फिलिप्‌पि 1:20 - आठपहरिया

²⁰ आङा खोना बेला चा मोम्‍मासिमा उलिनिङ् चा नुङ् आङाना आड्‌डिक् आनिङ्‌ग्‍वा हिट्‌नुङ् आसा युङ्‌ग्‍वा, टरो आङा पाइले चोगुङ् गाड्‌डे डोक् मिकेट्‌ङे खिरिस्‍टङाना बारेङि चेक्‍मा कोन्‍ङा॥ हिट्‌नुङ् आङा सिङा चा, हिङ्‌ङा चा आचोलालाम्‍मा खिरिस्‍टङाना मान् चोगुङ्‌टुङ् नुङ् आङा भोरोसा युङ्‌सुङ्‌टुङ्॥

फिलिप्‌पि 1:20 Cross References

युहान्‍ना 21:19

(पाटरुसङा माङ्‌हाङ्‌ङाना माहिमा चोक्‍मा खोड्‌डेउङ् सिमा कोन्‌युक्‍ना नुङ् येसुङा ना रिङ् माट्‌टुना डाना॥) हिट्‌नुङ् येसुङा पाटरुस लोडुए, “खान् आएङ् लाहाब् लिसा॥”

मुलिचेला टोॽवा 20:24

ना आचोला आङालोङ्‌सा पाक्‍चा ठानाँ चोक्‌निङ्‌ना॥ ना आचोलाङि येसु डाङ्‌बाङा याङ्‌पिडाना टोॽवा चोक्‍मा हिमा हिट्‌नुङ् माङ्‌हाङ्‌ङाना दायाङाना नुना खाबोर पारचार चोक्‍मा नुङ् आरु पाक्‍चा चोक्‍मा आनिङ्‌ग्‍वाङि मिट्‌निङ्‌ना॥

मुलिचेला टोॽवा 21:13

टरो पावालङा माट्‌टुए, “खानि आहाबिउङ् पोङ् आनिङ्‌ग्‍वा आटुक्‍मेट्‌टुम्‍टुम्‍ना? पोङ्‌भोने टाङ्‌बा येसु उनिङ् लोङ्‌सा आङा खाम्‍बाङ्‌ङि ठामा एरोक् माखाक्, टरो यरुसलेमङि सिमा चा टेयार लिङा॥”

मुलिचेला टोॽवा 4:31

हिट्‌नागा बिन्‌टि चोक्‍मा उहिडाउङ् उन्‌चि उछुमाउङ् उयुङाना डेन् वान्‍डे॥ हिट्‌नुङ् हिट्‌नागा ख्‍वाप्‍पा सेङ्‌सेङ्‌ना हाङ्‌साङा इप्‍टुचे, हिट्‌नुङ् माङ्‌हाङ्‌ङाना रिङ् मिकिट्‌ङे चेक्‍मा ठालाँ ओचोगुए॥

रोमि 12:1

हिट्‌डेउङ् आम्‍बु-आन्‍झाचि हिट्‌नुङ् आनो-आन्‍झोचि, माङ्‌हाङ्‌ङा आनि आड्‌डिक् दाया आचोगानाँ खानि आप्‍पेलाउङ्‌सा सेङ्‌सेङ्‌ना हिट्‌नुङ् माङ्‌हाङ्‌ङाना उनिङ्‌ग्‍वा टासुना उहिङ्‌ग्‍वाट् भोक् ठाङ्‌सानुम् नुङ् आङा खानि लोनाँनि॥ पोङ्‌भोने खानिङा माङ्‌हाङ् सेवा चोक्‍मा कोन्‍ना छेम्‍बाना पाराम्‍बाक् ना डोक्॥

रोमि 5:5

हिट्‌नुङ् आनि चोगुम्‍ना आसाङा निरासा आचोक्‌निना, पोङ्‌भोने माङ्‌हाङ्‌ङा आनि औधि माया आचोक्‍ना रिङ् उन्‍ङा आपिडाना सेङ्‌सेङ्‌ना हाङ्‌सालाम्‍मा आनि ठाहा टोगुम्‍टुम्॥

रोमि 6:13

खानि येम्‌ङिना खोना चा आङ्‌गाचि पाप चोक्‍मा हिट्‌नुङ् ओभेन्‍गा टोॽवा चोक्‍मा पिनेनुम्॥ टरो खानि आप्‍पेलाउङ्‌सा माङ्‌हाङ्‌ङि पिडानुम्, पोङ्‌भोने खानि आसिइगा याप्‌मिचि गाड्‌डेगा डोक् आवासेट्‌टिगा टरो हाट्‌ले खानिङा ओछोङ्‌ग्‍वाट् चोला आटोगुएसुम्‍मे॥ हिट्‌डेउङ् खानि आङ्‌गाचि ओचेट्‌नुना टोॽवा चोक्‍माउङ्‌सा माङ्‌हाङ् पिडानुम्॥

रोमि 6:19

आङा खानिङा बुजा चोक्‍मा आहिडुम्‍ना रिङ्‌ङि डोक् डाङ्‌बा लोक् चाकारङाना बारेङि माट्‌टुएट्‌टुङ्॥ पाइले खानिङा खानि येम् ओचाफेन्‍गा टोॽवा चोक्‍मा चाकार गाड्‌डे डोक् ओभेन्‍गा रिङ् लाउङ्‌सा आपिडुम्‍मे॥ हाट्‌ले खानि चोला माङ्‌हाङ्‌ङाना ओनाभाक्‌ङि ओचेट्‌नुना टोॽवा चोक्‍मा चाकार गाड्‌डे डोक् पिडानुम्, हिड्‌डेउङ् खानि चोला चा सेङ्‌सेङ् लियुक्॥

रोमि 8:19

माङ्‌हाङ्‌ङा सिरिस्‌टि चोगुगा ख्‍वाप्‍पा थोक्‍ङा खोना बेला ओछालेट्‌चि उन्‍ङा पारकाट् चोगुचिचिगा नुङ् आड्‌डिक् निङ्‌ग्‍वा ओचोगुङ् ओहाङ्‌सुएट्‌टु॥

रोमि 9:33

ना लुङ्‌गेॽवा बारेङि धारमाछाप्‍लाङि पाइले डोक् नाड्‌डे छेप्‍टेसाना– “खेम्‍सानुम्, आङा सियोन झोन्‍झोबोङि ठिक् लिङ्‌गेॽवा युङ्‌सुङ्‌टुङ्, हिट्‌ना लुङ्‌गेॽवाङि याप्‍मा याप्‌मिचि ओटोक्‌युङ् ओकोयुक्, टरो जुन्‍ङा हिट्‌ना लुङ्‌गेॽवाङि बिस्‍वास ओचोगुटु हिट्‌नागा खोना बेला चा मोन्‌डिसिइना रिङ्‌ङि ओठानिगा॥”

१ कोरिन्‌थि 15:31

आम्‍भु-आन्‍झाचि हिट्‌नुङ् आनो-आन्‍झाचि, छेम्‍बा डोक् आङा खानि लोनाँनि, “आङा लेन्‍सेन् सिमा कोन्‍ना रिङ् आङ्‌डुएट्‌टुङ्॥” खानिङा टाङ्‌बा येसु खिरिस्‍टङि बिस्‍वास आचोगुम्‍ना रिङ्‌ङा आङाना आड्‌डिक् आचाप् टायाना रिङ् माङ्‌हाङ्‌ङा ठाहा टोगुटु॥ हिट्‌नुङ् हिट्‌डेडोक्, नाहि आङाना दुखे सोरोक् आड्‌डिक् टुक्‍ना रिङ् छेम्‍बा डोक् नुङ् उन्‍ङा ठाहा टोगुटु॥

१ कोरिन्‌थि 6:20

पोङ्‌भोने माङ्‌हाङ्‌ङा याप्‍मा मुल्‍ले हुङुङ् खानि माइनिगा॥ नाड्‌डेउङ् खानिङा खानि येम्‌ङा माङ्‌हाङ् मान् चोगानुम्॥

१ कोरिन्‌थि 7:34

हिट्‌नुङ् नाड्‌डेना याप्‌मिङाना उनिङ्‌ग्‍वा इप्‍पोक् रिङ्‌ङि लियुक्॥ भ्‍या लिनिगेएट्‌निना मेच्‍छेमाङा ओयेम् हिट्‌नुङ् ओहाङ्‌साङा डोक् टाङ्‌बाङाना सेवा चोक्‍माना नुङ् उनिङ्‌ग्‍वा पिडुटु, टरो भ्‍या लिसाना मेच्‍छेमाङाम्‍बाक् ओयेम्‍बेछा खोड्‌डेउङ् खुसि चोक्‍माना नुङ् नाराङिगा थोक्‌ङि उनिङ्‌ग्‍वा पिडुटु॥

२ कोरिन्‌थि 10:8

टाङ्‌बाङा आन्‍याँ ना आधिकार याप्‌मिपिडाना बारेङि माट्‌टुङ्‌ना आड्‌डिक् घामान्‌डि चोगाङे भोने चा आङा मोन्‌निङ्‌सिनिङ्‌ना, पोङ्‌भोने ना आधिकार खानि बिस्‍वास छाकाछिल्‍ला चोक्‍मा माखाक्, टरो बिस्‍वासङि खानि बोल्‍लेउ चोक्‍माउङ्‌सा ए॥

२ कोरिन्‌थि 3:12

नाड्‌डेउङ् आन्‍याँना नाड्‌डेना आसा लिसानाँ आन्‍याँ औधि आँटि लिसेसिङे॥

२ कोरिन्‌थि 4:10

येसुङाना ओचोला आन्‍याँ येम्‌ङि चा पारकाट् उलियाक् नुङ् उन्‍ङा याङ्‌छामा आङ्‌डु गाड्‌डे हिट्‌नुङ् उसिमा लेन्‍सेन् आन्‍याँना येम्‌ङि आङ्‌डेट्‌टुम्‍मा॥

२ कोरिन्‌थि 5:15

हिट्‌नुङ् खिरिस्‍ट आनि सोब्‍बे लोङ्‌सा सिए॥ हाट्‌ले साक् आप्‍पे लाउङ्‌सा हिङ्‌युक्‍ना हिट्‌ना हाट्‌लेउङ् आप्‍पे लाउङ्‌सा माखाक्, टरो आनि सोब्‍बे लाउङ्‌सा सियाना हिट्‌नुङ् उहिङ्‌ग्‍वाट् लिसा कोबाना लोङ्‌सा हिङ्‌मा कोन्‌युक्॥

२ कोरिन्‌थि 7:14

हिट्‌नुङ् आङा खानिलोक् आचाप् टायाना रिङ् तितास लोडुङ्‌ना डाना, हिट्‌नुङ् ना रिङ्‌ङा आङा मोम्‍मासिमा लिनेट्‌निङ्॥ आन्‍याँ खानि सोब्‍बे रिङ् सोरोक् छेम्‍बा लोनानि गाड्‌डे डोक् तितास चा खानि बारेङि लोडुम्‍माना ओचेट्‌नुना रिङ् छेम्‍बा डोक् ठाराँ लिसे॥

२ कोरिन्‌थि 7:4

खानिङि आङा ठेना भोर युङ्‌सुएसुङे, हिट्‌नुङ् खानिङि डोक् आङा आड्‌डिक् आनाभुक् ठेलोक् चोगुङ्‌टुङ्॥ आनिना ख्‍वाप्‍पा याङ्‌छामाङि चा आनिङ्‌ग्‍वा बोल्‍लेउ लिसेसे हिट्‌नुङ् आड्‌डिक् हारका लिसेसाङे॥

फिलिप्‌पि 1:14

हिट्‌नुङ् आङा खाम्‍बाङ्‌ङि ठायाङ्‌नाँ याप्‍मालेङ् बिस्‍वासि भुम्‍भु-झान्‍झाचि टाङ्‌बाङा आँटि चोगुएसुचे, हिट्‌नुङ् माङ्‌हाङ्‌ङाना रिङ् आँटिलो उलिसाउङ् पारचार ओचोगुएट्‌टु॥

फिलिप्‌पि 2:17

आङालोक् खानि ठिक् रिङ् लोमाना रिङ् युङ्‌ग्‍वा॥ हाट्‌ले माङ्‌हाङ्‌ङि भोक् ठाङ्‌माना याप्‌मिचिलोक् जिवाट् युङ्‌ग्‍वा भोने, हिट्‌नागालोक् आङ्‌गुर ओमोॽवा चा युङ्‌ग्‍वा हिट्‌नागाँ हिट्‌ना भोक्‌ङाना रुपङि ओठाङ्‌सुटु॥ छेम्‍बा डोक्, खानि बिस्‍वास चा माङ्‌हाङ्‌ङि आठाङ्‌सुम्‍ना हिट्‌ना भोक् गाड्‌डेना डोक् ए॥ हिट्‌नुङ् याप्‌मिचिङा आङा सेप्‍मा चा उहिङा, हिट्‌डेउङ् आचोलाम्‍बाक् माङ्‌हाङ्‌लाउङ्‌सा ठाङ्‌बालाक् आङ्‌गुर ओमोॽवालोक् टोङ्‌मा हिडुङ्‌टुङ्॥ हिट्‌नुङ् आङा खानिलोक् एक्‍केउ आनान्‍दा चोक्‍ङा॥

कालास्‌सि 1:24

ना बेला आङा खानि ओचेट्‌नुना लाउङ्‌सा याङ्‌छामा आङ्‌मा हारका लिसाइसाङे॥ हिट्‌नुङ् खिरिस्‍टङा याङ्‌छामा आङ्‌डु गाड्‌डे डोक् खिरिस्‍टङाना ओयेम् लाउङ्‌सा उन्‍ङा आङ्‌मा बाँकि उलिसागा याङ्‌छामा आयेम्‌ङि आङ्‌डुङ्‌टुङ्, हिट्‌नाम्‍बाक् माङ्‌पाङ् ए॥

१ थेसालोनिकि 5:23

सान्‌ति कापिबा माङ्‌हाङ् आप्‍पेङा खानि सोब्‍बे पारिक्‌ङि चोखो माचोग्‌याक्, हिट्‌नुङ् आनि टाङ्‌बा येसु खिरिस्‍ट मिउङ्‌ङे सोम्‍मा खानि हाङ्‌सा, सोक्‍मा हिट्‌नुङ् येम् फाट्‌टुर मालेना उलियाक्॥

१ पाटरुस 4:16

टरो कोइङा खिरिस्‌टियान लिसानाँ याङ्‌छामा आङ्‌डुटु भोने हिट्‌ना ओमोन्‌निसिन्‍याक्॥ टरो हिट्‌ना निङ्‌ङि माङ्‌हाङ् उनिङ् टो-टो ओचोन्‍डुवाक्॥

१ युहान्‍ना 2:28

हिट्‌नुङ् खानि आइछाचि गाड्‌डेगा, उन्‌ङि लिसायाक्‍टानि, हिट्‌डेउङ् उन् ठेट्‌ना बेला आनि आँट् टोगुम्‍टुम्, हिट्‌नुङ् उन् उङ्‌ना लेम्‍बा उन् सोरि आनि मोम्‍मासिमा कोन्‌निना॥