुङ् खिरिस्‍टङा आङालाम्‍मा चोगुना टोॽवाङाना कारानङा पानिछोङ्‌बाचिङा माङ्‌हाङ्‌ङि बिस्‍वास ओचोगुए हिट्‌नुङ् माङ्‌हाङ् उनिङ्‌ग्‍वा गाड्‌डे ओचोगुए॥ हाट्‌ले आङा ना रिङ् नुङ्‌ना माले आरु याप्‍मा रिङ् माट्‌टुङुङ् ठेलोक् लिमा आँट् चोक्‌निङ्‌ना,

रोमि 15:29

आङा खानि सोरि आप्‍ङानाँ खिरिस्‍टङा आनि माङ्‌जोम् आसिक् आपियुक् नुङ् आङा ठाहा टोगुङ्‌टुङ्॥

रोमि 5:2

येसु खिरिस्‍टङि आनि बिस्‍वास चोगुम्‍नाङा माङ्‌हाङ्‌ङा उन्‍ङाना मायादाया आनि आनिमेट्‌टेसे, हिट्‌डेउङ् हाट्‌ले आनि टोगुम्‍ना माङ्‌हाङ्‌ङाना मायादाया ठाहा टोगुम्‍टुम्॥ हिट्‌नुङ् आन्‍याँ निङ्‌ग्‍वाङि डोक् खुसि लिसिटिङा, पोङ्‌भोने माङ्‌हाङ्‌ङा उन्‍ङाना माहिमाङि आनि साहाभागि आचोक्‌युक् नुङ् आनि आसा चोगुम्‍टुम्॥

२ कोरिन्‌थि 1:24

खानिङा आचोगुम्‍ना बिस्‍वासङि आन्‍याँ सासान् चोक्‍मा कोलुम्‍माना माखाक्, टरो खानि चाप् लाउङ्‌सा डोक् खानिलोक् ओटोक्‍माङ् टोॽवा चोगुम्‍टुम्‍मा, पोङ्‌भोने बिस्‍वासङि खानि बोल्‍लेउ आवासेट्‌टि॥

फिलिप्‌पि 1:24

टरो खानि लाउङ्‌सा भोने आङा उहिङ्‌ग्‍वाट् युङ्‌मा डोक् ओचेट्‌नु लियुक्॥

फिलिप्‌पि 2:24

हिट्‌नुङ् आङा एला डोक् खाम्‍बाङ्‌लाम्‍मा होन्‍नाँ नुङ् टाङ्‌बाङि बिस्‍वास चोगुङ्‌टुङ्, हिट्‌नुङ् खानि टुब्‍माउङ्‌सा आङा एला डोक् आप्‍मा हिङा॥

फिलेमोन 1:22

हिट्‌नुङ् आरको रिङ् चा युङ्‌ग्‍वा, आङा लाउङ्‌सा चा बास हेम्‍माना ठोङ् याङ्‌टोङ्‌साबिडा, पोङ्‌भोने खानिङा आचोगुम्‍ना बिन्‌टिङा आङा चा खानि सोरि आप्‍मा उहिङा नुङ् आसा चोगुएसुङे॥

१ पाटरुस 1:8

खानिङा उन् आनिनिम्‍गेट्‌निम् हिट्‌नुङ् चा माया आचोगुम्‍टुम्॥ हिट्‌नुङ् उन् हाट्‌ले आनिनिम्‍चा उन्‌ङि बिस्‍वास आचोगुम्‍टुम्॥ हिट्‌नुङ् माप्‍मा डोक् हिनिम्‍ना ठेना हारकाङा खानि निङ्‌ग्‍वा इप्‍टुएसुए॥